السلام عليكم هذي اول مشاركة لي في هذا القسم وقلت ابي اكتب لكم رواية اسمك في قلبي محفور كويتية واقعية بطلة الرواية هيا قريبة مني بس ماقدر اقول شتصيرلي الرواية تقريبا 18 بارت تقريبا ماراح تملون منها لانها حلوة
المهم في شروط لازم تتبعونها:
1-انا راح اكتب بارتين باليوم وبليييز لوسمحتو مابي احد يحن علي اني انزل البارت.
3-اذا بتنقلون الرواية لوسمحتو اسمي واسم المنتدى ينكتب.
2-عندي اجازة في كتابة الرواية.
وبسس خنعرفكم بالشخصيات.
بيت بو محمد:
بو محمد (فيصل):عمرة 43 سنة تاجر كبير عنده شركات وعقارات وبيوت واراضي وعنده خير .
ام محمد(نورة):عمرها 40سنة تحب عيالها وحنونة.
محمد:عمرة 25 سنة يشتغل مع ابوه بنفس الشركة حلو اسمر مملوح طويل.
لولو:عمرها 24سنة حلوة سمرة شعرها طويل وناعم والكل يحبها.
حور:عمرها 22 سنة سمرة شعرها طول ايدها شوي مبلتعة وملسونة.
بيت بوناصر:
بوناصر(وليد):اخو بو محمد وعمره 41 سنة يشتغل مع اخوه.
ام ناصر(غالية):عمرها 38سنة مغرورة على ولدها.
ناصر:عمرها 29سنة يشتغل مهندس مدني مع لولو.
ريماس:عمرها 19سنة تدرس بالى جامعة بكلية الاداب جميلة وبيضة وماعندها سوالف المرهقات بنت عاقلة.
بيت ام جاسم:
ام جاسم(عبير):عمرها 30 سنة ارملة طيبة وتحب ولدها جاسم وروحها فيه لانه وحيدها.
جاسم:عمرة 26 مغازلجي درجة اولى.
(وفي اشخاص وعايلات ثانية بعدين راح نتعرف عليهم)
البارت الاول
ام محمد :حور يما يالله قومي من النوم تاخرتي الجامعة.
حور:اوووو يما فيني النوم.
ام محمد:يالله قومي عاد بلا دلع.
حور:بعدين بعدين
ام محمد:اووو كيفج.خلتها وراحت تحت عند طاولة الطعام.
بو محمد:اكل محمد اخاف تدوخ وراك شركة.
محمد:ان شاء الله
ام محمد:صباح الخير
بو محمد ومحمد:صباح النور
بو محمد مستعيل:يالله يا محمد توكلنا على الله
ام محمد:وين بو محمد تو الناس
بو محمد:تاخررنا وايد يالله مع السلامة
ام محمد:حفظك ربي
لولو ركضت من فوق الدري وحبت راس امها :صباح الفل
ام محمد:صباح النور
ام ناصر:اشتغلي عدل حللي المعاش الي تاخذينة
ميرد:ايم سوري
ام ناصر:جب جب .خلتها تولي وراحت حق.....
ام ناصر:ها يما بتروح
ناصر:اي يما بروح الشغل
ام ناصر:الله معاك
ناصر:بااي
ريماس طالعة من غرفتها ورايحة الجامعة
ام ناصر:ها ريماسو رايحة
ريماس:اي يما بروح
ام ناصر:يالله روحي لا تشغلج القرقة
جاسم رفيج ناصر الروح بالروح .جاسم راح الشركة حق ناصر
جاسم:هلا نويصر
ناصر:لو سمحت اسمي المهندس ناصر لا تفشلني
جاسم:اسف اسف يا مهندس ناصر
ناصر:ههههه هلا بو محمد
جاسم:شلون الشغل معاك
ناصر:والله تمام
جاسم:عادي اسئل سؤال طول صبع اريولك؟
ناصر تفضل
جاسم:جم عدد صيداتكظ
ناصر:شششش هذا سؤال تسئله هني بعدين اقولك
جاسم:انزين انزين
منى: هذا ليش يطالعنا جذي فينا شئ غلط
ريماس:ماعليج منه خيولي
منى:شنو ماعلي منه شوفي نظراته غريبة
ريماس:اوو يالله امشي
ناصر:هلا والله بلولو
لولو:هلابولد عمي
ناصر:المدير يبيني انا بروح
لولو:الله يعينك
ام محمد وهيا تبخر البيت رن تلفون البيت تبون تعرفون منو تابعو البارت الثاني.
رد مع اقتباس
