ملف استفسارات بنات مصر للديكور ( الجزء الثاني )

اتلانتس حبيبتي حطي رسمة المطبخ عشان نفيدك اكتر يعني الباب فين و الشباك

بنات انا عندي شباك في الطرقة عايزة اعمله ستارة و كلهم بيقولوا لي مش هتبقى ظريفة خليه من غير ستارة احسن

انتوا ايه رأيكم ؟

دي رسمه في السريع كده للمطبخ وعايزه أعرف أحط الحوض فين وفوقيه مطبقيه والبوتاجاز وفوقيه شفاط و الغساله

بصي يا اتلانتس يا حبيبتي

انا مش عارفة انتي عايزة تقفلي اد ايه من المطبخ هل حيطتين و لا حيطة و لا تلاتة

بس انا عملت لك الاماكن ازاي بالنسبة للاجهزة و لو هتقفلي يبقوا في نفس الاماكن جوه التقفيلة

و ربنا ييسر لك و يبقى مطبخ جميل إن شاء الله F:


مش رديتوا عليا في موضوع ستارة الطرقة يا بنات

nana12;14136437:

ازيكوا يا قمرات الموضوع بصراحه تحفه انا كنت اشتركت معاكو قبل كده من فتره بس ولدت بقى وانقطعت عنكوا
انا بعمل شقتى عشان ننقل فيها قريب ان شاء الله ودلوقتى فى مرحله السيراميك والدهان نزلت لفيت على السيراميك وتقريبا استقريت انى اعمل الريسبشن بورسلين والاوض حعملها السيراميك الباركيه بتاع الجوهره عشان مش شرايح البلاطه 40*40 ومنها فيها تدريجه الوان الباركيه وطبعا الريسبشن برضه حيبقى على بنيات المشكله معااي فى المطبخ السيراميك اللى عاجبنى رويال اللى هو بلاطه الديكور بتاعه فيها فنجان وطاسه وكده مش عارفه انتو عارفينه ولالا بس هى بلاطه خلفيتها ابيض والرسم عليها اسود واحمر وكده طبعا مش حيليق ع البنيات انتو ايه رايكوا ينفع اعمل المطبخ مختلف ولا حيبقى شاذ وعايزه كمان اعمل المطبخ نفسه الوميتال احمر فى سيلفر ياريت لو حد يعرف اسعار قبنورى تفيدونى؟
وعايزه رايكوا كمان فى الوان الدهانات مفيش حاجه معينه فدماغى لدرجع انى حاسه انى مش حعرف اعمل شقه حلوه:thumbs_down:
كان فى بنوته بتسال على الكرانيش انا عملتها فى الاوض كلها اعتقد كده احسن

ودى الكرانيش اللى عملتها فى شقتى


ايه رايكوا فيها وعايزكوا تقترحوا عليا الونها ازاى فى الدهانات؟

وده يا بنات الباب الداخلى اللى عملته للاوض ايه رايكوا فيه ان شاء الله حدهنه استر

حبيبتي انا رجعت ادور على مشاركتك و الله :o

بصي يا جميل انا عارفة سيراميك المطبخ اللي تقصديه و هو فعلا تحفة ما شاء الله ربنا يبارك لك فيه

اللي فهمته ان مطبخك عايزة تنقلي بيه في الشقة الجديدة و انه بني خشب

و انا شايفة انه هيبقى حلو طبعا إن شاء الله و بعدين لو حابة تعملي الوميتال بعدين إن شاء الله ابقي اعملي

قبنوري مش انصحك بيه خالص بجد غاليين مووت و على الفاضي يعني في مهندسين بيعملوا شغل قبنوري ارخص كتييير و نفس الجودة و احسن كمان

بجد ابعدي عنهم خالص

الوميتال احمر يبقى تحفة طبعا انا شفته على فكرة عند صاحبتنا نفس السيراميك اللي بتقولي عليه مع مطبخ احمر و سيلفر و كان يجنن ما شاء الله

ألوان الدهانات زي ما تحبي و ترتاحي

ألوان النوم تبقى هادية و رقيقة ممكن موف هادي او روز او تطرقعي فيها حيطة واحدة مجنونة ورا السرير بأحمر او اورانج

الاطفال بئا ابدعي فيها في اوض اطفال تحفة اوي قوليلي لو عايزة احطهالك

الريسبشن لو قطعتين سفرة و انتريه مثلا يبقى تعملي حيطة لون مختلف و تعملي ماتشينج بين السفرة و الانتريه

بس كل ده يتوقف على عفشك لان انتي هتنقلي و هتجيبي عفشك معاكي

و الكرانيش انا بصراحة بحبها بيضة خالص و مش فيها أي لون

ربنا يهنيكي يا حبيبتي و تفرحي بالشقة و تبقى جميلة بإذن الله

و اي سؤال احنا معاكي إن شاء الله :L:

