روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 11 من 11

الموضوع: ان الله لا يغير ما بقوم حتى يغيروا ما بأنفسهم ( دعوة للتغيير تبدأ من النفس )

  1. #1
    عروس مشرقة
    تاريخ التسجيل
    25/07/2007
    الدولة
    فى ملك الله
    المشاركات
    370

    ان الله لا يغير ما بقوم حتى يغيروا ما بأنفسهم ( دعوة للتغيير تبدأ من النفس )

    بسم الله الرحمن الرحيم


    تابعنا كلنا بكل حزن ما حدث لاخواننا فى غزة الله ينصرهم والله مش عارفة الواحد يقول ايه بس ابص كده لحال اللى بيحصل و ابص حال مجتمعتنا احنا بنشتكى من حاجت كتير سواؤ كنا افراد على المسوتى الشخصى او المجتمع امراض كلنا بنعانى منها

    عادتى دايما باقرا الشكاوى اللى فى ركن قضايا و حلول او المواضيع اللى بتناقشها السيدات و فيها شكوى تخصها لكن بالاقيها عامة حاجات كتير

    الزوج او الاب بيتفرج على افلام اباحية
    الزوج بيعرف واحدة تانية
    الزوج لسانه مش كويس
    الولد عاق اولسانه بيقول كلام فظ
    الرجل ما تحس فيه الان نخوة ولا غيرة
    الست النهادرة ازاى كتير منهم بيبصوا لنفسهم و بيعرضوا نفسهم
    النظرة المتبادلة بين الرجل و المراة باحس ان لا بقى فى حرمة للمراة ولا هيبة للراجل
    حاجات كتير رجالة الزمن ده مش زى اللى قبل كده
    انتشار الكذب و الفساد و قطيعة الرحم و الطمع و الضعف و الهوان و التحرش الجنسى و المعاكسات و حاجات كتير امراض لا تعد ولا تحصى موجودة فى مجتمعنا دلوقت

    طيب كل ده يتحل ازاى

    كل ده مجتمعنا يخف منه ازاى

    احنا دورنا ايه

    هنتسال عن اللى بيحصل ده ولا لا

    هنتسال عن اللى بيحصل فى مجتمعنا احنا كلنا هنتسال



    احنا السيدات ربنا كرمنا واعطانا الكثير اعطانا اسلحة تخص المراة وحدها اعطاها العقل والفكر و القلب و الحنان و اعطاها كل ما يمكنها من التاثير على الرجل و على الاولاد ايضا

    الطفل فى بطن امه يحس و يشعر بما تفعله الام يحب ما تحبه و يكره ما تكرهه و الطفل بيتاثر بالاسرة اللى بيتربى فيها اكتر ما بيتاثر بالشارع


    طيب ليه باقول الكلام ده لان ربنا ما اداش الست كل ده هباءا ولا علشان تكون حلوة فى عين الرجل ولا علشان تقدر تحافظ عليه فى بيتها فقط

    المراة راعية فى بيت زوجها

    راعيه له و راعية لماله و راعية لاولاده و راعية لبيته

    نعم كل المواضيع التى اقراها فىالمتدى تقول ان المراة هى اساس المنزل المراه هى راعيته

    و رسولنا صلى الله عليه و سلم يقول

    ( كلكم راع وكلكم مسئول عن رعيته )

    صدق رسول الله ( صلى الله عليه وسلم)

    هذه امانة فى اعناقنا سنسال عنها يوم القيامة

    سنسال عن كل ما يخرج من بيوتنا

    المراة هى الاساس هى كما يقولون مصنع الرجال اللى المفروض يحملوا هم هذا الدين و هم هذه الامة

    طيب بعد الكم ده كله تقصدى ايه

    مقصدى انه دورنا احنا ان نعالج هذه الامراض احنا عندنا الجذور لها كل واحدة منا عندها فى بيتها زوجها و عندها ابتها و عندها بنتها و عندها عائلتها

    يعنى نعلمهم

    مش نديهم محاضرات و احنا بنغلط

    لا

    لازم نكن نحن القدوة

    يعنى لازم نبدا بانفسنا

    كل المشاكل التى نعانى منها فى مجتمعنا حتى لو صغيرة اساسها الاسرة و الاسرة اساسها المراة

    لو كل وحدة منا بدات بنفسها و اصبحت قدوة لزوجها ولاولادها والله بينصلح حال المجتمع كله ولن شاء الله يطول العمر بس اسمنا حاولنا و عملنا حاجة يوم ما نقف امام رب العالمين نعرف نقول اننا ادينا دورنا و مش هيكون على اكمل وجه

