روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 8 من 8

الموضوع: خطيبي ؟؟؟؟؟

  1. #1
    عروس جديدة
    تاريخ التسجيل
    06/03/2008
    الدولة
    سلطنة عمان
    المشاركات
    22

    خطيبي ؟؟؟؟؟

    السلام عليكم

    كيفك اختي ساعة غروب؟؟

    مشكلتي وحيرتي وتعبي

    أنه خطيبي ما يحب يخبرني بالي يسويه واعرف اخباره من الناس الثانيه

    وصح انا ما كنت اتواصل معه واجد بس المفروض يخبرني بلي يعمله ويتعبني كل ما يجي شخص ثاني ويخبرني عنه

    وكل ما افاتحه بالموضوع يقول انه انا الوحيده الي بقلبه واني مو بعيده عنه وووووو الى اخره

    وانا الي أسال عنه كل مره ولو ما سألت ينقطعن اخباره عني

    اما هو لا يخبرني ولا يقول لي شي الا اذا سألته انا

    ونحن نتواصل بس الغريبه انه ما يخبرني بشغله ابدا لانه هو ما عنده شهاده ثانويه بس يشتغل بالاعمال الحره كل مره شغله يعني

    وهالشي يتعبني نفسي اعرف ليش ما يخبرني بشغله اذا كلمني يسألني عن احوالي انا واحوال اهل البيت وسوالف عاديه وما يحب يتطرق الى شغله وايش يخطط لمستقبلنا وكذا يعني


    وانا قررت اني ما اكلمه ولا اسأله ولا اريد اعرف عنه شي بس أنسى وارجع اساله وهو يجاوب وانا كان نفسي هو يجي ويخبرني ويأخذ برايي ونساعد بعض ونساند بعض بس للأسف ما صار هالشي

    وقد فاتحته بالموضوع بس ماشي فايده


    ايش رايك اخصائيتنا؟؟؟؟

    (( انا طالبه جامعيه وتخرجت هالسنه بهاده بكالريوس في تخصص العمل الاجتماعي وعمري 23 سنة ))

    وأي اسئله انا جاهزة ولا تستغربي من اسمي لاني باغيره ))

  2. #2
    أخصائية اجتماعية
    تاريخ التسجيل
    13/05/2008
    الدولة
    البحرين
    المشاركات
    636
    هلا اختي

    عموما ً الرجل لا يحب ان يتكلم بشؤونه الخاصة مثل العمل وطريقة العمل وما يحتوي العمل من مهام

    ادري بتقولين لي انه الحياة شراكة واني انا زوجته ولازم يخبري بكل شاردة وواردة في حياته ولاني انا اللي بشيله في ازماته والضروف اللي تمر علينا في حياتنا الزوجيه

    وكلامك صحيح 100% ولكن طبيعة الرجل تفرض عليج هالنوعية من التعامل وازيدك من الشعر بيت انه زوجك وايد زين انه اذا سألتيه يجاوب في ازواج حتى مع السؤال يطلعون الموضوع ويدخلون موضوع مختلف

    انا من رايي انج تقعدين معاه وتقنعيه انه يكلمك في الامور اللي تخصه وفهميه انج تحبينه وانتك متقبلته بوضعه الحالي قد يكون متحسس من كونك جامعية وهو لم يحصل على الثانوية

    فلابد من جلسة الحوار بينكما والله الموفق والهادي

    تنمياتي القلبية لك بالعادة والرضى في الحياة الزوجية

  3. #3
    عروس جديدة
    تاريخ التسجيل
    06/03/2008
    الدولة
    سلطنة عمان
    المشاركات
    22
    شكرن لك أختي

    وانا والله كلمته وتناقشنا بس ماشي فايده

    لدرجه اني اشك انه ما يحبني ولا يريدني بس اتفاجأ انه يقول لي أنا الحين بشتغل عشانك انتي

    وانا قررت اني ما اسأله خلاص


  4. #4
    أخصائية اجتماعية
    تاريخ التسجيل
    13/05/2008
    الدولة
    البحرين
    المشاركات
    636
    هلا اختي

    والله بصراحة احسن لك لا تسألين ولا تعورين راسج وهو لما يشوفك جذي راح هو يجي ويكلمك من نفسه

  5. #5
    عروس جديدة
    تاريخ التسجيل
    06/03/2008
    الدولة
    سلطنة عمان
    المشاركات
    22
    خلاص ساعة غروب راح اخذ بشورك

    و الحين مر 7 ايام ولا حتى رسل لي رساله او كلمني

    وانا بعد

    وبشوف اخرتها ايش

    مع اني حاسة بشي راح يصير

    والله كريم


    مشكوره ساعة غروب :wink:

  6. #6
    أخصائية اجتماعية
    تاريخ التسجيل
    13/05/2008
    الدولة
    البحرين
    المشاركات
    636
    الله كريم وخبريني شنو يصير معاج

  7. #7
    عروس جديدة
    تاريخ التسجيل
    06/03/2008
    الدولة
    سلطنة عمان
    المشاركات
    22
    صار له تقريبا أسبوع وهو مسكر تلفونه

    ولا مهتم بشي

    او يجي في باله اني اتصل او ارسل ويكون هو مسكر تلفونه (( مافي فايده ))

    وحابه اضيف لك \\

    انه هو ما يشتغل ولا مكمل دراسته وصار له تقريبا سنه يقول انه يشتغل في الاعمال الحره لانه مو حاب ابوه واخوه يساعدوه في شي لما يقرر الزواج وطلب مني انتظره في الفتره الي يستعد فيها هو ويجمع له كم من قرش وما يعتمد على احد

    بس اخر مره سافر سياحه(تونس) يعني الفلوس الي جمعها راحت على سفرته

    وهذا هو الحال الحين يمكن مسكر تلفونه لانه مسافر بعد

    وانا ماني عارفه ايش اسوي ولا انا فاهماته

    وانا قلت اني ما اراح اكلمه بس حسيت نفسي مليت منه ومليت من نفسي وصار لنا 5 سنوات مخطوبيين عن طريق امهاتنا

    والكل مستغرب حتى الحين ما صار شي

    فقلت في نفسي الحين بحاول اتصل به اليييييييين يرد ويكون فاتح تلفونه

    واصارحه بكل شي

    ولا اسكت واخلي امري لله؟؟

    يارب تكوني فهمتي

  8. #8
    عروس جديدة
    تاريخ التسجيل
    06/03/2008
    الدولة
    سلطنة عمان
    المشاركات
    22
    السلام عليكم

    تقريبا مر شهر على اخر مشاركة لي هنا

    وحابه اقول لك

    ان انا وخطيبي انفصلنا

    الله قدر هالشي

    والحمد الله على كل حال

    ..................................


    ومشكورة على كل شي ساعة غروب

    مع السلامه

المواضيع المتشابهه

  1. انا و خطيبي
    بواسطة ..لمعة عين.. في المنتدى استفسارات أفكار و خبرات
    مشاركات: 14
    آخر مشاركة: 05/09/2008, 09:19 PM
  2. انا و خطيبي .................. ؟؟؟؟؟
    بواسطة RONITTA9003 في المنتدى قضايا وحلول
    مشاركات: 9
    آخر مشاركة: 16/12/2007, 04:42 PM
  3. خطيبي مو من اهل نجد
    بواسطة +*+نجود+*+ في المنتدى قضايا وحلول
    مشاركات: 11
    آخر مشاركة: 01/07/2003, 07:52 AM