انا و عمران قصة واقعية مؤلمة منقولة

25/12/2010, 11:35 PM

(( حصري ( طلبتكم بنات لا تعيدون غلطتي) ))





اليوم بحط بين ايدينكم قصة حبي ـ الي ماكو حب اصدق عنه ـ كان اهو الحل لجميع مشاكلي ، وكان يدامي طول الوقت ، بس انانيتي عمت عيني و خلتني ما اشوفه ، عزيزاتي خواتي فالله ، اكتب لكم ودموعي والله الشاهد على خدي ، واشهق من الصياح ..
تبدا قصتي ، من لما دخل النت بيتنا وانا عمري 14 سنة .. كان تفكيري بريء وطفولي .. بحكم عمري ، كنت من مدمنين منتدى ألم الامارات ، اكيد تعرفونه منتدى القصص الي كلنا بطفولتنا جابلنا قصصه و قريناها ، مع الاسف التسجيل كان يتطلب وجود ايميل ، ونحن ما كنا نعرف كيف نسوي ايميل او نحط اشارة @ .. وبعدها اختي الكبيرة تعلمت تسوي ايميل من ربيعاتها و سوت لي ..

و بعدها بسنة خبرتني بنت جيراننا عن منتدى هي دوم تدخله وكل اهلها مشتركين فيه .. وسجلت وبديت اشارك ، كنت انا الي يسوي جو بالمنتدى ، احاول اخلي نفسي مهرج عشان الكل يضحك ، و الكل حب تواجدي ، بعدها بفترة نزلت موضوع ديني ، والكل قام يتطنز ، فلانة المخترشة ـ استوت مطوعة .. اضاربت ويا الاعضاء _ ف تدخل المشرف و طلب ايميلي ع الخاص ، وقال انه موضوع ضرروي ، و بحكم اني ما جربت الطرد قبل ، قلت اكيد هم يرمسون الاعضاء ع المسن و يبلغونهم انهم مطرودين .. و طرشت له ايميلي ، و لما ضافني رمسنا ، وبعدها خبرني عن المشكلة وطلب مني اعتذر للعضو وجذي ، و قالي عن اذنج وراي دوام ، و اشوفج باجر الساعة ثمان ، و طلع .

يوم بعد يوم صرنا نرمس بعض .. عمرهـ كان 27 واسمه خليفة .. قالي انه مب معرس .. ، وعقب فترة قالي الاحسن ابعد ، انا بترك هالمنتدى وبسجل بمنتدى ثاني و لحقته للمنتدى الي هو فيه ، ولما شاف اني مستعده الحقه ، ردينا لبعض ,,,
وبعدها بديت ارمسه فون ع اساس انه اخو ، مو حبيب ، ولاعمرنا رمسنا بمواضيع تحتها خطوط حمرا ، و عقب فترة سألني : تحبيني ؟ قلت له هيه احبك .. قالي انا شو بالنسبة لج؟ اخوج ؟ حبيبج قلت له : مثل اخوي .. زعل ، وحاولت اراضيه لاني ماحب حد يزعل مني ، و قلت له لالا احبك مثل حبيبي بس ما رضى وبند، وبديت اعامله ع هالاساس، بس ما اعطيه وايد من كلام الحب ، وامسك نفسي عنه ، يعني اغيب يومين و اكلمه واقول لا كنت مشغوله ، ما حسيت ان مر يومين ، ومن هناك انا مشتاقتله و ابي اكلمه ، كنت اتحراه انسان مافي مثله ، كان يبين لي انه مثقف ، ملم بالحوار ، و الآداب . وانا ياهل صدقته ..

