صفحة 1 من 9 123456789 الأخيرةالأخيرة
النتائج 1 إلى 15 من 121

الموضوع: سفرتي الى TANZANIA ... بالصووور

  1. #1
    عروس مبدعة الصورة الرمزية men_gady
    تاريخ التسجيل
    30/11/2006
    الدولة
    AD
    المشاركات
    537

    سفرتي الى TANZANIA ... بالصووور

    السلام عليكم ورحمة الله وبركاته

    شخباركم بنات عروووووووووس ؟؟؟ اول شي رمضان مبارك وينعاد علينا وعليكم ان شاء الله

    الاخت من قدي سافرت تنزانيا بتاريخ 23- 7 ورجعنا بتاريخ 19 - 8 تقريبا قعدنا اهناك مدة 3 اسابيع <<< حسيتهم 3 ايام مرووو بسسسسسسرعه سبحان الله واخر يوم قلت لامي سيروا انتوا وانا بتم يالسه اهني <<< وايد ماخذة راحتي :tongue:

    تنزانيا تقع ف قارة افريقيا بلاد فقيرة والناس ع قد حالهم لا مظاهر ولا شي ... البلاد حلوة بطبيعتها الخضرا وناسها الطيبين ... ماتنفع حق شوبينج لان ماعندهم ولا مول واحد شي سوووق جان تبون تاخذون سمان حق البيت

    المهم تميت اجهززز حق السفر واول شي بديت احطه ف الشنطه شووو ؟؟؟
    ملابس لااااااا
    كريمات لاااااا
    كاميرا لاااااااا
    ادوية لاااااااا

    شوووووووو؟؟؟؟

    اكل خفت اموووت جوووع اهناك ... اشتريت حلويات وشبسات من اللي يحبه قلبكم

    وهذي شنطتنا ..






    وهني مخبأ الحلويات بعد كنت ابا اسكره بقفل خفت حد ف المطار يسرق حلوياتي ...







    طيارتنا كانت الصبح ف مر علينا الدريول الساعه 6 الصبح ووصلنا مطار دبي الساعه 7 ونص






    وطيارتنا كانت الساعة 10 قعدنا ف الديوتي فري ورحت ابا اخذ كوفي ولا عيني راحت عند ( أنا أحبه ) وشفت الناس تفطر ماكدونالدز برجر و ووجبات قلت فوووووووووقه وخذيتلي كولا و بيج فرينش فرايز






    قعدت ع النت اشيك ايميلاتي و ابلع ف الماكدونالدز

    وصلت الساااعه 10 وقالوا ندخل الطيارة انا كنت بروووحي وامي واختي الصغيرة مع بعض
    يقولون دعاء المسافر مستجاب وكنت ابا ادعي ان الله يرزقني الزوج الصالح بس اول ماشفت الكرسي اللي عدالي فاضي قلت ياااااااارب محد يقعد عندي والحمدالله استجاب

    وحلقناااااااااااااا عالياااا







    قتلكم انا كنت بروووحي وامي واختي الصغيرة بعااد عني ولااقدر اشوفهم والتقينا ف الترانزيت .. المهم انا كنت عند الشباك وحد عندي والنص عايلة انجليزية وبعدهم واحد افريقي وزوجته مادري حبيبته ... قاعد ياشرلي ويحرك شفايفه مافهم شو يقول ولا اسمع اخر شي طلع شووووووو يقولي ابا ايلس عدالج وانا جسمي يرتجف ولزقت ويهي ف الشبااااك وصرت حتى اخاف اشوف صوبهم واتريا منهم حركه عسب اخبر الموظفين بس الحمدالله انخمد 3 ساعات وماقام الا ع الساعه الاخيرة....


    المنظر كااااااااان عجيب من الطيارة واهني لما عبرنا المحيط الهندي







    واهني لما دلعوووني :o






    والسويت







    الترانزيت كان مطار دار السلام ساعتين بعدين نركب طيارة ثانية صغيرة وضيقه لزنجبار


    اول ماوصلنا دار السلام نزلت من الطيارة وامشي بروحي ادور وين امي وين امي واول ماشفتهااا ركضضضضضضضضت عندهاااا <<< لقاء بعد 5 ساعات

    مسكونا الموظفين قالولنا وين ورقة صفرا ؟؟؟ اي ورقة صفرا ؟؟؟ اليلووو فيفر ( حمى صفرا ) انا اول مرة اسمع فيهاااا ... قلنا ماعندنا قالوا كيييييييييف بطوفون اهني وانتوا ماعندكم .. عصبت امي وقالت محد قالنا ان لازم ناخذ هالابرة واحتشرت معاهم مااافي فااايدة الييييين شوووووووو .؟؟؟؟ طلعت كم من بيزة ومشوووهااااااااااا ..

