وش حدني للشعر يا كود شوقي
ووش حدني للشوق لولا محبتــْـك
ووش حدني للحب لــولاك ذوقي
وما حد ذوقي غير علمي بطيبتك
حبك تغلغل واستبد فـعروقي
سريت فيها لين فـ القلب صبَّـتك
وان كان به غيرك سكن في خفوقي؟
فما غيرها امّـك يومها ليّ جابتـْك
₪×××₪ ............ ₪×××₪
لميت جرحي واحتضنته وسافرت
ما للواداع بخاطري غير تجريح
ودي ولكني صمدت وتصبرت
واقفيت اشد اخطاي بالغصب لا اطيح
ما هو جفا.. انا (فلان) ما تغيرت
عقب الوداع.. فراق ما هو بتلميح
ياليتني دمعه فراق وتبخرت
لا( احساس) لا ( وجدان) لا (قلب يصيح)
امشي على ذكراك ولا تعثرت
يا ساكن الوجدان بدون تصريح
ولو خيروني من الملا ما تخيرت
غيرك حشا وش فيه؟.. من هبت الريح
₪×××₪ ............. ₪×××₪
البال ما غيرك من الخلق مشغله
والشوق موجع وإنت ما فيك حيله
مشتاق لك قلبي وإذا ودك اسأله
وشـ لك بـ تطويل الكلام وقليله
من قال لك عذب وليفك وبهذله
عز الله إنه ما كسب بي جميله
بعيد لا احتجتك / قريبٍ ولا اصله
كنك تعلمني وداعك وأجي له !!!!
₪×××₪ ............. ₪×××₪
ياضيقـة الصـدر عيّـت لاتخلينـي
ملعون ابو الحب هجره ويش سوابي
لاالصبر نافـع معـاي ولابقـى فينـي
شي يتحمل بعـد واصبـر ويبقابـي
وين انت ودي اشوفك يابعد عينـي
ماعاد للقلب طاقـه يحمـل اتعابـي
تعـال خذنـي وضـم ايديـك بيدينـي
ودي اضمك قبـل العمـر يفنابـي
₪×××₪ ............. ₪×××₪
سمعت لأسمك نغمةٍ بين الاضلاع
مع صوت دقات الخفوق السريعــة
ترجمتها لك شوق من كل الانواع
يهتف بها جسم المولع جميعــه
ياناعس الطرفين يازين الاطباع
لك منزله داخل عيوني رفيعــة
₪×××₪ ............. ₪×××₪
تعال ونام في عروقي ودمّـي
تلحّفني دفا واتلحفّـك شـوق
تعال وقصّـر الأبعـاد يمّـي
تعال وناظر المكنون منطـوق
يا طيفٍ حتى لـو جانـي بـ همّـي
أبضحك ما بقت دمعات بـ الموق
يا صورهـٍ انثنت من كثر ضمّي
حبيبك بـ الوله ذايب ومحـروق
يفرّج همسـك ونجـواك غمّـي
أبي أرقد وسط عينك ولا أفوق
حبيبي ارقـد بـ قلبـي ودمّـي
تناديني ولَـه وآلبّـي بـ شـوق !!
₪×××₪ ............. ₪×××₪
البارحه عيني عن النوم جازت
هلت مدامعها بذكر الحبايب
تركض على رمشي دمعات عيني
والصدر ضاق يوم كثر المصايب
تشتت بالهم أفكـــــــــار عقلي
ووسط الحشى شبت بجوفي لهايب
لجل أحباب ٍ عن الــــــدار قفوا
والقلب ما هو عن هواهم بتايب
₪×××₪ ............. ₪×××₪
اهلاً هلا باللي عيـونه رمتني
يا مرحـبا ياروح روحـي وسهلين
باخـلاصـه وحـبه بادلـني
انا وهو بالحـب صـرنا شـريكين
عـطيته قلبي وهو معطـيني
عـطف وحنان وذي سلـوم المحبين
₪×××₪ ............. ₪×××₪
ليتك
بحلم الروح ليله تجيني
وأقول:
ياحلـمي أنا أطلبك تزداد
حلمي في حلمن
بين روحك وبيني
ليت الحلوم تصير للوصل ميعاد..
تعــــــــبــت
وأتعبت
الهوى من حنيني
وأتعبت قلبك
بالهوى يابن "الأجـــواد"...
₪×××₪ ............. ₪×××₪
من كثر ما أحبك وصلت لحاله الادمان!
ادمان صوتك وشوفك وطاريك!
العفو ما أحبك أنا فيك هيمان!
يعني:
*أحبك*واعشقك*وحيل أغليك...
تدري اذا غبت عني شيصير يا فلان؟
يشتعل بالي وافكر فيك وأحاتيك...
₪×××₪ ............. ₪×××₪
لحظه أبسئل: منهو اللي معك كان؟
يومن اشوفك في عيونه / ضحكتي
لا لا دخيلك ..لا تقولين.. غلطان
شلتك على قلب المحبه...وطحتي
مالي شغل بالعذر والقلب ماصان
يعني أمانه ليش ..وشلون خنتي؟
هذا جزاتي جيت من قلب ولهان
وأنتي ولا مرّه عليـّه.. ولهتي
الشوق منبع حب والروح عنوان
قرّبت لك كل المسافه/ ورحتي
₪×××₪ ............. ₪×××₪
اشره على اللي يشوف الرقم .. ويطنش
وانا لا شفت رقمه (بست) جوالي ...
₪×××₪ ............. ₪×××₪
بس خذها مني صراحة.. القضا بالقضا
ذوق كاس شربته منك اسمه عناد
يرفض القلب مثلك به وداد حظى
دامه انسان مثلك قطعة من جماد
ما تعيش المشاعر في خفوق فضا
كيف ***ي وداد له علاجك عماد
يافقير المشاعر يا شتات الشظى
المحبة بوادي وانت والله بواد
₪×××₪ ............. ₪×××₪
تبي القلب لك وحدك تعال..
واملكه الحين
تعال..
مابقى فيني عرقا بقلبي مايناديك..
تبي من القصيد أبيات
تبي من الجروح آهات
تبي من الغلا حب يزود بدقة
الساعات..
تعال وأكتب اسمي على صدرك على
السلسال..
تعال مابقى فيني مكان ماكتبتك فيه
سجنتني مثل طير تعود بالفضاء
يصطاد..
وجيتني على غفله وربطت قلبي
بالأصفاد..
ملكتني وأنا الحر الطليق بعالم الأحلام
هزمتني وأنا الفارس
سرقتني وأنا الحارس..
قدرت تملك قلبا قسى من قسوة
الأيام
تعال وأرمي همومك
تعال وانثر شعرك
تعال وأسكن حدب الضلوع العامرة
بك
وامسح العبرات..
تعال بدد وحشة خفوقا مابقى به مات
تعال باسمع اسمي من شفاتك
واسمع الهمسات..
تعال وأحرق وجهي بلهيب أنفاسك
العطرات
تعال بحضنك حب جديد وبشربك
واضماك
أبي حب يزلزلني
أبي حب يحطمني
أبي حب اليا غبت يجيني بطيفك
وألقاك..
تعال نكتب حروف القصيدة والقلم
يمناك.. تعال بزرع ورود المحبة
كلها لرضاك
تعال بترك العالم بسافر في بحر
لقياك
تعال بنسج من الشمس خيوط
وبكسر النظرات..
تعال وأحضن شخص بكى لك مايبي
فرقاك..
تعال وأن نزل دمعي امسحه من
على الخدين..
₪×××₪ ............. ₪×××₪