تشاوفنا بعدها انا وخليفة مرة بمحل كان بطابقين و التقينا بالطابق الي فوق ، شافني و جذبته عيوني .. مع اني كنت بس متكحلة وحاطة جلوس وردي .. يعني بدون ماسكرا بعد !! .. وشكلي جدا ً عادي .. و طلب مني نرد نتشاوف ، وتشاوفنا ف سينما و لا مسكت ايده حتى ـ او تجرأ يلمسني .. وبعدها عطيته دفتر خواطري ، و فكر كيف يعلقني فيه ، و بدا يسويلي سوا عشان انجذب له وما اخليه ويقدر انه ياخذاغلى ما تملك البنت ( شرفها ) ، وكان السحر الي سواه لي سحرالمحبة " التوله " .. بتلقون عنه بهالرابط :

http://go.3roos.com/ek2l53b8r38

بس انقلب السحر لان الساحر ما يعرف يسويه ، وبدال ما احب خليفة واكره كل الرياييل استويت احب له المضره وبالمقابل عادي ارمس كل الشباب ، عادي احدر الشات و ارمس واحد عن مواضيع وصخه ( افلام + صور ) و انا ما عرف اسمه شو ..


و المشكلة ان المدير( احمد 21 سنة ) بالمنتدى اليديد بدا يرمسني ع المسن ، واما كيف ياب ايميلي : فهذا لانه فالادارة ـ خذ ايميلي وضافني بروحه , رمسته ع المسن و قام يتشكالي و اغلب مواضيعه طفولية ( انا زعلان ابوي ما اشترا لي دراجة لانه يخاف علي ) .. قلت لنفسي بخلي هالانسان شرات اخوي ، بنشغل عنه ب خليفة عشان ما يحس اني لصقة .. و اني وايد احبه ، وقدر يعلقني .. وبعد فترة بالشهور قالي المدير انه يحبني .. ف تهربت منه بالدليت ..
عقبها افترقت عن خليفة ، واكتشفت انه معرس وعنده 4 يهال ، و معرس من عمره 20 تقريبا ً ..و حرمته من الاهل ، وتقرب له . ودرت خليفة وبديت علاقة باحمد ، وبسبت السحر استويت ارمس كل حد ، و واعدت احمد بموتره و صارت بيننا اشيا .. وكرهت نفسي .. بس ما كنت اقدر اوقف هالشي .. صرت عدائية ـ زاد السحر فيني ، صرت اكره اخوي ، واضربه لوحط ايده ع جتفي بالغلط ، و عادي اشل السجين والحق وراه فالبيت واقوله بذبحك .. و انفج السحر بعد تاريخ 2- اكتوبر – 2010 م



بديت احس نفسي ضايعة واني مب عارفة انا منو .. كنت ماشيه بدرب غلطت .. انولدت من يديد .. بس شو الفايده اذا انا ما اعرف انا منو ؟ شنو احب ؟ شنو اكره ؟ حتى ربيعات ما عندي .. طول فترة دراستي وانا ما احتك ب بنات بس اتعرف ع شباب .. ماعرف شو لوني المفضل او وجبتي المفضلة ما اذكر شي .. ومع الايام اتذكر .. سواء بحلم .. او من خلال قرايتي لبعض الصفحات الي كتبتها لما كنت مضايجة ، بدفاتري عن علاقاتي بالشباب واساميهم وارقامهم .. و معلومات عن عوايلهم .. تواريخ ميلادهم ..وماشابه ..
و حسيت بضيج فضيع ..

لين تعرفت ع (راشد) وهو عمره 18 واكبر عني .. بديت علاقتي فيه .. وكنت مرتاحه بقربه .. بس مع الاسف بنت خالته تدخلت بعلاقتنا و سوت فتنه من بيننا .. كانت تقولي انه يخونني .. وتخبره اني اخونه .. لين تعبت من علاقتنا وبعدت عنه .. و قلت لنفسي انا غلطت لما حبيت من قلبي .. و هالنتيجة .. وثقت في أول بنت ف حياتي ( بنت خالته تهاني) وهذي يزاتي ..
صحت وايد .. و صرت اردد بيني وبين نفسي .. ليت السحر ما انفج .. ليتني بعدي تايهة .. ع الاقل كنت اعرف اني حثاله .. و مرتاحة بهالشي .. و قلت خلني احاول اسوي الي كنت اسويه قبل ارمس شباب .. و بديت ارمس بعض الي كنت ارمسهم قبل ..



و عقب سجلت ب الفيس بوك .. اول مرة ف حياتي .. و تعرفت ع (عمران) .. انسان صادق .. وفي .. مخلص .. مافي شراته باختصار ..
بعد كل هالحثالة الي مريت عليهم .. لقيت انسان صج يستاهل الاحترام والتقدير .. انسان حب مرة بنت يرانهم .. كتم حبه .. كمل دراسته الجامعية وهدفه الزواج .. رد البلاد .. خبرها بانه يباها وبيتقدم لها .. قالت له لأ .. خلنا نرمس فون بالاول نتعرف ع بعض .. و بعد مدة .. خانته .. و رفضته .. عشان واحد ما يسوى ظفر من اظافره ..


و اعتزل الحب لين صار عمره 25 .. والتقى فيني .. فعلا ً كان مبين انه اعتزل الحب .. مندمج بشغله .. شاغل نفسه بتجارته .. لين كون له اسم وسمعة .. بنى نفسه بنفسه .. انسان يستاهل تنرفع له القبعة .. ريال بكل معنى الكلمة ..
بس انا كنت مابي احبه .. كنت بعدي منشغلة ب رثاء نفسي ف حب راشد .. وغصب عني انجرفت ورى حزني.. حاولت اتغير اترك الشباب بس ما قدرت .. ابوي كل يومين يقولي باجر بغير الرقم .. و اما عمران بديت الاحظ انشغاله ب شركاته .. و اقول لنفسي خلاص ما بحشره .. يبين انه يوم يشوف مكالماتي يتضايق .. مع ان عمره ما قال ( انا ضايق من مكالماتج ) .. و هو حس اني ما عدت ادق له شرات قبل .. وهو كان صج مستعد ياخذني .


راقب .. و شاف ان اللستة كلها شباب .. و تسجلت مكالمتين وسمعهم .. تضايج .. صارحني .. وقالي بعطيج فرصة ..
كان التاريخ 16- ديسمبر – 2010 م الخميس ..قالي انظفي ورديلي .. وبتاريخ 24 – ديسمبر – 2010م .. صارحني انه ما يقدر يرمسني .. قالي انا احس اني غلطت .. قلت له ليش ؟ وكيف غلطت ؟ قالي : لما عطيتج فرصة .. ما كان لازم اعطيج .. انتي خنتيني .. كرامته ما عادت تسمح له .. لانه صج انجرح مني .. من كثر ما حبني كان مستعد .. ياخذني من يديد .. وانا والله والله .. كنت حاطة ببالي اني ع 2011 خلاص راح ابدا .. مع العام اليديد حياة يديدة .. صحت وايد .. ضجت وايد .. احس اني اخيرا ً لقيت الانسان الي لازم اصابعه تملي الفراغات الي بين اصابع ايدي .. و ضيعته .. ابي ارده لي .. بس ادري خلاص .. ماراح اقدر ..

قالي بنفسه : ( احبج .. بس هذا ما يمنع اني ابتعد لما احس اني غلطت ) .. يحس انه ارتكب معاي غلطة .. لما عطاني قلبه و هو واثق اني غير عن كل البنات .. والله اني رقدت 5 الفير .. و حلمت اني قربه .. معاه .. لاوية عليه .. كان هو يالس ع اللاب عاطني ظهره و يكتب ويبتسم .. وانا وراه بالضبط .. وبيننا فالنص عمود يعني لاوية ع الحاجز و ايدي بس ع صدره .. اشوفه بس ما يشوفني .. اسمعه .. واسمع كلامه .. يضحك .. يغني بصوته الي تعودت عليه .. و نتحاور .. ليتني ليتني ما غلطت هالاغلاط كلها .. ليتني ما فقدت الامل بالحياة .. شو يفيد الندم الحين ؟ بيرد لي عمران ؟ ما ظن ..


خواتي الحب مرة بالعمر .. وهذيني طفت ع كل الحثالة .. و لقيت ان الحب الي يستاهل كان الوحيد الي ما حاولت انجحه .. او بذلت ادني جهد عشان اخليه يعيش .. بايدي جتلته .. تكفون لا تعيدون غلطتي .. لا تنجرفون ورى احزانكم وترمسون بدال الواحد الف ..

إذا دخلتي علاقة مع واحد .. عقب فترة حسيتي ان غلطتي باختيارج ولا تسرعتي لما قلتي احبك يا فلان .. ابعدي .. لا تجبرين عمرج تستمرين وتخونينه من الصوب الثاني .. دخيلكم بنات لا تكررون مأساتي ..







من مواضيعي



صورة نـ..دى الأيـ..ام الرمزية
26/12/2010, 04:27 AM
F:ماأدري شقول لك أختي بس فين أهلك عنك كل هذي الفترة ؟؟؟ يعني بنت صغيرة ومئات الشباب ..
لا تزعلين أو تنكدين لأن هذا خيرة من رب العالمين وافتراقك عنه حل مو مشكلة ..هذا مو حب أبدا لأنه لو حبك صدق ماكان سمح لك تخونين أهلك ..كان جاء ودق الباب ..أدري كلامي قاسي لكن متأكدة إنه كان يتسلى ولما مل طلع لك بهالحجة ..
إلجأي إلى ربك وجددي التوبة من المعاكسات والحرام..وغيري ما في قلبك ..صدقيني عندها سيبدلك الله خيراً منهم جميعهم
(إن الله لايغير ما بقوم حتى يغيروا ما بأنفسهم )


:L: وتقبلي مروري :L:



من مواضيعي

31/12/2010, 12:15 PM
إذا دخلتي علاقة مع واحد .. عقب فترة حسيتي ان غلطتي باختيارج ولا تسرعتي لما قلتي احبك يا فلان .. ابعدي .. لا تجبرين عمرج تستمرين وتخونينه من الصوب الثاني ....دخيلكم بنات لا تكررون مأساتي ..
؟؟؟؟؟؟؟؟؟؟؟؟؟؟

وليش التعارف من الأصل...؟؟؟!!!

اسمحي لي يالغلا..

النصيحة اللي مفروض تختم الأخت بها موضوعها.. هي....

ابتعدي عن التعارف..
الحرام....بين الجنسيين... !

الله يهدي الجميع... و تقبلي مروري..



من مواضيعي

01/01/2011, 08:01 AM
حبيبتي كم سنك؟؟؟


الحب كل ابووه وهم ... ما يبين الحب الصحيح الا بالزواااج

يا بنت الحلال توبي لله توبه نصووحه وودري عنك الشات والشباب والمكاالمات

واللي يحبك صدق يخااف عليك .... يصونك حتى من نفسك

الله يوفقك ويرزقك طمأنينة القلب وراحة النفس



من مواضيعي

صورة مظلومة من اقرب الناس الرمزية
17/02/2011, 12:36 AM
حبيبتي انتي صغيرة وغير فاهمة الحياة صح
وانتي غلطي بكل تصرفاتك لكن السؤال
ماحس ان فيك ندم او حزن على الي فات من
عمرك وانتي بعيدة عن ربك وكنتي تعصيه
حبيبتي الله يخليك التجئي لربك اتوضي وصلي
ركعتين وارفعي يدك للسماء قولي يااااااااارب
ياااااااااااارب اهديني واصلح حالي واصرف عني
الحرام والمعصية اللهم اقسم لي من خشيتك
ماتحول لي به عن معصيتك
يااختي انا لما كنت بفترة المراهقة كنت طايشة
واعرف شباب بس والله كنت انددددددددم واقهر
لاني ماستفدت شي غير المعصية وغضب ربي
والحمدلله ثبت وربي رزقني بزوجي الي هو قريبي
والي احبه واموت عليه
انتي ابتعدي عن الحراااااام وربنا بيرزقك بالحلال
ترى الحلال ماله بديل والله ان حب الزوج يغنيك
عن كل حب حرااااااااااام
ربنا يهديك ويصلح حالك وحال بنات المسلمين



من مواضيعي


« ابني و عمر بن الخطاب | &&&عبررررررررررررره لطيفة &&&&& »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


مواضيع مشابهة
الموضوع المنتدى
جلابية لجين عمران استفسارات الأزياء
لماذا لانكون مثل امراة عمران الشؤون الأسرية و الإجتماعية و أخبار الأعضاء و مناسباتهم
صورة قبر نبي الله عمران قضايا دينية
*فضل سورة البقرة وآل عمران* قضايا دينية

الساعة الآن +3: 03:12 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141