السلام عليكم ورحمة الله وبركاته
كيفكم اخواتي ان شاء الله تمام
ببالي موضوع هالايام وقلت أشاركم التفكير يمكن نساعد بعض ونحصل على افكار جديدة
انا اعاني من مشكلة
اول ما يجي نص الشهر اشوف الرصيد شبه فاضي 000
ارجع البيت وانا متضايقة ليش وليش وليش
من الراتب لا الحمدلله الراتب تمام
يعني المشكلة فيني مو في الراتب (i)
المشكلة بطريقة الصرف
استفدت من زميلاتي بالدوام ببعض الامور كلنا تقريبا نفس الراتب بس الاغلبية ما شاء الله صار عندهم مبلغ ادخار رائع وبنفس الوقت مو حارمين نفسهم من شي يلبسو وكل شي تمام
جلست مع وحده فيهم ونبهتني لامور انا غافلة عنها
تقولي لبسنا وكشخنا وبعدين شو سوينا لنفسنا ????? (n)
اذا وحده فينا فكرت تستقيل عشان تربي عيالها ما سوت لنفسها مصدر دخل ثاني ولمتى بنظل نشتغل ونكرف ونترك بيوتنا وفعلا كلامها صحيح
اللبس ما بيطير والشنط والنعل والكريمات والعطور مب طايره الوحده تقدر تاخذ على قد احتياجها
ليش نكثر واخرتها ????
الملابس تتوزع وما انلبست غير مرات قليلة وحرام احيانا حتى مب ملبوسة
والكريمات والعطور تنرمي او للخدم من تمر عليهن فترة
والنعل والشنط ينرمن وبعدين شو استفدنا :ss:
اعرف وحده تقاعدت بعد حوالي 23 سنة شغل اقولها شو سويتي تقول ولا شي بس لبس وكشخة وبسسسسسس 23 سنة و لا سويت لنفسي لا تجارة ولا حتى قطعة ارض صغيرة تقول عايشة على راتب التقاعد الي ما يسوا وندمانه اشد الندم على السنوات الي ضيعتها وانا اشتغل من غير ما أأمن لنفسي مدخول ثاني غير راتب التقاعد
طيب ليش ما نشتري على الحاجة والحاجة مو يعني يوميا نتشرى لا كل 5 اشهر مثلا عن الخاطر نتشرى وما نكثر الكبت والله بينفجر من اللبس
انا قلت ان شاء الله من هالشهر ببدأ التزم واعمل جدول للراتب عشان اقدر ارتب اموري وما احس شي طغى على الثاني
ولقيت هالجداول الرائعة الي ان شاء الله بتساعدني والله يجزي كل خير الي سواها لنا
الي حابه تستفيد تعمل برنت وتعمل منها نسخ
طبعا الجدول يختلف من وحده للثانية على حسب الراتب وعلى حسب الوضع الاجتماعي يعني المتزوجة الافضل تسويه مع زوجها ما ذل قوم تعاونو
صدقوني بالتنظيم والتقسيم الحياه بتكون افضل واحلى والادخار ما يعني بخل او تقتير على النفس بالعكس الواحد اذا حاب يسعد نفسه لازم يرتب اموره عشان يتهيا لكل انواع الترفيه
واتمنى الجميع يستفيد من الموضوع واكرر الله يجزي كل خير صاحب الجداول الرائعة
واتمنى اخواتي الي عندها افكار حلوة ومقسمه راتبها او مصروفها من اهلها او زوجها تفيدنا بطريقة التقسيم
يعني كم تحصلي عليه كل شهر وكيف تقسميه وهل تدخري منه للمستقبل او ما يبقى للادخار
ونصيحة اخواتي
الاكثار من الصدقة والاستغفار والله يوسع على الجميع ان شاء الله شاكره لكم صبركم وقرائتكم للموضوع