زوجة اخوي وحركاتها البايخة

[السعاده بالعباده]

قبل كم يوم صار لي موقف باااااايخ
اتصلت بزوجة اخوي قلت لها بزوركم بكره قالت اوكي بعد كم ساعه ارسلت لي مسج وقالت انا اعتذر بروح مع اهلي اتمشى تعالي يوم ثاني سكت على اساس بروح يوم ثاني
وعرفت بطريقه ما ان نفس اليوم اهلها عندها وهي كذبت علي علشان ماتبغاني اجيها واهلها عندها لان بيني وبين وحده من خواتها مشكلة
المهم ارسلت لها رساله ياام فلان شكرا يجي منك اكثر
اتصلت وهم عندها وجلست تكلمني باسلوب بايخ وتقول بتجين بكره الله يحييك منتي جايه بكيفك وبعدين اهلي جايين صدفه
وانا اللي متأكده منه ان بينهم اتفاق مسبق
والله اني استصغرت نفسي اني لي علاقه مع هالاشكال
وقبل كم سنه ابوي راح عندهم ويرن الجرس تطالعه مع فتحة الباب وماتفتح له
ورجع وهو شايل بخاطره ومكسور وحركاتها مكرره
والله احنا مانروح لهم الا علشان الاطفال مالهم ذنب وليه يشيلون العداوه من بعدنا
وهي ماجاها ولا شيء مننا وماتحب احد من اهلي يزورهم بس تقول تعالو واذا بغى الواحد يجي تصرفنا كنه بيت ابوها واخوي يصدقها بكل شيء
((الناس مدري شفيهم من اول كل يقول للثاني عين لك فراش وعين لك غطاء والقلوب صافيه ))

[israe]

لا حول ولا قوة الا بالله

[وضوحي]

الله يهديكم

[*دانه الشوق*]

لا حول ولا قوة الا بالله
الله يهديها

[الرازجية]

والله اختي كيفها مدام اهي هلون لا تطبون عليها و خلها عقب اتحسف على اللي سوته

و الله يعوضكم بجنه احسن منها اتبط جبدها من محبتها لكم

[حبيبة جيمي]

مدام هذي حركاتها خلها تولي ولا تزونها كلششش واذا على الاطفال هو المفروض اخوج يجبهم لكم كل اسبوع ولو عصرية بس هذا من حقكم ومن حق الاطفال بعد انتو اهلهم

[عنقود الحلا]

نصيحتي لك

طنشيها ولا تعبرونها لاهي ولا اخوك ..

وان شاء الله تحس بقيمتكم ..

[whitetooth]

انا اشوف انها من حقها تعتذر و تاجلها يوم ثاني اذا هي مشغولة بضيوف ثانيين او مرتبة شي ثاني..ليش تزعلين و تقولين لها يجي منك اكثر؟؟

و بعدين انتي تدرين اهلها جايينها و تتصلين عليها في الوقت اللي بيكونون موجودين؟؟ عشان تحرجينها يعني؟؟


اذا المهم انكم ما تنحرمون شوفة عيال اخوكم المفروض خلاص ترتبين يوم ثاني تجتمعون فيه و بس
بدون لا تحرجينها ولا تعاتبينها

[مادليين]

هذي الي زيها تدفي الباب وتدخلي بيت اخوكي بلا قلة ادب حقتها لانها قليلة اصل وتحمد ربها ان ابوكي زارها ماتستاهل يحترمها ويدق باب بيتهم والله صراحه فيكم خير تفكرو تروحولها وهي كدا خايفين من قطيعت الرحم
بس انت لاتهمك تزوريها انت وامك عجبها بالزووق عجبها ماعجبها قوليلها تقوليك مادليين في حرررررررررريقه

والله ان الوحده فينا تحتار ايش تسوي عشان ترضي زوجها واهله وهادي بايعتها ماهمها حتى ابو زوجها جد اولادها توقفو عند الباب والله هادي عندنا فيها رقاب

[ام زيوني]

والله كلام مادلين صحيح وعجبني حيل وانا معاها بكل كلمه احنا ماانصدق يرضون انسوي اشكال واحنا الي نتصل فيهم تعالو وهما الي مطنشيناا والله حاله خلاص تولي وماعليج منهاا

[أم حلا القمر]

ربنا يهديها

[♥بنوته زايد UAE♥]

طنشيها انتي ماعليج منهااا

[أميرة الصمت]

هلا
ما تعرفي شو يصير فكل بيت
حبيبتي أولا عن الاتصال عادي اعتذرت علشان سواء جوا أهلها ولا تروح عندهم السبب واحد ما بنختلف فيه وإذا على قولتج إن وحده من خواتها عندج اشكال عندها ما بغت تحرج معاها وطلبت منج تيي فوقت آخر لأنج مية بالمية ما بتجي إنتي البيت فليش الزعل
ثانيا غلطتي لما تزيتيلها مسج كان عاتبتيها بعدين إنتي حطيتي نفسج بهالموقف وتحملي نارها
ردت فعلها طبيعية لأن ما تعرفي شو فخاطرها بتقول هالبنت شو دراها إن أهلي عندي يعني تفكير حرمة أخوج تبون تعرفون كل التفاصيل عنها (يمكن يكون تفكيرها)

وعن أبوج شو دراج إنها إطالع من فتحة الباب عندج إثبات على إنها هي معقولة ما تحترم جيته ولا تفتحله الباب

إختي إذا في مشاكل بينكم وبينها وهي عوفه عندكم فهذا شي يعني بيكون الرد عليها عتب
لكن إذا ماشي بينكم وبينها شي بس هالموقف فأنا أقول راجي نفسج وعذريلها مليون عذر مليون عذر اقتداء بسنة الرسول غناتي

وتقبلي مروري

[مشاعر مجهولة]

لا حول ولا قوة الا بالله
الله يهديها

[Ana _2011]

معليش اختي بس بصراحة انا رأي انك تتفهمي الموقف لانه اذا زوجة اخيك ما حبت انك تلاقي اهلها لانه انت عندك مشكلة مع اختها فدة شي ما تتلام عليه بالعكس ده هي حتي تتشكر عشانه لانه معناه ان هي ما عاوزة تكبر المشاكل .....وبصراحة اكتر انت غلطانة في الرسالة اللي رسلتيها ليها و الاولي ليك انك تتعتذري منها و تحاولي في المستقبل انك تصفي المشاكل مع زوجة اخيك و اهلها عشان اخوك و اولاده......