نصيحه من كل ام لكل ام

hoobie;11819496:
تمام كتير اوي 3 ايام الدكتور بتاع ابني ومدحت الزيات بيقولوا لازم البيبي يعمل كل 24 ساعه ..المشكله بقى ابني اهو داخل على سنه وعنده امساك غير عادي ياحبيبي بيعمل الكيكي كور كده ولونهم اسود رغم ان مش بديله حديد خالص وكمانمش بديله حاجات ممسكه كتير بالعكس كل اكله خوخ وكوسه وقرع ..يبدوبك بس الزبادي اللي يعتبر ممسك والدكتور بتاعه كاتبله لاكتيلوز وبرضه مفيش فايده فانا ان شاء الله هاعمله تحليل براز واروح بيه للدكتور بس محدش يعرف اعمله تحليل بس وللا مزرعة براز؟؟

ازاي يا هوبي ده انا سمعت مرة بالصدفة مدحت الزيات الحلقة بتاعته كانت ام بتشتكي من ان ابنها البيبي مش بيعمل كيكي بقاله كام يوم، فقالها عادي جدا ومتقلقش وطبيعي لو البيبي معملش كيكي لمدة 3 ايام مفهاش مشكلة ولا خوف.

meshmesh_romio;11993661:
ماء غريب كويس اوى هو مهدئ وبيقلل المغص
لكن بلاش تديها مايه دلوقتى خالص مش قبل 6 شهور لما تبدى تشرب

ازاي يا ماري ده معم الدكاترة بيقولوا بعد الاربعين والكبار كمان وخصوصا الحر ده وكده كده كمان ما هي الاعشاب فيها مية.

crazy ananas;11996554:
بالنسبه للمايه انا الدكتور اللى روحتله كانت نانو عندها تقريبا 3 شهور وبسئله عن المايه قالى من اول يوم مش الجلوكوز ده يعتبر مايه بسكر
بس انا كنت قرييت عالنت ان المايه من الشهر الرابع مثلا لان اول تلات شهور اللبن بيكون فى كل حاجه عوزها البيبى وبلاش قبل كدا عشان معدته لسه صغننه وكفايه عليه اللبن لكن بعد كدا عادى وخصوصا لو بدء ياكل

فى ناس بئا تقول نشربهم مايه معدينه وناس لا سمعت انها مفهاش فلورايد وده مهم ليهم عشان السنان تقريبا
وناس تقول نغليها وناس تقول لا فحاجه محيره بصراحه بس انا سمعت اننا نجيب فلتر او حتى نحط شاشه عالحنفيه
وربنا يحفظهم من كل شر

الدكتور بتاعها قاللي المعدنية هتتعود عليها وبعد كده هترفض تاخد المية العادية، فاغلي المية واديلها بس لما جوجو محبتش طعمها فقاللي اصبري مش لازم تديها خلاص وكده كده الاعشاب فيها مية وخليها تاخد رضعة اعشاب مرة في اليوم وكمان اللبن فيه مية بردو.

صوت العيون;11996844:
صح فعلا سمعت زيك يا انناسه
بس الى اعرفه انه صح
ان المايه بعد الشهر الرابع زى الاكل
وعلى فكره فى بيقولوا ناكل من اول الرابع
لا
لان الامعاء بتكون لسه مش اتكونت وبتتكون بعد الرابع وفى الخامس ان شاء الله
عشان كدا
لما البيبى بيعمل ببيه بيعيط وبيحمر لانه شئ متعب ربنا معاهم

الدكتور قاللي لما اشتكتله من الحزق ده والعياط واحمرار الوش وهي بتعمل ، بقوله بحس كأنه امساك بس في نفس الوقت ببص الاقي الكيكي عادي خالص ، فقاللي ده مش امساك ده غصب عنهم لأن في الفترة الاولي دي بيبقي مكان الاخراج عندهم والفتحة صغيرة فعشان كده بيعمل بصعوبة وواحدة واحدة بتتبظط العملية دي وبيبقي سهل عليه وفعلا لاحظتها بجد.

sosiii-cat;12008858:
يابنات فين مولفيكس اللي 100 واحدة ب 100 جنيه دة انا علي طول بشوفه غالي جداا ؟؟؟؟؟؟؟؟؟؟؟؟؟

أم يـاسـيـن العسل;12008934:
لا من عندى هنا فى اسيوط :D

يظهر فعلا ده عندك يا بسبس بس لأني بردو دايما بشوفه غالي عن كده وعشان كده مش بقربله حتي المقاس الصغير بس كده شجعتيني ابص عليه تاني والله ياريت نلاقي السعر ده هنا.

اه يا بنات اياكم والرضاعة وانتوا نايمين غلط جدا جدا جدا، لازم تبقي شايلة البيبي ومخلية وضعه بزاوية 45 يعني بميل كده وراسه اعلي من باقي جسمه عشان اللبن مينزلش في ودنه ويعمله مشكلة كبيرة.

