روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 94 123456789101151 ... الأخيرةالأخيرة
النتائج 1 إلى 15 من 1408

الموضوع: >< لمة الليبيات لشهر صفر 1431 ه ><

  1. #1
    مشرفة سابقة الصورة الرمزية عروسة ليبيا
    تاريخ التسجيل
    09/08/2007
    المشاركات
    3,419

    >< لمة الليبيات لشهر صفر 1431 ه ><

    بسم الله الرحمن الرحيم






















    السلام عليكم حبيباااتي





    مشاءالله علا احلا عرايس




    عرايس ومدامات ليبيا الحلوات



    بناء علا تواصلنا السابق وامتداد له عرايس ومدامات ليبيا نفتحو هاللمه الجديده وانشاء تكون لمة خير وفايده تعم عالجميع





    .....اقترحت اموره والبنات هالموضوع عشان الهدرزه والدردشه بين العروسات السابقاات والعروسات اللحقااات كل
    طرف يفيد بيها التاني بدون تقيد








    ويكون فيها تبادل للخبرات و النقاش تبقى مفتوح بينا
    وانشاء الله موضوع التجهيزات راح يكمل بس حسب البنات بيخلوه لحاجات العرس وهنا اناقشووو كل اهتماماتنا الاخرى والموضوع مفتووووح...... يلا

    اتفضلو اتفضلوووو




    وهذووو لجماعة اللوزر اتفضلو محد براني






    يلا انسونا وماتغيبوش علا اللمه

  2. #2
    عروس فضية الصورة الرمزية عروس ليبيا
    تاريخ التسجيل
    31/10/2006
    الدولة
    ليبيه وكلي فخر
    المشاركات
    2,414
    السلام عليكم

    مبروك عليكم بس على فكرة بنات ياريت درتوه في شات عروس لانه ركن الاستفسارات نفس الموضوع اللي نحن قاعدين فيه توا ولازم تحكوا في التجهيزات والحاجات المهمه لذلك الهدرزة وفشة الخلق ياريت درتوه في شات عروس احسن

    مش عارفه نشوفوا شن رأي المشرفات قبل

    مشاء الله على دويرتك الجديده يا عروسة ليبيا نظيفه وريحة بخورها تفوح من وين تقوليش الا بخور العود للعربيه ههههههه

    موفقات

  3. #3
    عروس رائعة
    تاريخ التسجيل
    14/10/2008
    الدولة
    ليبيا
    المشاركات
    1,070
    روررررررررررررررررررررررر رررري مبروك علينا دويرتنا خير يا عرايس

  4. #4
    عروس مبدعة الصورة الرمزية عروس رايقة
    تاريخ التسجيل
    04/06/2008
    الدولة
    ليبيا
    المشاركات
    676
    ماشاء الله شكلى جيت اول وحدة فى اللمة بس عشان حشيشتى الهدرزة قلت انبدر
    يلا وتوا الاسبرين من الصداع اللى يجيكم من هدؤزتى عندى شوالات بس عطونى الاذن وتوا نبدا

  5. #5
    عروس مبدعة الصورة الرمزية عروس رايقة
    تاريخ التسجيل
    04/06/2008
    الدولة
    ليبيا
    المشاركات
    676
    خطرها الله يربحكن كان تبن اديرن فشة عندى سؤال راجلى ماخطمت علية الومانسية وانا قمة فى المجال هذا
    هوا رومانسيتا من النوع لكن جو الرسائل الرقيقة والورد الاحمر والشكولاطة مش شورا بكل
    ازعما بعد الزيزا يتغير مع ان الحق محسسنى بانوثتى كانى اميرة
    بس انا نبي اهتمام اكثر
    عادى هكى ولاانا مزودتها
    والا الرجالة كلهم كيف بعظهم

  6. #6
    مشرفة سابقة الصورة الرمزية عروسة ليبيا
    تاريخ التسجيل
    09/08/2007
    المشاركات
    3,419
    هلالالالا بيكن اوخياتي نوررتن
    واللمه ما تحلا الا بناسهااااا===== وانتو نورتوها وفاحت بدفااكم والله العظيم ردكم وحماسكن شي يفرح =====ربي يستركن وينولكن ماتتمنن

