اعرض عليكم مشكلتي هذه و ارجو منكم مساعدتي لانه من فوق ربي و انتوا من تحت واسطتي ياليت تقدرون تساعدوني في هالمشكله
انا بنت بعد 4 شهر بدش 26 ,موضوعي انه تعرفت قبل 4سنوات و نص ع شاب ماكان و لغاية اليوم مايشتغل ,تعرفت عليه عن طريق وحده من رفيجاتي بدايه ماكنت ابي اكلمه واايد كنت ابي اخلص نفسي لانه انا عمري مافكرت اكلم شباب بس غلطت هالمره و كلمت واحد و ياليتني ماكلمته و لاتعرفت عليه
المهم بعد شهر من معارفتي طلعت معاه و سويت معاه منكر و من يوميته متي يقول لي تعالي لازم اروح له و اذا قلت له لا يزعل و مايكلمني طبعن انا عشان انه مايزعل كنت اسمع كلامه (ياالله ماكنت منتبهه من زعل ربي يهمني زعل انسان عادي اللى مايحترمني ولا يقدرني) يقول لي انه زوج و زوجه مايجوز لهم انهم يسوون بعد الزواج اللي نسوي احنا الحين لانه حرام
و يوم اقول له انه الحين احنا مانسوي الحرام يقول مااعرف بس ادري اللى اعرفه انه زوج و زوجه حرام يسووون هالشي و بس لاتساليني واايد و انا اسمع كلامه مثل البلهاء كنت اعرف انه هو عنده علاقات ثانيه و انه هو يطلع مع بنات غيري لييييييييييين اكتشفت قبل سنتين انه هو يكلم وحده متزوجه و انه يطلع معاها و انه اعوذ بالله من الظن لكني متاكده انهم ينامون مع بعض , ينام مع هاي و لا مع غيره ماعاد يهمني كنت ابي اخلص نفسي منه و ابتعد عنه لكن هو مايخليني مشكله مصورني فيديو يوم اكون معاه و قبل فتره هددني انه بيجيني لين بيتنا و بالفعل جا ليني باب بيتنا بس خليته يروح عني و كلمته و هديته بالتلفون و يسبني يسبني و يسب امي و ابوي و هلي كلهم :16: يقول لي انتي تكلمين من وراي و خلاني بعد كل هاي هوشه اروح له و يسوي معاي اللى يبيه
والله خلاص ماابي اسوى هالشي ادري اني غلطت غلطه مااقدر اسامح نفسي عارفه اني سويت ذنب العظيم و بجد ابي اتوب بس هو مايخليني بحالي يبيني اروح له متى مايحب و اذا كللللللش ماقدرت لازم اعبي رصيدي عشان اراويه جسمي بالفيديووالله اني مااحب اسوي هالاشيا لاني برخص من نفسي احس نفسي بكون احقر من حقيره والله اني احترم و اعز نفسي بس هوو مو مخليني بحالي يهددني بالفيديوهات انه بيراويهم لهلي و انه بينشرهم بالمنتديات :ss: كل مره لما مايلاقي حد عشان يكلمهم يذكرني و اذا جاه اي اتصال بيخلني بروحي كم مره بغيت اساله اذا يبيني يجيني لين باب بتيتنا و اذا يبيني انطره ما يطلعني معاه كم مره تهت في المشاكل ماكان معاي العكس اذا هو تاه في المشاكل بكون جنبه يطلب مني فلوس ياااااااااربي بروحي راتب اللي اخذه مايغطي مصاريف البيت و هو يبيني اصرف عليه ادري اني ضعيفه وااااااايد بس شسوي هو الوحيد اللي يمشي كلمته عليه و انا هالشي ماابيه ماابي اكون مذلولة لاخر عمري و مو عارفه يبيني مايبيني و كل مره يهددني بالفيديوهات ساعدوووني رب يوفقكم
مجروحه و ماني عارفه شسوي :16:
رد مع اقتباس