روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 3 123 الأخيرةالأخيرة
النتائج 1 إلى 15 من 40

الموضوع: يا بنات مشكلتي مع اختى ساعدوني

  1. #1
    عروس نشيطة الصورة الرمزية ريناد2011
    تاريخ التسجيل
    28/09/2005
    الدولة
    السعوديه
    المشاركات
    135

    يا بنات مشكلتي مع اختى ساعدوني

    يا بنات مشكلتي مع اختى ساعدوني

    السلام عليكم
    المشكله بشكل مختصر
    اختي عندها مشكله مع ولدها انه مدلع كثير وما يشوف شئ بيد طفل آخر
    الا تجيه حاله جنونيه لازم ياخذه او يضرب امه ويبكي بشكل مو طبيعي

    وهي تقول انه جبان ولازم تدربه على الجرأه
    فلما تشوف ولد الجيران تدخله عنده وتخليه يضربه وطبعا
    ولد الجيران صغير وما يتكلم
    ولما قالت لي بالقصه تفاجأت وحذرتها وقلت لها خافي الله
    بعد فتره خالتي حطت اولادها عندها وسافرت مدة يوم
    والله يابنات اتصلت علي تقول لي والله لابهذلهم ولا خليتهم ياخذون شئ ولا يلعبون
    وطول الوقت اسلط ولدي عليهم قلت لها خافي الله امهم ما هي موجوده
    وكلمت والدتي تاخذهم من عندها
    ====
    قصتها مع بنتي ... مع العلم ان بنتي اصغر من ولدها بسنه وعمرها 3 سنوات وهو اربع
    كانت تاخذها من عندي ةتخليها فترات طويله وتقول يتسلوا مع بعض
    وترجع بنتي معاها هدايا وهات يا بوس
    وانا مطمنه واقول تحبها وتعرف تتعامل مع الاطفال
    وبنتي صارت تبكي وما ترضى تروح عندها وتقول ضربتني هي وولدها
    واحنا ما صدقناها قلنا تحبها وتجيب لها هدايا ومجرد اطفال ويلعبوا مع بعض

    وهي في نفس البيت اللي امي فيه بس بشقه فوق
    ولما يكون عندي اختبارات اودي بنتي عند امي
    وهي على طول تروح وتاخذها
    و أمي تقول:بنتك متعلقه في بشكل غريب ما تبغىى تروح عند أختك

    المشكله انها دائما تبين ان بنتي كذابه وتقول الاطفال يكذبون ماحد يصدقهم
    وفي يوم من الايام سمعت بنتي تبكي رحت الغرفه قالو بس ضربها ...قلت عادي اطفال
    لقيت اختي في الغرفه الثانيه تبوس ولدها وتقول له شاطر حبيبي الحين اشتري لك لعبه لما قال لها ضربتها
    :eek:يابنات ما صدقت هذا للي يصير قدامي ... اجل من وراي ايش اللي صار

    وصارت تقول له يلا اضربها قدام عيني

    بعدين هذا ولد واكبر منها وضربته قويه عليها .. وانا ساكته .... والله حاسه موقف عيب ماني مصدقه

    انا احب الصراحه والمواجهه
    قلت لها ليه كذا قلتي ...قالت انتي بنت جريئه ما بيصير لها شئ وانا ولدي جبان وما ابغاه يدخل المدرسه كذا
    قلت: يعني يتدرب في بنتي؟؟؟
    قالت : انتي مو راضيه تفهميني ...خلاص خلينا نتكلم في موضوع ثاني
    ؟؟؟؟؟؟؟؟؟؟؟؟
    والله يابنات قطعت اهلي فتره بسبب هذا الموضوع ...صرت اروح خفيف وما اتأخر
    وبمجرد ما تنزل عندهم امشي انا وزوجي

    وقلبي يحترق لما اوديها ايام الاختبارات
    ولما اقول لامي انتبهوا لبنتي لا تخلوها تشيلها ..تقول حرام عليكي تظلمي اختك
    وماحد مصدقني

    وقصص كثيره صارت بس حيطول الموضوع
    =========
    لسا ما خلصت القصه هنا الجزء الاهم