    اسستغفر الله ع هالمطار مذذذذذلة ماتمشين الا وانتي توزعين بيزات عليهم ...

    الحمد لله طلعنا وركبا الطيارة المعفنة






    وحلقناااا من جديد بس هالمرة الحمدالله كنا كلنا مع بعض بروحا الطيارة مفعوصة

    20 دقيقة ووصلنااااااا

    واهني صووووورة جوية






    واهني ونحن نهبط للمطار






    وهني لما وصلنا بالسلااااااااامة وكان تقريبا 6 المغرب








    ابي تشجييييييييييع عسب انزل البارت الثاني واراويكم كيف الدولة وكيف الناس وعيشتهم اهنااااك

  2. #2
    مشرفة سابقة الصورة الرمزية ema_85
    تاريخ التسجيل
    20/11/2004
    الدولة
    عُمانية نعم وأفخر ...... عُمانية وأمي عُمان
    المشاركات
    8,092
    تصويرك حلو بصراحه

    وعجبني مخبأ الاكل كثييير

    وننتظر البارت 2

    الله يعطيك العافيه يالغلا

  3. #3
    عروس جديدة الصورة الرمزية dream of life
    تاريخ التسجيل
    01/09/2009
    الدولة
    البحرين
    المشاركات
    43
    شكرا على الصورة حلوووووووووين

    ماشاء الله

  4. #4
    عروس متميزة الصورة الرمزية halakhaled
    تاريخ التسجيل
    09/08/2007
    الدولة
    و ظني فيك يا رب جميل فحقق يا إلهي حسن ظني
    المشاركات
    4,841
    ماشاء الله
    الصور حلوة اوى وتصويرك يجنن

  5. #5
    عروس متميزة
    تاريخ التسجيل
    13/09/2008
    الدولة
    هَذَا مَا هُو غُرُورْ الِلي تِشُوُفُونَه .. هَذِيِ عِزَةْ نَفْسِيِ فِي قِمَة تَوَاضُعهَا. . }
    المشاركات
    2,532
    روٍوٍوٍوٍوٍعه مآشآء آلله وآلتصوير آرووع ~ عيشتينآ بجو آلرحله . . ْ}

    إن شآء آلله تكوني إنبسطتي !!

    ربي يعطيك آلعآفيه ويوفقك ويرزقك بآلزوج آلصآلح . . ~

  6. #6
    عروس متميزة
    تاريخ التسجيل
    11/12/2007
    الدولة
    مملكة البحرين
    المشاركات
    2,808
    ووووووووووووووووووواصلي فديتج
    متابعتج ومني احلى وارق تشجيع
    يلا عاد نزلي ها تراني اتريه <<<<<<< انقلبت اماراتيه خخخ
    في انتظار الجزء الثاني واتمنى انج ما تطولين علينا

  7. #7
    عروس متميزة الصورة الرمزية حكايه المطر
    تاريخ التسجيل
    16/11/2007
    الدولة
    عالم الخيال المليئ بالجمال
    المشاركات
    2,011
    وااااااااااو رااااائعه:clap:ماشاء الله تبارك الله
    استمري حبيبتي ولك مني اقوى تشجيع <<<تمووووت على السفريااات:wink: بس حبيبتي ماذكرتي سبب السفره؟؟!!!!!!!!
    بدايه مميزه ننتظرك البقيه على احر من الجمر وتستاهلين من جد التميز والتقييم من عندي...

  8. #8
    عروس متميزة الصورة الرمزية فنونة
    تاريخ التسجيل
    07/05/2008
    الدولة
    تونس الخضراء
    المشاركات
    3,686
    وااااااااااااااااااااو شوقتيني
    يلا نبي البقية بسرعه

  9. #9
    عروس رائعة
    تاريخ التسجيل
    25/03/2008
    الدولة
    •Kωт•
    المشاركات
    1,094
    يآآآآآي ماشالله حيل حيل حلو التصوير .. تسلمين حبيبتي

    عيشتينا الجو ، أنا بصرآحه افضل أروح للدول اللي جذي .. غيري جو المولآت عندنا تارسه الديره ..

    التغيير مطلوب .. < لكن مو كل مره هع

    أنتظر البآت ال 2 بفآرغ الصبر

    لآ تحرمينا جديدج !! ..

    دمتي ..