الدكتور الاولاني كان اكد عليا في موضوع السرة اني امسحها كويس جدا بالقطنننننننننننننننننة يعني مش السبراي هو صحيح كله بيوقعها بس كده احسن واسرع وانضف كمان، انا كنت بعمل فعلا بالقطنة زي ايام ولاد اختي وكده وحماتي كمان زيي وكله بس لما رحتله بقي لقيته بيوريني الطريقة غير ما احنا بنعمل كمان، لأ ده بيمسح جامد وكويس اوي مش مجرد تلميس للمكان وكده وبس لأ مسح وتنضيف مع كل غيار للبامبرز وكان بيقولي بردو اتني طرف البامبرز اللي قدام لبره كده عشان يبقي تحخت السرة خالص وبعيد عنها وناعم علي الجلد .

وفيه حاجة بردو مش عارفة كنت قلتها قبل كده ولا لأ

الدكتور كان فهمني امتي الواحدة تدخل لبن صناعي وليه، دلوقتي لو وزن البيبي مزادش في خلال الاسبوع اللي بعده ، بنشفط اللبن بتاعنا مرتين مرة الصبح ومرة بالليل ونجمعهم علي بعض وبعدين نقسم علي 2 والرقم ده هايبقي المعدل المتوسط بتاعنا ومفروض المعدل الطبيعي يبقي 70 او 80 مللي، فلو احنا وصلنا للرقم ده فعلا والبيبي بردو وزنه مزادش وكمان فوق كده حجم البريست كويس ومليان لبن، يبقي ساعتها المشكلة مش مشكلة قلة لبن لأ دي مشكلة ان اللبن مش مغذي بالدرجة الكافية للبيبي فعشان كده وزنه مش بيزيد وفي الحالتين مضطرين نزود صناعي، بس الاهم من كده عشان الصناعي مش مفضل بردو وده بيتاخد كأخر حل، احنا نهتم بأكلنا كويس اوي وناكل خضار وسلطة وفاكهة كتير وكويس وكميات والسواااااااااااااااااااااايل 2.5 لتر في اليوم مقسمة بين لبن وعصاير واعشاب وشوربة ومية طبعا وطبعا نقلل الدهون والنشويات ونعوضها في الحاجات المفيدة اللي مش بتخن عشان منها نزود اللبن ويبقي مغذي ومنها اننا نخس في الرضاعة وفي نفس الوقت نكون جسمنا واخد كل عناصره الضرورية.

والله انا جيباه ب 100

طيب اجيبلكوا معايا وانا نازله كايرو المره الجايه هههههههههههههههههههه

CuTie KaTkOoTa;12043599:
ازاي يا هوبي ده انا سمعت مرة بالصدفة مدحت الزيات الحلقة بتاعته كانت ام بتشتكي من ان ابنها البيبي مش بيعمل كيكي بقاله كام يوم، فقالها عادي جدا ومتقلقش وطبيعي لو البيبي معملش كيكي لمدة 3 ايام مفهاش مشكلة ولا خوف.


ازاي يا ماري ده معم الدكاترة بيقولوا بعد الاربعين والكبار كمان وخصوصا الحر ده وكده كده كمان ما هي الاعشاب فيها مية.


الدكتور بتاعها قاللي المعدنية هتتعود عليها وبعد كده هترفض تاخد المية العادية، فاغلي المية واديلها بس لما جوجو محبتش طعمها فقاللي اصبري مش لازم تديها خلاص وكده كده الاعشاب فيها مية وخليها تاخد رضعة اعشاب مرة في اليوم وكمان اللبن فيه مية بردو.


الدكتور قاللي لما اشتكتله من الحزق ده والعياط واحمرار الوش وهي بتعمل ، بقوله بحس كأنه امساك بس في نفس الوقت ببص الاقي الكيكي عادي خالص ، فقاللي ده مش امساك ده غصب عنهم لأن في الفترة الاولي دي بيبقي مكان الاخراج عندهم والفتحة صغيرة فعشان كده بيعمل بصعوبة وواحدة واحدة بتتبظط العملية دي وبيبقي سهل عليه وفعلا لاحظتها بجد.




يظهر فعلا ده عندك يا بسبس بس لأني بردو دايما بشوفه غالي عن كده وعشان كده مش بقربله حتي المقاس الصغير بس كده شجعتيني ابص عليه تاني والله ياريت نلاقي السعر ده هنا.