    يا بنات صارت بنتي مرعوبه من الولد بشكل كبير
    لدرجه ان أبوي لقاها طايحه في الغرفه وهو فوقها ويضربها
    --بس اغفل عنها ثواني اسمع عن بنتي بلاوي--
    هذا صار الخميس اللي فات وقهرني كثير وما عرفت انام
    وكذا مره ياخذها في غرفه وحدهم ويخنقها من رقبتها... وهي ما تدافع عن نفسها ولا حتى تجي تقول لي

    مره انا شفته ومره اختي الصغيره ويقول لها ياويلك لو قلتي لامك
    وكلها في نفس هذاك اليوم

    كيف اتصرف انا ماني عارفه الحل.. اقاطع اختي؟؟ وكل ما اكلمها ابغاها تتغير ما تعتذر او تقول خلاص .. والمشكله لما اقول لها على موقف تحاول تنكر ولما اقول لها شفتك تقول بنتك مو داريه عن شئ بنتك صغيره او بنتك ما تسمع بس ولدي بيدخل المدرسه

    هي موجوده على طول عند امي اقاطع امي واهلي عشان ما تصير مشاكل؟؟
    وما ابغى مشكله تصير واطلع انا الغلطانه في الاخير
    والكل يشوف انها مظلومه وبريئه

    ولما قلت له انت شاطر واسلوب هدايا بالعكس زاد الوضع سوء
    ولما صرت اطنشه وما اكلمه خف شوي لاني ما اعطيه وجه
    بس اختي تجبرني ابوسه وتقول له تراها تحبك كثير ولا تضربك.. هذا اسلوب تطمين عشان يستمر في الشجاعه
    ويعلم ربي يابنات اني ما قد مديت يدي عليه او خاصمته بس اقوله: لا تضربها شاطر.. وياليته ينفع .. بس لانها تبوس بنتي قدام الكل وهم يقولون تحبها مستحيل تسوي فيها شئ

    والله حتى انا صار يمد يده علي .... وانا حامل ضربني في بطني ضربه جلست يوم كامل تعبانه مو عارفه امشي
    وكلهم قالوا طفل برئ

    والاحلى انها هذا الترم تجي معي 3 مرات الجامعه واحنا راجعين نجيب ولدها من الروضه ويضرب بنتي في السياره من تحت لتحت ... وهي صاحيه من النوم ياحرام ما تلقى غير كفوف .. وامه ما تقول له عيب ولا شئ بالعكس مره مبسوطه...هذا القهر انه كل اسبوع 3 ايام

    والبنت بريئه ما ترد عليه وتبغى تجلس ورا معاه ومع امه
    ارجوكم يابنات تساعدوني حتى احل المشكله وما يكون في قطيعه
    وفي نفس الوقت انا انقهر على بنتي وحقها اللي يضيع

  2. #2
    عروس رائعة الصورة الرمزية قڵب قطړ ..!
    تاريخ التسجيل
    09/11/2008
    الدولة
    قطQر العز
    المشاركات
    1,171
    بل بل بل

    بصراحه يا اختي العزيزه

    لاتقاطعين اهلج ولا شي .. لكن بنتتتتج خليها جداام عيووونج

    كوني الام الشرسه اللي تخاف على عيالها .. وخصوصا انها بنت

    اوكي

    الحين مايصير اختج تخلي ولدها يصير شجاع على حساب بنتج لان بهالطريقه راح تنطمس شخصيتها وبتصير جبانه

    ×××

    الاهم من المهم انج تقولين حق بنتج اللي يضربج ضربيه .. لاتخلينها جذي ماتقدر اتدافع عن نفسها

    (( او )) اللي يضربها تجي وتقولج وبعدين انتي تروحين وياها وتمسكين ولد اختج وتخلينها تضربه

    طبعا ضربتها ماراح تووجع لانها صغيره بس مجرد رد اعتبار لها


    ×××

    وبنتج دايما دايما دايما خليها تحت عينج لاتخلين ولد اخج يستفرد فيه ويطقها

    خصوصا انه اختج احس ان فيها حاله نفسيه واسمحيلي على هالكلمه

    لان مايصير تحبس اليهال اللي خلوهم اهلهم امااااااااااااااااااانه عندها ولاتلعبهم ولا تخلي ولدها يضربهم بعد


