أمهات البحرين... وين أختفى الفارليز Farley's ؟؟؟!!!

[BHR_Sun]

اي فعلا باقي أنواع البسكوت ماتذوب لما تخلطينها مع الماي والحليب.... إن شاء الله ينزلونهم قريب لأن أنا بعد بنتي كانت تحب كاسترد الفانيلا مالهم والحين ماله أثر...

ايييي والله إن شاء الله..
انا هذاني في سعي مستمر على البرادات والصيدليات
لحد ما ألقى

[BHR_Sun]

انا شريت بداية الشهر من سوق الطفل وعندهم الاصلي مو على موز او نكهة ثانية

اختي وين سوق الطفل؟؟!! اذا قصدج اللولو هايبر ماركت بعد ما لقيت للأسف.. وانا أدور الاصلي اللي بدون نكهات بس قالوا مخلص

[BHR_Sun]

معظم حاجات واكل الاطفال مختفية واتوقع لان بيرتفع سعرهم

لان تميت اسبوعين او اكثر ادور على شامبو وساائل استحمام ماركة بيجون وبالغصب حصلتهم بعد ما وصيت عليهم

ونفس الشي الحليب تميت اسبوع ادوره من مكان لمكان قبل لا يخلص اللي عندي وقالوا لي من الشركات نفسها لان بترفع الاسعاار

من جذي اخذ كل شي بكمياات

اختي شكراً عالمرور .. ترى أغراض بيجون موجودة في المنتزه وصيدلية المطار اللي يم ماكدونالز المحرق.. كل الاغراض من شامبوهات وغيره اشوفها هناك عندهم

[BHR_Sun]

اني اخذ لفطوم من الجمعية العسكرية احصل عندهم


وبسكوت مليوبا ايذوب ابسهولة في الحليب عادي بس حاسبي تراه انواع مو تسوين مثلي وتاخذين كعك وتقولين ما يذوب لازم تتأكدين ان مكتوب عليه بسكويت

ايييي هذي المكان الوحيد اللي ما رحت له!!!!!!!!!! بجرب عل وعسى

[BHR_Sun]

اي والله صح أختي أم إيمان لأن حتى حفاظات بامبي أشتريها من الجمعية التعاونية بالحد ماحصلت ورحت فروع المنتزة مافي بالأخير حصلت في ميغامارت...

حسبن الله ونعم الوكيل يعني قاصرين بعد يرفعون اسعارهم بروحهم غاليين ومصرفهم مصرف

الله يعيييين الناس وااااعليه على هالحالة

[BHR_Sun]

بتحصلينه في لولو هيبر ماركت مجمع الدانة - ميغا مارت الجفير - لي مارش مجمع سترة

في بعد بسكوت اسمعه اعتقد hint لذيذ ويذوب بسرعة في الحليب

اللولو اللي في الرفاع رحت له وما لقيت... بس بجرب النوع اللي قلتي عنه لحد ما ييبون الفارليز

[BHR_Sun]

انا استخدمت هاينز إلي مرسوم عليه صورة دبدوب ..

هذي صورتة ..




تقريبا كل 3 حبات عن بسكوتة مدورة وحدة ..

بس طعمه اوكي ويذوب بسرعة ..

اييي هذا جربته يذوب بس يبقى عالسطح متكتل... الفارليز غيييييييييير يذوب وينخلط بالحليب

[BHR_Sun]

وين بيروح يعني دوري وان شاء الله بتلقي ..


بس اذا لقيتي لا تنسيني :p

افا عليج بس خل القي.. بدز لج كرتووووون :p

[Burger]

مااافي بااييييينت جريب
حتى المؤسسة مافي

[ام إيمـــاان]

البسكوت اللي نزلت صورته الاخت نفس شركة فارليز

لان عندي كتيب من المستشفى في منتجاتهم وهذا منهم

ولي مارش عندهم المعلبات فارليز بس بسكوت مخلص

ومرة قريت بمنتدى ان في نوع من اكل الاطفال فيه مادة والسعودية سحبته من الاسواق وهو تبع شركة فارليز ومع الاسف كنت اعطي بنتي منه لان حبته اخذت عينه منه من مستشفى واكلته وشريت لها منه وعقب نزل الخبر ووقفته عن بنتي واعتتقد نفس الشي لان شركة ووحدة

[BHR_Sun]

حبايبي الامهات

اشكركم كلكم على مروركم الرائع وتفاعلكم مع الموضوع...
واااااااااايد كان مهم عندي وانتو ما قصرتوا بردودكم

وسامحوني ضيق وقتي مع البيبي ما يخليني ادخل وايد عشان اشكركم كلكم

حبيت ابشركم اني لقيته اليوم في ميدوي المحرق .. زوجي بعد لقاه في المنتزه عراد والحمدلله

تسلموووون وماااا قصرتوا مرة ثانية .. واللي يبي منه يروح بسرعة.. اخااااف يخلص

اختي رانيا.. ما شفت الكاسترد للأسف عندهم .. ان شاء الله تلقينه

[مناهل78]

مشكورة أختي ماقصرتي.. وي باجر طيران على منتزه عراد أقرب مكان لي بس إن شاء الله أحصل لاتروحون وتخلصونه هههه.. اي الكاسترد مافي ولا بمكان.. قبل يومين رحت الجمعية مالت الحد بعد ماعندهم بالمرة في مال هاينز النوعية الثانية...

[Hanadi_Hussain]

فارليز عاد وبقوة