روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 29

الموضوع: بنات ساعدوني لوجه الله حرم الله وجوهكم علي النار

  1. #1
    عروس رائعة
    تاريخ التسجيل
    16/11/2008
    الدولة
    خلص الصبر....إيه الحل ....؟!
    المشاركات
    1,266

    بنات ساعدوني لوجه الله حرم الله وجوهكم علي النار

    بنات أنا في أزمة ما يعلم بيها الا الله وحده المهم أني احسن حل ليا هو الزواج مرتبطه بانسان من 6 سنين مستنيه الزواج مش خطوبه لان الفترة طويله وانا عندي دلوقت26 سنة أمي واهلي والكل مستعجل علي جوازي لان ظروفي بتسوء يوم عن يوم وكمان نفسيتي .

    المهم الانسان ده عنده شقة والده الله يرحمه معقوله وكويسه المهم بعد مشوار الست سنين ده الشقة واقفه ععلي البياض والخشب الغرف يعني مش عارفه اعمل ايه وهو الشغل ملطش معاه دايما واهله بيحاولوا ياخروا في الجوازة اللغايت ما اخته تتجوز كيد والله يا جماعة مش اكتر علشان انا مش اتجوز قبلها المهم انا مش في دماغي كل ده انا اهم حاجه عندي اتجوز وفي اسرع وقت وبس ؟؟؟؟؟؟؟؟؟؟؟؟؟؟؟

    المهم قلتله نجيب غرفة النوم بالتقسيط من اي مكان باي تمن وباي شكل مش مهم الخامه والحاجات دي ونبقي نجدد بعدين لما ربنا يفتحها علينا وبدور علي حد بيبيع عفش بالتقسيط انا من القاهرة وقلت ها وفر فلوس واجيب الانتريه باي سعر ؟؟؟؟؟؟؟؟؟

    المهم انا مش عارفه اعمل ايه عيشتي ملهاش الا حلين ملهمش تالت اما الجواز أو سافر اي بلد عربي اشتغل لدرجه اني فكرت اسافر اي بلد عربي ولو اشتغل خدامه طب اعمل ايه مع اني ليسانس اداب - قسم اثار - وبتقدير جيد ووتخده شهادات في الكمبيوتر دوليه بس الحظ

    انا يا بنات كنت عايشه من وانا عندي 2 سنه مع جدتي وجدي وخالي ومراة خالي المهم جدي مات من سنتين وجدتي ماتت من 4 شهور ومينفعش اروح اعيش عند ماما وبابا لظروف صعبة وخالي ومراة خالي العيشه معاهم عذاب انا بفطر واتعشي علي حسابي والغده مش كل الاوقات يعني باكل معاهم يمكن مرتين في الاسبوع انا بشتغل وباخد مرتب 500ج باكل واشرب واركب مواصلات واشتري لبس وادفع اقساط حاجات اشتريتها لجهازي كل ده من المرتب تخيلوا انتو العيشه تكون ازاي والخنقه اللي انا فبها ؟؟؟؟؟؟؟؟؟

    ااقولكم حاجه ها تستغربو ليها انا مبقتش احب الانسان اللي انا كنت مرتبطه بيه بس مفيس غيروا ادامي اللي اتشعلق بيه فبقول يلا اي حاجه واي جواز والسلام ؟؟؟؟؟؟؟؟

    حاجه كمان عارفين بقولكم الحاجه دي وانا يعلم ربنا ببكي علي نففسي انا أمي بتعزمني علي الغده كل جمعه والله يا بناتلو مرحتش الموضوع ميفرقش كتير تقول وماله مهي هاتجيب اكل من بره او تعملها اكل وتاكل اي حاجه وخلاص ؟؟؟؟؟

    ولما بروح اتغدي مش باكل لحوم يعني فراخ أو لحمة لاني بحس انها مش عامله حسابي معاهم ولو مكلتش لحوم عادي برضوا ابقي وفرت ؟؟؟؟

    أنا بكتبلكم لاني زهأت من عيشتي وحياتي ونفسي ربنا يرحمني بأي طريقة الموت السفر الجواز مفيش حاجه فرقه معايا ؟؟؟؟؟؟؟؟؟؟

  2. #2
    عروس ماسية
    تاريخ التسجيل
    12/04/2008
    الدولة
    دنيـا غيـر ,,,,
    المشاركات
    5,326
    الله يفرج همك ويرفع كربك ويسسر امورك ما اقدر اللي اني ادعيلك من قلبي ان الله يفرح قلبك ويدخل السعاده على حياتك .. آآمين يارب العالمين ..

