صفحة 1 من 4 1234 الأخيرةالأخيرة
النتائج 1 إلى 15 من 47

الموضوع: خاص لكل مهمومه تعالي ان شاءالله بتطلعين وانتي مرتاحه

  1. #1
    عروس متميزة الصورة الرمزية مهاا والحلا لهاا
    تاريخ التسجيل
    07/09/2007
    الدولة
    ..~ تحت ضوء القمر ، فـ/نور الصبآح يخجلني ....~
    المشاركات
    6,828

    خاص لكل مهمومه تعالي ان شاءالله بتطلعين وانتي مرتاحه

    كلام روووووعه ورهييييييييييييب والله قريته كامل وودي انه ما يخلص فعلا اشياء كثيره غافلين عنها اقرووه يآبنآت ماراح تندموون ...




    ~ محد بالدنيا يستاهل !!

    ولا شي بالدنيا يستاهل
    الدنيا ماتساوي جناح بعوضه
    انتي ومشاكلك واحزانك وافراحك وبلاويييييك كله ما يساوي جناح بعوضه

    محد يستاهل اصيح عشانه ولحد يستاهل احزن عشانه واوقف حياتي لعيونه
    الدنيا ياجماعه فاانيه
    فانيه
    فانيه

    يعني بيوم من الأيام بموت وبيحطوني بالقبر
    وبنسأل
    وش بقول
    وش بقول ؟؟
    انت يارب بليتني وانا كانت عندي بلاوي عشان كذا ماطعتك
    يارب كانت عندي مشاكل وتعطلت حياتي وقعدت مثل الغبية اصيح عليها
    ياجماعه الدنيا تمشي
    وإذا في توقف
    فهو احنا اللي واقفين
    القي كل همومك ورا ظهرك وخلي شعارك
    محد بالدنيا يستاهل
    لا أهل ولوجفوك
    ولا زوج بهذلك
    ولا صديقه جفت فيك
    ولا حقير حرق قلبك
    الدنيا عندالله جناح بعوضه بس
    يعني حتى مو بعوضه
    حقيييره ياجماعه

    احتسبي كل بلاء عند رب العالمين
    واحمدي ربك على كل نعمه انتي عايشتها
    حنا في نعمه والله مو حاسين



    الناس ..!!

    الناس عامليهم بذوق وإسلوب .. وزي ما علمتك امك من يومك صغيره
    سوي خير .. سوي خيييير ولا تنتظرين رد من احد
    اواعتبار من احد .. اذا بتسوينه سويه لنفسك .. لك إنتي عشان تعيشين مرتاحه
    ما تنامين وتقولين زعلت فلانه وظايقت فلانه
    وترا الدنيا دواره كما تدين تدان .. ربي ما ينسى ظلم !!

    طنشي طنشي طنشي ..!!

    فلانه تحش فيك فلانه تتكلم فلانه ما تحبك ..!!
    خليها حلالها .. هو احسن بعد خففت علي ذنوبي .. وعطتني من حسناتها

    تعلمي التطنيش والبرود وتوقعي انك تنصدمين .. وكل ما انصدمتي بأحد كل ماصرتي اقوى
    كل ما صارت تجاربك وخبرتك الاجتماعيه أحسن وأحسن ..

    رمت عليك كلمه .. عادي ولا كأني سمعت .. ان دل يدل على قلة ذوقها وتهذيبها ..

    كشرت بوجهك .. ابتسمي !!

    واذا رفعت صوتها .. وطي صوتك .. !

    واذا اتجنبتك .. تجاهلي وجودها ...

    "وترا ما طاح من النجوم اخف للسمـا "


    دموعك !!

    دموعك ومشاعرك تراها اهم واغلى شي عندنا احنا البنات وهي الي تتحكم بنفسيتنا وأفعالنا..
    حبي نفسك حبي نفسك حبي نفسك ودلعيها ..!! عشان تعيشين مرتاحه...
    خلي قلبك لك .. لا صديقه ولا قريبه ولا اي احد يستاهله.. حبي الناس بعقلك مو بقلبك عشان ترتاحين بحياتك ..

    نحبهم !! ليش نحبهم في الاخير الي يبكونا وهم مصدر تعاستنا وحزننـا !!

