تجمع بنات مصر لنظافة البيت (الجزء الثاني)

كتب للتجارب والخبرات المنزليه

http://go.3roos.com/0Hv9d4ugnjC

تم تنزيله بنجاح شكرا لك

يابنات انا بعاني مع الصدا مش عارفه ليه كدى يمكن عشان انا في مدينه فيها رطوبه
بس عندي السكاكين وسكينة الكيتشن المشكله انه مش بقعه واضحه لا في طرف السكينه وحته صغيره بس بتنرفزني وسكينة الكيتشن بقى الصدى جوه في الزاويه جامد
انا حشيلها بفرشاة سنان قديمه بس استعمل ايه وازاي انظف الصدى
السلك بيشيله بس لما بيبقى لجوه مش بطوله
افيدوني
مالكم يا بنات ماعدتوش بتنظفوا ولا ايه ,,,انتم نمتوا ليه كدى

11 يوم ومفيش ولا مشاركة ليه كده

الطاسات الالومنيوم اللى بنقلى فيها الدهون برضه بتفضل لازقة مهما الواحد قعد يدعك فيها ... فى طريقة سهلة اشيل بيها الدهون دى؟؟؟؟

ممكن اشترك معاكم يا بنات انا حاسه اني فاشله خالص مش عارفه اضبط بيتي واصبح ست بيت شاطر كسووووووووووووووله مش عارفه ليه يا ريت تساعدوني وتقبلوني معاكم انا مش قاعده في مصر انا قاعده في السعوديه ومتجوزه من 2-4 يعني بقالي حوالي 11 شهر:033:

بناات عايزة حاجة ضرورى لتجير السيراميك

اخواتى الغاليات هذة اول مشاركة لى فى هذا المنتدى الرائع وارجو ان تفيدونى بخبراتكم اريد ان اعرف معلومات عن غسالة الاطباق وايت ويل الحجم الوسط وهل هناك احد استخدمها ام لا ولكم جزيل الشكر

انا عندي الكبيرة اللي هي حجم غسالة الملابس لو عايزة اي سؤال عنها

اختى اسارير البحور شكرا على اهتمامك وردك جزاكى الله كل خير اريد ان استفسر عن هذه الغساله عن مدة اقصر برنامج فيها وهل ممكن وضع حلل فيها انا اعرف ان الحلل لازم تكون استانلس وماهى الاحتياطات الواجب اتخاذها للحفاظ عليها واقصى عدد للمرات اللى ممكن تشغليها فى اليوم وهل هى عملية وماركة حلوة واللا لا انا عارفة انى تقلت عليكى فتحملينى وجزاكى الله كل خير

يا ريت يا جماعة ندخل تانى للموضوع دة
وكل واحدة تقول يومياتها مع النضافة لانى بقيت كسوووووووولة اوى عايزة تشجيع

انا صحيت من النوم وللاسف كان فيه اطباق فى المطبخ غسلتهم اهو وانضف الشقة من فوق واولع على الاكل
ان شاء الله

اه الموضوع ده بقاله فتره بس مفيد بجد ..اليومين دول انا غالبا هنقل لشقة جديده فعاوزة اغسل السجاجيد والستاير وانقلهم نضاف وهاجي هنا كتير ان شاء الله

والله بصى يا ندى انا بكتب ورقه بليل بالحاجات اللى عليا تانى يوم الصبح واعلقها على التلاجه وكل لما اخلص حاجه اشطبها

بحس انى بتشجع كدا اوى وبحس بالانجاز

طب انا بقى عاوزه اعرف استعمالات ملح الليمون كلها
وكان في ناس بتقول نحطه في حله وميه ونغليه بيها بس طب لو انا عاوزه انظف قاعدتها من بره مش من جوه اللي بيتحرق عندي اللي بره انظفها ازاي

كوباية مايه;11846761:
والله بصى يا ندى انا بكتب ورقه بليل بالحاجات اللى عليا تانى يوم الصبح واعلقها على التلاجه وكل لما اخلص حاجه اشطبها

بحس انى بتشجع كدا اوى وبحس بالانجاز

والله فكره يا بسبس انا الحمل والولاد خلوني تقيله اوي عن الاول ربنا يسهل والورقه دي تشجعني اكتر

والله يا ايمى معرفش ملح الليمون دا

بس لو الحله من بره عايزه تنضفيها حطيها فى طبق فيه مايه وايريال وسيبيهم ربع ساعه وبعدين هاتى سلكه وادعكى هتلاقى كله طلع بسهووووووووله

انا اول مرة اشوف الموضوع دة

ومافيش اكسل مني في الموضوع دة
كنت الاول علي ظول مخلية البيت مافيهوش تراباية انما مع نورين دلوقتي الوضع اختلف تماما
ياريت نشجع بعض وارجع زي الاول

يا أولاد الايه هو احنا لينا تجمع هنا و انا معرفش

طيب ماشي
انا عايزة حاجة تلمع السيراميك و تشيل الدهون عن القيشانى بتاع المطبخ

طب خلاص حجرب الطرقه دي حتى قاعدة الاستينلس

بنات احسن حاجه لتلميع البوتجاز جيف تحفه بجد وسهل اوىى
وفى توع للدهون بتاعت السيراميك