  3. #3
    عروس مشرقة
    تاريخ التسجيل
    08/02/2009
    الدولة
    الرياض
    المشاركات
    482
    الله يفرج همك وييسر امرك
    اتمنى اختي تكثري من الاستغفار وقراءة سورة البقرة

  4. #4
    عروس ذهبية
    تاريخ التسجيل
    11/10/2008
    الدولة
    في عز أبوي الغالي
    المشاركات
    2,875
    الله يفرح قلبك

  5. #5
    مشرفة سابقة الصورة الرمزية دلوعةحناني
    تاريخ التسجيل
    04/03/2008
    الدولة
    السعوديه
    المشاركات
    2,982
    حبيبتي الغاليه
    شوي شوي على نفسك والزواج ليس الحل وانما هدف راقي لحياة اى فتاة
    لازم تتحكمي بمشاعرك وترتبي افكارك يا غاليتي
    صدقيني حاسه فيكي انتي شوي ضايعه وتتمني الاستقرار بالحلال ولو على الحصيره
    ولكن تتمني سقف يستر عليكي وتعيشي بهدوء.
    اوكي هالحين انتي دبري امورك واشتروا غرفة النوم حاليا
    اذا كنتي مستعجله وتزوجي وعيشي في بيتك وشوي شوي اثثي بيتك
    واتجهي لله وادعي من كل قلبك ان يرزقك الرزق الحلال لتعيشي بهدوء.
    ولاحظي انتي عندك نعمة الصحه والشرف والتعليم يعني مش ناقصك شئ
    الا الماده والفلوس تروح وتجي وهي من عند الله وحده.
    يعني ادعي الله وبس ولا تتصرفي اى تصرف تندمي عليه .
    وما ادعي لك الا ان يوسع الله في رزقك ويستر عليك ويحقق كل امنياتك يارب.
    وتذكري وتاكدي ان الزواج والمال وكل الرزق من عند الله وحده فاطلبيه من صاحبه
    واكثري من الاستغفار فهو يوسع الرزق .
    تحياتي

  6. #6
    عروس ماسية
    تاريخ التسجيل
    30/08/2007
    الدولة
    الجيزه
    المشاركات
    4,783
    ربنا يفك كربك ياروزى بس استحملى انتى عارفه الحياه في مصر بقيت صعبه اوى
    وظروف الشباب بقت زى الزفت استحملى ما انا مخطوبه من اكتر من سنتين ونص
    والشقه جبناها بطلوع الروح ولسه خطيبى عليه فلوس وظروفه وحشه مش عارفه
    هيجهز الشقه ازاى وخصوصا انها محتاجه فلوس كتيره اوى استحملى معلشي
    هتعملى ايه ومنصحكيش انك تسفرى تشتغلى في بلد عربي او اى بلد من غير ما يكون
    معاكى راجل او زوج لان هيبقي بهدله ليكى

  7. #7
    عروس ماسية
    تاريخ التسجيل
    24/11/2008
    الدولة
    pink world
    المشاركات
    3,756
    اختتي الله يفج كببب ارب بس لحيي على خطييبج يسرع الزوااج لان مايصير جيي 6 سنين وااايد وحاولي اتدوريين لج شغل ثاني بمرتب اكثثر وربي معاج

  8. #8
    عروس برونزية
    تاريخ التسجيل
    11/03/2009
    الدولة
    ثنايا قلبه
    المشاركات
    1,995
    الله يكون في يعونك ويسهل امورك لا نملك لك الا الدعاء و ان ننصحك بالصبر فالفرج من عند الله و ما احب الله عبدا الا ابتلاه .. يعني لما رب العالمين يكتب لك هتنفرج امورك وتتزوجي نصيبك
    اهم شي انك تحمدي الله على كل حال وتدعيه ان يحقق لك ما تتمنيه ويستر عليك بالحلال

    وبالتوفيق وان شاء الله تبشرينا قريب بحل مشكلتك

  9. #9
    عروس مبدعة الصورة الرمزية Lmne BshoG
    تاريخ التسجيل
    23/01/2009
    الدولة
    مسقْط يا هوىْ الوَلهـْْـان~
    المشاركات
    629
    الله يعينج اختي

  10. #10
    عروس ماسية الصورة الرمزية وحيده بدنيتى
    تاريخ التسجيل
    22/10/2007
    الدولة
    السعودية
    المشاركات
    4,259
    الله يفرج همك يارب ..

  11. #11
    عروس مشاركة
    تاريخ التسجيل
    07/03/2008
    الدولة
    مصر
    المشاركات
    76
    ربنا يارب فرج همها وافتح لها من اوسع ابوابك يارب الله يصبرك اختى وانشاءلله كل مشكله ولها حل ولاتياسي من كرم الله واكثري من الاستغفار وقراءة سوره البقره يوميا والله حتلاقي ربي فتحها ويسرها معاكي

