تجمع بنات مصر لنظافة البيت (الجزء الثاني)

نواره2005;10327094:
حاجه بمعنى ايه منظف وله ستاره يا ريت توضحى

منظف يا قمر :o

مبروك الجزء الجديد
سلاد بليدج ده رش ولا منضف عادي بنحطه علي الميه

بلسم2;10363698:
كنت عايز اسألكم يا قمرات الصالون عندى قماشته ستان ومشكلته بيتسخ بسرعه ولما اغلسله بفرشه وميه الاوساخ بتطلع بس الميه بتسيب بقع مش عارفه انظفه ازاى؟
وكمان حاجه تانى البوتوجاز عندى مهما اغسله وانظفه بيبقى مطفى كده وكأنه عايز يتغسل تانى حد يعرف اسم ملمع او منظف مخصوص للحاجات دى؟

بصى ياقمر نظفيه بسفنجه وعليها نقط من بتاع الصحون واعصريها كويس اوووى وممكن تجففى بالمكواه بعد متخلصى بس حطى قماشه عشان ميتحرقش واحسن حاجه بقى انك تحطى بياضات على الكنب واما يجيلك ضيوف شيليها

بنات هوا انتو بتشغلو نظام عصر الغسيل فى الغسالة صيف وشتا ولا ايه نظامكو
وهو المفروض الصح ايه

السلام عليكم
انا مطبخى خشب عمالاه من سنه تقريبا وبدات تتراكم عليه الدهون انا بنظفه بملمع الخشب كل فتره لكن الدهون بدا تسيب اثر ياريت لو فيه حاجه انضفها بيه وتكون ما بتاثرش على لون الخشب نفسه

عيون البوتجاز بتاعى نحاس بقت سوده أرجعها أزاى؟

شهيده قالت انها بتحط العيون على النار مع شويه ملح ليمون ومسحوق

ميرسى يا نواره لردك
طيب السجاد الشاجى بتغسلوه أزاى؟

sa7ar-22;10372179:
بنات هوا انتو بتشغلو نظام عصر الغسيل فى الغسالة صيف وشتا ولا ايه نظامكو
وهو المفروض الصح ايه

ماما بتشغل نظام العصر فى الشتا بس علشان الهدوم تلحق تنشف وكمان الهدوم بتبقا تقيله وشايله مايه
فى الصيف عادى مش بتشغله( او نااااااااادر جدااااا لما تشغله) .... الهدوم بتكون خفيفه وبتنشف فى ربع ساعه :D

sa7ar-22;10372179:
بنات هوا انتو بتشغلو نظام عصر الغسيل فى الغسالة صيف وشتا ولا ايه نظامكو
وهو المفروض الصح ايه

احنا بنشغله فى الشتاء بس عشان ما ينزلش مياه كتير ويبقى الغسيل خفيف واحنا بننشره وكمان ينشف اسرع

انا بشغل نظام العصر عادى فى الصيف والشتا الحاله الوحيده مبشغلش فيها العصر لما اكون مش عاوزه كرمشه جامده فى الهدوم

أفكار ذهبية لتعطير منزلك
الفكرة الأولى:


تعطير المكنسه الكهربائيه



نظفو المكنسه الكهربائيه وازيلو مابها من غبار
اعرضها للهواء عشان تروح ريحة الغبار وتجف من الماي
عطرو كيس المكنسه بعطرك المفضل او ضعو بودرة معطره او اغسلو كيس المكنسه بكومفورت ثم اعيد تركيب المكنسه وانعمو برائحة خياليه كلما شغلتي المكنسه


الفكرة الثانيه

المخدات
خذو ابرة مستشفى وضعو فيها عطر وغمسوها في الكنب او المخدات وستفووووووح رائحه عطره كلما جلستم عليها
منقول للافادة

مبروك على الجزء الجديد

افكار حلوه ورائعه

هوبا البيلدج سائل زبتحطيه على الميه وتمسحى الارضه وموش تشطفى بعديها جربيه هيعجبك بس الاخضر ريحته حلوه

,؛.يا قمرات انا عملت حاجه حلوه اوى اوى لبلنشة التقطيع البيضه دى عارفينها؟؟؟ انا جيبتها وطبعا بعد تقطييع كتير بقى فيها علامات تقطيع والوان مطرح الطماطم واللحمه وكدا المهم اخدتها وحطيتها فى طبق وحطيت فيه مايه وكلوريل الابيض ودا بيستخدم للغسيل والاوانى وحاجات كدا كتير وسيبتها ساعه ونص فيها وببص بقى لقيت ايه؟؟؟؟ لقيت البلانشه تحت بييييييييييييييييييييييضه والمايه فوق عليها كمية رواسب غير طبيعيه والله يا بنات ورجعت زى الجديده بجد اعملوها صحيه جدا جدا جدا

DodyCat;10407840:
عيون البوتجاز بتاعى نحاس بقت سوده أرجعها أزاى؟

,؛.انا باخدها هى والقعده بتاعتها واحطهم فى حله فيها مايه وخل واحطهم على النار يعنى لو شيلت الاربع العيون وبخلى واحده عشان اولعها واغلى المايه

,؛.ولما بخلص بحط اللى كان والعه دى فى الحله كدا من غير نار ويا دوب ادعكيها بسلكه صغيره كدا هتلاقيها بتبرق

بالتوفيق

كوباية مايه;10550652:
,؛.انا باخدها هى والقعده بتاعتها واحطهم فى حله فيها مايه وخل واحطهم على النار يعنى لو شيلت الاربع العيون وبخلى واحده عشان اولعها واغلى المايه

,؛.ولما بخلص بحط اللى كان والعه دى فى الحله كدا من غير نار ويا دوب ادعكيها بسلكه صغيره كدا هتلاقيها بتبرق

جزاك الله خيرا