    يا ويلنا من هذا اليوم


    طيب عايزين حلول

    يعنى قطيعة الرحم - ابدا انا اوصل رحمى اتصل باقربائى اعلم ابنى و بنتى ان ليهم اهل ولايكونوا يعرفوهم و يسالوا عنهم لان قاطع الرحم يقطعه رب العالمين

    مشاكل الجنس و التحرش و الافلام الاباحية ما نعانى منه اليوم من فوضى فى نظرة الرجل للمراة و نظرة المراة للرجل - ابسط شىء لو واحدة عورتها مكشوفة فى التلفزيون اطفيه مش اقعد اتفرج قدام ابنى و قدام زوجى و تخرج منى تعليقات تعلمى ابنك ان فى شىء اسمه عورة و حرمة للمراة ما يتخطاها

    اعلم بنتى ان المراة ليست بشكلها ولا بقوامها ولا بطول شعرها ولا دقة مكياجها بل هى ارقى من كل هذا كل دى وسائل ربنا انعم عليها بيها لتستخدمها فى غرض ارقى بكثير من انه يتم تقييمها به ففى رايى عقل المراة قدره اكبر من الذهب

    اعلم ابنى و اعلم بنتى ان الغريزة الجنسية هى وسيلة ربنا اعطاها للزوجين ليتقاربوا و تدوم بينهم المودة و المحبة وسيلة و ليست غاية

    اتصدق امام اولادى و اتفنن فى تعليمهم ازاى يتصدقوا ويراعوا الاخرين من وهما صغيرين ( عجبتنى فكرة حصالة اختو زوجها كانوا حاطينها على التسريحة واخر الشهر بيصدقوا باللى فيها )

    ماكذبش على زوجى امام لاولاد ولا اكذب عليهم فى شىء

    والله فى حاجات كتير ممكن احنا نبتديها نكسب دنيتنا و اخرتنا مع بعض

    مش عارفة يمكن انا اتكلمت كتير و بره مش حاضرنى كتير من الامثلة و مش عارفة اسلوبى مفهوم او قدرت اوصل الكلام ولا لا بس يمكن تاثرت كثيرا بمنظر القصف الغاشم لغزة و مشاكلنا فى المجتمع

    لان المفروض ان المراة هى مصنع الرجال و هو ده دورها يعنى احنا لما هنعمل كده هنيجى ايه قد الست اللى بتقدم اولادها للموت قدام عنيهيا و بيدافعوا عن المسجد الاقصى اللى المفروض هو مسئوليتنا كلنا


    اتمنى يكون فى مشاركة و تفاعل معى و افكار حلوة نساعد بيها بعضنا عسى اننا يوم ما نقف اما رب العالمين نلاقى حاجة تشفعلنا او يغفرلنا بيها

    و لا ننسى قوله تعالى

    ان الله لايغير ما بقوم حتى يغيروا ما بانفسهم

    صدق الله العظيم

    يعنى لا ندب ولا بكاء و لا دعاء فقط بيحلوا اى مشكلة من مشاكل مجتمعنا والا كانت اتحلت من زمان

  2. #2
    مشرفة سابقة الصورة الرمزية تَنْثُرُ الكَونَ عِطرَاً
    تاريخ التسجيل
    24/03/2003
    الدولة
    يَارَبْ رَحْمَتَكَ أرْجُو ...!
    المشاركات
    5,096

    حال مجتمعاتنا العربية يُرثى لها

    والخلاق فى تدهور وانحدار

    وسأعتبر هذا الموضوع بمثابة

    ( دعوة للتغيير تبدأ من النفس )

    موضوع مهم جدا أختى


    جزاكِ الله كل خير ونسأل الله أن ينفع بك

  3. #3
    مشرفة سابقة الصورة الرمزية الجوهرة
    تاريخ التسجيل
    02/04/2002
    الدولة
    قطـــــر
    المشاركات
    4,615
    كلام من القلب الى القلب

    نريد الاسلام في العبادة واللسان وكل الجوارح وفي القلب وأن تكون سرائرنا كعلانيتنا

    عند ذلك سوف ننتصر

    ولنبدأ بأنفسنا ونتوكل على الله بصدق

    سلمت يداكِ أختي الغالية

  4. #4
    عروس مشرقة
    تاريخ التسجيل
    25/07/2007
    الدولة
    فى ملك الله
    المشاركات
    370
    اقتباس المشاركة الأصلية كتبت بواسطة تَنْثُرُ الكَونَ عِطرَاً مشاهدة المشاركة
    حال مجتمعاتنا العربية يُرثى لها

    والخلاق فى تدهور وانحدار

    وسأعتبر هذا الموضوع بمثابة

    ( دعوة للتغيير تبدأ من النفس )

    موضوع مهم جدا أختى

    جزاكِ الله كل خير ونسأل الله أن ينفع بك
    جزاك الله خيرا

    فعلا اختى التغيير يبدا من النفس فان صلح الفر ينصلح المجتمع وان شاء الله ربنا يقدرنا عليها عسى اننا يوم نقف امامه سبحانه و تعالى نقف مرفوعين الراس

  5. #5
    عروس مشرقة
    تاريخ التسجيل
    25/07/2007
    الدولة
    فى ملك الله
    المشاركات
    370
    اقتباس المشاركة الأصلية كتبت بواسطة الجوهرة مشاهدة المشاركة
    كلام من القلب الى القلب

    نريد الاسلام في العبادة واللسان وكل الجوارح وفي القلب وأن تكون سرائرنا كعلانيتنا

    عند ذلك سوف ننتصر

    ولنبدأ بأنفسنا ونتوكل على الله بصدق

    سلمت يداكِ أختي الغالية
    انا احس انه اذا طبقنا الاسلام فى معاملاتنا و من قلوبنا ان شاء الله بينصلح حال اسرنا و حالنا احنا كمان

    ولو كل واحد ابتدى بنفسه ربنا هيوفقه و يكون قدوة للى حواليه وربنا يصلح بينا حال المجتمع

    تسلمى اختى على المرور واتمنى يكون فى تفاعل و افكار كمان لمشاكل و امراض فى مجتمعنا و دورنا ايه فيها

  6. #6
    عروس ماسية
    تاريخ التسجيل
    07/06/2008
    الدولة
    Alexandria
    المشاركات
    4,285
    جزاكي الله كل الخير و الله أنا بحاول مع أولادي و بشوف نتيجة طيبه يا رب تدوم و ينصلح حالنا جميعا

  7. #7
    عروس مشرقة
    تاريخ التسجيل
    25/07/2007
    الدولة
    فى ملك الله
    المشاركات
    370
    اقتباس المشاركة الأصلية كتبت بواسطة Boody we zady مشاهدة المشاركة
    جزاكي الله كل الخير و الله أنا بحاول مع أولادي و بشوف نتيجة طيبه يا رب تدوم و ينصلح حالنا جميعا
    جزانا واياك

    وان شاء الله ربنا يباركلك فى اولادك و يبارك فيكى

  8. #8
    عروس مشرقة الصورة الرمزية يارا2006
    تاريخ التسجيل
    29/10/2006
    الدولة
    الرياض
    المشاركات
    434
    اعجبني طريقه عرضك للموضوع انه صحيح المجتمع في الحضيض وياحسرتاه
    وكل شي مباح حتى الاعراض
    ولاسف ويجب يبدا التغير منا
    بس بتعرف ليش صار مجتمعنا هيك
    لان مافي هدف مافي قضي
    نحن خلقنا لجهاد وحمل رسالت الله
    ولكن حرمت الجهاد وكيف تحرمون ما احلى الله ؟؟؟؟؟؟؟؟؟؟؟؟؟؟؟؟؟؟
    هدمت مساجد يذكر اسم الله واحسرتاه
    اختي حبيبي بكره اسرائيل راح تقضي على اهل غزه نفس ماحصل بجنين
    راح تصمد شهر شهرين ولاكن القتل والجوع كفيل بقتل الناس
    لكن لن نخضع ولن نركع مادام فينا طفل يرضع
    وسنكون باذن واحد احد حجه يوم القيامه عليكم وعلى كل رئساء الدول العربيه بانا صمدان 15يوما في جنين
    وان شاء الله في عزه اكثر
    وان 3دول عربيه سلمت السلاح في 6 ايام
    وعندها سوف ناخذ حقنا
    ان الله معنا ان الله معنا ان الله معنا
    فهو يحمين وهو يحمين وهو يرحمنا
    الله اكبر الله اكبر

  9. #9
    عروس مشرقة
    تاريخ التسجيل
    25/07/2007
    الدولة
    فى ملك الله
    المشاركات
    370
    اقتباس المشاركة الأصلية كتبت بواسطة يارا2006 مشاهدة المشاركة
    اعجبني طريقه عرضك للموضوع انه صحيح المجتمع في الحضيض وياحسرتاه
    وكل شي مباح حتى الاعراض
    ولاسف ويجب يبدا التغير منا
    بس بتعرف ليش صار مجتمعنا هيك
    لان مافي هدف مافي قضي
    نحن خلقنا لجهاد وحمل رسالت الله
    ولكن حرمت الجهاد وكيف تحرمون ما احلى الله ؟؟؟؟؟؟؟؟؟؟؟؟؟؟؟؟؟؟
    هدمت مساجد يذكر اسم الله واحسرتاه
    اختي حبيبي بكره اسرائيل راح تقضي على اهل غزه نفس ماحصل بجنين
    راح تصمد شهر شهرين ولاكن القتل والجوع كفيل بقتل الناس
    لكن لن نخضع ولن نركع مادام فينا طفل يرضع
    وسنكون باذن واحد احد حجه يوم القيامه عليكم وعلى كل رئساء الدول العربيه بانا صمدان 15يوما في جنين
    وان شاء الله في عزه اكثر
    وان 3دول عربيه سلمت السلاح في 6 ايام
    وعندها سوف ناخذ حقنا
    ان الله معنا ان الله معنا ان الله معنا
    فهو يحمين وهو يحمين وهو يرحمنا
    الله اكبر الله اكبر

    اعجبنى ردك جدا قضية فلسطين ستستمر الى يوم الدين النصر فيها من علامات القيامة الله ينصر المسلمين فى كل مكان لكن على المسلمين العمل و المثابرة و الدفاع عنها بكل ما يملكون حتى بارواحهم

    لذلك فانا اتحدث عن علاج المجتمع من مرضه لنرى نتيجة على المدى الطويل و اتمنى انه يكون قى مدى قصير

    اعجبتنى فكرة القضية لاننا خلقنا لعبادة الله و الجهاد فرض علينا

    و يكفى المراة جهادا فى بيتها كانها مجاهدة فى سبيل الله هذه قضيتها و هدفها ان تخرج رجلا و امراة فاهمين لتعاليم ربهم ملتزمين فاعلين فى مجتمعهم فى بنائه و تقدمه و الدفاع عنه و يعرفون ان لهم دورا فى هذه الدنيا فى خدمة دينهم و امتهم و لم يخلقوا هكذا هباءا هذا الدور المهم جدا الذى نفتقده الان و هو ما اقصده

    هذه فكرة ممتازة ان تعلم المراة ابنها و بنتها ان يكون ليهم هدف فى حياتهم بان هى نفسها يكون ليها هدف انها تخرجهم الى الحياة ملتزمين فعالين ولهم دور فى الدنيا ينفعهم فى الاخرة مهما كان

  10. #10
    عروس جديدة
    تاريخ التسجيل
    26/11/2008
    الدولة
    السعودية
    المشاركات
    34
    كلام من القلب الى القلب

    نريد الاسلام في العبادة واللسان وكل الجوارح وفي القلب وأن تكون سرائرنا كعلانيتنا

    عند ذلك سوف ننتصر

    ولنبدأ بأنفسنا ونتوكل على الله بصدق

    سلمت يداكِ أختي الغالية وجزاك الله خيرا

  11. #11
    عروس مشرقة
    تاريخ التسجيل
    25/07/2007
    الدولة
    فى ملك الله
    المشاركات
    370
    اقتباس المشاركة الأصلية كتبت بواسطة دموع الهجير مشاهدة المشاركة
    كلام من القلب الى القلب

    نريد الاسلام في العبادة واللسان وكل الجوارح وفي القلب وأن تكون سرائرنا كعلانيتنا

    عند ذلك سوف ننتصر

    ولنبدأ بأنفسنا ونتوكل على الله بصدق

    سلمت يداكِ أختي الغالية وجزاك الله خيرا
    توكلنا على الله ان اء الله ربنا يباركلك فى عمرك و بيتك و يجزاك خير

    تسلمى

المواضيع المتشابهه

  1. ان الله لايغير ما بقوم حتى يغيروا ما بأنفسهم
    بواسطة *اااااالنجمةااااا* في المنتدى قضايا دينية
    مشاركات: 18
    آخر مشاركة: 21/02/2009, 10:28 AM
  2. حتى يغيروا ما بأنفسهم
    بواسطة أم نور عيوني في المنتدى ركن الصور
    مشاركات: 16
    آخر مشاركة: 17/08/2008, 12:56 AM
  3. (حتى يغيروا ما بأنفسهم)
    بواسطة نور الوصال في المنتدى قضايا دينية
    مشاركات: 8
    آخر مشاركة: 10/04/2005, 11:47 PM
  4. مشاركات: 6
    آخر مشاركة: 21/02/2004, 08:16 PM