تسلمي يا ميسو

nana12;14150908:

ميرسى يا ميسو يا قمر ب انتى مش فهمتى قصدى انا اولا مش حاخد من عفشى غير السفره وحعمل الباقى جديد انا كان قصدى انو ينفع الشقه كلها تبقى سيراميكها على بنيات والمطبخ هو اللى يبقى مختلف على احمرات ولا حيبقى كده مش لايق على باقى الشقه؟
ياريت لو حد عندو رقم لمهندس كويس بتاع الوميتال يبعتهولى لو سمحتوا
بالنسبه لستاره الطرقه دى انا برضه مش حاسها تبقى حلوه يا ميسو
لو مفيهاش تعب ممكن تورينى اوض الاطفال يا جميل

اها فهمت يا نانا

عادي يا حبيبتي انه يبقى السيراميك لونه مختلف و غالبا دا اللي بيحصل

يعني الشقة بتبقى سيراميك لون معين و المطبخ بلون و الحمام بلون تالت

حتي كمان لو المطبخ معمول امريكان و مفتوح ع الريسبشن عادي جدا انه يكون سيراميكه بلون مختلف

بص طبعا مش يكون مثلا سيراميك موف و اخضر لأ بردو التناسق مطلوب

و انا شايفة ان سيراميك المطبخ الي تقصديه جميل و توكلي على الله و هاتيه

صورة مطبخ الوميتال لبنوتة معانا هنا و معايا رقم المهندس اللي عمله






صور لدهانات اوض اطفال




















بالنسبة لستارة الطرقة المشكلة يا نانا ان الشباك على منور و حاسة انه مكشوف

و انا باكره ان يبقى في حد كاشفني و مش عارفة اعمل ايه بئا :(

نور84;14157870:

ازيكم يا بنات
كنت عايزة أسالكم هو دولاب الفضية هو هو النيش ولا مختلف
أصلنا مش هنجيب سفرة
وانا بفكر أجيب حاجه بسيطه كده أحط فيها الكأسات والاطقم وكده
فسمعت أن دولاب الفضية ده
ويا تري أحطه فين
اصل أعتقد مش هينفع أرص الحاجات دي في المطبخ

دولاب الفضيه ده زي النيش بس على اصغر يعني ضلفه واحده او 2 ممكن يطحط مع الصالون مثلا او في ركن كلاسيك كده وتخطي فبه كاساتك والتحف والفضيات ومش مرطبت بالسفره خالص بالتو فيق يارب وربنا يتمم بخير

بنات انا زي ماقلت جديده هنا وباوضب شقتي ان شاء الله انا الحمدلله جبت السيراميك بس لسه ماتركبش بالنسبه للشقه هي حوالي 90 متر بس انا جبت للمطبخ سيراميك من رويال اللي هو بيجي في الاعلان لونه بيج في اسود في احمر ووظره فيها ال3 الوان هوكدا على بعضه في الكتالوج والحمام برضه اسمه ياسمينا موف في ابيض 4 بلاطات مختلفين واوضتي بيج ساده واوضة الاطفال بستاج اما الصاله والطرقه برسلين بلاطه ابيض وبلاطه اسود وبلاطه جوماتريك مربعات جوه بعض كده و3 اد بعض في الحجم بس البلاطه كبيره اسمة فوكس من رويال كلهم المشكله ان كل حاجه لوحدها حلوه اوي بس خايفه زي جوزي مابيقول يطلع في الاخر سيرك من كتر الالوان هما كل حاجه منفصله بس هايفه ايه رايكو اغير ولا اتوكل على الله وزي ماتيجي ارجوكو ردوا عليا انا فرحي فى اول 7 انشاء الله ولسه ماعملتش اي حاجه في الشقه اسفه اني طولت عليكوا اصل انتوا ماتعرفونيش لسه انا رغايه جدا وهارفكو بس انتوا امرات وهاتساحملوني ان شاءالله

*miso*;14147164:
اتلانتس حبيبتي حطي رسمة المطبخ عشان نفيدك اكتر يعني الباب فين و الشباك

بنات انا عندي شباك في الطرقة عايزة اعمله ستارة و كلهم بيقولوا لي مش هتبقى ظريفة خليه من غير ستارة احسن

انتوا ايه رأيكم ؟

خالتى عندها شباك ف الطرقه وحطا ستاره شكلها تحفه بس ه طرقتها طويله وعريضه

pretty_mai;14113670:
السلام عليكم

كل سنة وانتم طيبين

عايزة مساعدة سررررررريعة قوي

انا عايزة صور لمكتبة تنفع تتعمل وتكون بسيطة حوالين التلفزيون

مع العلم انة تلفزيون ال سي دي ومتعلق على الحيطة
يعني عايزة اشكال مكاتب تنفع حوالينة و هو متعلق