    ×××

    الزبده من كل هالكلام .. بنتج امانه في رقبتج واللي يصير حرام .. خليها اذا ضربها تجي وتقولج وانتي ردي لها اعتبارها بس بمزح يعني هي تضربه مو انتي

    وبعدين خليها دوم عندج لانه يمكن من القهر يقوم ويسطر بنتج .. واذا اختج طلبت انج تخلين بنتج عندها انتي رفضي واذا زعلت عادي الزم ماعليج بنتج

    ×××

    بصراحه الله يعينج على اللي انتي فيه

  3. #3
    عروس نشيطة الصورة الرمزية ريناد2011
    تاريخ التسجيل
    28/09/2005
    الدولة
    السعوديه
    المشاركات
    135
    صادقه والله

    بس اهي بتزعل وبتشيل ولدها وبتسويها قصه اني قلت لبنتي اضربيه

    خوفي اني اطلع بالنهايه الغلطانه جدام اهلي .. واني حاطه عقلي بعقل صغار وما ابغي احد يكلم بنتي

    وبنتي من براءتها تروح تجري وراه تبغي تلعب معاه

    وهو ما يصدق يضربها على بطنها وتجي عندي وترجع تدور عليه... طفله تبغى تستانس

    طيب ما تنصحيني اني اكلم اختي او اتناقش معاها؟؟

    سعيده ان في احد قرأ الموضوع وحس بمشكلتي

    شكرا على تفاعلج وردج

  4. #4
    عروس مشرقة الصورة الرمزية جدة ياهواء الولهان
    تاريخ التسجيل
    24/07/2008
    الدولة
    السعودية
    المشاركات
    334
    بنتك لاتودينها عند اهلك حطيها عند زوجك ولمن تروحي بيت اهلك لاتجيبينها يبون يشوفونها يجون بيتك وانتبهي لبنتك حيجيها مرض نفسي لو ماانتبهتيلها من ولد اختك

  5. #5
    عروس رائعة الصورة الرمزية قڵب قطړ ..!
    تاريخ التسجيل
    09/11/2008
    الدولة
    قطQر العز
    المشاركات
    1,171
    اقتباس المشاركة الأصلية كتبت بواسطة rahaf22 مشاهدة المشاركة
    صادقه والله

    بس اهي بتزعل وبتشيل ولدها وبتسويها قصه اني قلت لبنتي اضربيه

    خوفي اني اطلع بالنهايه الغلطانه جدام اهلي .. واني حاطه عقلي بعقل صغار وما ابغي احد يكلم بنتي

    وبنتي من براءتها تروح تجري وراه تبغي تلعب معاه

    وهو ما يصدق يضربها على بطنها وتجي عندي وترجع تدور عليه... طفله تبغى تستانس

    طيب ما تنصحيني اني اكلم اختي او اتناقش معاها؟؟

    سعيده ان في احد قرأ الموضوع وحس بمشكلتي

    شكرا على تفاعلج وردج

    لا فديتج ماراح تطلعين غلطانه بنظر اهلج

    بقولج ليش .. لان اختج دايما تقوليهال ويلعبون صح ؟؟؟

    انتي بعد قولي نفس الشي

    وبنتج خليها جدام عيونج


    ×××

    من ناحيه النقاش مع اختج // انتي قلتي انها داينا تتهرب وتغير اموضوع

    احس ماراح توصلون لنتيجه

    بس بعد اقولج حاولي مره اخيره وخليها قعده تصافي بينج وبينها وقولي لها انا بتناقش معاج مابيج تتهربين ..

    واتمنى من كل قلبي انها تغير عادتها لانه مب زينه ..

