أهلين يا أحلى عرايس
شخباركم؟!
اليوم لقيت نفسي طفشاانه مرة أهلي رايحين السعودية وأنا مخلصة دراسة ما عندي
شي أسويه قلت يا مشتاقة صوري مكياجك و وريه للعرايس..:o
يلاا نبدأ
هذي صورة علبة اللي أحتفظ بمكياجي فيها
أول شي هذي صورة مرطب لشفايف
دائما احط وحد منهم قبل لا أبدي أي ميك آب
سواء ثقيل أول خفيف
اللي على اليمين من ماركة e.l.f
والثاني مو ماركه بس وايد حلوة ريحته وطعمه طعم فراولة>>> مجربته الأخت:tongue:
وهذي البودرات اللي عندي
أول وحده من بودرة حرة وااايد حلوة من ماكس فاكتر
ثاني وحده ماركه نايبو بودرة جافة كلش كلش ما حبتها
ثالث وحده بودرة جافة من فير قولد اموت فيها حدها حلوة وما تتأثر بالحرارة
ولا يخترب شكل البودرة لين عرقت
هذي باليت شدو أسمه التفاحة كيووت أسمه
وألوانه مرة حلوة وثابته وخفيفة من جذي لين مقرره احط لي ميك آب
خفيف للجامعة لازم احط لي منه
وهذي الباليت شدو اموت فيه
بس للأسف أسمه متحمي من عليه
بس عيبه الألوان البنية اللي فيه فاتحه وانا
كل ابي بني غامق
وهذا شدو كريمي
بس بصراحة شريته وانصميت فيه لأن
ما اعرف ارتبه على جفني
وهذي باليت شدو بنفسجي
وأبيض فانيلا
من ماركة فلومار مرة حلو
وهذي الفرشاة اللي أستخدمها دائما في وضع الشدو
وهذي اللوس باودر أحب استخدمه دائما
من أحط مكياج
ماركة نايبو
وهذي الآي لاينر
ماركة marion faber
مرة حلوو وضعيفه الفرشاة مالته
يعني سهل الأستخدام
بس أهو ماخذته من عند بنت خالتي احتكرته عندي:tongue:
وهاي المسكرا اللي أستخدمها
ثنتينهم مرتاحة منهم
اللي ع اليمين ماركه نيفيا تخلي لرموش متباعدين وسوادها حلو بس ما تطول لرموش وايد
والثانية ماركة مبروك مرة حلوة تطول الرموش بشكل حلو وناعم
اول كحل مو حلو سواده مرة فاتح بس أستخدمه لين بحدد عيني من فوق بدل الآي لاينر
وثاني كحل من ماكس فاكتر حلو سوواده واموت فيه
أحين نجي للأكحال لملونة
وهذي مجموعة قلوساتي
أول قلوس مثل الجل صاير مرة حلو جد
يثبت الرووج وانسي ان الروج يطير
وهذا قلوس سائل شفاف بس مع الأستخدام تلون
محدد لونه حده حلو خصوصا للي لونه حنطي واسمر
كيووت احبه هاللون وايد
وبث
خلص مكياجي
أتمنى عجبكم موضوعي
اللي عجبها موضوعي تدعي لي بالتوفيق بدراستي
وتقيمني:o
مع حبي
مشتاقة ليك