حد فاهم حاجة؟؟؟

في حاجة زي دي



او كده

او حاجة بسيطة زي دي

وكمان كده

مدام دكتور تيمو;14159131:
بنات انا زي ماقلت جديده هنا وباوضب شقتي ان شاء الله انا الحمدلله جبت السيراميك بس لسه ماتركبش بالنسبه للشقه هي حوالي 90 متر بس انا جبت للمطبخ سيراميك من رويال اللي هو بيجي في الاعلان لونه بيج في اسود في احمر ووظره فيها ال3 الوان هوكدا على بعضه في الكتالوج والحمام برضه اسمه ياسمينا موف في ابيض 4 بلاطات مختلفين واوضتي بيج ساده واوضة الاطفال بستاج اما الصاله والطرقه برسلين بلاطه ابيض وبلاطه اسود وبلاطه جوماتريك مربعات جوه بعض كده و3 اد بعض في الحجم بس البلاطه كبيره اسمة فوكس من رويال كلهم المشكله ان كل حاجه لوحدها حلوه اوي بس خايفه زي جوزي مابيقول يطلع في الاخر سيرك من كتر الالوان هما كل حاجه منفصله بس هايفه ايه رايكو اغير ولا اتوكل على الله وزي ماتيجي ارجوكو ردوا عليا انا فرحي فى اول 7 انشاء الله ولسه ماعملتش اي حاجه في الشقه اسفه اني طولت عليكوا اصل انتوا ماتعرفونيش لسه انا رغايه جدا وهارفكو بس انتوا امرات وهاتساحملوني ان شاءالله

اهلا بيكي بصي اللون الواحد للشقه بيديها وسع غير كده لازم تفكري كويس بالنسبه للعفش ايه الي هيليق علي السراميك يعني هل الوان السراميك هتقيدك بالوان معينه علشان متجيش بعد متفرشي تحسي ان كل حاجه لون وزحمه يعني حاولي تتخيلي كل حاجه مع بعض الاول وتشوفي وتاخدي قرار

hoba bodyyy;14169127:

مساء الخير يا بنات

انا ان شاء الله هنزل اشترى السجاد على شهر 2 يعنى المفروض ابقى قررت الالوان اللى عايزاها

مبدئيا ان شاء الله انا هجيب للانترى سجاده لونها على اورانج بس مش اللى هو الفاتح لا اللون الغامق ولما قست طول الكنبه الكبيره لقيتها 190سم اجيب السجاده كام*كام 2*3 ولا 1,5*2 مع العلم انى مش عايزه اخبى السيراميك

بالنسبه للصاله انا حاطه فيها السفره والنيش وان شاء الله هجيب سجاده بيج وفيها لمعه كده بس كبيره علشان الصاله هندى طويله هتبقى 2*3

الطرقه بتاعه الانترى اجيبها زى السفره ولا اجيب حاجه تانيه لان الاتنين مع بعض؟؟

اوضه النوم الصغيره انا هحط سرير قديم ومش هفرشها دلوقتى فا هجبلها مشايه عاديه

اوضه النوم الكبيره ان شاء الله دى عملالى مشكله

انا هدهنها سن فيل والحيطه اللى ورا السرير هعمل فيها رسمه لونها احمر وجبت الاباجورات لونها احمر تمام مش عارفه اجيب السجادتين لونهم ايه ياريت تقولولى؟؟؟ وهيبقوا نفس بتاعه الانترى 1.5*2

الحمام انا جبت الفرش بتاعه خلاص

المطبخ جبتله سجاده عسوله ومن نفس قماشه الحمام جبت 4 قطع الحمام والمطبخ ياريت يا بنات تفيدونى بسرعه علشان احدد اتجاهاتى

بصي السجاده الصغيره للانتريه احسن بتبقي اشيك واوضه النوم ممكن تجيبي السجاده بتجمع بي اللونين الاحمر وسن الفيل وتبقي الستاره بردوا سن الفيل مع المفرش السرير سن فيل هتبقي ان شاء الله حلوه او ممكن تجيبي سجاده درجات البيج بس وتدخلي الاحمر مع سن الفيل في الستاره بالنسبه لطرقه زي الصاله او حاجه شبها نفس الالوان بس الرسم مختلف بسيط

*miso*;14151399:

