الامهات العزيزات ..
ارجوكم علموني في اي مدرسة حاطين عيالكم وهل أنتم مرتاحين منها ...
انا ناوية السنة الياي ادخل بنتي روضة أولى بس محتارة في اي مدرسة وعندي شروط وأمال على المدرسة ..
1- ممتازة من ناحية الدين والعربي
2-تكتب الواجبات قبل ما يرجعون البيت
3- تعامل المعلمات ممتاز للاطفال
4- ومايكون وايد واجبات ترهق الطفل
اصحاب الخبرات ردوا علي وين تقترحون مدرسة بدبي
وأتمنى تكونوا مجربينها انتم ؟؟
ارجوكم ساعدوني وان شاء الله تحصلون الاجر من وراي ...
وبنكم خواتي ؟؟
و انا بعد اضم صوتي لج ...ابي اعرف المدارس الزينه
و ياريت لو في مدرسه من غير واجبات
و ابي مدرسه تكون زينه من الروضه للثانويه ...ما احب التنقل احسه يدمر نفسيت الطفل
Dubai National School - Behind al Bustan Centre
Bas ele fe al Barsha MOB Zina
أنا بقولج على لستة مدارس لا تفكرين ادخلين عيالج فيهم ...لأنه انا تخصصي رياض اطفال ولفلفنا على وااايد مدارس..
1- مدرسة دبي الحديثة: نظام التدريس عندهم ضعيف ومب متطور .. وصفوف الروضة صغييييييييييرة
2-أبتاون برايمري : العربي والدين عندهم مب شي.. بس فن في التعامل ويا اليهال وطريقة التدريس
3-المواكب: بعد نظام التدريس والصفوف مببببب شي.. وماشي اسلوب في التعامل ويا الطلبة
4-دبي الوطنية اللي في البرشا: أبلواااتهن وحووووووووووووش ويخلون اليهال ييلسون على مدرج خشب لمدة نص ساعة وكل واحد ما عنده مكان.. معفووووصين..
5- كوين انترناشونال: واااااااااااااااااااااااا ااااااااااااااايد يعطونهم واجبات.. ماشي اسلوب ويا اليهال
بس مدرسة دبي الوطنية اللي وين البستان.. صراحة يمدحونها.. وتركيزهم على الدين والعربي واايد اوكي .. وما يعطون واااايد واجبات.. وعندهم وقت يحلون فيه جزء من واجباتهم في المدرسة ... وعندج مركز رياض تطوير الاطفال اللي عند سوق الحمرية المركزي ... واااااااااااااااااااااااا يد اوكي .. هيه روضة حكومية .. بس شي تركيز عالدين والعربي ... وبدو يدرسون اليهال انجليزي.. بس ما ادري اذا بعدهم يقبلون اي طلبات ...
أتمنى أكون أفدتكم
للرفع
موضوع-مفيد-ياريت-نتعاون-لإثراءه
للرفع
رد مع اقتباس