    هههه يااابختي حطيتلكن اول موضوع عن حاجات الشور وهكي وبالصورر
    واشبح شن درررررررررررررررررررت مسحتهاااااااااااااااا

    عصبنييييييييييييييييييييي ييييييييييي هههههه جنبي راجلي راقد يشخر قررريب عيطت ونوظته



    يلالالا مش خساررررررررره فيكم الاعاااده

    عروس شكرا علا حرصك علا لمه وانها تكون فمكانها بش تبدا متواصله حبيبتي
    فموضوع فالقسم اسمه تعالو يامتزوجات وبنات اناقشووو كل شي يجي علا بالك البنت المقبله عالزواج او حااجه زي هكي


    موضوع حلو ومتنوع كنت وانا بنت نخشله ونشارك فيه موضوعنا نفس الفكره بطرح جديد فيه شوية خصوصيه لينااا ول افكارنا واهتماماتنا كا ليبياااات والي يكون معانا من عرايس عروس يا مررررحب بيه

  7. #7
    عروس مبدعة الصورة الرمزية عروس رايقة
    تاريخ التسجيل
    04/06/2008
    الدولة
    ليبيا
    المشاركات
    676
    حاجة وحدة اخرى الراجل لهفتا عليك بعد الزيزا هيا هيا والايبدا يمل
    انا الحمد لله احلى من خطيبى ودلوعة لكن انا واعدتا وعد:032::032::032: قتلا نوعد ان مافيش حاجة حلوة دارتها مرا لراجل الا لازم انديرها لك
    عشان هكى خاطرى نعرف كل الافكار الرومانسية الى فى الدنيا كلها مش انديرلها له
    فالى عندها شى فكيكيرة تصغير فكرة اتقوللنا

  8. #8
    عروس مبدعة
    تاريخ التسجيل
    20/10/2009
    الدولة
    الفويهات
    المشاركات
    635

    مبرووووووووووووووووووك

    اهو جيت ستنونى كنت انجيب فى البكلاوةمنبش انخش يدى فاضية

  9. #9
    عروس مبدعة الصورة الرمزية Hayela
    تاريخ التسجيل
    10/12/2009
    الدولة
    أرض الاحرار .. أرض عمر المختار
    المشاركات
    780
    بسم الله


    كيف حالكم يا بنات

    درتوها درتوها الدار .. هيجو فيها توا لين تشبعوا ههههههههه عارفتكم حنى الليبيات ميمشيش معانا الا الجو هوا

    ماشاء الله عروسة ليبيا شكلك من الصبح
    والله ما كنا نبو نتعبوك لكن الله غالب ديما مغلبا رويحتك يلا ما علينا

    عروسة رايقة ضحكتينى لما تكلمتى عالرومانسية
    هوا انى منبيش نحبطك حبيبة لكن بنقولك تجربتى
    هما الرجالة فترة الخطوبة هيا قمة الرومانسية عندهم وبعد الزوااااج تنقص الحق
    انى راجلى لما كنت مخطوبة يدرلى فى لقطات روميو وجوليييييييت مرات يجينى الساعة 2 فى الليل تحت حوشنا يقولى اطلعيلى فى البلكونة لان انى دارى عالرئيسى تخايلى من غير المسجات الى يدوخوا والهدايا الى يدوبوا والحركات والنظرات و و و اااااااااااااااه يا حسرة بس بعد الزواج او الاخص الصغار تخف هلباااا الحق بس قاعدة نحس فيه يحبنى
    بس الرومانسية متحلميش بيها هلبا بعد الزواج باش متنصدميش ههههه

  10. #10
    مشرفة سابقة الصورة الرمزية عروسة ليبيا
    تاريخ التسجيل
    09/08/2007
    المشاركات
    3,419
    رررروقاااا حبيبتي نبي نقولك حااااااجه كل راجل بجد يعبر بطريقته واسلوبهم الرجولي

    بس راهووو الخطوبه ليها طعم تاني صدقوووني مهما طولت حلللوة



    مثلا انا كيفك نحب كل الي تحبيه ونتاثر بي ابسط الامور ونفرح لشي صغيررون ممكن يسعدني لما يكون عاطفي ورمانتك ويمسني من جوااا



    لكن الرجاله غير عناااا فتكوينهم ف طباعهم فجوهم مع بعضهم وسط اصحابهم وشغلهم ووسط المجتمع الذكوري كله هممممممممما غير



    الحب مش كلهم يبينوو فيه بنفس الاسلوب مثلا انا رراجلي يحبني مووووووووووت الحمدلله وكان ما خذاني راهو حرب الكواكب قامت


    ههههههه ومع ذلك بعد الزواج طرق تعبيره تغيرت شوي يقولي خلاص الحب امر مفروغ منه صح يدلع ويتغزل بس ااانا نلمس فحبه بشكل تاني لانك معاه اللهفه والشوق والخوف والغيره بتخف نوعا ما مش في شعوره بتنقص لكن ف تعابيره لانك جنبه ومطمن عليك والحب بيااخذه بطرق اجدد مع العشره بينكم



    نضربلك مثال متلالالالا اليوم بعيد السؤ عليكن مشيت نحيت سني شالني ورح معايا ومع اني والله كنت كويسه بس خذا اجازه وبقاا جنبي لالالالالالالالالالالالال ا هههههههههههه ودارلي بررررودو


    يعني نحس بقمه الحب لما بكل رجولته وشخصيته وخشونته مره مره يديرلي هكي والله نحس برضااا بي هالامور لانها صاادقه اكثر ما يكون كل شوي يكررر ف كلام الحب لمجرد ارضاائي



    حبيبتي رايقه والكلام لكل عروس عالطريق ولكل بنوته تستناى فالدبله

    عادي يا قلبووو راه مش معناه انه تقليل من حبك بالعكس هذوووم هما الي يدلعوو بعدين حاولي تكسبيه وتكوني رقيقه قدامه وخلي يلعب هوا دور رجولته
    وخشونته

    وووصدقيني مع الايام تقدري توصلي له ملاحظاتك بطرق ملبسه ومغلفه بعتب صغيرون مع تنهيده وخركات نساوين مع مسجات حب وعتاب بس بشكككككككككككككل متفااهم له ولظروف عمله والضغوط الاخراات نقولك عبريله عشاني نحب الصرراحه لانها متخليش بعدين لاسمح الله زعلكم يكبر فمواقف تانيه


    انا كنت زيك وبعد العشرره والعرايك والغربه مع بعض بكل تجاربنا فيها بديت قناعاتي تتغيرر
    ============ وعرفت ان للخطوبه سحرها الي مايتكررش--------


    زمااااااااان ايام الخطوبه ندير ف نهارررات وعزوات لما وحده من صحابتي يجيها خطيبها ولا تعزمه فالحوش ولا تطلع معاااه مش حسد اكثر ماهو تصغب عليا روحي لما يحكو مغامراتهم وانا نحس روحي معنديش مع الغالي احداث
    لان انا هلي رافضين الجو هظااا ووووووحتى بعد الفاتحه نزعل ونبكي نقووووله معنديش معاااااااااااااااااك ذكرياااات ويبدا يدلع فيا بالكلام كانه تعويض


    اليوم خلاص نرضا بكلمه نحبك كل يومين تلاته مدامه بتطلع منه بلا مانطلبها وبتطلع صادقه لما يحسها


    الله الله ايااام زماااااان كان ما تبدا عشرات المرات فالتلفون ومرات فسااعه الوحده مانرتاح ههههههههههههههههه طبعا غير ماقبلها وما بعدهااااااااااااااااااااا ا



    الحمدلله ربي ينول كل بنيه ولد الحلال الي يرضيها ويهنييها ويستر عليها

    ووووووووتمتعووووووو بخطوبتكن والله احلا اياام ليها طعم خاص

  11. #11
    مشرفة سابقة الصورة الرمزية عروسة ليبيا
    تاريخ التسجيل
    09/08/2007
    المشاركات
    3,419
    هههههههههههههه ياااااا بيسو سلمك جايبه ليش متعبه روحك جيتك بالدنياااا

  12. #12
    عروس مبدعة الصورة الرمزية Hayela
    تاريخ التسجيل
    10/12/2009
    الدولة
    أرض الاحرار .. أرض عمر المختار
    المشاركات
    780
    وووك عليا حشمة بيسو فضحتينا حنى خاشين نهزوا بيدينا
    خشيت ايدى فاضية سامحينى

    شدى عروسة ليبيا امسكى قتلك والله ماك رادتيها نحيلة الدويرة

    نمشى نتفرج عالمسلسل ونجو نكملوا الهدرزة

  13. #13
    مشرفة سابقة الصورة الرمزية عروسة ليبيا
    تاريخ التسجيل
    09/08/2007
    المشاركات
    3,419

    منوررررات وميعاد ما ينمل ميعاد الليبيات

    اقتباس المشاركة الأصلية كتبت بواسطة عروسة ليبيا مشاهدة المشاركة
    iiiiiiiiiyyyyyyyyyyyyyyyyyyyyyyyyyyyyyyyyyy
    اقتباس المشاركة الأصلية كتبت بواسطة عروسة ليبيا مشاهدة المشاركة
    اي يعطيكن السعد والهناااااااااااااااااااا اااء ههههههههههههههههههههههههه ههههههه والله حشمتوني كثرنا عليك 50به به سلمك جيابه ما عليك ملام



    يااعويله محد برااني خلوها قعده عربيه وبلاش تكثرو خيركم سااااااابق


    يلا انشالله تجمع وجه حلوو عالجميع والله يا بناااااااااااات حطيتلكم هلبا حاجات وصورتها لكن امتسحت وتوة خلاص عيوني بيسكررو الساااعه 2 عندنا هناااا سابقينكم بساعتيين


    بناااااااااااااات راح نبدوووو كل واااحده تحط الحاجات العمليه الي تستخدم فيها من منتجات او عطور او كريمات او خلطات طبيبعه

    نبووو الامور المتداوله بين الناس والي سعرها معقول والحمدلله عرايس ليبيا حتى الي ظروفها ماديا صعبه تلقيها فالعرس تقوي ف قلبها وادير فكل عزيز وغالي وتشارك بيه الناس مش غريب علينا من عوادينا وكرمنااااااااااااااا




    يلالالا نبو الكرم يباان من يوم وغادي كلها تصور وتحط

    ههههههههههه جديات نبوه يكون مرررجع للخبرات وتبدال المعلومات وشن كل وحده جربت وووزي ما قلتكم امور متداوله والكل يقدر عليها وتناسب قدرة البنيه الليبيه سوا متوسطه ولا ميسوره ولا اقل شوي


    لازم نفيدو بعض نبوووه من اقوى التجمعاات ومشالله لاحظت حتى عرايس العرب يتابعو معانا زب ما نحنا نتااابعووو معااااهم

    شدووووو الهمه 1 2 3 ااااانطلقوووووووووووووووو وو

    وين الجمال الليبي:066: وين ؟؟


    نتلاقو بكرا علا احلا خلطات ووصفات ومنتجات مجرباات :032: انحبكم والله
    التعديل الأخير تم بواسطة عروسة ليبيا ; 10/01/2010 الساعة 01:18 AM سبب آخر: رد نعساااان

  14. #14
    عروس مبدعة الصورة الرمزية Hayela
    تاريخ التسجيل
    10/12/2009
    الدولة
    أرض الاحرار .. أرض عمر المختار
    المشاركات
    780
    بسم الله

    بالنسبة ليا انى


    الشعر
    نديرله فى الخلطة هادى والنتيجة تو تشوفيها كان بانت ههههه
    خلطة الشعر :
    ملعقتين كبيرتين سدر مطحون :لاطالة ونعومة الشعر
    ملعقتين كبيرتين محلب مطحون:رائحة عطرية للشعر

    الحكة الخضرة الكبيرة متاع زيت جوز الهند تلقيها فى العطارين ب 3 جنيه ممكن
    وتشرى 6 انواع من الشيش الصغر متاع الزيوت على حسب نوع شعرك والزيوت الى تمشى معاه
    بالنسبة لشعرى جاااف ومقصف وحالته حالة نستعمله فى:
    1 زيت عمبر
    1 زيت خروع
    1 زيت لوز حلو
    1 زيت جنين القمح
    1 زيت بدرة الكتان
    1 زيت الريحان

    السدر والمحلب ممكن يعطوهولك مش مطوح العطار فانتى تشرى منه حوالى 30 غرام من كل نوع وترحيه فى الحوش
    وتاخدى فازو مرششش كبير وتحطى فيه كل الزيوت والسدر والمحلب وتخضيهم كويسسسس وتخليهم منقعين اسبووووع

    بعد كل ما بتستخدمى تخضى كويس وتاخدى مقدار صغير وتسخنيه وديرى بيه مساج لشعرك وتلفيه بفووووطة سخونة
    وتخليه اقل شى 3 ساعات
    وتغسلى عادى بعدين ولازم مرتين فى الاسبوع


    وحقا لما نغسل فيه ديما ندهن بزيت الحية زى هادا






    اليدين
    ندهنوا فيهم كل يوم بالكريمة هادى ماشية معاى الحمد لله كويسة






    الوجه
    كل يوم الصبح بعد ما يطلع راجلى ندهنه بكبسولة من كبسولات فيتامين اى ليا شهر بادية فيه ونتيجة كويييييييسة مع انى مواضبتش عليه بالزبط شريته من الصيدلية ب 6 ونص ونوعه مصرى بس منصبا عالامريكى المدة الجاية بس قتلى ب 54 هلبا حسيته وشكله زى هادا بالزبط


    الجسم
    مدايرة برنامج تسمين نبى نولى 56 لانى توا 52 ونحس روحى ضعيفة مع انى راجلى قالى متسمنيش لكن قلنا خلى يتعبا الوجه شوية والتسمين يتلخص فى الواز وحركات ماعتقدش فى وحدة فيكم تبى تسمن هههه


    المنطقة الحساسة
    نديرولها فى مسك الطهارة من عبدالصمد القرشى

    خديت الطريقة من منتدى وندير فيها قاعدة بس قاعدلى مكعب واحد بس توا


    لنا رجعة

  15. #15
    عروس مشرقة
    تاريخ التسجيل
    28/07/2009
    الدولة
    لـــــيبيا
    المشاركات
    440
    السلام عليكم كيف حالكم ياعويلة روروروروروروروريييييييييي يييه شدي الفراشية يابنت
    هيييه سبقتوني كلكم عابية على روحي بنكون اول وحدة يلا وخلاص المهم وصلت وقفت بينا السيارة في الطريق ونزلنا اندفو الله تفضلو جبتلكم شوية حلويات رتكية ان شاء الله تعجبكم



    طبعا لبستي ردي حرير وتحزيمة مرشوقة رشق ونمدغ في اللوبان ومدايرة سواك ليبية اصلية

صفحة 1 من 94 123456789101151 ... الأخيرةالأخيرة

المواضيع المتشابهه

  1. كل ما يتعلق منتجات أيفون لشهر صفر 1431
    بواسطة emy_alex في المنتدى ركن المكياج
    مشاركات: 494
    آخر مشاركة: 17/02/2010, 12:54 AM
  2. شات بنات السعودية لشهر صفر 1431 ***
    بواسطة دانة قلبه في المنتدى شات عروس
    مشاركات: 7351
    آخر مشاركة: 14/02/2010, 05:39 PM
  3. رابطة امهات واطفال مصر .....لشهر صفر 1431....
    بواسطة Emo0o0Z في المنتدى شات عروس
    مشاركات: 910
    آخر مشاركة: 14/02/2010, 03:24 PM
  4. شات بنات مصر لشهر صفر 1431
    بواسطة تيميــة في المنتدى شات عروس
    مشاركات: 0
    آخر مشاركة: 16/01/2010, 05:13 AM