أفخم محلات لبيع الأثاث فجده ..

[أمورة مامتهااا]

السلام عليكم ورحمه الله وبركاته ...

أخواتي العزيزات عضوات منتدانا الغالي عروس ... حياكم الله

حبيت أعرف اش أحسن محلات لبيع الاثاث فجده..؟؟؟ يعني تقريباً زي معرض لمسات للأثاث .. ومفروشات العامر..وغيرها " يعني محلات راقيه للأثاث.. لانو جده ماشاء الله مليانه واخواتي العضوات اللي من مدينة جده اكيد عندهم خلفيه بذلك فياريت تفيدوني..
غير كذا بشوف رايكم فسوق البدو اللي هناك حلو ..؟؟ ومعرض الأثاث العالمي اللي أظن اسمه vip على ماأعتقد وللعلم هذا المعرض له فروع فأمريكا ودول اوروبيه والي اشترت منه ياليت تفيدنا بأسعارهم واثاثهم..؟؟؟... وأتمنى الكل يشاركنا حتى اللي حابه بعدين تغير لو شي بسيط فبيتها تعرف عند مين تروح تغير أثاثها .. وكمان يبقى الموضوع مفيد للعرائس اللي يبوا يأثثوا بيوتهم أحسن أثاث فخم ومريح ...
وجزاكم الله كل خير ..........(f)(f)(f)

[ملاك العشق]

ياريت حد يرد على الموضوع عشان نستفيد ....

انا من قطر وحابه اتعرف على محلات السعودية..

[ماذا اقول]

للرفع

[شقاوه2011]

اب لعيونك يااااااااااعسل

[عيون وليد]

المحلات مرررره كثيره

لو تبغي محل غالي وراح تنصدمي في اسعارهم في محل اسمه المنزل (( الهبيتات)) انا اذا دخلته امووووووووت ضحك لانهم مبالغين في الاسعار

في عندك محل اسمه البيوت الامريكيه برضووو روعه بس غالي غيرو اسمه سموه البيوت من غير الامريكيه

في عندك المطلق والعامر والصبان هذي محلات تعتبر متوسطه وعندهم شغلات حلووووه

عندك ايكياااا لو تحبي البساطه ولو تبغي الجوده لان اغراضهم جودتها عليه جداااا بالذات الكنب

عندك هوم سنتر يحاولون يقلدون ايكيااااا بس في فرق في الجوده بصراحه تعجبني في هوم سنتر كماليات الحمام وانتي بكرامه يبدعووووووو فيهااااااا واسعارهم مررررره معقوله

عندك الاسواق الشعبيه محمود سعيد والشاطيء هي اسواق شعبيه بس في محلات اسعارها مثل المطلق والعامر يعني فيها الغالي وفيها المتوسط ومافي الرخيص لان الرخيص انقرض بس احس سوق الشاطيء ارقى من محمود سعيد وفيه شغلات تطيررررر العقل

وسوق البدو هذا ماعمري سمعت فيه مع ان حياتي كلهااااا بجده يمكن غلطانه بالاسم

عندك طريق المدينه فيه برضووو محلات كثيررررره وعندك كمان حي الروضه بعد الكبري المربع قبل مستشفى التخصصي فيه محلات شكلها روعه بس ماعمري دخلتها في الخطه الجايه راح ادخلهاااا ان شاء الله

هذي المحلات الي اعرفها

ان شاء الله اكون افدتك

[أم نجود الأحساء]

ان شاء الله بنات جده يساعدوك

[عيون وليد]

عدنااااا


في محل في طريق المدينه جنب مكتبة العبيكان اسمه اوبشنز


ااااخ ياقلبي عليه شي خيااااااااااااااااااااااا ااااااالي


لو تحبي الفخامه والغرابه روحيه ولايفوووتك من احلى المحلات الي دخلتهاااااااااااا

اسعاره غاليه شوي بس للامانه الاغراض الي شفتها ماعمري شفتها في المحلات الثانيه ماشوف اغراضهم غير في مجلات الديكور او التلفزيون


انصحك تروحيه لايفووووووتك

[خلود القحطاني]

في محل جديد رووووعه في طريق المدينة الطالع قبل مسجد الملك سعود جمب الميرة اسمه / منزلك عنوانك سراحه خوقاقي عنده اشياء جدا روعه وذوق وبسراحه عندهم اهتمام كبير بالجودة واسعارهم معقوله اتوقع عندهم الغالي والرخيض كل واحد ع امكانياته بس انصح بزيارته اتمنى اكون افدتكم ..