كيف ادمج الرضاعة الطبيعية مع الرضاعة الصناعية؟؟

[بروكولي]

السلام عليكم

كيفكم حوامل وامهات
مثل مو مبين من العنوان انا حاليا حامل وودي هالمرة ارضع البيبي النوعين لان صدري مايدر حليب واذا در يكون كلش مافيه اي فيتامينات وهذا الشي قاله لي الدكتور يوم ولدت ببنتي لان قامت ماترضع وتصرخ ونقص وزنها وايد عن ولادتها كل هذا في ظرف الشهرين وقال لي اني لازم ارضعها صناعي ومن رضعتها الصناعي هي امتنعت عن الطبيعي وثل ماقال لي الدكتور اني اواصل في الطبيعي للمناعة بغيت اطبق كلامه لكن بنتي مارضت
الحين ابي اعرف كيف الطريقة اللي اقدر اخلي فيها طفلي المرتقب يرضع من الاثنين وما ابيه يعتمد على الطبيعي كثر الصناعي

كل وحدة تحط لنا طريقتها اذا كانت ناجحة وحتى الامهات اللي مانجحت معاهم طرقهم يكتبوها لنا علشان اتفادى الوقوع في الغلط
وشاكرة لكم :057:

[јǿđ]

ما حبيت امر من دون ما ارد
بس انا بكريه وان شاء الله البنات يفيدونج

[ورد الخريف]

اقول لج عالجي مشكلة الحليب عندج ورضعي اللي بتيبين طبيعي

الا اذا كنتي موظفة او طالبة ممكن تعطينه رضعة او ثنتين باليوم

[أم نــــوف]

انا بعد حابه اعرف بما اني بكريه

ياليت الحريم يعطونا من خبراتهم

[بروكولي]

ما حبيت امر من دون ما ارد
بس انا بكريه وان شاء الله البنات يفيدونج

شرفتي اختي ومشكورة على الرد

[بروكولي]

اقول لج عالجي مشكلة الحليب عندج ورضعي اللي بتيبين طبيعي

الا اذا كنتي موظفة او طالبة ممكن تعطينه رضعة او ثنتين باليوم

اختي شلون يعني اعالج مشكلة الحليب؟
انا عندي وراثة حتى امي مثلي كانت والدكتور قال لي مامنه فايدة وابد مايشبع لدرجة انه قال لي لو مالحقتي على بنتج بصيدها كساح اذا تمت على الطبيعي
واذا في علاج ممكن تقولين لي شلون وما اعتقد ان في دكتور متخصص في مثل هالمجال
ومشكورة على الرد

[بروكولي]

انا بعد حابه اعرف بما اني بكريه

ياليت الحريم يعطونا من خبراتهم

مشكورة اختي على الرد وان شاء الله البنات مايقصرون بالردود

[بروكولي]

فوق لتعم الفائدة من خبراتكم الطيبة

[maha 33]

للرفع

[بنوتة البحرين]

خيو اشربي اليانسون يدر الحليب كثير..

[ღღ دريـــم ويــب ღღ]

انا توه علمتني الدكتورة كيف لاني مثلج صدري مايشبعها ودووم تصييح
قالت اول شي تعطينه صناعي يوم كامل بدون صدرك
ثاني يوم مرة طبيعي ومره صناعي
وثالث يوم رضعتين صناعي باليوم الصباح وقبل النوم
ولازم تشترين حلمة مسطحه وتوسعيها وتكون قريبة من شكل حلمة الام

وهذا انا احاول في بنتي رافضة تماما الصناعي

[دلوعة بودي]

حبيبتي الله يكون في عونج أول شي بالنسبة للحليب التغذية اللجيدة من قبلج تخلي الحليب يدر وخاصة إذا أخذتي الحلبه ماشاء الله تخلي الصدر يدر حليب وعندج بعد الرهش إلي هي الحلاوة البيضة والبيض يخلي الصدر يدر حليب وفي وايد أشياء سوي بحث وراح تلقين أكلات وايد تخلي الحليب يدر بالنسبة للرضاعة الصناعية أنصحج فيها بالليل بس علشان تشبع وفي نفس الوقت تريحج في النوم أمات إذا كانت في النهار ماتشبع وايد عطيها صناعي لم تكون نايمه وحاولي تاخذين الحلمات الصناعية إلي تكون مشابه لحلمة الصدر وربي ويوفقج ويسهل عليج حملج وولادتج

[بروكولي]

شكرا لكل من رفع الموضوع

الاخت دريم ويب
مشكورة على الرد وبصراحة سيفته عندي علشان اطبقه اذا ولدت بالسلامة ومبين عليها طريقة حلوة والله يعطيج الصحة ويهدي بنتج

الاخت
دلوعة بودي
مشكورة على الرد وبالنسبة لمدرات الحليب كلها تسمن وانا سمينة وجربتها من قبل وحتى لو صار ادرار في الحليب قال لي الدكتور ان الحليب نفسه مو اوكي مافيه اي شي مفيد للطفل سوى المناعة والله اعلم