السلام عليكم
عجينة اليوم سهله بعد هي عجينة تستخدم للعجاين واليوم راح نسوي منها البيتزا واشياء اخرى .....
المقادير :
3 كاسات طحين جميع الاستعمالات ( كأس جبن صغير )
كاس ماء دافئ بحرارة الغرفة ويكون ماء حلو مو مالح
ملعقة طعام خميرة (الملعقة العادية للاكل)
ملعقة طعام حليب بودرة
ملعقتين زبادي
رشة ملح قرابة ربع ملعقة شاي (ملعقة الشاي الصغيرة)
فنجان زيت( فنجان قهوة)
نصف فنجان سكر
الطريقة :
نحط الماء الدافئ مع السكر ونذوبه ونضيف له الخميره ونذوبها زين ونخليه على جنب
نحط الطحين في العجانه ونضيف له اليت ونخلطه شوي وبعدها رشة الملح وحليب البودرة والزبادي ونخلط
اثناء الخلط نصب الماء الدافئ اللي سويناه من قبل مع السكر والخميرة ونستمر في العجن لمدة 6 دقائق متواصله لحد مانتوصل لعجينه ملساء ناعمه مطاطية
والمقادير هذي مضبوطه ماراح تحتاجي الى زيادة الطحين يعني اذا حسيتي العجينه تلزق خليها تعجن الفترة اللي خبرتج فيها وراح تشوفيها جاهزة
ساعتها شيليها من العجانه واعجينها بيدج (شوفي ذي الصورة قبل لا اعجنها بيدي )
بعد العجن باليد
وخليها ترتاح وتتخمر لمدة ساعة (شوفي الفرق بين العجينه قبل وبعد التخمير)
وبعدها اخذي جزء منها وافرديها وخليها رفيعه عشان نسوي منها بيتزا شوفي الصور كيف هي السمك الخاصة بفرد العحينه للبيتزا
السبب : ان العجينه بنغطيها ونخليها ترتاح شوي وراح تنتفخ معانا عشان كذا نفردها شوي ارفع (شوفي الصور )
بعد مانفردي العجين حطيها في صينية وادهنيها بصفار بيضه واحده مع ملعقة يت وملعقة حليب سائل مخفوقين عشان اللمعه وحطي عليها الصلصة الحمرا والجبن (ملاحظة انا سوست بيزا على جبن فقط )
وغطيها وخليها ترتاح شوي
شوفي كيف انتفخت شوي لما خليناها ترتاح
وشوفي السمك كيف صار ولاتقولي سميك جدا لان اثناء الخبز راح يصير طبيعي ويهفت شوي فخليه ولاتخافي
وذه شكلها بعد ماطلعتها وطبعا تحطيها بعد ماتسخني الفرن على حرارة متوسطه بالرف الوسطي من تحت وبعدين تطفي عليها وتولعي عليها من فوق تتحمر شوي وخلاص
وهذي اول قطعه لاختي حبيبتي ههههههه
وباقي العجينه سويت منها كرواسون ودونت دوائر بس مو حلو سويته مالح يعني راح ناكله مع جبن وتقدري انتي ترشي عليه شيرة وتسويه حلو بس انا الدونت احبه مقلي مو بالفرن يكون احلى
وهذي فتحت وحده شوفوها كيف من جوه كانها قطن هشه وحلوة وناعمه وطبعا محشية جبن كيري
ان شاء الله تطلع الصور واسفة خواتي
وياريت مشرفة القسم تعدل الموضوع في بداية الصفحه واكون شاكره لكم
والف شكر لكن جميعا واعذروني عالتقصير :o
رد مع اقتباس
