السلام عليكم ورحمة الله وبركاته
اخبار كم ؟؟
من اسبوع تقريبآ كتبت قصة ولادتي
وللأسف علق المنتدى وتعبي راح
وبعيدها لعيونكم
الحمد لله ربي من علي وولدت ولاده سهله
في يوم الخميس
9\7\2009
اول شي قبل نهاية التاسع بيومين
يوم الاثنين
جاني طلق واشتد معي ورحت المستشفى و قالو لي بس
1سم ومافي ولادة
رجعت البيت
يوم الخميس صليت الفجر ودخلت كالعاده بنام
نمت ساعتين وصحيت بردانه مره من التكييف
وكبدي كانه وحام الشهور الاولى
طار نومي رحت فتحت التجمع
واسووولف مع البنات
وابتدى معي طلق خفيف على الساعه 7 تقريبآ
بس ماعلمت بنات التجمع خفت ينشغل بالهم علي ويصير مثل المره الي فاتت لا ولاده ولا شي
وتصبرت وتصبرت وتصبرت
حتى ماعرفت اسكر الاب توب
الى الساعه 12
نزلت علي شويه مويه واشتد الطلق حمى كثيرررررررررررررر
صحيت زوجي ونزلت عيالي عند الوالده وجلست تدعي لي الله يجزاها الف خير
ودخلت المستشفى على الساعه وحده الاربع
حطو علي جهاز التخطيط وجات الدكتوره قاست
3سم
قالت بعد ساعه برجع اذا زاد ولاده
المهم زوجي قال بروح اتغدى وارجع لك
جلست اقرى كتاب الأفاده واستغفر بنية تسهيل الولاده وارش وجهي بموية زمزم كل شوي
ورجعت الدكتوره بعد ساعه 4سم
دخلوني غرفة الولاده
كنت جايبه معي جهاز صغير فيه القرآن كامل بصوت الشيخ سعد الغامدي
واشغل لي سورة البقره
والحمدلله هديت كثير
بعد بنص ساعه صرخت صرخه قويه جات الكتوره مسرعه
الا وتشوفه 8سم اللهم لك الحمد والشكر
وفتحت لي المويه ونادو دكتور الاطفال
وسبحان الله طلع ولدي
قبل ماتنتهي سورة البقره
الساعه ثلاث الاربع بالظبط
كلمت زوجي وقلت له ولدت ماصدقني
يقول مستحيل مالي ساعه ونص من نزلتك المستشفى
والسسترات والدكتوره يقولون لي ماشاء الله
سرعه ولاده
وكان الفضل كله لله
انا ولدت من قبل ولادتين وكلهم سهلين الحمدلله بس مثل هالولاده ماشفت الحمدلله
انا يابنات حملت بعد رمضان على طول و سبحان الله
بعد رمضان يصير القلب نظيف
واصريت اني اختم كل شهر ختمه
والحمدلله ربي قدرني
9 ختمات في 9 شهور
ودعاء الختم في كل شهر
وقيام الليل والاستغفار بنية تفريج الهم
والدعاء الدعاء الدعاء
على كل وقت
والصدقه
بنية دفع البلاء
ومن بدايه دخول
التاسع اكل التمر او الرطب والعسل
هذا ساعدني كثير حسيت انو البيبي يدفع اكثر مني
تقول لي الدكتوره نت بوووش ناووو
اقولها مو انا هذا البيبي والفضل يعودلله ثم للعسل والرطب وماء زمزم
واحب اقول
لا تتضايقون اذا كملتو التاسع كله
ودخلتو العاشر
يمكن خيره من رب العالمين
اللهم لك الحمد كما ينبغي لجلال وجهك وعظيم سلطانك
رد مع اقتباس