  10. #10
    عروس متميزة
    تاريخ التسجيل
    28/01/2007
    الدولة
    اللهم إنا نسألك.... زيادة في الدين...وبركة في العمر...وصحة في الجسد...وسعة في الرزق....وتوبة قبل الموت....وشهادة عند الموت....ومغفرة بعد الموت...وعفوا عند الحساب..ونصيبا من الجنة...وارزقنا النظر إلى وجهك الكريم...
    المشاركات
    4,118
    ماشاء الله رووعة
    ربنا يسعدك

  11. #11
    عروس جديدة الصورة الرمزية غلآي
    تاريخ التسجيل
    13/03/2009
    الدولة
    قطر
    المشاركات
    44

    وهني مخبأ الحلويات بعد كنت ابا اسكره بقفل خفت حد ف المطار يسرق حلوياتي ...






















    ههههههههههه استانست ع تعليقاتج ^^
    وتصويرج نآآيس ..
    نتريّا البارت الثاني حبوبه









    .

  12. #12
    عروس نشيطة الصورة الرمزية قطرية حيل~
    تاريخ التسجيل
    31/08/2009
    الدولة
    Qāŧāя
    المشاركات
    102
    وااايد حلو ننتظر الجزء الثاني ،،

  13. #13
    عروس مبدعة الصورة الرمزية men_gady
    تاريخ التسجيل
    30/11/2006
    الدولة
    AD
    المشاركات
    537
    اقتباس المشاركة الأصلية كتبت بواسطة ema_85 مشاهدة المشاركة
    تصويرك حلو بصراحه

    وعجبني مخبأ الاكل كثييير

    وننتظر البارت 2

    الله يعطيك العافيه يالغلا
    مرورج الاروع عزيزتي

    الحلويات قعدت يومين وشطفوووها الياهال اهناك

    وفالج طيب البارت الثاني اليوم بنزله

    اقتباس المشاركة الأصلية كتبت بواسطة dream of life مشاهدة المشاركة
    شكرا على الصورة حلوووووووووين

    ماشاء الله
    وشكرا ع مروووورج



    اقتباس المشاركة الأصلية كتبت بواسطة halakhaled مشاهدة المشاركة
    ماشاء الله
    الصور حلوة اوى وتصويرك يجنن
    ده انتي اللي بتجنني ياحبيبتي :wink:


    اقتباس المشاركة الأصلية كتبت بواسطة •°• دموع آلورد •°• مشاهدة المشاركة
    روٍوٍوٍوٍوٍعه مآشآء آلله وآلتصوير آرووع ~ عيشتينآ بجو آلرحله . . ْ}

    إن شآء آلله تكوني إنبسطتي !!

    ربي يعطيك آلعآفيه ويوفقك ويرزقك بآلزوج آلصآلح . . ~
    اهم شي انكم تعيشون الجو معاي

    الحمدالله استانسنا وايد وتسلميلي ع الدعوة الحلوة :o



    اقتباس المشاركة الأصلية كتبت بواسطة حلم السعادة مشاهدة المشاركة
    ووووووووووووووووووواصلي فديتج

    متابعتج ومني احلى وارق تشجيع
    يلا عاد نزلي ها تراني اتريه <<<<<<< انقلبت اماراتيه خخخ

    في انتظار الجزء الثاني واتمنى انج ما تطولين علينا
    وفااااااالج طيب يالغالية و اليوم بنزل البارت الثاني

    اقتباس المشاركة الأصلية كتبت بواسطة rasseess مشاهدة المشاركة
    وااااااااااو رااااائعه:clap:ماشاء الله تبارك الله
    استمري حبيبتي ولك مني اقوى تشجيع <<<تمووووت على السفريااات:wink: بس حبيبتي ماذكرتي سبب السفره؟؟!!!!!!!!
    بدايه مميزه ننتظرك البقيه على احر من الجمر وتستاهلين من جد التميز والتقييم من عندي...
    يسلمووووو حبيبتي

    امي ربي يحفظها ويخليها لي من مواليد تنزانيا ف رحنا نشوف اهلها وربعها وهذي مب اول مره اسيرلها هذي المرة الخامسة

    اقتباس المشاركة الأصلية كتبت بواسطة فنونة مشاهدة المشاركة
    وااااااااااااااااااااو شوقتيني
    يلا نبي البقية بسرعه
    باذن الله اليوم بنزل البارت الثاني ولايهمج يالغالية

    اقتباس المشاركة الأصلية كتبت بواسطة ~Lolli( Mizmerize )Pop ~ مشاهدة المشاركة
    يآآآآآي ماشالله حيل حيل حلو التصوير .. تسلمين حبيبتي

    عيشتينا الجو ، أنا بصرآحه افضل أروح للدول اللي جذي .. غيري جو المولآت عندنا تارسه الديره ..