بصى المايه اللى فى اللبن والاعشاب كافيه للبيبى جدا لكن ياخد مايه اول مايبتدى ياكل لان الكل بيعطش ودى معلومه مهمه قوى واكتر من دكتور قاللى عليها وبعدين هو بيبقى لسه معرفش العطش

CuTie KaTkOoTa;12043610:
اه يا بنات اياكم والرضاعة وانتوا نايمين غلط جدا جدا جدا، لازم تبقي شايلة البيبي ومخلية وضعه بزاوية 45 يعني بميل كده وراسه اعلي من باقي جسمه عشان اللبن مينزلش في ودنه ويعمله مشكلة كبيرة.

كلامك صح 100% لان اللبن الزائد بيروح ورا اذن الطفل وبيتراكم وبيعمل مشاكل فى طبلة الاذن تؤدى الى فقدان الطفل السمع لاسمح الله

CuTie KaTkOoTa;12043628:
الدكتور الاولاني كان اكد عليا في موضوع السرة اني امسحها كويس جدا بالقطنننننننننننننننننة يعني مش السبراي هو صحيح كله بيوقعها بس كده احسن واسرع وانضف كمان، انا كنت بعمل فعلا بالقطنة زي ايام ولاد اختي وكده وحماتي كمان زيي وكله بس لما رحتله بقي لقيته بيوريني الطريقة غير ما احنا بنعمل كمان، لأ ده بيمسح جامد وكويس اوي مش مجرد تلميس للمكان وكده وبس لأ مسح وتنضيف مع كل غيار للبامبرز وكان بيقولي بردو اتني طرف البامبرز اللي قدام لبره كده عشان يبقي تحخت السرة خالص وبعيد عنها وناعم علي الجلد .

بلاش ياجماعة السبراى انا كنت بستعمله وكان غصب عنى بييجى شويه من الرزاز بتاعه على باقى البطن وعملها التهاب فالقطنه احسن

ازيكم يا بنات يارب تكونوا جميعا بخير انتوا والبيييز وحلو التجمع دة بجد
انا بنتى بقى عندها شهر و21 يوم والكل فضل يزن عليا انى اشربها مية والجو حر وانا مكنتش مقتنعة تماما وشربتها يوميين كدة وبعدين خفت
مش عارفة بقى هل دة صح وعادى ان الطفل فى السن دية يشرب ولا غلط؟

DANDONA_2010;12047457:
ازيكم يا بنات يارب تكونوا جميعا بخير انتوا والبيييز وحلو التجمع دة بجد
انا بنتى بقى عندها شهر و21 يوم والكل فضل يزن عليا انى اشربها مية والجو حر وانا مكنتش مقتنعة تماما وشربتها يوميين كدة وبعدين خفت
مش عارفة بقى هل دة صح وعادى ان الطفل فى السن دية يشرب ولا غلط؟

دندن عاش من شافك يا قمر عاملة ايه، بصي هي طبعا مش مضرة خالص ولا فيها اي خطر علي البيبي بس في نفس الوقت مش ضرورية اوي في الوقت الحالي يعني ممكن لو صبرتي عادي مش هايحصل حاجة.




ماري فعلا انا مكنتش مقتنعة بالكحول السبراي ده من الاول رغم انه اسهل طبعا حتي من قبل ما الدكتور يوريني طريقة التنضيف بردو كنت مقتنعة بالقطنة احسن وانضف

على فكره الكحول الاسبراى وبدون دعك عادى جدا
بس الدعك قالوا عليه على انه اسرع
بس مش كفايه الكحل على جلدهم وصعب اوى الواحد يدعك توجع القلب
الحمد لله
وكان فى واحده بتشتكى ان السره وقفه على الاطراف ما دا عادى لانها واحده واحده بتقع ان شاء الله

بالنسبه للبامبرز امتى
جيبتوا المقاس الاكبر
لما حسيتوا ايه يعنى
ولا لما بتوزنو النونو ان شاء الله

CuTie KaTkOoTa;12043599:
ازاي يا هوبي ده انا سمعت مرة بالصدفة مدحت الزيات الحلقة بتاعته كانت ام بتشتكي من ان ابنها البيبي مش بيعمل كيكي بقاله كام يوم، فقالها عادي جدا ومتقلقش وطبيعي لو البيبي معملش كيكي لمدة 3 ايام مفهاش مشكلة ولا خوف.

