تجمع بنات مصر لنظافة البيت (الجزء الثاني)

صابون الاطباق وسلك يا بوسي
وممكن بقى اي منظف بتستعمليه للبوتاجاز تحطيه عل الحيط

كوباية مايه;11846761:
والله بصى يا ندى انا بكتب ورقه بليل بالحاجات اللى عليا تانى يوم الصبح واعلقها على التلاجه وكل لما اخلص حاجه اشطبها

بحس انى بتشجع كدا اوى وبحس بالانجاز

الفكرة دى حلوة ولما بعملها بتنجز معيا
بس اللى يعملها بقى
بس ان شاء الله حواظب عليها

sosiii-cat;11846822:
انا اول مرة اشوف الموضوع دة

ومافيش اكسل مني في الموضوع دة
كنت الاول علي ظول مخلية البيت مافيهوش تراباية انما مع نورين دلوقتي الوضع اختلف تماما
ياريت نشجع بعض وارجع زي الاول

يلا يا سوسى نشجع بعض لانى بقيت كسووووووووووووووولة جدا
قولى بقى عملتى ايه النهاردة ولسالك ايه؟؟؟

lifedrop;11847262:
الفكرة دى حلوة ولما بعملها بتنجز معيا
بس اللى يعملها بقى
بس ان شاء الله حواظب عليها

يلا يا سوسى نشجع بعض لانى بقيت كسووووووووووووووولة جدا
قولى بقى عملتى ايه النهاردة ولسالك ايه؟؟؟

ايه الاحراج دة :02: ولا اي حاجة هههههههههه

صحيت غسلت الاطباق وروقت الليفنج علي خفيف كدة وقاعدة معاكوا علي النت اهو

ماعملتش اكل علشان معزومة علي الغدا النهاردة :093::093::093:

نفسي و امنية حياتي اغسل الستاير بتاعت الشقة كلها بس المشكلة شكلها مابيرجعش زي الاول لما بتتغسل

sosiii-cat;11847475:
نفسي و امنية حياتي اغسل الستاير بتاعت الشقة كلها بس المشكلة شكلها مابيرجعش زي الاول لما بتتغسل

على ففكرة انا غسلتها عادى كذا مرة
وشكلها اتغير للاحسن عشان كانت متربة وشكلها مقرف
انا ناوية ان شاء الله لما اروح حغسلها

lifedrop;11847718:
على ففكرة انا غسلتها عادى كذا مرة
وشكلها اتغير للاحسن عشان كانت متربة وشكلها مقرف
انا ناوية ان شاء الله لما اروح حغسلها

خلاص تعالي يا ندي نتفق علي يوم ونغسل فيه الستاير

sosiii-cat;11847807:
خلاص تعالي يا ندي نتفق علي يوم ونغسل فيه الستاير

خلاص يا سوسى ان شاء الله الاسبوع الجاى حكون فى المنصورة وحخلى جوزى يفكهالى كلها وانا اغسلها ان شاء الله

ايوة كدة يا سوسى شجعينى:025::025::025:
وكل يوم ندخل نقول عملنا ايه

انا قمت غسلت الاطباق وطبخت ونضفت الاوضة على السريع كدة
وبعد الغدا ربنا يسهل وانضف الحوض والاطباق بتاعةالاكل وامسح البوتاجاز

bosy_1010;11846829:
يا أولاد الايه هو احنا لينا تجمع هنا و انا معرفش

طيب ماشي
انا عايزة حاجة تلمع السيراميك و تشيل الدهون عن القيشانى بتاع المطبخ

سيف فى الموضوع ده صراحة رائع ومن غير دعك كتير ومجهود

ايه ده انتو بتغسلوا البراقع ولا الترجال

lifedrop;11847718:
على ففكرة انا غسلتها عادى كذا مرة
وشكلها اتغير للاحسن عشان كانت متربة وشكلها مقرف
انا ناوية ان شاء الله لما اروح حغسلها

وانا عملت زيك بالضبط

الترجال يا رشروش
البراقع بتتنفض
اغسل البلاك اوت ولا مش لازم ؟؟؟

خلاص يا ندي لما ترجعي بالسلامة قوليلي وانا مستنياكي اهو

hoobie;11846662:
اه الموضوع ده بقاله فتره بس مفيد بجد ..اليومين دول انا غالبا هنقل لشقة جديده فعاوزة اغسل السجاجيد والستاير وانقلهم نضاف وهاجي هنا كتير ان شاء الله

مبروك الشقة الجديدة ان شاء الله وشها يبقى حلو عليكم
:)
بس نصيحة منى ودى السجاجيد للدراى كلين عشان العزال بياخد مجهود جامد جدا وهتبقى محتاجة صحتك يابنتى .. احنا كل مابنعزل بنعمل كده :) اصلنا خبرة فى العزال دلوقتى :094:

sosiii-cat;11847475:
نفسي و امنية حياتي اغسل الستاير بتاعت الشقة كلها بس المشكلة شكلها مابيرجعش زي الاول لما بتتغسل

انا غسلتهم على العيد الكبير ولغاية دلوقتى لسة ماعلقتهمش :) شوفتى كسل اكتر من كده :094: والله اتربوا تانى من كتر الركنة :094:

انا روحت قعدت فى بيتى كام يوم مع الانسة الصغننة واكتشفت ان الحياة مستحيلة ومش عارفة اعمل اى حاجة فى البيت ولا عارفة اطبخ حتى الغسيل على مراحل :( والله اكتأبت ورجعت قعدت عند ماما :( انتوا بتعملوا ايه؟؟ ولا لما تكبر شوية الدنيا هتتحسن؟؟؟