    التغيير مطلوب .. < لكن مو كل مره هع

    أنتظر البآت ال 2 بفآرغ الصبر

    لآ تحرمينا جديدج !! ..

    دمتي ..
    وانا كذلك خصوصا هالبلاد وايد احبها وتعودت عليها و ع اهلها لان هاي المرة الخامسة اروحها ف احسن صدق اني غيرت جو من الخاطر وتضطرين تعيشين بالوضع اللي هم عايشين فيه ..

  14. #14
    عروس مبدعة الصورة الرمزية men_gady
    تاريخ التسجيل
    30/11/2006
    الدولة
    AD
    المشاركات
    537
    اقتباس المشاركة الأصلية كتبت بواسطة om_tota مشاهدة المشاركة
    ماشاء الله رووعة
    ربنا يسعدك
    اسعدني مرورج

    اقتباس المشاركة الأصلية كتبت بواسطة غلآي مشاهدة المشاركة
    وهني مخبأ الحلويات بعد كنت ابا اسكره بقفل خفت حد ف المطار يسرق حلوياتي ...

























    ههههههههههه استانست ع تعليقاتج ^^
    وتصويرج نآآيس ..
    نتريّا البارت الثاني حبوبه










    .
    لووووول

    افا عليجاليوم باذن الله بنزل البارت الثاني


    اقتباس المشاركة الأصلية كتبت بواسطة قطرية حيل~ مشاهدة المشاركة
    وااايد حلو ننتظر الجزء الثاني ،،
    مرورج الاحلى وتابعوني ف البارت الثاني

  15. #15
    عروس مبدعة الصورة الرمزية men_gady
    تاريخ التسجيل
    30/11/2006
    الدولة
    AD
    المشاركات
    537
    part 2

    بعد ماوصلنا بالسلامه .. رحنا بيتنا اللي اهناك

    وهذا الباب الرئيسي للبيت










    وهني الحديقة من ورا اللي 24 ساعه طايحين فيهااااااا ....لان الجو كان روووعه مو بررردد ولا حررر جو لندن









    وهني من جهة ثانية









    وكل يوم صبح كنا نفطر ف الجلسات ..












    وهذا صديقنا الصدوق اللي كل يوم الصبح يفطر معانا









    وهذي شجرة كريسمس ف الطبيعه وايد حلوة









    وهذا فلامينجووو .. اللي يحرسنا بعد تعرفون اهناك السرقة عندهم ببلاش .. بس يسرقون بأدب يعني يشوفج ترمسين بالموبايل يقولج عطيني التلفون وذا ماعطيتيه بياخذه رووحه ..









    وهني البيت من الداخل ... هذي وحده من الغرف









    وهذي الجلسه اللي نحب نقعد فيهااا









    وهذي بيزاتهم .. الالف عندهم يعني 3 دراهم









    وهني الدراهم 50 و 100 و200 شيلنج









    يلا اتريوني ف البارت الثالث عسب اراويكم اكلهم وعيشتهم كيف

صفحة 1 من 9 123456789 الأخيرةالأخيرة

المواضيع المتشابهه

  1. صور سفرتي (((غير ))) عن كل السفر
    بواسطة sugar123 في المنتدى ركن العروس
    مشاركات: 248
    آخر مشاركة: 02/07/2012, 02:29 PM
  2. سفرتي الشتويه
    بواسطة بحرينية أصل في المنتدى بوابة السفر إلى دول شرق أسيا والخليج العربي والشرق الأوسط
    مشاركات: 46
    آخر مشاركة: 18/07/2010, 02:19 PM
  3. سفرتي الى دبي 2 ديسمبر 2008
    بواسطة Ba7reneyah في المنتدى بوابة السفر إلى دول شرق أسيا والخليج العربي والشرق الأوسط
    مشاركات: 37
    آخر مشاركة: 18/01/2009, 01:05 PM
  4. سفرتي لدبي في عيد الفطر
    بواسطة حبيبه رائد في المنتدى بوابة السفر إلى دول شرق أسيا والخليج العربي والشرق الأوسط
    مشاركات: 9
    آخر مشاركة: 20/10/2008, 07:26 PM
  5. كم تكلف سفرتي لتركيا ؟؟
    بواسطة ودي بريحة طفل في المنتدى بوابة السفر إلى أوروبا
    مشاركات: 4
    آخر مشاركة: 30/06/2008, 07:27 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •