السلام عليكم ورحمة الله وبركاته ..
أخواتي بصراحه ماأعرف من وين ابتدي مشكلتي فعشان جذيه راح اكتبها من البدايه وعلى الله أقدر اوصل لكم بالضبط المشكله ...
أنا متزوجة من 3 سنوات وعندي ولد عمر سنتين وثلاث شهور وحاليا حامل ... من بداية زواجنا والحمد الله زوجي كان مافي احسن منه كان يقسم الراتبه بيني وبينه مع العلم اني موظفة بس ماكان يسألني عن راتبي نهائيا وبعدها بكم شهر من زواجنا تقريبا 6 شهور تفنش زوجي عن عمله وانا كنت ساكنه بيت بروحي فأطرينا نطلع منالبيت وسكنا عند هلي فكان عندنا ملحق والحمد الله مشت الامور نوعا ما واستمر الحال لمدة سنتين تقريبا ... وفي خلال هالسنتين صارات مشاكل وايد منها البنك اشتكى على زوجي بسبه القرض الي عليه ولازم ايسدد وغله راح يتسفر مع العلم انه من دولة خليجية غير عن جنسيتي فأضطريت اني اخذ سلفه واسدد عنه السلفه عن لا يتسفر واهدم بيتي ... وخلال هذي الفترة اكتشفت خاياناته لي ممكن مرتين او ثلاث وفي آخر مره هو كان امسي حادث دراجة وكان متكسر فوقفت معاه وساعدته وكنت ااكله واشربه وحتى اسبحه لين ماتعافى وبعدها تفاهمت معاه عالموضوع ووعدني انه ماراح ايكررها وحطيت له شرط إذا كرر الموضوع راح اطلب الطلاق وهو كان متزوج قلبي ومطلق زوجته وعنده منها ولدين وكنت شايلتهم وماكنت امخليتهم يحتاجون أي شي ... وبعدها ظليت ادور له شغل واتوسل فلان وعلان لين ماأشتغل وبعد ماأشتغل ب5 شهور تفنش حاليا وصار له اسبوع من تفنيشه من شغله الجديد بسبب غيابه وانا كنت في بداية حملي وتعبانه وكنت قاعده في بيت هلي وماكنت اعرف بغيابه وكنت لما اتصل له كان ايقول لي انه في الشغل وهو ماكان ايداوم ... ولما الحين واجهته قال لي انه مب مرتاح في الشغل وانه مايعاملونه عدل .. وهو من اشتغل طلعني في شقة بروحنا والحين اضطريت ارجع بيت هلي بروحي طبعا مافي مكان اخوي تزوج وأخذ الملحق الي كنت فيه وهو طالب مني حاليا اسكن مع هله بس إذا سكنت مع هله ماراح اتكون فيه خصوصية بيصير ماعندي غير غرفتي وبس بدون حتى الله ايعزكم حمام راح ايكون مشترك وغير هذا انا وايد متضايقة من تفنيشه واحسه مايحس بالمسؤولية ولا بمهتم فيني ولا في عياله ماأعرف شاسوي وصرت حتى ماحب انام معاه ( الجماع ) .... فكرت في الطلاق بس تراجعت خفت على ولدي وعلى الي في بطني ارجوكم انصحوني ...
رد مع اقتباس