روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 7 من 7

الموضوع: يا بنات انصحوني ونوروني

  1. #1
    عروس جديدة
    تاريخ التسجيل
    19/07/2003
    الدولة
    uae
    المشاركات
    2

    يا بنات انصحوني ونوروني

    السلام عليكم

    يابنات انا اول مرة اشارك معاكم اهنيه واللي خلاني اتشجع واقولكم مشكلتي هي ردودكم المنطقية يعطيكم العافية ..

    السالفة ومافيها يابنات اني اتعرفت على واحد من 3 سنين عن طريق النت
    اعرف اني غلطت بهالشي بس كنت محتاجة والله احد يوفق معاي وخاصة اني كنت امر بظروف مرة قوية ، المهم هو من البداية كان يصرح لي بحبه وانا كنت اصده ودوم اتضارب وياه بس هو متعلق فيني لدرجة اكبيرة، وكان دوم طيب معاي بس انا كنت الاسنه ، المهم هالسنة تقريبا مريت بظروف صعبة وخاصة انه ماعندي ربع ولا حد يهتم باللي اقوله فكرت اني اقوله على مشكلتي، وكنت فعلا اتعرض من مضايقات من المدير اللي كنت اشتغل عنده، وقلت يمكن هو ينصحني شو اسوي ، ماعرف صراحة شو اللي صار وبديت اكلمه بالتلفون وقال لي انه يبيني بالحلال وقلت له اذا فعلا تباني صل صلاة الاستخارة ، مادري صراحة كيف يتني الجرأة بس والله مليت كل يوم على نفس الموال يفتح لي السالفة، المهم شو اللي صار اتصل فيني وقال انه ارتاح لما صلى فانا شكيت قلت يمكن عشان ايحبني قال جي فقلت خلاص انا بصلي بعد، على فكرة كنت انا مااميل له ولا اواطنه صراحة ، وصليت بس شو حلمت حلم يبشر بالخير وكل ماصلي فيه احلم بالمطر والين اليوم ، بس انا بصراحة خايفة هل هو فعلا يباني
    وخاصة اني بديت اتعلق فيه وايد، والله ماعرف شو اللي صار وخلاني احبه.

    انا الحين محتارة باللي سويته صح ولا غلط عطيته العنوان وقال انشاء الله قريب بيتقدم، بس احس اني استعيلت لانه مب من الامارات يعني هو من الخليج ، والله احس اني ضايعه بافكاري كيف بيصير وشو اللي بيستوي.


    والحين مرت لنا فترة ماتكلمنا والافكار تودي وتيب هل هو صادق وياي؟ هو فعلا يباني ولا يلعب وياي؟ ولين اليوم اصلي واستخير هل اتم وياه ولا لا لاني اكتشفت اشياء حلوة وايد فيه وانا مابي بلحظة اخسره، يعني فوضت امري لربي بس كيف اعرف نتيجة الصلاة ؟

    سئلت ربيعتي وخبرتها عن صلاة الاستخارة قالت لي ممكن يتقدم لج فعلا بس مايصير لكم نصيب ؟؟؟ بصراحة مادري شو ردها ها



    واسفة عالاطالة ويزاكم الله الف خير

  2. #2
    عروس نشيطة
    تاريخ التسجيل
    12/07/2003
    الدولة
    الامارات
    المشاركات
    113

    هلا دموع الغالية

    السلام عليكم ورحمة الله وبركاته ...........

    هلا فيج اختي ... الصراحة قريت موضوعج واستغربت واااااااااايد من اللي قريته ...

    اختي انت ارتحت للريال بس انتي ما تعرفين نواياه بالضبط في البداية لكن ما دام هو قالج انه بيي يخطبج اتريي يوم بيي ويتقدم لج .. لا تستعيلين

    اسالي عنه زين ما زين ... خلي اهلج يسألووون عنه الزواج يا حبيبتي

    مو شي هين ... هذا ارتباط روحين وجسدين ... ولا تزعلين اذا اهلج ارفضوا هذا الريال ......... وصلي استخارة مرة ثانية وتأكدي ...

    ولا تتراجعين تسألين عنه ؟

    كون انه في بلاد وانتي في بلاد ...........


    والله يوفقج

    والسموووووووووووووووووووو وحـــــــــــــــــــــــ ـــــــــــــــــــــــــ ـة



    اختج : غيث السحايب

  3. #3
    عروس نشيطة الصورة الرمزية u 2
    تاريخ التسجيل
    17/06/2003
    الدولة
    sa
    المشاركات
    130
    اهلين اختى
    ابى اقول لك انت سويتى الى عليك لو هو صحيح يبغاك راح يجى حتى لوكنت بصحراء راح يجى هذا اذا كان يحبك بس انتبهى مو اى انسان يقول كذا معناه صادق في ناس تتزوج خارج بلدهم عشان محد يقدر يسال عنهم وتلاقيهم من جد ناس مو كويسين عشان كذا اقول لك انتبهى لازم تسالى عنه والله يوفقك

  4. #4
    عروس نشيطة الصورة الرمزية عيون السهد
    تاريخ التسجيل
    02/06/2003
    الدولة
    الإمارات
    المشاركات
    196
    عزيزتي دموع ..
    يمكن الظروف اللي مريتي فيها خلتج تتجهين للتعرف عن طريق النت .. لكن تحذري وايد منها .. ترى مشاكلها أكثر من استقرارها ..
    وأنا أقول لج إني مريت نفس تجربتج .. وإن شا الله زواجي من الإنسان اللي تعرفت عليه بيكون قريب .. أنا ما أنصح بهالطريقة لأنها تييب وايد مشاكل لكن الحمدلله بالصبر والصراحة والتفاهم اللي بينا حلينا مشاكلنا واستمرينا .. والحمدلله إن هالإنسان ماكان لعاب .. لأن البنت تخدعها وتجذبها الكلمة ..

