ترتيب جهاز العروسه بطرق فيها ابداع

**غليمة** · 26/11/2008, 01:05 PM

موضوعي يهم كل عروسه وهو ترتيب اغراضها بطريقه فيها ابدااع وتميز

تعالي معاي ..وبشويه أفكاااااااااار نرتب أغراضك مع بعض ..

طبعا الأغراض تروح لبيت العروس قبل الزواج
بأيام قليلة يعني من خمسة إلى ثلاثة أياااااااام عادة ..

وفي بعض العائلات يسووونها كإحتفال يجتمع اخوات العروسه
وخالاتها وعماتها وينقلوا الجهاز لبيت الزوجيه

ويستقبلهم هناك اهل العريس لذا لازم كل شئ
يكون مميز لان كل شئ بيكون تحت الانظار ...

وبعضهم يمشونها عادي ..

المهم .. حبيت أساعد الأخوات ..وأعطيهم بعض الأفكااااااااااار
في ترتيب الجهاز

نبدأ بسم الله ..

اولا

نروح محل الخياطة نشتري شوية ورود وشرايط وأكياس
الأورجنزا الجاهزة بعدة أحجااااااام

+ محلات ابوريالين نشتري منها ..شموع وعلب وسلال ..وورود مجففة

+ مكتبة(بطاقات وأشرطة وجلاد بنوعين الفاخر والعادي )...

ولا ترمين أي شيء من العلب اللي تشترين أغراضك فيهاااا

نبدأسجاجيد الصلاه

نشتري سجادة صلاة وشرشفها أو شيلة الصلاة ..بلونين متناسقين
00 او تشتري اطقم سجاده الصلاه وشرشفها

بالنسبه للشرشف الي تستخدميه جمعيه مع السجاده
وممكن كتاب الأذكار مع المسواك .ونجمعهم كلهم في

علبة ..ونغلف العلبة بالجلاد الفاخر
لأنه بيستخدم لفترة طويلة بإذن الله ..مثل الصورة التالية

بالنسبه لسجاجيد وشراشف الضيوف

بامكانك وضعها في مثل هذه الصناديق

الملابس

ثاني شيء ..نروح للمحلات اللي فيها أدوات التخزين
والعلاقات والعلب الخاصة بالدوليب

ونشتري طقم كامل من الأدوات ..مثل .

.

ونبددأ نعلق الملابس بأنواعها ..

وطبعاا حلو لو نستخدم مثل هاذي العلاقات ..

ممكن نعلقها وومكن نطبقهااو نغلفها بأكياس شفافة علشان نحتفظ بترتيبها وريحتها المعطرة ..

وهاذي بأكياس الأورجنزا

للملابس الداخلية

طبعا بيكون عندنا نوعين ..

النوع الفخم والأطقم ...والنوع العادي اليومي

النوع الفخم حطيه بأكياس أورجنزااا ...
أو أكياس خاصة يبيعونها في محلات الملابس الداخلية ..

وشوفي معااااااااااااي

قمصان النوم

طبعا حلو تغليفهااا للإبتعاد عن أعين الفضوليييين ..

ممكن نغلفها بكراتينها وممكن بأكياس أورجنزا وممكن بأكياس خاصة نخيطها

وبامكانك غسلها بداخل الكيس علشان تحافظي على قمصان النوم رقيقه وماتتشابك مع الغسيل

العباءات
من نفس الأكياس السابقة ..نشتري كم كيس أسود متوسط الحجم
تراه متوفر في محلات الخياطة ..وممكن نزينها بالورود والكلف او أي شيء تحبينه ..

ونحفظ فيها العبايات ..ونحطها كلها في صندوق ونزين الصندوق إذا حبيتوا

والحين نوزع أكياس الورود المجففة في كل مكااااااااان

يعني في ادراج الملابس الداخلية ..وأدراج التسريحة والحمااااااااام أعزكم الله ..
وخذوا الأنواع اللي تتعلق وعلقوها في علاقات الملابس وشوفوا هالأفكار من الأكياس

المكياااااااااج

طبعا أنا من النوع الي احب يكون المكياااااااج
في شنط صغيرة مثل المقلمة ..وسهلة النقل من الغرفة لأي

مكان أو شنطة السفر حتى ..

العطور
العطور العربية خذي لها الزجاجات اللي مثل الكريستال ..
على فكرة هي رخيصة جداا في حدود الريالين أو ثلاث ..
وفي منها كريستال عند محلات العطور

أفكااااااااااار لتنسيق الأحذية كرمكم الله

شوفوا معااااااااااي الأفكاااااااااااااااااااا ار...

لو تحصلون مثل هذي العلب ..يكون عز الطلب

ترتيب الشباصات ( البكل وربطات الشعر والأكسسوارات )

وممكن تجمعينهم جميعا في علب متشابهة ..وتنسقينها بهذا الشكل ..على شكل طبقات

وطبعا يا عرايس ..خلو العلب قابلة للفتح ..
يعني تغلفين العلبة بروحها والغطاء بروحة ..
علشان تستخدمينه دايما وتكون الأغراض مرتبة ..
على طول ..مو أول شهر وخلاص

المناشف

شوفواالصور بطرق بسيطة وبألوان هادية صار راقية ..
وشوية تطريز وشرايط صارت روعة

والحين نروح للأدوات الإستحمااااااام
ولو ما تبغين تحطينها في سلة او صندوق مثل ما سبق ..

شوفي الأفكاااااااار هاذي ..

هذا ملح الجسم ..ممكن بشوية شرايط تزينه
وممكن تكتبين على البطاقات كلمات حلوة ..

مثلا حمام الهنا ..

حركات لتغليف الصابون ..

طبعا حاولي تكون مغلفة بكيس شفاف أو نايلون اللي نغطي فيه الأكل ..
علشان الريحة ما تروح ..

الان بعد ما رتبتى اغراضك وزينتيها جهزيها لتذهب لبيت الزوجيه

الصناديق والاغراض الكبيره اتركيها لوحدها وجمعي ملابسك وضعيها في حقائبك

هذه الصورة مصغره ... إنقر هنا لعرضها بالمقاس الحقيقي ... المقاس الحقيقي 908x584 .

وبهكذا يذهب جهازك باحلى حله مستقبلينه اهل العريس بالزغاااااريد

الموضوووع اخذ مني جهد ووقت الي اطلبه منكم الدعااااء لي بتيسير
اموري

مع تمنياتي لكل عروس بالتوفيق والسعاااده

غليمة

**جوري الحبj** · 26/11/2008, 03:18 PM

موضوعج حلو ومفيد بالصراحة الله يوفقج ويسلموا

**بنت BH** · 26/11/2008, 04:06 PM

موضوع حلو

يسلمووووووووووووووووووووا

**طيف الحلى** · 26/11/2008, 04:15 PM

روعه الله يعطيك العافيه

**احسا س انثي** · 26/11/2008, 04:52 PM

موضوع في غاية الروعه يعطيك الف عافيه على جهدك
والله يوفك ويستر عليك ويسر امورك

**لولو ابو بكر** · 26/11/2008, 05:19 PM

موضوعك رائع وترتيبك قمة في الناقة

سلمت يداك

**-بنت الجزيره-** · 26/11/2008, 06:40 PM

مشاءالله جد روووووووعه الجهاز
ومرتب
بس توني ادري عن يروح الجهاز كذا

<<مالها خبره بعد ماجه فارس الاحلام

**بنت الغالي** · 26/11/2008, 09:33 PM

غاليتي غليمــه

الله يجزاك خيــر

فعلا جهد واضح وافكار مرتبه ومنسقه لترتيب جهاز العروســــه

عجبتني فكرة اكياس الاورجنزا واجد راقيه

الله ييسر امورك يارب ... ويوفق عرايسنا

جهد شخصي ... تنسيق .. افكار مرتبه ومنظمه

مبروك عليك التميــــز