الحقوني يا بنات حدي خايفه

[Ms Dior]

الحقوني بنات انا الحين في الشهر الخامس .. واليوم رحنه بيت يدة ريلي وعندها اعيال ولدها فيهم العنقز او يسمونه ( البوشنيتر) ... وانا ما رحت صوبهم بس كنت موجوده في المكان الي كانو فيه..

ما لامستهم ولا قربت صوبهم ..

بس يمرون من صوبي وابتعد عنهم..

انا خايفه على جنيني .. خايفه موت لان سمعت ان هلمرض يعدي ويأثر بشكل خطير يأدي الى تشوهات وموت الجنين ..

خايفه يا بنات الي عندها معلومات او تجربه تخبرني .. ولا وحده تقرا هلموضوع وما ترد ردو علي الله يخليكم ترا حالتي حاله مو قاصره .. الي صار لي في الحمله الي فاتت كفايه ..

ارجوكم يا بنات لا تخلوني .. ابغي ردكم ومساعدتكم:confused:

[kawkawii]

بل بل بل

شدعوه @@

انا ما عندي خبره في هالسالفه

بس اعتقد ما في عليج شر إذا انتي اول ردي جاج العتقز قبل !!!

...

بشكل عام ....يعتمد التشخيص على دكتورج او دكتورتج الي تابعين عندها
لان يعتمد على فصيله دمج والشغلات الي انتي تعانين من حساسيه منها وجذيه !!
لان مب كل الحوامل نفس الشئ !!

وما عليج شر ان شاء الله

[angel eyes]

الغاليه اذا انتي ياج من قبل فما فيه اي خطوره باذن الله..وهذا على كلام دكتورتي

[ام فاطمه الحلوه]

والله ما عندي فكره بس ان شاء الله ما عليه شر
وربي يحفضلج جنينج ويخليه لج ويقر عينج بشوفته يارب

[بسمة أطفالي]

لا تخلين الوسوسة في مخش

مافيش الا كل خير

مااعتقد باثر عليش


وادا حابة تطمنين روحي للدكتورة أحسن

[ღღ دريـــم ويــب ღღ]

اقري على نفسج وان شاء الله مايجيج شي

[رمــــش تركــــواز]

حبيبتي استودعي جنينك وربي راح يحفظه ان شاء الله ولما تروحي الدكتورة
اسئليها وان شاء الله ماعليك شر عيووووني

[عبير الكواكب]

يا حبوبة ما يأثر على البيبي

ودا وسواس وتعودي من ابليس

[ماما حسون]

اختي ان شاء الله ما يؤثر خصوصا اذا ياج انتي من قبل ..

انا لما كنت حامل بالثاني وكنت في الشهر الخامس بعد ومسافرة انصاب ولدي العود بالمرض ووديته عيادة هناك وطمنا الدكتور انه ما راح يؤثر ع الحمل وكتب لنا ادوية حق ولدي لكن ما استخدمتها ابدا وتم ولدي مسكين بدون علاج او ادوية ( بالاصح استخدمتها مرة وبعدين ما حبيت استعملها مرة ثانية ) الين رجعنا البحرين ولما رحت لدكتورتي اكدت لي ان الموضوع ما له اي تأثير ..


والحمدلله تميت شهور حملي على خير وقمت بالسلامة انا والبيبي :wink:

[أم علااااوي]

ان شاء الله ماعليش شر لا تهوجسي.. توكلي على الله

[قلب خالد]

توكلي على الله واللي اعرفه انه ماياثر

[اماراتيه كيوت]

توكلي على الله....والله يثبت حملج ويرزقج بالطفل السليم المعافى

[bent el ba7rain]

حبيبتي انا سمعت فيه احتمال يأثر اذا كنتي بأول ثلاث شهور بس اختي كانت حامل وصاد ولدها والحمدلله ماصادها ولا جنينها شي

[*~JeWeL~*]

الله يطمن قلبج ويرزقج بالذرية ال صالحة