    لاتبكين على احد..!!

    ابداً ابداً مين ما كان ..!!
    صدقيني لو كانوا يستاهلون كان ما خلوك تبكين ولاتحزنين ولا تتظايقين ..
    ولا خلوا مجال دمعه وحده تنزل من عينك


    العافيــه !!
    كافي انك تمشين وتحركين ايدينك ورجلينك
    مافكرتي يوم تقولين الحمدلله !!
    يارب اني أمشي مش أتسحب من كرسي لسرير وأشوف نظرات الشفقه تحرقني
    احمدي ربك على كل نعمه انتي فيها .. الحمدلله !!

    المال ..!
    تاكلين تشربين تشترين تتسوقين تلعبين بالفلوس بيدينك ورجلينك عايشه بأمن وأمان
    وتقولين يارب وش هالدنيا الغثا
    فلانه ضيقت صدري وعلانه سوت
    وواختي سببت لي مشكله ولا أمي ولا أبوي
    أنا ما أبي الدنيا كرهت العالم ابي اموت !


    مره وانا في السوق واحد وأمه اشكالهم جدن مبهذله وواقفين عند محل سينبون
    ويطالعون بالحلى الي عارضينه وبس يتفرجون وطولوا وهم بسيطالعون فيه .. طلع الولد كل الي معاه والام طلعت الي معها
    كله على بعضه ما جا 4 ريال !!!
    تخيوا سأل الولد الي يبيع اذا فيه شي من السينبون الي عارضينه بأربع ريال قاله لاء يا دوب تشتري فيهم مويه
    شفت في عينه نظرة انكسار وبوؤس مو طبيعيه لا هو ولاامه
    شي يبكي ويعور القلب!!

    احمدي ربك عشان ما يسلب نعمته عنك
    وصلي لك ركعتين عشان ربي يرحمك
    ويرفع عنك ضره

    احمدي ربك على العافيه والله يابنات اني كنت يوم من الأيام ضااايق صدري من موقف صار لي مع استاذة في الجامعه
    وأنا أمشي كارهه الدنيا
    وكان في قدامي ثنتين أشوفهم يتكلمون بس اللي لاحظته إن حركة إيدينهم كثيره ومو طبيعية !!
    يوم قربت اكتشفت إنهم
    ثنتينهم

    صم وبكم !!



    ما يتكلمون


    بنات صغار عمرهم اقل من عشرين والدنيا قدامهم مايتكلمون
    محد يفهملهم
    والله اني استحقرت همي ونفسي


    قلت يارب انت انعمت علي انا كل يوم اتكلم مع أهلي
    هم لأ !

    أنا إذا بغيت أصرخ صرخت
    هم لأ !!

    أنا أسولف مع صاحباتي والناس أضحك أبكي أنكت أتعرف على كل الناس أتكلم مع أمي أبوي
    هـم لاء !! =(

    كل يوم لساني أحركه مليون مره وما عمري قلت الحمدلله ياربي إني أتكلم
    إيش كنت أقول
    أنا ضايقه ولحد يكلمني
    مالي خلقكم
    ولحد حاس فيني

    والله ولا شي ولا احد بالدنيا يستـــاهل همي !!

    إذا عندك هم صلي ركعتين واطلبي ربك يفرجها
    لاتذلين نفسك لخلقه
    ترى كلهم ضعاف
    ما راح يسوون لك شي
    واحتسبي الأجر
    احمدي ربك حتى على البلاء
    ان ربي بيكفر لك به ذنوبك
    اللي يشوف أهل البلاء يوم القيامه يتمنى ان جسده قرض بالمقاريظ
    حنا المرض الخفيف ما نتحمله
    احمدي ربك على كل بلاء
    لأنه خير والله لك
    وانتي اللي في النهايه بتلاقينه حسنات

    ولأن الدنيا ماااشيه
    وبتنتهي بيوم من الأيام

    ومرح تبقى كل النعم الليال يوم انتي تطولينها
    مرح يبقى إلا عملك

    حنا ياجماعه همومنا موقفتنا عن كل شي
    ماعندنا غير نندب حظنا
    وعملنا
    ودينا
    ماسوينا شي
    ياجماعه أنصح نفسي قبلكم لأني الله يعلم بتقصيري !
    وقلة صبري ..!!
    وضعفي ..!!!