    عزيزتي .. حاولي ما تعطين هالإنسان مجال أكثر من اللازم .. ودامه قال بيتقدم وإنتي صليتي الاستخارة خلاص خلي اتكالج على الله .. لو هذا الزواج فيه خير لج وله صدقيني الأمور بتتسهل لوحدها ولا تعتمدي على الأحلام بس .. أهم شي في الاستخارة هو تسيهل الموضوع وفتح الأبواب له عشان يكتمل وهالشي يي من رب العالمين ..

    على فكرة ترى في نوع من الشباب يحاولون مع البنت في البداية بالطريق الغلط .. لكن لما ما يلقون فايدة يدخلون عليهم بطريق الحلال والزواج عشان البنت ترضى وتمشي على هواهم .. حاولي ما تتأثري وايد من الكلام المعسول .. وخلي عندج كلمة وحدة وحدة بس .. "تبيني ؟؟ تعال لأهلي وغير جي أنا ما عندي" .. خليج قوية شوي عشان تمشي أمورج أو بياكلوج الذياب ..

    ولاتخافي أبد إلا من رب الكون .. ولا تحتاري دامج اتجهتي لله في صلاة الاستخارة .. وهو اللي بيسهل أمورج سواء مع هذا الإنسان أو مع غيره .. ولا تتركي العنان لمشاعرج وايد لأن لو هالإنسان مب صادق إنتي اللي راح تتعبين وتتعذبين وتفقدين الثقة بكل الناس .. حاولي ما توصلي لهاي المرحلة .. وأتمنى لج التوفيق بإذن الله.

    أختج عيون السهد

  5. #5
    عروس برونزية الصورة الرمزية عبير الشوق
    تاريخ التسجيل
    29/04/2003
    الدولة
    Q8
    المشاركات
    1,640
    عزيزتي احنا ما راح نناقش الحين مدى صحة او خطأ اللي سويتيه .. اقصد انج كلمتيه بالنت و عقبها التليفون ! بس مدام انج ما تماديتي و مشيتي بالطريق الصح ، فمثل ما قالو الخوات انطري شوي و راح يبين مدى صدقه او كذبه .. ان بدا يتعلل بالظروف و اهلي و انتي من ديرة و انا من ديرة .. ابعدي عنه فورا و بدون اي مناقشة .. لانه هذي فرصة الشيطان انه يخليج تتمادين مع واحد غريب عنج .... اصبري و انطري ... و اهم شي ادعي انه يا رب ان كان لي خير معاه وفقنا .. و ان ما كان لي خير معاه ابعده عني .. والله يوفقج انشالله و يحقق لج اللي فيه الخير والمصلحة لج .. واعذريني يالغالية على اني طولت

  6. #6
    عروس جديدة
    تاريخ التسجيل
    19/07/2003
    الدولة
    uae
    المشاركات
    2
    السلام عليكم

    خواتي العزيزات مشكورات عالرد والله يعطيكم العافية

    خواتي انا مقتنعه بكلامكم 100% والله ، وصدق افكر كيف يتني الجرأة وكلمته، والله اعيش بصراع نفسي اكبير ..
    يابنات انا فكرت بصراحة اني اقوله وبالحرف الواحد اذا يباني ايني لباب بيتنا، بس المشكلة الحين انا ماعارفة كيف امهد الدرب لهالكلام ...انا مابغي اجرحه او انقص من ماي ويهي كيف بقوله وانا خاصة اتعلقت فيه وايد ..

    والشي الثاني اخاف

    فرضا الله لاقال انه طلع نذل شو اسوي انا اخاف يبدا يهدد وخاصة انه يعرف كل شي تقريبا عني .. يا بنات هاي مجرد افكار والله انا عارفة انه مابيضرني انشاء الله بس ها مجرد افتراض ... والله محتارة

    :confused::confused::confused:

  7. #7
    عروس مشرقة الصورة الرمزية سنديان
    تاريخ التسجيل
    23/06/2003
    الدولة
    جدة
    المشاركات
    437
    حبيبتي إذايبغاك صحيح وما يلعب عليك يجي يتقدم لولي أمرك ويطلبك منه بالحلال وغير كذا مافي

المواضيع المتشابهه

  1. ولدك يبي أخ وعندك بنات انصحوني
    بواسطة لينابنت فيصل في المنتدى النساء و الحمل و الولادة
    مشاركات: 5
    آخر مشاركة: 23/05/2009, 11:17 AM
  2. بنات الامارات انصحوني بلييييييييييييييز
    بواسطة الحسناء الرقيقه في المنتدى التعليم و شؤون الطالبات
    مشاركات: 2
    آخر مشاركة: 15/10/2008, 11:02 AM
  3. انصحوني بنات
    بواسطة خرزة زرقة في المنتدى التربية والطفل
    مشاركات: 5
    آخر مشاركة: 05/11/2006, 04:28 PM
  4. بنات انصحوني شو يناسبني؟
    بواسطة mannoy في المنتدى ركن المكياج
    مشاركات: 14
    آخر مشاركة: 07/10/2005, 08:45 PM
  5. بنات انصحوني استعمل شو....؟؟
    بواسطة روضة بوظبي في المنتدى ركن العناية بالبشرة والجسم
    مشاركات: 4
    آخر مشاركة: 02/02/2005, 09:16 PM