  6. #6
    عروس مشرقة
    تاريخ التسجيل
    10/04/2007
    الدولة
    مع ذاتي
    المشاركات
    322
    تبن رايي انا طبعآعندي ولد وحيد وهاااااااااادي بس يقولون عنه مدلع بس ماني سائله اهم شي ولدي يكون مؤدب وانتي لاتقاطعين اختك ولا شي بس اذا شفتس الولد يضرب بنتك خزيه بنضره واعطيه كم كلمه تخليه يخاف يضرب بنتك بس بهدوء اردعيه ماعندك الاهذا الحل والله ماالومك موزين تخلي ولدها يتدرب بضرب بنتك

  7. #7
    عروس مشرقة
    تاريخ التسجيل
    16/11/2006
    الدولة
    الإمارات
    المشاركات
    446
    انا بقولج سويلها كميييييييين عشان تحطينها امام الامر الواقع .. واذا شفتيها تشجعه او اهي تضربه عصبي عليها وقوليها مب على حساب بنتي تقوين ولدج ترا انا ما احب حد ايهز شخصيه بنتي وهدديه جدامها قوليله ياووووويلك اتمد ايدك على بنتي بتنضرب

  8. #8
    عروس مبدعة
    تاريخ التسجيل
    02/08/2006
    الدولة
    رحالة مابين yanbu - jeddah
    المشاركات
    626
    انا من رأي اخواتي خلي بنتك قدام عينيك ولاتخليها تختلط فيه

  9. #9
    عروس مبدعة الصورة الرمزية بنت الرافدين
    تاريخ التسجيل
    26/07/2003
    الدولة
    عند قبر والدي
    المشاركات
    864
    والله كسرتي خاطري على بنتج,,, وولد اختج الشرير اسمحيلي لو هو عندي كان طقيته طق مرتب,,
    اصلا اختج مايصير تعلمه على الضرب والقوة,, شو بيطلع مصارع.؟؟ حرام عليها تسوي جي بولدها,, تعلمه العنف والوحشية والضرب؟؟؟
    ونصيحة اختي لاتخلي بنتك تغفل عن عينك ,, مسكينة فديتها ,,,,

    ذكرتيني بمرة كنت اشتغل بمدرسة رياض اطفال,, وخبرتني ام من الامهات انو بنتها دايما تنضرب من ولد مشاغب,,, وفمرة سبحان الله رحت الصف ,, شفت الولد مستفرد فيها بزاوية الصف وهاتك ياضرب,, والمسكينة ماتقول شي الا مصدومة وبس,,, وزين اني مريت,,, انقذتها المسكينة,,,

  10. #10
    عروس نشيطة الصورة الرمزية ريناد2011
    تاريخ التسجيل
    28/09/2005
    الدولة
    السعوديه
    المشاركات
    135
    جدة ياهواء الولهان

    تسلمين ع الرد بس انا ما ابغيها توصل لقطيعه

    واكيد حضطر اروح لهم حتى لو قللت الزيارات
    -----------

    حبوبه قطريه

    صراحه حلولك عيبتني


    تخيلي انها تقول تبغى تدخله مركز تدريب كراتيه عشان يدافع عن نفسه وتتحسن نفسيته؟؟؟
    بس ظروفها الماديه مانعتها


    اش رايك في كلام doooo؟؟ولا ما اتدخل انا نهائيا
    -----------


    doooo


    تسلمين افكر بالطريقه بس ما ابغي امي وابوي يقولون انتي غلطتي وفي النهايه تكون هي الكسبانه والمظلومه و الكل في صفها

    -----------

    مفتاح قلب

    تصدقين لما اصيدها والله من هول اللي اشوفه ما اعرف اتكلم

    واهلي يقولون لي مسكين جبان اعذريها ..... انا مستغربه ان الكل واقف في صفها يقولون صح كلامك بس برضوا يقولو اختك لا تظلميها هي حالتها النفسيه تعبانه وصحتها ما نبغي نزعلها

    وكثر الهدايا اللي تجيبها لبنتي عشان الكل يقول انها طيبه وتحبها
    وبنتي تشتكي والكل يقول اطفال كذابين لأنهادائما ترسخ هذي الفكره عن بنتي

    وانا ما ابغى بنتي تنطمس شخصيتها وتصير جبانه بعدين هذي بنت وهذا ولد

    والقهر انها اختي مو حد غريب:ss:

  11. #11
    عروس مشرقة الصورة الرمزية لولية
    تاريخ التسجيل
    18/08/2008
    الدولة
    بيروت
    المشاركات
    410
    اسمحيلي حبيبتي ترى أختك اللي يبغالها ضرب والله أنا ما حد يرمي أولادي بوردة لأرميه برصاصة
    ترى إصحك تسمحيله يضربها وإذا ضربها عادي اضربيه إنتي وقوليله ترى أنا بضربك أقوى كل ما ضربتها حتى لو زعل منك كل أهلك مصيرهم بيسامحوكي بس بتكوني أنقذتي إبنك منه ومن أختك وقولي لأهلك وأختك ترى لو الولد غالي عليكم قيراط أنا بنتي غالية عليه 24 قيراط بعدين أنا خايفة أبوها يعرف بالموضوع ترى والله يمنعني من زيارتكم ايش ما يهمكم إنكم تخسروني
    الله يعينك

  12. #12
    مشرفة سابقة الصورة الرمزية أم سلمى2007
    تاريخ التسجيل
    17/04/2008
    الدولة
    مصر
    المشاركات
    3,082
    يا نهار أبيييض إيييييييييييييه الأمهات دول يارب إرحم العيال والله فى أمهات هم اللى عايزين الضرب أختك دى أكيد مريضة نفسية علشان تفتكر إنها بطريقتها دى هتخلى إبنها شجاع لا وألف لا طريقتها دى هتخلى ابنها بلطجى والمثل قال ازرع تحصد يعنى هى أول الناس اللى هيتشطر عليهم ابنها لما يشد حيله وما حدش يقدر يقف فى وشه حرام عليها ده مسئولية تتسأل عنه أمام ربنا لا حول ولا قوة إلا بالله مش قادرة أقولك أد إيه أنا متغاظة دلوقتى من أختك لأنها بتربى إبنك غلط والمصيبة إنها هتأثر على كل اللى حواليها بتصرفها ده .
    هسألك سؤال هو مافيش عيال بيروحوا عند أهلك غير بنتك مافيش حد اشتكى غيرك من ضرب ابن أختك أصل لو حد تانى إشتكى يبقى تعملوا رباطية وتشتكوا كلكم لأبوكى أو زوجها وبعدين هو زوجها فين من تربيتها لإبنهاولا هو موافق على أسلوبها حرام تسكتوالأنكم لو سكتوا دلوقتى كلكم هتشيلوا الهم معاها لما ابنها يكبر وغصب عنكم مش بمزاجكم لأنه ساعتها هيفرض جبروته على الكل ومحدش هيقدر يقف له وبعدين إسألى طبيب نفسى وياريت لو كان دكتور ياسر اللى بييجى على قناة الناس الفضائية إزاى تتعاملى مع الولد ده وأهم حاجة لما تكونى عندك إختبارات حاولى ماتسيبيش بنتك عند والدتك وديها حضانة أحسن ولما تكونى عند والدتك بلاشتخلى بنتك تغيب عن عينيكى خالص وأول ما تغيب تدورى عليها بسرعة وبعدين إنتى خايفة إنهم يظلموكى إنتى بحجة إنك بتخافى على بنتك أوى خليهم ياستى يتهموكى كده بدل ماتيجى يوم وتندمى إنك ماحافظتيش على بنتك وبعدين حتى لو إنصلح حال إبن أختك برضه بنتك ماتغيبش عن عينيكى فى أى مكان لأن البنات بالذات بيتعرضوا لمشاكل كتير من صغرهم بتأثر عليهم لما يكبروا وما يقدروش يتكلموا وهم صغيرين لأنهم إتهددوا لو قالوا لحد وأكيد إنتى فاهمة قصدى عن تلك المشاكل ربنا يحفظك لك بنتك من كل سوء ويهدى أختك علشان تربى إبنها صح

  13. #13
    عروس فضية الصورة الرمزية **ام يارا**
    تاريخ التسجيل
    12/03/2007
    الدولة
    الســــــــعـــــــــوديــــــــــه
    المشاركات
    2,201
    انتي هددي اختك ,,, قوليلها اذا ولدك ضرب بنتي رح ينضرب ,,,
    وبعدين حبيبتي خلي العيال معا بعض يلعبون ,,, وانتي تفاهمي معا اختك ,,, او خلي ابوكي يكلم اختك ,,,
    او قوليلها بنتي اذا انضربت هنا ترجع البيت تشتكي لبوها ,,, وابوها بزعل عليا عشان بنتي انضربت