  12. #12
    عروس برونزية الصورة الرمزية at2ota
    تاريخ التسجيل
    19/03/2007
    الدولة
    مصر
    المشاركات
    1,573
    روزى اهدى كدة وعايزة اقلك حاجه حطيها دايما فى دماغك حديث عن الرسول عليه الصلاة والسلام ضاقت ثم ضاقت ثم ضاقت فلما اسحتكمت حلقاتها فرجت خلى دايمااااااااااااااااااااا اا املك بربنا ان ربنا حنين وكريم وطول منتى املك بربنا كدة يبقى ان شاء الله ربنا هيكرمك عشان ربنا عند ظن العبد بيه اهدى كدة واستغفرى ربنا كتييييييييييييييييييييير وقربى منو هو احن عليكى من اى حد والله ربنا احن علينا حتى من امهاتنا ربنا شايفك وحاسس بيكى قربى انتى بس منو وادعى انو يفرج كربك ويفرح قلبك عاجلا غير اجلا ومعلش ياحببتى اصبرى واستحملى شويه الدنيا فيها مصايب اكتر من كدة بكتييييييييييييييير ربنا يكفينا شرها يارب وفعلا زى ما ميادة قالتلك الظروف بقت صعبه اوىىىىىىىىىىى ربنا يارب يفك كربك وويفرجها عليكى ويفرح قلبك عاجلا غير اجلااللهم امين يارب انتى وانا وكل بنات المسلمين يارررررررررررررررب

  13. #13
    عروس ماسية الصورة الرمزية ورده قست عليها الايادى
    تاريخ التسجيل
    11/03/2007
    الدولة
    فى القلوب الطاهره
    المشاركات
    5,324
    اقتباس المشاركة الأصلية كتبت بواسطة ميااده2006 مشاهدة المشاركة
    ربنا يفك كربك ياروزى بس استحملى انتى عارفه الحياه في مصر بقيت صعبه اوى
    وظروف الشباب بقت زى الزفت استحملى ما انا مخطوبه من اكتر من سنتين ونص
    والشقه جبناها بطلوع الروح ولسه خطيبى عليه فلوس وظروفه وحشه مش عارفه
    هيجهز الشقه ازاى وخصوصا انها محتاجه فلوس كتيره اوى استحملى معلشي
    هتعملى ايه ومنصحكيش انك تسفرى تشتغلى في بلد عربي او اى بلد من غير ما يكون
    معاكى راجل او زوج لان هيبقي بهدله ليكى



    (y)(y) والله انا مرتبطه وهو شغله ملطش معاه احنا حالنا صعب والله يابنتى يعنى انتى مش عارفه اللى احنا فيه
    انا كمان كلها كام شهر واكمل 26 سنه زيك
    حاولى تبسطى الامور على نفسك وعليه
    وبالنسبه للجواز ابداى انتى وهو هاتوا حاجات بسيطه لحد مااخته تخلص

  14. #14
    عروس رائعة الصورة الرمزية sweetylolla85
    تاريخ التسجيل
    14/09/2008
    الدولة
    مصر
    المشاركات
    1,105
    بجد بجد بجد ربنا يفك كربك ويفتحها عليكي ويرزقك ربنا من فضله بجد هادعيلك ربنا يفرج همك ويرزقك اللهم امين

  15. #15
    عروس مبدعة الصورة الرمزية parpi
    تاريخ التسجيل
    01/04/2006
    الدولة
    egypt
    المشاركات
    864
    بصى ياقمر اهم حاجه الولد ده كويس؟؟؟؟ لو كويس ومحترم وبيقدر الظروف وانك بتساعدى وبتضحى يبقى هايل واهم حاجه يكون على دين وخلق بصى والله فى ناس دخلت من غير مايكون جهازها كامل يعنى ممكن تجيبو غرفه النوم والصاله فقط والسفره تبقى بعدين وممكن تتزوجى وتسافرو مع بعض لكن لوحدك مانصحكيش لان مع الاسف فى رجال اول ماتسم ان بنت سافرت ومعاها فلوس بيطمعو فيها وبيرمو عليها الحمل ربنا معاكى ويفرجها عليكى هو ده حال كل شباب مصر ربنا معاهم والله

صفحة 1 من 2 12 الأخيرةالأخيرة

المواضيع المتشابهه

  1. ساعدوني لوجه الله
    بواسطة قبضه في المنتدى استفسارات العناية بالشعر
    مشاركات: 13
    آخر مشاركة: 31/12/2008, 02:01 AM
  2. الفزعة ياأمهات الله يحرم وجوهكم من النار ...ساعدوني
    بواسطة موهوبة ولكن في المنتدى التربية والطفل
    مشاركات: 9
    آخر مشاركة: 01/08/2008, 03:36 AM
  3. لحقوني يا بنات ساعدوني لوجه الله...وخصوصا الخبيرات
    بواسطة amina18 في المنتدى ركن العناية بالبشرة والجسم
    مشاركات: 4
    آخر مشاركة: 04/01/2007, 10:23 PM
  4. ساعدوني لوجه الله
    بواسطة N66 في المنتدى التعليم و شؤون الطالبات
    مشاركات: 1
    آخر مشاركة: 15/08/2005, 11:50 AM
  5. ساعدوني لوجه الله.
    بواسطة صمت الامل في المنتدى التعليم و شؤون الطالبات
    مشاركات: 6
    آخر مشاركة: 24/04/2005, 01:04 AM