    نبي كل شي لنا وإذا نقصنا شي
    تركنا كل اللي عندنا وقعدنا ننوح طول حياتنا على الناقص

    إذا ارتفعت حرارتي ماتحملت وقعدت أصيح طول الليل

    وبلال كان يضرب بالصخرة العظيمه الحاره بصحراء مكه
    وهو يقول
    أحــــــــــــدٌأحــــــــــــــــد
    شنو له من الأجر عندالله

    ياجماعه فكروا بس وش سويتوا ؟

    وشو البلاء العظيم اللي مريتي فيه واللي بيكفر لك ذنوبك؟
    هذا طبعاً إذا احتسبتي الأجر وماكسبتي زيادة سيئات بالقنوط
    وسوء معاملتك لاهلك والناس !

    إنتي عندك مشكله مع زوجك؟
    بلاء في واحد من عيالك؟
    مشكله مع صديقه؟
    جفاء شخص تحبينه؟
    ابتلاء في أمك وخواتك؟
    عندك أب أو زوج أو أخ
    ظالم؟
    عندك ابن أو أخ هايت ضايع حارق لك قلبك؟
    مشكله مع زميلة دراسه-عمل؟
    حالتك المادية سيئه؟
    فيك مرض مزمن خطير؟

    أقول في كلا الأحوال احمدي ربك إنك مش في فلسطين ولاالعراق
    عرضك مستباح
    دمك مستباح
    تصبحين خايفه وتنامين تعدين عيالك قبل يفجعك الصبح الثاني
    بواحد منهم

    احمدي ربك إذا أصابك واحد من هالإبتلاءات إن ربي رفع عنك بقيتهم

    إذا أصبتي بالتهاب في الحلق فاحمدي الله أنك لم تصابي بسرطان في البلعوم

    وإذا أصبتي بمرض في القلب فاحمدي الله أنك لم تصابي بمرض القلوب الأعظم ( الكفر )

    وإذا أصبتي بمرض في عينيك فاحمدي الله أنك لم تصابي بالعمى

    حنا في نعمه
    ليه نجحدها؟
    ليه ننكرها؟

    ونخلي ربنا يسخط علينا

    ربي رحيم
    كريم
    يعطي ويداه مبسوطتان
    وحنا
    نشكي لفلان وعلان
    محد بينفعك
    وإن نفعوك فإن ربي هو اللي يسّر لهم !

    في الثلث الأخير من الليل كل يوم ربي ينزل للسما الدنيا ويقول
    هل من داع فأستجيب له
    كل يوم ياجماعه
    كل يوم
    وحنا كل يوم
    وش نسوي !
    فكري بجد
    قاعده على النت
    ولا تسولفين مع صاحباتك عالمسن !
    ولاتلفزون ولا فيلم ..
    ولا نااااايمه
    وربك العظيم جل جلاله نازل "نزولاً يليق بجلال عرشه وعظيم سلطانه "
    يسمع مطالب عبده
    ربي مايرد إيدينك إن رفعتيها
    ربك كريم
    عندك مشكله
    هو ملاذك
    اشكيلــــه
    كل شي
    مشاكلك الكبيره والصغيره
    الصحابه كانو يسألون الله حتى في شراك النعل !!

    وربي إن ما أجاب دعوتك ألحين
    بيثيبك على دعاؤك
    وبتاخذين أجر من إيش؟ مجرد سؤال
    وبيبرد على قلبك

    ربي ما بلاك إلا لأنه يحبك
    ربك قدير يقدر يبلي فلان من الناس وفلان
    لكن
    اختارك انت

    ليه؟

    يبي ينكد حياتك؟
    لاوالله لأنه يحبك
    ربك يحبك

    في أحلى شعور من هذا =') !!

