السلام عليكم،،،،
أبغي منكم النصيحة المخلصه بذمتكم الله يعافيكم ،،،،
السالفة وما فيها ان أسرتي تعرف أسرة ثانيه ومن بلد خليجي ثاني ،،، وبينا زيارات ومجاملات في المناسبات ،،،، وكان بينا نسب (حد من أهلنا متزوج أحد من أهلهم) بس ما توفقوا وصار المكروه وتطلقوا وكل راح في سبيله ،،، الحلو انه الشخصين بعد الطلاق ما تكلموا عن بعض إلا بكل خير بس الله ما وفق ،،،،
المهم،، القضيه اليوم مو قضيتهم ،،،، القضية قضيتي أنا ،،، أنا بصريح العبارة معجبة بواحد من شبابهم، فيه كل المواصفات الي أبغيها وأتمناها في شريك حياتي ،،، بس ما صارحت أحد بهذا الشعور، حتي أخواتي ما يدرون عني .... ومستحيل أخبرهم،،مع انهم في أكثر من مناسبه علقوا بقولهم ان فلان (إلي هو هذا الشخص) يناسب كثير فلانه (إلي هي أنا) الشخص نفسه ما عنده خبر وما يوم حسسته انه في شي من ناحيتي ،،، خجلي الشديد يمنعني...يعني ممكن أموت قبل ما سويها،،، مع اننا نعرف بعض من كنا يهال بس ما كنا نحنك ببعض كثير إلا مره وحده قضي فيها فترة إبيتنا وحينها كنا قريبين بس هذا كان قبل فترة المراهقه يعني بالطفوله وما كان في بالي شي من هالسوالف !!!
هو بطبعه خجول ويوم يرمس معاي عيونه تكون بالأرض مع انه ياخذ راحته في الكلام أكثر مع أخواتي الأكبر مني والمتزوجات بعيالهم. الشهاده لله ما قط حسسني انه منجذب لي أو في باله أي شي من هالقبيل... بس في مرة كنا يالسين مع الأهل وهو موجود بيننا وهذا قليل ما يصير، وكنت صاده بويهي الصوب الثاني بس كان قدامي مثل السطح العاكس ولما طالعت شفت إنعكاسه بالسطح وكان يطالع علي، طبعا هو ما يدري اني أشوفه! بس ما كانت نظره عابره والسلام، اذا تدرون شو قصدي!!! حينها ما دري شو حسيت! بغيت أدوخ ،،،، أنا مب لعبيه ولا هدفي قامة علاقة حب، طول حياتي ما خطر ببالي اني اقيم علاقة حب مع اي شاب لا من قريب ولا من بعيد مع انه عرض علي هذا الأمر أكثر من مره من قبل شباب منهم أقرباء من بعيد ومنهم أقرباء صديقاتي بس دوم كنت أصدهم وأقولهم بصريح العبارة أني مو للعب والعلاقات العابرة.....
وبس هذا كل شي ... تمييت في صلاتي أدعي الله أن يجعله من نصيبي ... يعني الوحده تتمنى الي مثله وهذا مب عيب ولا حرام...
بس ما دري شو أسوي أكثر !!! محتارة !!! ما دري اذا حد مر بمثل هذي التجربه وعنده نصيحة مفيدة!!!!!! ساعدوني بلييييز :o:o:o(u)
رد مع اقتباس
2طبعا قدام الماما نزلت عيني بالارض واحمر وجهي .:shy:
هدر وقبل هذا وذاك الدعاء والصلاة والحمد لله طبعا انا الحين صارلي شهرونصف من الخطبة لكن الحفلة بعد شهر ونصف لانة يشتغل برى عسى ربي يردة لي بالسلامة ونسوي الحفلة وادعوا لي بالتمام .واتمنى لكم التمام انتوا بعد.
:confused: وتتفهم الوضع وتقتنع بكلامي لأنكم تعرفوون أنا أعند منها وماعرف كيف أتصرف معاها