السلام عليكم ورحمة الله وبركاتة
اختي الفاضله SHREEFA
مشكلتي ماعندي حماس للجنس لوقعدت شهر مو مشكلة عندي بس المشكله اني متزوجه وزوجي يجيني في الاسبوع من مرتين الي ثلاث بس في كل مره مايعجبة الوضع مع اني احاول ارضيه بس هل شي مب يدي يعني مثل الاكل ماحد يقدر ياكل وهو شبعان بيضطر انه ياكل با الغصب او يجامل وهل شي الي يصير معي اجامل ..زوجي ولله الحمد ماعنده سوالف ولا خرابيط بعض الرجال مرات يجيني وانا مااكون مستعده وبذات وسط الاسبوع اكون مع العيال ودراستهم وهو متفيج وفي كل مره يباني متمكيجه ومتعدله شلون اتعدل وانا اصلا من الاساس مالي نفس معرف هل انا طبيعيه او هل شي طبيعي زوجي يقول انتي مب طبيعيه انتي عندج برود جنسي اذا قلت له بسير اتعالج يقول لا هذي ادويه وخرابيط يمكن تسبب لج امراض انزين انا شوه اسوي والله تعبت من التفكير والله بعض احيان اتمنى ان زوجي يكون بارد على الاقل ماحس بهل الاحساس وماقدر اتكلم مع احد شوه بقول فشله ارجو المساعده