    بلاءك مايزيد من ملكه شي سبحانه
    ولا ينفعه بشئ
    ينفعك انت

    ربك يحبك
    يبي يجمع لك رصيد
    تلقاه بعدين

    ربك هو الذي بلاك ماتستحي تشكي لغيره؟
    وتعصيه وهو أكرمك بابتلائه؟

    أسأل الله أن يرفع عن كل قارئ كربه ويفرج له كل ضيقه ويفتح على قلبه ويهديه وييسر أمره ويكشف ضره إنه سميع سبحانه مجيب الدعاء


    إن رباً كفاك ماكان بالأمس
    سيكفيك في غدٍ ما يكون





    كلمـــــات أكــــثر من رااااائـــــعه

    أتمنى تعجبكم مثل ماعجبتنـي





    سبحانك اللهم وبحمدك اشهد أن لا إله إلا أنت أستغفرك وأتوب إليك

  2. #2
    عروس نشيطة الصورة الرمزية ياهاجسي
    تاريخ التسجيل
    20/01/2009
    الدولة
    البحرين ][صدري سما وإحساسي طير][
    المشاركات
    106
    كلمات جدا مؤثرة ،، والصراحه بكتني .. يعطيج العافيه اختي والله يرحمنا جميعا ..

  3. #3
    عروس متميزة الصورة الرمزية مهاا والحلا لهاا
    تاريخ التسجيل
    07/09/2007
    الدولة
    ..~ تحت ضوء القمر ، فـ/نور الصبآح يخجلني ....~
    المشاركات
    6,828
    يآهآجسي

    عسى عيونك ماتحرقها النار ,,, مشكوره غلاتي ع المرور


    يارب لاتجعل الدنيا آكبر همنا



    ~ استغفرالله العظيم وأتوب إليه ~

  4. #4
    عروس متألقة
    تاريخ التسجيل
    01/03/2010
    الدولة
    في ارض الله
    المشاركات
    260
    فضيييييييييييييعه يا مها , صدق ان الحلا فيك , عن جد رووووووووووووووووعه هالكلمات ,حاولت اقيمك بس ما ينفع لازم اقيم ناس ثانيين , بس برجعلك بعدين اقيمك يا عسل , وشكرا ابتدعتي والله يسعدك ويوفقك دنيا واخره حبوبه

    تسمحيلي انقلها وارسلها بايميلي ؟؟؟؟؟؟؟

  5. #5
    عروس مبدعة
    تاريخ التسجيل
    10/03/2010
    الدولة
    السعوديه
    المشاركات
    820
    الله يعطيك العااافيه

  6. #6
    عروس متميزة الصورة الرمزية .. أمــ عــلــيــ ..
    تاريخ التسجيل
    03/03/2008
    الدولة
    سعوديه .. قصيميه ..
    المشاركات
    6,253
    فعلاً كلمات جداً رآئعه .. وياليتها ما انتهت ..!!

    جزاك ِ الله خيراً على هذا الموضوع المفيد ..

    والله انك فتحتي عيوني على اشياء كثيرة غافله عنها بحياتي ..

    يا رب لك الحمد .. ولك الشكر .. على كل النعم اللتي انعمت بها علي ..

    اللهم أعني على ذكرك وشكرك وحسن عبادتك ..

    شكراً لك ِ غاليتي ..

  7. #7
    عروس متميزة الصورة الرمزية مهاا والحلا لهاا
    تاريخ التسجيل
    07/09/2007
    الدولة
    ..~ تحت ضوء القمر ، فـ/نور الصبآح يخجلني ....~
    المشاركات
    6,828
    الله يسعدكم وينور بصيرتكم

    شاكره لكم مروركم الكريم




    رغوووده حيآتي إنتي تسلميـــن
    الموضوع منقول

    واكييييييييييييد انشريه في ايميلك ولك الأجر إن شاءالله

  8. #8
    عروس متميزة الصورة الرمزية حكاية الشوق
    تاريخ التسجيل
    22/12/2009
    الدولة
    تــحـتـ رحمـــة الله .. ـأذا أراد شـيء يقل له كـن فيــكووون ,,,
    المشاركات
    3,157
    مهـــــــــــاوي ألف شكر لك

    كلمــــة رووووعه قليله بهالموضوع

    كل اللي مكتوووووب صدق

    اللهملاتجعل الدنيــــــا اكبر همنا

    ربـــــــي يجزااااك خيــــــر ويســـــعدك يارب

  9. #9
    عروس جديدة
    تاريخ التسجيل
    04/06/2010
    الدولة
    السعوديه
    المشاركات
    19
    بصراحه كلامك جوناااااااااااااااان ويأثر والله يعطيك العافيه

  10. #10
    مشرفة سابقة الصورة الرمزية عزف الأمنيات
    تاريخ التسجيل
    20/04/2009
    الدولة
    البنت عـــــــزها عــند ابـوهــا * وان مــات ابـوها عزها وين تـلقاه ؟؟ وين تـلقاه ؟؟ وين تـلقاه ؟؟
    المشاركات
    7,329
    ياااااااااه جد جد كلام مؤثر وجاء بؤؤقته يامهاااوي

    جزاك الله خير يااااارب يالمها
    اللهم ارزقها وبشرها بمغفرتك بلا عذاب وجنتك بلا حساب ورؤيتك بلا حجاب
    اللهم ارزقها زهور جنانك ، وشربةً من حوض نبيك واسكنها دار تضيء بنورك
    اللهم آآآمين يارب

  11. #11
    عروس مبدعة
    تاريخ التسجيل
    01/03/2009
    الدولة
    jeddah
    المشاركات
    643
    الله يعطيك العااافيه

  12. #12
    عروس رائعة الصورة الرمزية amy85
    تاريخ التسجيل
    22/12/2008
    الدولة
    السعوديه
    المشاركات
    1,115
    كلمات رائعه مشكوره
    يعطيكى العافيه

  13. #13
    عروس متميزة الصورة الرمزية عروس الحب
    تاريخ التسجيل
    22/09/2003
    الدولة
    في مكان لا يسكنه احد سواي
    المشاركات
    5,925
    كلام رووووووووووووعه روعه الصراحه

    تسلمين حبيبتي

  14. #14
    عروس رائعة الصورة الرمزية lybiana
    تاريخ التسجيل
    13/04/2010
    الدولة
    ليبيا الحرة
    المشاركات
    1,191
    مشكوره ولك الاجر ان شاالله
    جزاك الله الف خير
    يارب حقق لي اللبي ببالى امين امين امين ورلابي يسعدك يسعدنى ان شاالله امييييييييييييين
    دائما لازم نجعل عندنا ثقه بالله والله دايما عند حسن ظن عبده فيه
    الاستغفار وقراءه القران والدعاء والصلاه مافي احلى منهم والله يجعلنا ان شاء الله من اهل الجنه ومن اللي لا يموتو الا وهو راضي عنا اميييييييييين

  15. #15
    مشرفة سابقة الصورة الرمزية دهبيه
    تاريخ التسجيل
    01/10/2008
    الدولة
    فى عالمى الخاص بين خيالى وأمالى وأحلامى ربما يأتى الوقت وأعيشهم فالواقع!
    المشاركات
    7,668
    جزاكى الله كل الخير يارب
    كلمات مؤثره
    اللهم اعنا على ذكرك وشكرك وحسن عبادتك

صفحة 1 من 4 1234 الأخيرةالأخيرة

المواضيع المتشابهه

  1. مهمومه مهمومه مهمومه بموت من الهم help me
    بواسطة أم تحت العشرين في المنتدى قضايا وحلول
    مشاركات: 27
    آخر مشاركة: 16/05/2010, 10:08 AM
  2. مشاركات: 10
    آخر مشاركة: 02/09/2008, 09:14 PM
  3. وانت في البيت تقدرين يسوين استثمار من الحسنات وانتي مرتاحه
    بواسطة بنت من بنات زايد في المنتدى أفكار و خبرات
    مشاركات: 9
    آخر مشاركة: 28/09/2006, 04:34 AM
  4. تبين تسافرين وانتي مرتاحه وبدون خوف تعالي اركبي هذا الباص
    بواسطة وَجَعّْ البَوُح في المنتدى مجلس بنات عروس الثقافي
    مشاركات: 35
    آخر مشاركة: 17/01/2006, 11:10 PM
  5. ضايق صدركـ , حزينه , مهمومه , تعالي هنا قبل لايفوتكـ..
    بواسطة أغاديــــر في المنتدى قضايا دينية
    مشاركات: 13
    آخر مشاركة: 16/08/2005, 05:35 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •