السلام عليكم ورحمة الله وبركاته ..
صباحكم ، مسائكم
جنة الرحمن ..
هاذا اول موضوع لي في قسم المطبخ
اول حلا حلا الاوريو من المبدعه هند
صراحه ماادري وين الرابط
بس باحط الخطوات هني
+ كيك علبة كيك امريكانا بالشوكولاته ماطلعت في الصوره نسيتها لول
مقادير الخلطة (1)
20 حبة اوريو
علبة قشطة
ظرف دريم ويب
2 مارس
ربع كأس حليب بارد
مقادير الخلطة (2)
علبة قشطة
2 دريم ويب
3 حبات جبن كيري
الطريقة:
يقطع الكيك شرائح متساوية ويصف بالصينية ونصب فوقه بعض الشوكولاته السائلة
تخلط مقادير الخلطة (1) في الخلاط الطويل ( الخاص بالعصير ) وتوزع فوق طبقة الكيك
ثم ندخل الثلاجة حتى تجمد الطبقة الأولى ( تكفي نصف ساعة )
نخرج الصينية من الثلاجة ونخلط مقادير الخلطة (2) وتوزع فوق الطبقة السابقة ويزين الوجه بحبات الأوريو
وبعض الشوكولاته السائلة
الحلا الثاني ماعندي الا صوره وحده له
واااااايد سهل ويبرد على القلب
المكونات:
ثلاث ايسكريم ساندويش
وعلبه قشطه ودريم ويب كاكو بودره وبسكوت
ونكون مجهزين بوادي انا حطيت مالوت الشوربه
ونغلفهم من داخل بتغليف نايلون
ونحط فيها بسكوت مكسسسسر مع شوي كاكو ذايب
بعدين نحط القشطه ودريم ويب والايسكر يم وكا كو بودره وحلييب شوي مانكثرنحطهم في الخلاط
وندخله الفريزر يوم كامل
نقلبها قبل التقديم عشانه يذوب بسرعه
تزيين اخوي الصغير
اتمنى موضوعي عجبكم
ولو انه مو ذاك الزود بس يلا الجايات اكثرر