تجمع بنات مصر لنظافة البيت (الجزء الثاني)

يابنات انا محبطة من الشقة بقت زى الزفت وعايزة انضفها ونفسى مسدودة
لانى كنت نايمة على ضهرى فترة وتعبانة وبعد كده عملت العملية
هو انا قبل ماروح اعمل العملية من 10 ايام نضفتها ومسحت بس اى كلام علشان كنت تعبانة
وبصراحة مش بحب اجيب حد غريب يعملها مش عارفة ليه

انا عايزة الموضوع بتاع بنات مصر لنظافة البيت اللى تلاقى اللينك يبعتهولى او تقولولى ابتدى منين
عايزة حاجة تشجعنى ومش عارفة ابتدى منين كل ماشوف اى اوضة او المطبخ نفسى تتسد ويجيلى احباط ممل محبط

بصى يا دينا انا بنضفها بالترتيب

ابتدى نضفى بس ونفسك هتتفتح كدا

بصى انا بمسك الاوضه واروح منفضه شبابيكها 11والستاير بنزلها تتغسل وبعدين المع العفش وبعدها اكنس وامسح

شوفتى سهله ازاى

تنفيض تلميع مسح مش اكتر من كدا

وبعدها بقى كل يوم تقومى ملمعه الترابيزات ولو فى ازاز ويوم بعد يوم تلمعى الارضيات بالسويب اند موب مش هتاخد منك 10 دقايق

وتبقى شقتك فله

المطبخ بقى اييييييعبيضيق خلقى اوى لو مش نضيف

الاول اغسلى اى مواعين فيه وبعدين اغسلى البوتجاز ولمعى التلاجه من بره كدا وبعدين امسحى الارض

مفيش اسهل من كدا بردو

بس التلاجه بقى تغسليها من جوا بطريقه لطيفه اوى

تعالى اخر كل اسبوع لما تبقى تقريبا فاضيه ومفيهاش حاجه وخديها فومين وهتبقى فله

دينا حمدى;12952917:
يابنات انا محبطة من الشقة بقت زى الزفت وعايزة انضفها ونفسى مسدودة
لانى كنت نايمة على ضهرى فترة وتعبانة وبعد كده عملت العملية
هو انا قبل ماروح اعمل العملية من 10 ايام نضفتها ومسحت بس اى كلام علشان كنت تعبانة
وبصراحة مش بحب اجيب حد غريب يعملها مش عارفة ليه

انا عايزة الموضوع بتاع بنات مصر لنظافة البيت اللى تلاقى اللينك يبعتهولى او تقولولى ابتدى منين
عايزة حاجة تشجعنى ومش عارفة ابتدى منين كل ماشوف اى اوضة او المطبخ نفسى تتسد ويجيلى احباط ممل محبط

يا دينا والله هاتي حد ينضفلك واشتري صحتك

عارفة انا مش بجيب حد خالص بس لما ببقي

تعبانة او مسافرة فترة طويلة وسايباها خالص كدة

نفسي بتبقي مسدودة اووووي ان امد ايدي فيها

فبجيب واحدة تنضف وبعدها الشقة كلها بتبقي

نظيفة في يوم واحد كدةنفسيتي بتتغير 180 درجة

وبعدها افضل انا احافظ بقي عليها مجرد المع كل

يوم وبس
انا مش بشجهك علي الكسل بس انا حاسة بيكي

اوي والله

أم يـاسـيـن العسل;12954724:
بصى يا دينا انا بنضفها بالترتيب

ابتدى نضفى بس ونفسك هتتفتح كدا

بصى انا بمسك الاوضه واروح منفضه شبابيكها 11والستاير بنزلها تتغسل وبعدين المع العفش وبعدها اكنس وامسح

شوفتى سهله ازاى

تنفيض تلميع مسح مش اكتر من كدا

وبعدها بقى كل يوم تقومى ملمعه الترابيزات ولو فى ازاز ويوم بعد يوم تلمعى الارضيات بالسويب اند موب مش هتاخد منك 10 دقايق

وتبقى شقتك فله

المطبخ بقى اييييييعبيضيق خلقى اوى لو مش نضيف

الاول اغسلى اى مواعين فيه وبعدين اغسلى البوتجاز ولمعى التلاجه من بره كدا وبعدين امسحى الارض

مفيش اسهل من كدا بردو

بس التلاجه بقى تغسليها من جوا بطريقه لطيفه اوى

تعالى اخر كل اسبوع لما تبقى تقريبا فاضيه ومفيهاش حاجه وخديها فومين وهتبقى فله

الله يابسبس ايه السهولة دى:D
بس والله عندك حق هبتدى حتة حتة انا ابتديت بالبوتجاز والتلاجة وفى شوية حاجات كده وكراكيب هشيلها واظبط بس يارب نفسى تتفتح

sosiii-cat;12955078:
يا دينا والله هاتي حد ينضفلك واشتري صحتك

عارفة انا مش بجيب حد خالص بس لما ببقي

تعبانة او مسافرة فترة طويلة وسايباها خالص كدة

نفسي بتبقي مسدودة اووووي ان امد ايدي فيها

فبجيب واحدة تنضف وبعدها الشقة كلها بتبقي

نظيفة في يوم واحد كدةنفسيتي بتتغير 180 درجة

وبعدها افضل انا احافظ بقي عليها مجرد المع كل

يوم وبس
انا مش بشجهك علي الكسل بس انا حاسة بيكي

اوي والله

تسلمى ياسوسى ياحبيبتى
بس انتى عارفة انا جبت واحدة قبل كده اتشليت لازم اقولها كل حاجة وكنت تعبانة بس قعدت الف وراها واخر ماتخنقت سيبتها مع ماما ودخلت نمت وصحيت لقيتها مكروته وفى تراب وكمان كسرتلى طبق الفاكهة بتاعى ولما كنت اقولها اعملى كذا بحس انه مش عاجبها فاتخنقتمنها بصراحة وبينى وبينك مش بحس ان الحاجة نضفت غير لما بعملها انا لولا وةالله الظروف والتعب اللى كنت فيه ماكنتش سيبت الشقة كده بس الحمد لله

انا لسه مركبه سيراميك قريب يا بنات والراجل بعد ما سقاه بالاسمنت الابيض حسيت انه مجير وكل ما امسحه بيرجع ثانى عاوزه ارجعه للونه الطبيعى اعمل ايه ..

ادعكيه بسلكه يا جميله

دينا حمدى;12973149:
الله يابسبس ايه السهولة دى:D
بس والله عندك حق هبتدى حتة حتة انا ابتديت بالبوتجاز والتلاجة وفى شوية حاجات كده وكراكيب هشيلها واظبط بس يارب نفسى تتفتح

تسلمى ياسوسى ياحبيبتى
بس انتى عارفة انا جبت واحدة قبل كده اتشليت لازم اقولها كل حاجة وكنت تعبانة بس قعدت الف وراها واخر ماتخنقت سيبتها مع ماما ودخلت نمت وصحيت لقيتها مكروته وفى تراب وكمان كسرتلى طبق الفاكهة بتاعى ولما كنت اقولها اعملى كذا بحس انه مش عاجبها فاتخنقتمنها بصراحة وبينى وبينك مش بحس ان الحاجة نضفت غير لما بعملها انا لولا وةالله الظروف والتعب اللى كنت فيه ماكنتش سيبت الشقة كده بس الحمد لله

معلش يا دينا يا قمر فيه ناس فعلا بيبقوا زي ما بتقولي كدة وبتبقي قلتهم احسن ههههه
خلاص طالما نويتي يبقي ربنا يقويكي يارب والشقة تبقي زي الفل وربنا معاكي يا جميلة

نوران 85;12978350:
انا لسه مركبه سيراميك قريب يا بنات والراجل بعد ما سقاه بالاسمنت الابيض حسيت انه مجير وكل ما امسحه بيرجع ثانى عاوزه ارجعه للونه الطبيعى اعمل ايه ..

فيه حاجة اسمها فلاش بترشيها علي الارضية وتسيبيها شوية وبعدين تمسحي ومش هاتصدقي المنظر بس لازم تبقي لابسة جوانتي واكياس في رجليكي علشان هو قوي اوي
انا ايام ماكنت بفرش شقتي الحمام كان حالته ميئوس منها وكله جبس واسمنت ولون السيراميك مش باين اصلا بس بجد فلاش دة رهيب خلاه كأنه لسة شاريينه

sosiii-cat;12980123:
معلش يا دينا يا قمر فيه ناس فعلا بيبقوا زي ما بتقولي كدة وبتبقي قلتهم احسن ههههه
خلاص طالما نويتي يبقي ربنا يقويكي يارب والشقة تبقي زي الفل وربنا معاكي يا جميلة




فيه حاجة اسمها فلاش بترشيها علي الارضية وتسيبيها شوية وبعدين تمسحي ومش هاتصدقي المنظر بس لازم تبقي لابسة جوانتي واكياس في رجليكي علشان هو قوي اوي
انا ايام ماكنت بفرش شقتي الحمام كان حالته ميئوس منها وكله جبس واسمنت ولون السيراميك مش باين اصلا بس بجد فلاش دة رهيب خلاه كأنه لسة شاريينه

تسلمى ياسوسى ياقمرة
كنت عايزة اسالك فلاش ده اجيبه منين واستخدمه ازاى ولو جه على الجلد يعنى غلط ولا ايه

اه فعلا فلاش دا حلو اويييييي .بتلاقنيي الدنيا ابيضت كدا ونصعت بعد ما تستخدميه ...
بس هو غلط جدااااااااااااااا لو جيه علي الجلد يعني استخدميه بالراحه اوي ..حطيه شويه
في المكان وسبيه وبعد شويه امسحيه ...كمان ممكن تلبسي كمامه او حاجه علشان ريحته...
واستخدميه برده في الحمام رووووووووووووووووووووووووووعه

بس يا بنات قولولي بقي انا عاوزه انضف الحلل عندي من اثر الحروق وكدا وعاوزه طريقه سهله بقي مش هعد ادعك وكدا
ياتري ايه ؟؟؟؟؟

الاقى فيندة يا ب فلاش نات

يا بنات انا شفت فلاش كذا مرة في القاهرة بس مش عارفة فين بالظبط دوروا في اي هايبر ماركت او اي واحد بتاع منظفات اللي بسعر الجملة وهاتلاقوه ان شاء الله
واحسن حاجة للحلل يا ميتسي هي الليفة السلك

بنات انقذوني انا حماتي جيه يوم 28 رمضان والشقه عايزه انضفها وخاصه المطبخ انا كل ما بنضفها بتتوسخ تاني اكيد التنظيف بتاعي ناقصه حاجات قولولي ابتدي منين وخاصه المطبخ في حاجات كتير ملهاش مكان عندي وعندي كراااااااااااااتين كتيييييييييييييييييييييييييييييير

بوصى لو فى مواعين زياده حطيها فى البوفيه فى الدواليب بتاعته
وعادى بتغسلى المواعين وبعدين البوتاجاز والشفاط بتنقعيه وتغسليه لو مش نضيف وعلى شحوم
وبعدين تدخلى على الدرف على حسب نوعها تنضفيها
وتلمعى الرخام وتمسى الارض وبس وخلى ايدك فيه يوم اه ويوم لا
وبس يا جميله

فلاش عند بتوع المنظفات ب4 جنيه او حاجه
لينا كام يوم جايبنه في بيت بابا و تحفه

طيب الفلاش ده بياثر على لامعة السيراميك ولا عادى والف شكر على ردودكم ...

LOLAAAAA1985;12982767:
بنات انقذوني انا حماتي جيه يوم 28 رمضان والشقه عايزه انضفها وخاصه المطبخ انا كل ما بنضفها بتتوسخ تاني اكيد التنظيف بتاعي ناقصه حاجات قولولي ابتدي منين وخاصه المطبخ في حاجات كتير ملهاش مكان عندي وعندي كراااااااااااااتين كتيييييييييييييييييييييييييييييير

بصى يالولا انا عندى نفس المشكلة المطبخ مكركب علشان كنت تعبانة وسايباه فترة
الحاجات والكراتين اللى مش بتستخدميها ممكن تحطيها تحت السرير وتقفليها كويس
وتبتدى من تحت لفوق يعنى تزعفى من فوق وتغسلى السيراميك وبعدين زى ماقالت مورو تدخلى على البوتجاز وتنضفيه كويس وبعدين التلاجة والرخامة وضرف المطبخ واهم حاجة تشيلى اى كراكيب قدامك مش عايزاها
لان هو ده اللى كان جايب لى احباط وسادد نفسى
وبعد كده تمسحى الارض
وربنا يقويكى ويقوينى




بنات هو فلاش ده ينفع للبوتجاز

وعايزاكو تقولولى على حاجة تنضف الفرن والبوتجاز كويسة وترجعه يلمع زى الاول ضرورىىىىىىىىىى
انا سمعت ان gif حلو ؟؟؟؟؟؟؟؟؟؟؟

ايوة ياقمر بيخليه يلمع اكتر من الجديد كمان

لا يا دينا فلاش مش للبوتجازات دة للأرضيات مستر ماسل حلو اللي هو الاورانج اللي مرسوم عليه بوتجاز انا جربت جيف حلو برضو بس مستر ماسل احلي في الدهون اللي علي البوتجاز

sosiii-cat;12987433:
لا يا دينا فلاش مش للبوتجازات دة للأرضيات مستر ماسل حلو اللي هو الاورانج اللي مرسوم عليه بوتجاز انا جربت جيف حلو برضو بس مستر ماسل احلي في الدهون اللي علي البوتجاز

شكرا ياسوسى
طيب ينفع للفرن من جوه علشان كنت بعمل فراخ وفى اثار مكانها اتحرقت واسودت ينفع استخدمت مستر ماسل ده من جوه برضو