صور لدهانات اوض اطفال















بالنسبة لستارة الطرقة المشكلة يا نانا ان الشباك على منور و حاسة انه مكشوف

و انا باكره ان يبقى في حد كاشفني و مش عارفة اعمل ايه بئا :(

على فكره يا بنات كل الصور بتاعت اوض الاطفال ممكن تتعمل بسهوله اكتر من الرسم وبنفس النتيجه وهو ان فى ستيكرات كتيرررر بخامات نظيفه قوى ممكن تتحط بسهوله زى مانتو عوزين
طبعا مش فى اوض الاطفال بس
زى دول كدا




وعلى فكره يا بنات الاستيكر ده بيتغسل وبيتشال بسهول ومش بيسيب اثر وكمان ممكن تختار الوان اللى انتو عوزنها والمقاس كمان
ولو عوزين تشوفهم كلهم لان انا احترت وانا بنزل الاربعه دول جداااا لان كل الاشكال جامده قوى
تبعتلى عالخاص :thumbs_up:

اما مياسو لو المنور عندك مكشوف متفكرى تركبى تانده اريح او تعملى ستاره تقيله عليها وخلاص ويكون فى شيش وربنا يكملك على خيررر

نور84;14157870:

ازيكم يا بنات

كنت عايزة أسالكم هو دولاب الفضية هو هو النيش ولا مختلف
أصلنا مش هنجيب سفرة
وانا بفكر أجيب حاجه بسيطه كده أحط فيها الكأسات والاطقم وكده
فسمعت أن دولاب الفضية ده
ويا تري أحطه فين
اصل أعتقد مش هينفع أرص الحاجات دي في المطبخ

نور على فكره انا عندى جيبه مع السفره دولاب فضيه ومش جايبه نيش لانى بحب المكان يكون واسع والريسبشن عندى لو جبت نيش كان هياخده بس انا بحب الوسع
فده يتوقف هل عندك المكان وسع وله لا وفى كل الحالات انا بفضل البساطه
انتى لو هتعملى السفره عموله حاولى تعملى دولاب فضيه ماشيه مع السفره ويكون نفس اللون عشان ميكونش فى حاجه شاذه فالنص
وانا حطه فيه الكاسات وطقم الشربات وكام انتيكه قليلين قوى بس شيك
وربنا يكملك على خيرررر

hoba bodyyy;14169127:

الطرقه بتاعه الانترى اجيبها زى السفره ولا اجيب حاجه تانيه لان الاتنين مع بعض؟؟

اوضه النوم الصغيره انا هحط سرير قديم ومش هفرشها دلوقتى فا هجبلها مشايه عاديه

اوضه النوم الكبيره ان شاء الله دى عملالى مشكله

انا هدهنها سن فيل والحيطه اللى ورا السرير هعمل فيها رسمه لونها احمر وجبت الاباجورات لونها احمر تمام مش عارفه اجيب السجادتين لونهم ايه ياريت تقولولى؟؟؟ وهيبقوا نفس بتاعه الانترى 1.5*2

مبروك مقدما يا هوبه وربنا يكملك على خير يارب

بصى الطورقه لو مثلا ناحيه باب الشقه ومفتوحه عالصاله يبئا تجبيها نفس اللى فالصاله سواء بتاعت السفره او الانتريه لو الانتريه فى اوضه لوحده برضو هاتيها زى السفره
لو الطرقه منفضله ممكن تجيبى حاجه ليها مخصوص مش زى حاجه
بصى انا عندى طرقتين واحده عند باب الشقه وبدخل على الريسبشن فجبتها زى الريسبشن والتانيه بتاعت الاوض جبتها مش تبع حاجه غير الباقى فهمانى

اما اوضه النوم بتعتك هاتيها اكترها على احمر وممكن تدخلى معاها اسود وحاجه بسيطه اوف وايت او لو احمر فى اسود بس هيكون حلوه لان اكيد الستاير هتكون فاتحه وكمان مفرش السرير وكمان حاجه مهمه ميبانش فيها الوساخه بسرعه هههههههههه
ومبروك عليكى ويارب تجيبى اللى نفسك فيه :thumbs_up:

بصوا يا بنات انا عندى صالون لما تشوفية لانج انا عروسة من سنة عاوزة ابيعة ومنزلة اوى اوى فى السعر وهو شيك ومش عارفة انزلة فين حد يفيدنى

dollyferfer;14171691:
بصوا يا بنات انا عندى صالون لما تشوفية لانج انا عروسة من سنة عاوزة ابيعة ومنزلة اوى اوى فى السعر وهو شيك ومش عارفة انزلة فين حد يفيدنى

بصى يا دولى هو هنا مفيش قسم للبيع غير للتاجرات الخاصين بالمنتدى وده بشتراك
انتى ممكن تنزلى صورته هنا ولو حد عاوز التفاصيل اكتبيها ولو حد عوزه اتفقى معاه عالخاص
:thumbs_up: