مشكلتي في إطعام بنتي

[juoOoan]

السلام عليكم ورحمة الله

شحالكن الغاليآت .. عسآكن بخير ..}

بنتي الحين عمرهــآ 5 شهور .. وآنــآ آكليتهــآ من يوم عمرهــآ 4 شهور بس مــآ انتضمت معــآهـآ في الأكل ..
وقلت هالشهر خــلـآص بنتضم ورح أعطيهــآ وجبتين و حدة الصبح و حدة الليل

بس المشكله إنهــآ لازم يكون دآفي يعني لازم يكون فيه حرارة اتحس انه صاخن و مجرد مايبرد ماترضى تاكل 8o|
و علطول بعد الاكل تبي لازم ترضع من عندي وانا مابيها تضل بس ترضع من عندي
ابيها تاكل و تضل تبكي وتمص في ايدها
واخليها الحين انا بعد الاكل ساعه بعدين ارضعها <<< هل هذا التصرف مني صحيح ؟؟

آخاف تعيف الاكل مثل ماعافت الرضاعه ( الحليب الصناعي اقصد ) وانا مابي هذا الشي يصير ..

واهي ترضع من عندي بس
آتمنى تفيدوني من خبرآتكم و تجآربكم

آختكم
juoooan

[مها عبدو]

ربي يحفظ لك بنتك
بس انا اعتقد انها تبي ترضع منك بعد الاكل
بالضبط زي ما اننا احنا الكبار نرغبوا في شرب الماء بعد الاكل او شرب العصير
يعني عادي حبيبتي ما تتضايقيش من الموضوع
بعدين بنتك لسه صغيرة تحتاج للرضاعة منك بسبب الجوع والعطش وكمان عشان تحس بقربك وحنانك وحبك

[juoOoan]

يسلموو الغلا مهــآ
وإن شآء الله مثل مـآتقولي لـأني متخوفة إنهــآ تترك الآكل و تضل بس ع الرضآعة عندي

[ام ليان 2]

الله يخليها لك
شكلها ماتشبع من الاكل علشان كذ1 ترضع حاولي تنوعي لها بالاكل علشان ماتمل وبعد كل وجبه شربيها ماء
هذ1 الي اقدر افيدك فيه وان شاء الله البنات مايقصروا

[juoOoan]

تسلمي الغلا
آنا اعطيها بعد الوجبه ماي بس اصلا ماتحبه تشرب شوي و تكب الباقي

[مسز عادل]

ما له داعي تضلين ساعة بعد الأكل ما ترضعينها

اهم شي في هالسن الرضاعة الطبيعيه لا الصناعي بيفيدها و لا الأكل اكيد الأكل مهم لها بس مو مثل اهمية الرضاعة في هالسن و في اطفال ما يأكلونهم الا بعد الشهر السادس وياكلون طبيعي

اني بنتي اذا اكلتها اشربها شوي ماي بعد الوجبه و عادي ارضعها

اذا برد الأكل جيبي ماي ساخن في وعاء و حطي صحن الأكل فيه مثل الحمام المائي و بيسخن ، غيري لها في الوجبات يمكن تحب شي وترغب له اكثر من شي ثاني


و الله يخليها و يحفظها

[لولو مي]

ما عليه حبوبه لا تستعيليين عليها

انا ولدي لحد الحين ما ياكل واايد الحين بيدخل الثمان شهور واكله قليل جدا..

بس احسن عن قبل

يعني في البدايه رافض االاكل وبالتدريج قام ياكل وفي انواع كان ما يتقبلها لما كان في السادس والحين تقبلها شوي

يعني بالتدريج لا تغصبينها اذا حسيتي انها ما تتقبل الاكل

بس اصبري ومع الايام بتشوفين التغيير

[juoOoan]

يعطيكم العافية الغاليـــآت