السلام عليكم أخواتي مرتادات ركن التجهيز.. الله يسهل على الجميع ويرزق كل من يتمنى.. طبعا من ولدت بنتي صار لي ست شهور بس يات فترة المنتدى أخترب وتعطل.. وأنا صارت عندي ظروف وماقدرت أنزل الصور...
تجهيزاتي كانت من النت والباقي التفصيل في محل بالمنامة...
والحين أخليكم مع الصور... قولوا ماشاء الله وصلوا على النبي...
أول صورة مدخل باب المستشفى.. البالونات طلبنتها من النت حبيت شكلها وبعدين وديتهم عند بيانكا وقاموا بالواجب..
الصورة الثانية أسم فجورة.. كنا مترددين على الأسم لأن زوجي مو راضي بس أنا طبعته وخليته أحتياط.. وأستوحيت الألوان من ديزاين البالونة...
الصورة الثالثة.. صورة للبالونات وستاند التوزيع (سويت سيديات قرآن جزء عم بصوت الشيخ مشاري العفاسي) واللصاق كان نفس تشكيلة البالونة بعد...
الصورة الرابعة.. السيدي مقرب..
الصورة الرابعة.. منظر للغرفة... والبانر بعد من النت نفس تشكيلة البالونة...
الحلويات سويت البسكوت نفس ألوان البالونة... وشريت أشكال حيوانات وطلبت من المحل يلصقونهم عليهم... وكان بعد في معجنات وشوكلاته من السعودية من الوليمة بس مو لاقية الصورة..
وهذي الكلينكس نفس البالونة بعد.. وسويت من نفس قماشي الحافظة له..
وأخيرا صورة سريعة لملحفي وملحف بنتي.. ماقدرت أحط صورة المستشفى لأني أنا كنت عليه.. وهذي صورة سريعة من البيت... هذا كله مع مفارش من المحل في المنامة... مع غطاء الكلينكس والكوشنات وتكرمون الشبشب.. وسلة بنتي هذي كانت قديمة من أيام ولدي بس كانت باللون الأزرق فغيروها لي... طبعا الوانها بعد مستوحاة من البالونة (حشه مسمار جحا هالبالونة)...
كل اللي تمر بموضوعي تدعي لي يحفظ لي بنتي من كل شر ويبلغني فيها عروس ويخليها لي ولأبوها ويخلي لنا أخوها الشيخ عبدالله...