اه انا قولت برضو طب دول سهلين اووووووى
اصلى انا البراقه عندى الراجل مسمرهم على الخشبه البلتكانه مش حته واحده
حتى هو قالى لو تحبى تغسليهم تبقى قوليلى اجى افكهم وبعدين اركبهم تانى
شغلانه يعنى

Eng. BoB;11848044:
مبروك الشقة الجديدة ان شاء الله وشها يبقى حلو عليكم
:)
بس نصيحة منى ودى السجاجيد للدراى كلين عشان العزال بياخد مجهود جامد جدا وهتبقى محتاجة صحتك يابنتى .. احنا كل مابنعزل بنعمل كده :) اصلنا خبرة فى العزال دلوقتى :094:

انا غسلتهم على العيد الكبير ولغاية دلوقتى لسة ماعلقتهمش :) شوفتى كسل اكتر من كده :094: والله اتربوا تانى من كتر الركنة :094:

انا روحت قعدت فى بيتى كام يوم مع الانسة الصغننة واكتشفت ان الحياة مستحيلة ومش عارفة اعمل اى حاجة فى البيت ولا عارفة اطبخ حتى الغسيل على مراحل :( والله اكتأبت ورجعت قعدت عند ماما :( انتوا بتعملوا ايه؟؟ ولا لما تكبر شوية الدنيا هتتحسن؟؟؟

هههههههه يعني يا بيبو ماكسلتيش تغسليهم وكسلتي تركبيهم لا خلاص الحمدلله ان ندي فكرتنا بالموضوع دة علشان نشجع بعض
انا برضو ماكنتش عارفة اعمل حاجة من نورين في الاول وكنت باقعد اعيط والله بس شوية شوية عرفت اأقلم نفسي بقيت اصحي اغيرلها وارضعها واكرعها وكله تمام تنام تاني اقوم رايحة اعمل اللي ورايا ولو صحت بقي احطلها التيتينة واسيبها بتبقي عايزة تلعب بس مش عاوزة حاجة واخلص بسرعة واروحلها تاني ارضعها واقعد معاها شوية علشان غلط تفضل طول الوقت لوحدها
اول ما باباها ييجي نتغدي واسيبهاله ولو وراية حاجة تاني اعملها وهكذا
ماتقلقيش يا بيبو كل ماتكبر يوم كل ما الموضوع دة هايتحل

رشرووش;11848063:
اه انا قولت برضو طب دول سهلين اووووووى
اصلى انا البراقه عندى الراجل مسمرهم على الخشبه البلتكانه مش حته واحده
حتى هو قالى لو تحبى تغسليهم تبقى قوليلى اجى افكهم وبعدين اركبهم تانى
شغلانه يعنى

لا نفضيهم بس يا رشروش بقماشة ناشفة وبعدين بعد ما تنفضيهم امسحيهم بالقماشة برضو بس بالراحة من غير تنفيض هاتلاقيهم رجعوا يلمعوا تاني

السلام عليكم يا بنات ازيكم
دلوقتى الكنبة اللى فى الليفنج لونها تركواز فى بينك و مج مغات وقع على الجزء التركواز ده و عامل بقعة صفرا :(
جربت اعملها بقماشة و اريال و كلوركس الوان و مش طلعت بردو
اعمل ايييييييييييييييه.........؟؟؟؟؟؟؟؟؟؟؟؟

رشرووش;11848063:
اه انا قولت برضو طب دول سهلين اووووووى
اصلى انا البراقه عندى الراجل مسمرهم على الخشبه البلتكانه مش حته واحده
حتى هو قالى لو تحبى تغسليهم تبقى قوليلى اجى افكهم وبعدين اركبهم تانى
شغلانه يعنى

ازيك يا رشروش وحشانى جدا - على فكرة الراجل عمل معايا كده برضه وقالى نفس الكلام وانا قررت انى اغسلهم ففكتهم وغسلتهم وبعدين جيت اركبهم ما عرفتش اضبطهم وودتهم لخياطة تضبطهم زى بعض بالضبط وخيطتهم وبعدين ركبتهم تانى بمسمار واحد فى كل حتة عشان تترفع بس لانها بقت متخيطة خلاص - جربى الفكرة دى حلوة جدا وفرقت معايا كتير - انتى عاملة الستائر عند مين مش انتى من اسكندرية انا عاملها عند كوانتراست

السلام عليكم ورحمة الله وبركاته


وعملتو ايه النهاردة فى شغل البيت؟؟


انا شخصيا قومت كان فيه اطباق فى الحوض غسلتها
ونضفت الصالة على السريع والمطبخ
وحطيت فوم غسيل فى غسالة الاطفال وحقوم اشطفه وانشره وانضف الاوضة ان شاء الله وامسح الشقة على السريع

انا بقي عايزة اغسل برضو وعايزة اغسل الحمام النهاردة بإذن الله بالأرضية والحيطان وهاقوم اعمل الاكل بس ادعووووووولي اقوم

sosiii-cat;11857185:
انا بقي عايزة اغسل برضو وعايزة اغسل الحمام النهاردة بإذن الله بالأرضية والحيطان وهاقوم اعمل الاكل بس ادعووووووولي اقوم

ربنا يقومك بالسلامة يا اوختى:085:

ولعى على الاكل وبعدين ادخلى الحمام:029:

الناس اللى لازم تمسح البوتاجاز كل يوم بعد الغدا


ايه اسرع واسهل واحسن طريقة لعمل دة؟؟؟