السلام عليكم ورحمة الله وبركاته
كيفكم بنات وشخباركم؟؟
ان شاء الله تكونون بصحة وعافية وبشرة صافية (y)
حبيت انقل تجربتي للبنات،، هذي الايام مقررة اني العب في نفسي شوي
يعني اقرا وابحث عن اشيا تنعم وتبيض ووووو وبجربها وحدة وحدة
بقول لكم عن تجربتي الاولى
مع حملي الاول تشقق جسمي كامل، وكنت كل ما افتح شنطتي مثلا اطلع منها شي تطلع ايدي والدم يصب منها
تعبت، لا قدر امسك صابون، ولا اتحمم عدل،، الين مرة رحت مناحل النور اللي في مكة، طبعا بعد ما طفنا وسعينا دخلنا هناك،، وسأله زوجي عن البشرة المتشققة عطانا كريم العسل من ايفا وكان روعة عن جد
طبعا ما اقول لكم هذا اول كريم اجربه، جربت قبله وايد،، وكان منهم افالون ونيفيا ووووو
من اللي صج فادوني ونعمو بشرتي كريم نيفيا سوفت، كانابو، كريم العسل و L'Occitane
طبعا مثل ما انتوا شايفين في الصورة نيفيا سوفت رخيص جداااا وسعره بس 9 ريال خخخخ بس هذي العلبة الصغيرة،، بعد ما استخدمته صديقاتي في الجامعة يسلمون علي يقولون وااو يدج وايد ناعمة خخخخخ
وهذا كريم كانابو،، ما اذكر سعره بالضبط، بس اعتقد هو بمية وشي، طبعا بتقول لج اشتري معاه قفازاته والبسيها بعد ما تحطينه علشان ما يروح الكريم من ايدج، وسعر القفازات بسسسسس ب 99 ريال!!! شوفي كم نيفيا يجيب لج هههههههههه
فادني من اول مرتين استعمال،، يعني من اول مرة تحطينه تبين النتايج، فما استخدمه بشكل يومي، اخليه للحالات الصعبة هههههههه
سافر مرة زوجي تايلند ووصيته على كريم اشتريته مرة من هناك لرجولي والتشققات، وقام جاب لي هذا، واحد للقدم وواحد لليد من ماركة L'Occitane... بصراحة عجيب وما عليه كلام، روعة بشكل ما تتخيلونه،، وسعره مثل ما اذكر 90 ريال او زيادة كمن ريال فوقهم، بس المعصارة كبيرة، ويجي شكلها وكأنها معصارة الوان زيتية
وهذا كريم العسل من ايفا،، اشتريته من مناحل النور اللي في مكة،، بس قام ما يجيب منه ما ادري ليش!!! ويمكن كان سعره قريب العشرين او في العشرين،، ما اذكر بالضبط،،، طبعا هذا استخدمته قبل L'Occitane ،، وينفع تستخدمينه على اي منطقة،، بس الشي الوحيد اللي ما عطبني فيه انه يكتم البشرة، ما احسها تتنفس وهو على جسمي
طبعا مع كل هالتجارب وام عبد الله مب راضية ههههههههه، دوم متضايقة واقول شالفايدة من نعومة ومطبات في جسمي من الشعر اللي تحت الجلد والبثور ووووو
فبحثت ولقيت هالطريقة
صدقوني بنات زوجي استغرب وايد!! يقول شلون صارت جذي!!
ولكم الطريقة
اولا تسوين لج حمام دافي وتحطيه فيه املاح، اي نوع اللي ترتاحين له، تلقينها في لايف ستايل، واعتقد بودي شوب بعد
وبعد ما تحسين ان جسمج ريلاكس عالآخر جيبي سكراب الجسم
انا عن نفسي استخدم من بودي شوب، لاني اشتريت مرة واحد رخيص واستخدمت منه فترة وصكيته كمن يوم، ويوم رجعت له صار في جزء منه متصلب ولونه مثل الزئبق، فتخلصت منه على طول
في سكراب انواع، للبشرة الجافة، العادية، الدهنية،، انا بشرتي جافة فأخذت للبشرة الجافة طبعا
بس اغراني لون السكراب للبشرة العادية فاخذته بعد ههههههههههههه
بس ما ارتحت له كثر الاول، لان بعد ما تغسلينه تتم بشرتج رطبة وياه
المهم... عقب ما تجيبين السكراب تحطينه على المنطقة المراد تنعيمها وتوزعينها على المنطقة بايدج، بعدين تجيبين حجر الخفاق وتفركين بشكل دائري، عاد لا تكونين رقيقة وايد ولا خشنة وايد وتقطعين جلدج
انا اشتريت هالحجر من محل، تلقينه بريال او ريالين
تتمين تفركين بشكل دائري الين تحسين انها شالت الخشونة اللي ما تبينها
عقب تتحممين عادي،، وانصح باستخدام ليفة بودي شوب اللي على شكل قفاز مع شور جل
لان الصابون هو اللي يسود المناطق الحساسة والجسم، ويسبب جفاف مب طبيعي
وعقب هالحمام والعذاب والصراع،، تجففين جسمج بالفوطة وتحطين اي كريم من اللي ذكرتهم،، او اللي جربت كريم من قبل وارتاحت له تستخدمه
واستمتعوا بجسم حريري
اتمنى اني قدرت افيدكم بتجربتي
رد مع اقتباس
![الصورة الرمزية ][ روح أنثى ][](https://forums.3roos.com/images/avatars/61.gif "الصورة الرمزية ][ روح أنثى ][")