ايه ده غريبه جدا ازاي ..ده انا يوم ماسمعته بيتكلم عن موضوع ان الطفل يعمل كل 24 ساعه كانت ام بتقوله ابني معملش من 3 ايام قالها وانتي ازاي تستني عليه 3 ايام البيبي لازم يعمل كل 24 ساعه ..انا كده هاقلق من الراجل ده

مورو انتي بتشوفيها كده بالنظر لو البامبرز ضيق على النونو وبيعلم الاستك بتاعه على رجله او بطنه يبقى غيريه وهاتي اكبر..اهم حاجه تقفلي البامبرز كويس ولو كبير شويه ومقفول صح مش هيسرب الا لو اتساب كتير واتملى

DANDONA_2010;12047457:
ازيكم يا بنات يارب تكونوا جميعا بخير انتوا والبيييز وحلو التجمع دة بجد
انا بنتى بقى عندها شهر و21 يوم والكل فضل يزن عليا انى اشربها مية والجو حر وانا مكنتش مقتنعة تماما وشربتها يوميين كدة وبعدين خفت
مش عارفة بقى هل دة صح وعادى ان الطفل فى السن دية يشرب ولا غلط؟

لا المية مش هاتضر البيبي في اي حاجة
بس انا رأيي انك لو شربتيها مرتين يبقي كملي بقي وشربيها مرة في اليوم علشان مش تعطش لأن الجو حر وهي كدة داقت طعم المية خلاص فممكن تحس بالعطش

قولولي يا ماميهات اجيب منين فوط القشط وتكون حلوه غير التوووووحيدوالنور

hoobie;12052280:
ايه ده غريبه جدا ازاي ..ده انا يوم ماسمعته بيتكلم عن موضوع ان الطفل يعمل كل 24 ساعه كانت ام بتقوله ابني معملش من 3 ايام قالها وانتي ازاي تستني عليه 3 ايام البيبي لازم يعمل كل 24 ساعه ..انا كده هاقلق من الراجل ده

لا هو مره وضح وقال لو هو طبيعته ممسكه ومعملش غير بعد 3 ايام يبقى دى طبيعه

ولو هو متعود يعمل ولو مره فى اليوم ومعملش يبقى ساعتها تتصرفى

صوت العيون;12051644:
على فكره الكحول الاسبراى وبدون دعك عادى جدا
بس الدعك قالوا عليه على انه اسرع
بس مش كفايه الكحل على جلدهم وصعب اوى الواحد يدعك توجع القلب
الحمد لله
وكان فى واحده بتشتكى ان السره وقفه على الاطراف ما دا عادى لانها واحده واحده بتقع ان شاء الله

بالنسبه للبامبرز امتى
جيبتوا المقاس الاكبر
لما حسيتوا ايه يعنى
ولا لما بتوزنو النونو ان شاء الله

انتى حطيتلها كحل؟؟؟ انا رفضت تماااااااااااما :thumbs_down:

اعتقد يابسبس انتى فهمت كحل العين
ومورو بتتكلم عن الكحول بتاع السرة
صح كدة :)

أم يـاسـيـن العسل;12076032:
انتى حطيتلها كحل؟؟؟ انا رفضت تماااااااااااما :thumbs_down:

هههههههههههه كحول يا بسبس بتاع السرة
ضحكتيني والله :lol:

علي فكره الدكتور بتاعي بيقول ان البيبي معدل يعمل كيكي من مره لحد 12مره جتي لو مره كل تلات اييام المهم تكون طريه ومش ناشفه

كحول السره طبعا هههههههههههههههههههه
رغم ان اتقال شعر فى كحل العين والحواجب بس مش مشكله هههههههههه
الحمد لله


شوفوا دا عن المايه للاطفال

http://forums.3roos.com/showthread.php?t=535384

CuTie KaTkOoTa;12043610:
اه يا بنات اياكم والرضاعة وانتوا نايمين غلط جدا جدا جدا، لازم تبقي شايلة البيبي ومخلية وضعه بزاوية 45 يعني بميل كده وراسه اعلي من باقي جسمه عشان اللبن مينزلش في ودنه ويعمله مشكلة كبيرة.

كتكت متعرفيش هل الموضوع ده بيبان علطول وله مع الوقت يعنى
اصل نانو وهى نايمه لزم لو صحيت ترضع وترجع تانى وانا لما بكون نايمه جمبها برضعها واحنا نايمين بس رسها بتكون مرفوعه شويه

marioum27;12074361:
قولولي يا ماميهات اجيب منين فوط القشط وتكون حلوه غير التوووووحيدوالنور

ياريت يا مريوم الاسئله فى موضوع التجهيزات احسن هناك هتستفيدى اكتر فالحاجات ديه ;)

أم يـاسـيـن العسل;12075999:
لا هو مره وضح وقال لو هو طبيعته ممسكه ومعملش غير بعد 3 ايام يبقى دى طبيعه

ولو هو متعود يعمل ولو مره فى اليوم ومعملش يبقى ساعتها تتصرفى

انا برضو اللى اعرفه انه حسب طبيعه الجسم حتى انا بسمع دكتور مدحت اى واحد تقوله على موضوع الامساك يقولها وهى طبيعته بيعمل كل يوم يعنى كل واحد وطبيعته انا نانو ساعات تقعد 3 ايام متعملش وتعمل الرابع لوحدها وعادى مش صلب والعادى بتعمل مره فاليوم

وربنا يحفظ اولادنا من كل شر