روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 8 12345678 الأخيرةالأخيرة
النتائج 1 إلى 15 من 118

الموضوع: خلاصة تجربتي الناجحة في تجارة النت بحلوها ومرها ..وطرائفها. تجدونها هنا /للاستفادة

  1. #1
    تاجرة
    تاريخ التسجيل
    15/11/2005
    الدولة
    قطر 55699012+ الامارات0508170222
    المشاركات
    4,475

    خلاصة تجربتي الناجحة في تجارة النت بحلوها ومرها ..وطرائفها. تجدونها هنا /للاستفادة

    بسم الله الرحمن الرحيم

    مساؤكم ورد بنوتات وحلوات ونشيطات ..

    وعدتكم بموضوعي السابق بكتابة تجربتي الناجحة في تجارة الانترنت ..

    وراح اطرحها على شكل قصة بالبداية ثم اركز على النقاط والعبرة بعدين ..

    كان يا مكان في قديم الزمان .. وسالف العصر والاوان فيه سندريلا ينقال لها ( مشتاقة لقطر )

    الاسم التجاري المشهور لي .. تجاريا

    اول ما طاحت على النت يادوبها ما تعرف تطقطق الحروف عدل .. شفتو زي سندريلا بالضبط فقيرة .. ومسيكينة ... هههههه

    امزح .. تراني متخرجة من الجامعة بس ماكان عندي وقت للنت والمنتديات .. كان بالنسبة لنا ان النت بس عالم مسنجروسوال واحنا متشبعين سوالف
    وبس ما درينا بالفوايد الكبيرة الا عقب .. فما تدربت الا بعد الفراغة والاستقالة ..

    مصختها وايد طلعت عن الموضوع .. خخخخ


    الموووهيم

    دخلت اول منتدى في عام 2005 ولقيت ركن للتسوق اشوف الناس يبيعون ويشترون ..جاني حماس .. قلت ما فيه الا ابيع اغراض عمتي
    وكتبت اول موضوع لي بعنوان حلو (( عود المسك موضة جديدة وريحته ولا اروووع )). ما أذكر الموضوع دعاية لنفسي لا لا ..

    بس عشان نركز انه العنوان جذاب احتوى على موضة واسم محدد ومدح بالشي ..المعروض ..

    ما كان ممل او رتيب مثلا (( عود معطر ..)) او ((عود ** عود ** عود **)).. او مبهم ؟؟ او مجهول ..
    بارجع لموضوع اهمية اختيار العنوان الرنان .. بالتفصيل بالفوايد لاحقا ..
    وايضا قدمت بالموضوع كل التسهيلات للازمة للتوصيل لقطر والامارات باليد ..

    شفتو السنافية الامارات كاملة التوصيل باليد .. ما تدري عن بلا وعنوة التوصيل والمواعيد الخ ..
    (1) الموهيم حصلنا على اول زبونة ( احصل على اول زبون هذا اهم شي ) طلعت من قطر فوصيت اختي توصل لها البيت .. وكان اول ربح لي .. واول احراج لي طلعت تعرف بنات من اهلنا .. وانا كل شغلتي تخرب البرستيج .. انه فلانة المدرسة الفلانية بنت بيت فلان .. (( بياعة )) ياشين الكلمة هذي تحسس الوحدة .. .. انا طورتها مستقبلا الى تاجرة انترنت بدال بياعة .. بعد ما اكتسبت الثقة وواجهت الجمهور ...

    وكسبت زبونتين وحدة من قطر جاية دبي .. والثانية من دبي .. وصادق الويكند طالعين نتمشى طلبت من زوجي نروح دبي نبات ونونس اليهال .. من قدنا سكننا في الموفنبيك الليلة 1400 درهم ..والفايدة من البياعة 50 درهم ركبو المخ انتو عاد .. هههههههه بس تبون الصدق كنا جيه جيه رايحين نتمشى حتى لو ما كنت مواعدة حد من الزباين..


    الموقف الحلو بالسالفة ياحليلي وحدة خليت لها بالريسبشن تاخذ الطلب .. والثانية واعددتها ديرة سيتي سنتر ..
    كاشخة بكيسة وحاطة فيها 4 علب زجاج بكيسة مرتبة ..