    صراحه اسلوب اختك غريب ,,, واسمحيلي عقلها صغير ,,,

    موفقه عزيزتي

  14. #14
    عروس نشيطة الصورة الرمزية ريناد2011
    تاريخ التسجيل
    28/09/2005
    الدولة
    السعوديه
    المشاركات
    135
    اجمل نساء العالم

    أكيد انشاء الله

    تسلمين على المشاركه

    ----------

    بنت الرافدين

    تصدقين اذا ما اسمعت كلامه يحطها في زاوية العقاب

    ولما نقول لها ايه تسكتين له ؟؟ تقول ما ابغى احطم شخصيته

    -----------

    لولية

    والله ما يبرّد ناري غير اني اسوي كذا

    بس ابغي حلول هادئه ولو شفتها قدامي تسوي حركه والله ما اسكت لها
    وكذا مره اصيده لوحده يضربها بس احزن عليه اقول امه مو موجوده وربي بيحاسبني

    ------------
    om_salma

    كلنا كلمناها وامي كلمتها وقالت له انتي اول وحده بيضرك لما يكبر اذا الان قدام الضيوف يضربها ويرفع صوته عليها بس ما تسمع ما عندها غير نفسيه ولدي و شخصيته

  15. #15
    عروس مشاركة الصورة الرمزية أسيرة هواه
    تاريخ التسجيل
    17/02/2008
    الدولة
    في مملكته
    المشاركات
    90
    الله يعينج والله ..
    ويعين اختج على حالها الصراحة (مو طبيعية) ..

    لا ترضين باللي يصير .. وابدى ما عليج مصلحة بنتج
    اختج بتسوي ولدها مجرم (بكيفها) بس مو على حساب بنتج

    خافي عليها وما تدرين الضرب بيتطور عند الولد لوين
    مثل ما شفت انتي قايلة ان مره كان مجودها من رقبتها!! يعني لا سمح الله لو ما لحقتوا عليه عادي يخنقها .. شنو راح تستفيدين من سكوتج بعدين؟؟

    يمكن أهلج يقولون انج مكبرة الموضوع (لأنهم يشوفون تمثيل أختج)
    لكن انتي تدرين انج تسوين الصح .. حتى لو زعلوا في البداية بيرضون وبيفهمون عقب

    لا تخلين شخصية بنتج تنمسح وياخذها ولد اختج ...
    خليه يتجبر على نفسه وعلى أمه اللي مستانسة عليه ...
    وانتي كلمي بنتج وشجعيها وعلميها تدافع عن نفسها وقولي لها اللي يضربج ضربيه (ولا حقها بيضيع دايماً)

    وحتى انتي كلمي الولد واخذي حق بنتج منه (البنت بعدها صغيرة)

    يعني لا تشوفين مصلحة كل الأطراف وتنسين مصلحة بنتج ... اهي الأهم

صفحة 1 من 3 123 الأخيرةالأخيرة

المواضيع المتشابهه

  1. مشاركات: 34
    آخر مشاركة: 02/10/2009, 02:30 AM
  2. اختى احرقت وجهي وتسببت لي بتصبغات جلدية ساعدوني تكفووون
    بواسطة هودي2006 في المنتدى استفسارات العناية بالبشرة والجسم
    مشاركات: 53
    آخر مشاركة: 01/10/2007, 10:26 PM
  3. بنات أفكر بالطلاق والسبه مشكلتي ... ساعدوني الله يجزيكم الف خير
    بواسطة shosho78 في المنتدى المتأخرات عن الحمل
    مشاركات: 15
    آخر مشاركة: 28/04/2007, 11:25 PM
  4. بنات مشكلتي الدهووون ساعدوني
    بواسطة بحر الاسرار في المنتدى ركن العناية بالبشرة والجسم
    مشاركات: 10
    آخر مشاركة: 21/04/2007, 05:10 PM
  5. بنات بلييييز ساعدوني.. مشكلتي هو زوجي؟؟
    بواسطة bj3a في المنتدى قضايا وحلول
    مشاركات: 22
    آخر مشاركة: 13/04/2005, 12:12 PM