    و علقت الكيسة على التروللي وقعدت ولدي وقريب الالعاب والزحمة والسلم الكهربائي

    قاااااااااااااااع تطيح العلب الزجاج مالت العود .. خخخخخخخخخ انكسرت وحدة وفتر العود المعطر اللي فيها كله على الارض جنه دود والا نمل اسود خخخخخخخخخ .. وفرررررررررر زوجي وولدي الثاني شردة .. خبركم وحدة تفشل .. بس زين اني منقبة .. لوووول .. وقومي لمي من الفشلة لا الناس يتوصخون من العطر المصبوب مع العود وحطيته عالسريع بكيسة ثانية واروح لريلي وهو معصب من البياعة اللي ما تبي تعدي اليوم على خير .. هههههه

    من زود الشطة والحماس .. كسرت الزجاج بعيوني خخخخخ .. الموهيم لقيت البنت خلال نص ساعة قلت لها خذي الاغراض ووديهم معاج قطر واللي ناسبج اخذيه والباقي مع الحساب الاهل بيمرون ياخذونه بقطر ..

    ولله الحمد والمنة ..
    هالثلاث(2)كتبو بموضوعي رايهم الرااائع بالعود والدخون .. والتعامل السهل والسريع ..

    وجرووو باقي الزباين ..

    مع الوقت (3)تطورت واخذت دورة عند وحدة تعلم الدخون والعطور .. رووس اقلام بس وبتلقون كل الطرق موجودة بالنت .. لحد يسالني عنها لانها امانة وسر مهنة .. وتطورت الى ترويج عطورات فراش وعطور بخاخ ولوشنات .. ومخمرية ..
    والحمد لله ذوقي شبابي بالروايح ..

    النقطة الثانية .. بعد فترة كنت متفرجة بس حسيت فيه ركود بسوق العطور والدخون .. صرت (4)ابحث من اللي مححتاج شي من الامارات او من قطر ممكن اوفره له بعمولة طبعا ..

    الى ان جاتني فكرة من احد التاجرات طالبة اكسسوارات بالجملة لمحل جديد ؟؟ واخذت لها كمية كبيرة واخرتها طاحت بجبدي لانها نقت لها بالحبة من الموجود .. وانا ما عارضت لان (5)التسهيلات تخلي الزبونة ترجع لج مرة ثانية احب الزبونة تكون مرتاحة بكل الطرق .. عشان اكسب تعاملها مرة ثانية ..

    وبعدها طلبت مني و سالت عن مكياج .. من ماركة معينة (6)ولقيت المصدر( افضل شي ممكن يخدمج بالتجارة الحصول على المصدر المباشر ) وجنبه لقيت مصدر للدرماكول .. وعرضت عينة بموضوع جديد لتجميع طلبية جاتني طلبية كبيرة جدا جدا .. من قطر لان سعري كان نفس السعر المعروض عند تاجرات الامارت والمميز عندي(7) التسليم باليد بالبداية .. ومجانا بعد <<< شفتو التسهيلات ..

    لدرجة اني صرت امول جملة لكثير منهم .. والحمدالله ..

    هنا احب اركز على انه (8)صار لي زباين ثابتين يثقون .. بي وبذوقي وباسعاري ..
    فصارو يلجأون لي باي غرض معروض بالنت يطلبونه مني مع موافقتهم على عمولتي مهما كانت لانه دايما بتوفر عليهم المشاوير وال تحويلات وممكن النصب .. عليهم ..

    هالشي عطاني الدفعة الكبيرة للتقدم والتنووع والتوسع لاني كل طلب لغرض جديد يشوفونه معروض عند اي تاجرة خارج قطر ومش متوفر يكلموني على طول وصرت ابحث عن ارخص عرض ( لمصلحتي ولمصلحة الزبونة )

    كيف ؟؟
    اقعد يوم او يومين اسوي بحث بالنت عن هالغرض في كل المنتديات وسعره الين احصل افضل عرض جملة باقل سعر .. واطلبه واحول واستلم وارسل البضاعة باليد ..

    كانت سياستي لما كنت بقطر(9)استاجر سيارة مع سايقها لان ماعندنا سايق .. واحدد مكان وزمن باكون فيه باحد المراكز التجارية والكل يجي يستلم بالوقت اللي يناسبه .. وانا اون مع عيالي بالالعاب .. فالتوصيل يكون تقريبا 60 لكل الطلبيات لو خصمته من كامل المبلغ اللي حصلت عليه في ذاك اليوم يكون مب خسارة فيهم المشوار على حسابي ..

    وكالعادة اروح اتشرى لي ولعيالي بالفلوس نتدلع .. لان كان مو هدفي التجميع بس حب لممارسة التجارة واثبات نجاح وبس وكان هذا غلط فااادح طبعا لان زوجي بعد يعطينا مصروف .. وهفففف نطيره بيومه ..

    (10) ودخلت مجال جدديد بعدها وتقريبا تخصصت فيه لفترة من الزمن.. كان الالعاب الزوجية .. الاصلية .. وتوابعها من رومنسيات ولانجري ..

    هذي سوقهم ولا ارووووع .؟ وماشي طول السنة .. بس نوعا ما هالمجال ..محرج ..وادخال الاغراض الجديدة والنادرة للدولة امر صعب ومعرض للمسائلة .. والاحراج طبعا من قبل المسوولين .. بس كنت اتحايل على هالموضوع بطريقتي الخاصة والمتعبة جدا جدا بالنسبة لي ولكن بالمقابل ارفع اسعاري .. كمقابل لتوفير هالاغراض .. الصعب توافرها بالبلد ..

    هنا حابة اركز على نقطة مهمة جدا جدا جدا بالتجارة بشكل عام

    اذا حبيت اتتاجرين اتبعي قاعدة <<<متوفر وارخص .. او نادر وغالي >>>

    اما اذا (أ)كان الغرض متوفر بالسوق بالبلد .. فانا الجا الى توفيره ولكن ارخص من السوق لانه لو نفس سعر السوق الناس ياخذون من السوق على شوف عينهم احسن .. وباي وقت يناسبهم وما يعتبرون بضاعتج فرصة ذهبية اما اذا كان عرضك اقل من السوق .. يسارعون الى الشراء منج لانك وفرتي لهم باقل من السوق ويصلهم للبيت بعد .. مثلا .. على سبيل المثال .. قمصان النوم بالسوق بكثرة ولكن اذا وفرتيها بسعر حلو وموديلات وخامات حلوة وبسعر معقول وعروض او هدايا للكميات .. بياخذون منج على طول ويصيرون زباين ثانبتين ..

    او تاجري باغراض غير متوفرة بالبلد مثل .. ماركات غريبة للشنط او الجواتي او الملابس .. او الالعاب الزوجية والمنتجات الزوجية من زيوت مساج ومنتجات اللي تنوكل الى اخره .. مش متوفرة بالسوق ..

    وفريها من مصادر موثوقة وحبذا لو من امريكا لانها تكون صحية اكثر من الصناعات الاخرى اللي جودتها خسارة فيها ينحط ريال ..

    ثم (ب)حددي السعر اللي يوفر عنج التكلفة والشحن وفايدة مضاعفة لو حبيتي .. لانه لها زباين متميزين .. ويقدرون تعبك لتوفير شي مميز لهم ..
    وتحط الزبونة ببالها اذا ماخذته منك ما بتلقاه عند غيرك فتضطر تاخذ منك وهي تضحك بعد ..


    وبعدها توجهت الى فكرة حلوة .. لاني كنت اعرض بمنتدى اماراتي والقى كل اللي عندي اغلى منهم .. ففكرت بفكرة ونجحت ولله الحمد ..

    عرضت المكياج ((11)) بالجملة .. للسبب اللي ذكرته قبل ..

    ((اللي اخذه من الامارات نفسها يعني ما بيكلفن شحن بس التوصيل للبيت بعد)) ..
    وباسعار خيالية .. لانه حسبته بهذي الطريقة ..
    الدرزن مثلا لاي شدو اخذه ب60 درهم اعرضه ب100 درزن كامل .. يعني فايدتي 400 درهم مرة وحدة ..
    لو حسبتيها .. بالمفرق مرة ثانية يعني اذا اشتريت الشي ب5 ريال ابيعه ب8 ريال ؟؟ بتشوفينها مو محرزة 3 ريال ما تسوى التعب .. صح ..


    بس انا حسبتها بطريقة اخرى ..
    ( بدال ما ابيع شي واحد فقط وفايدته مرة وحدة .. وتعب متكرر على كل طلب .. ابيع مجموعة اشيا ء في كل قطعة ربح بسيط ولكن مجموعهم مع بعض اكثر من ربح القطع مفرقة ..))
    يعني بالتفصيل :
    انا لما اشتري شنطة مكياج مثلا5 ريال وابيعها ب20 لانها تسوى بتكون فايدتي كم ؟ 15 درهم بس .. والطلب بيكون اقل لانه سعرها نفس السوق ..
    اعيد تفكيري مرة ثانية واقول انا بكل طلبية ابي ربح اقل شي 50 او طالع ..

    فاسعر الشنط مرة ثانية واحط الدرزن ب100 ؟ منها انا استفدت 40 درهم ..بالطلبية بدال ال15

    وممكن يتضاعف الطلب اكثر من درزن لان السعر يعتبر صفقة للتاجرات ؟؟ فيصير 80

    وبالاحرى وبصراحة قولو ماشالله تبارك الله اقل وحدة طلبت تقريبا ب500 درهم على عروض الجملة

    يعني بدال ال15 صار الربح 200 درهم على االطلب ..

    وهكذا .. من غير طلبات السعودية والبحرين عمان .. ولله الحمد ..

    وبقى من تجربتي ..

    قمت((12)) بعرض حلو للمبتدئات او للي لهم معارف وتجمعات او بالدوامات .. من زبوناتي بقطر ..

    ععندي شنطة تحتوي كمية من عروض الجملة .. حبيت ابيعهم بالمفرق .. ومعاها بقايا بضاعة سابقة .. من مشد ومقص حف وملابس الخ..

    نزلت عرض( كوني مندوبة بطريقة مشتاقة لقطر في كل الاحوال انتي ربحانة ؟ )

    بالمختصر كانت انه اللي بتاخذها تبيع منها اللي تبيعه باسعاري الرخيصة جدا .. والمبلغ النهائي يكون لها 15 % منه وممكن ازيدها شوي اذا كان المبلغ حلو ..
    واترك بعد لهم مجال بتغيير سعر اي سلعة يشوفون انها ممكن تنباع باكثر .. او مطلوبة عندهم ..

    وما احدد تاريخ ارجاع الشنطة ولا اضغط بخصوص الفلوس حتى تاخذ الاغراض حقها بالترويج وترتيب التاجرة لحساباتها ..

    وبالنهاية ما بيقى على المندوبة الا انها ترجع الاغراض ولا يبقى شي طايح بجبدها ومنها استفادت بعد .. كان الحمدالله يجيني غالبا اقل شي الف ريال ..

    من كل وحدة وممكن تصل الى 3000 ريال .. بعض الاحيان

    النشاط الاخير اللي زاولته
    كان فرصة ذهبية بصراحى اتمنى تتاح لباقي التاجرات .. هالسنة بعد ما كانت بدايتها الكورس الماضي بمدارس قطر
    او معاهد او رياض اطفال او مراكز تحفيظ ..
    (13) معارض او بازارات مصغرة غير رسمية .. تؤجر الطاولة ب100 ريال غالبا لليوم الواحد لمدة 5 ايام .. ويكون فيه اقبال من اولياؤ الامور ومجلس الامهات بنفس الاسبوع .. ونهاية الدوام ..

    بعدها توقفت لمدة سنة عن التجارة بقطر .. الى اشعار اخر ..

    وبعدها عاودت نشاطي والحمدالله ..

  2. #2
    مشرفة سابقة الصورة الرمزية ღ همٌس آلروح ღ
    تاريخ التسجيل
    25/02/2005
    الدولة
    ليتك تحلو والحياةُ مريرتُ وليتك ترضى والانام غضابُ و ليت الذي بيني وبينك عامرآ وبيني وبين العالمين خرابُ .. .إن صح منك الود فالكل هينآ وكل الذي فوق التراب ترابُ ‏♥‏♥‏♥ مرافقة حبيبك ‏♥بالجنه يااارب‏♥ صلى الله على محمد‏
    المشاركات
    5,586
    يعطيك العافيه مشتاقه لقطروان شاء الله البنات يستفيدون منك ومن تجربتها بكل مراحلهاوبتوفيق يارب

  3. #3
    عروس نشيطة الصورة الرمزية 666maj
    تاريخ التسجيل
    25/01/2007
    الدولة
    saudi
    المشاركات
    141
    الله يوفقك...

  4. #4
    عروس جديدة
    تاريخ التسجيل
    09/03/2010
    الدولة
    البحرين
    المشاركات
    21
    ومنكم نستفيد ومشكوره اختي

  5. #5
    تاجرة
    تاريخ التسجيل
    15/11/2005
    الدولة
    قطر 55699012+ الامارات0508170222
    المشاركات
    4,475
    تسلمون

  6. #6
    عروس مشرقة الصورة الرمزية مسس ليون
    تاريخ التسجيل
    30/12/2009
    الدولة
    دار ابو متعب
    المشاركات
    423
    يووو ربي يوووفقك ويصلح لك زوووجك ويووووفقك ويعطيك على قد نيتك
    بصراحه استفدت كثير عنجد خاااصه الاستفاااده من العرض من العنوااان
    الله يجزاك كل خيررر ويجعله في ميزاان حسنااتك ويوفقك يارااااب

  7. #7
    عروس مشاركة
    تاريخ التسجيل
    16/10/2008
    الدولة
    السعودية
    المشاركات
    75
    بصراحة حمستني ابد مشروعي

    وانا كنت مترددة وخايفة من الفشل

    الله يجزاكي كل خير

    ويوفقك يارب

  8. #8
    تاجرة
    تاريخ التسجيل
    15/11/2005
    الدولة
    قطر 55699012+ الامارات0508170222
    المشاركات
    4,475
    هلااااااااااااااااااااااا ااااااااااااااااا

  9. #9
    عروس مشرقة الصورة الرمزية ملكةالزهر
    تاريخ التسجيل
    19/03/2010
    الدولة
    الامارات العربية المتحدة
    المشاركات
    365
    ما شاالله عليج.. الله يوفقج ان شاالله..
    تحياتي..

  10. #10
    تاجرة
    تاريخ التسجيل
    15/11/2005
    الدولة
    قطر 55699012+ الامارات0508170222
    المشاركات
    4,475
    هلااااااااااااااااااااااا اااااااااا

  11. #11
    مشرفة سابقة الصورة الرمزية ema_85
    تاريخ التسجيل
    20/11/2004
    الدولة
    عُمانية نعم وأفخر ...... عُمانية وأمي عُمان
    المشاركات
    8,092
    جزاك الله خير يالغلا

    بجد افكار حلوة والكثير راح يستفيد منها

  12. #12
    تاجرة
    تاريخ التسجيل
    15/11/2005
    الدولة
    قطر 55699012+ الامارات0508170222
    المشاركات
    4,475
    حياكم

  13. #13
    عروس ماسية
    تاريخ التسجيل
    18/10/2008
    الدولة
    فلسطينيه وافتخر من قلب الوطن الشامخ من غزة العزة اقول الموت لكل من اهان فلسطيني على وجه هذه الارض
    المشاركات
    10,629
    الله يوفقك...

  14. #14
    عروس مبدعة
    تاريخ التسجيل
    30/06/2008
    الدولة
    منامة
    المشاركات
    580
    مشكورة حبيبتي

  15. #15
    عروس مبدعة الصورة الرمزية .white Rose.
    تاريخ التسجيل
    18/07/2006
    الدولة
    BAH
    المشاركات
    552
    عن جد حمستيني .. ما قصرتي والله

صفحة 1 من 8 12345678 الأخيرةالأخيرة

المواضيع المتشابهه

  1. جديد...مين تحب تبدأ تجارة بسيطة من البيت بين أقاربها أو على النت بمبلغ بسيط
    بواسطة نفحات عطر في المنتدى ركن التوظيف و الوظائف و المشاريع الصغيرة
    مشاركات: 936
    آخر مشاركة: 27/02/2012, 01:52 AM
  2. تعبت والله ( تجارة عن طريق النت ساعدوني )
    بواسطة موعوده في المنتدى ركن التوظيف و الوظائف و المشاريع الصغيرة
    مشاركات: 66
    آخر مشاركة: 01/04/2011, 05:20 PM
  3. مين تحب تبدأ تجارة بسيطة من البيت بين أقاربها أو على النت بمبلغ بسيط أناأساعدها ادخلي
    بواسطة نفحات عطر في المنتدى ركن التوظيف و الوظائف و المشاريع الصغيرة
    مشاركات: 260
    آخر مشاركة: 17/02/2010, 05:51 PM
  4. تجربتي الناجحة في الحمل بولد بعد ارادة وقدرة الله
    بواسطة sana1981 في المنتدى النساء و الحمل و الولادة
    مشاركات: 9
    آخر مشاركة: 19/10/2009, 05:48 PM