تجمع بنات مصر لنظافة البيت (الجزء الثاني)

بنات عايزه انضف المطبخ هو خشب اعمل فيه ايه

بنات حد يعرف حاجة تشيل الصدا اللى على اللبس؟ بس حاجة تكونوا متأكدين منها مابحبش التجارب :(

marwete;10983589:
بنات عايزه انضف المطبخ هو خشب اعمل فيه ايه

Eng. BoB;10994342:
بنات حد يعرف حاجة تشيل الصدا اللى على اللبس؟ بس حاجة تكونوا متأكدين منها مابحبش التجارب :(

نفس الاسئلة ضرورى:040:

marwete;10983589:
بنات عايزه انضف المطبخ هو خشب اعمل فيه ايه

قماشه عندك تحطيها فى ميا وصابون وتعصريها كويس اوى اوى اوى وتمسحى بيها

هنا ماما بتعمل كدا ومطبخنا ابيض مشاء الله ابيض فل على طول

marwete;10983589:
بنات عايزه انضف المطبخ هو خشب اعمل فيه ايه

بصي انا لما الناس اللي بيركبو الغرف بتاعتي يوم كده جم يلمعوا الخشب قبل فرحي جابو معاهم زجاجه ببخاخه فيها خل متخفف بشويه مايه ويرشوا علي الخشب وبحته تانيه ناشفه بسرعه يلمعوه خلي بالك علشان الخشب ميشربش مايه
وعندك منظف الخشب من اي محل بتاع ادوات منزليه

Eng. BoB;10994342:
بنات حد يعرف حاجة تشيل الصدا اللى على اللبس؟ بس حاجة تكونوا متأكدين منها مابحبش التجارب :(

انا بحط على القماش ليمون وملح

بحط الملح واعصر عليه قطرات لمون تبله كدا واسيبه بلاقى الصدا اختفى


وساعات بنقعه فى الخل بس الخل بيلزق الريحه فى الهدوم

نواره2005;10829716:
بنات ممكن تقولوا اذى بتنضفوا فرش الشعر ومنكم نستفيد يا ريت كل وحده تكتب طريقتها

انا بحطها فى الغساله مع الابيض عشان تتغلى وتتعقم

nemonamanemo;10739324:
بنات اللحقوني انا نقعت عيون البوتجاز في ميه و ليمون و خل و بيكربونات الصوديوم و ملح و شويه فيري و بعد كده اديتهم غلوه علي النار

ديه كانت وصفه قريتها علي النت و لقيتها متشابهه مع وصفات كتير يعني فرق عنصر او اتنين

المشكله بقي العيون لونها اغمق مبقتش فضي بقيت رمادي عااااااااااااااااا اعمل ايه بقي

لا بص بقى هقولك طريقتى انا بحطها مايه وخل على النار لغاية لما تغلى وبعدين ادعكها بسلكه مش بتاخد مجهود ابداااااااااااااااا

poosy cat;10689460:
بنات انا كنت عايز اسئل على حاجه تنضف الكاتل الاستيلس عشان عندي فيها رواسب خشنة
مش عارفه انضفها ازاي

انا بحط مايه وخل واشغل الكاتل بتلاقى الرواسب دى طافيت على وش المايه كدا وبعدين ادعكيه بسلكه

salad;10693321:
يا بنات عندى بشكير بيج غسلته مع حاجه لونها احمر بهتت عليه مفيش حل لازاله البقعه دى

كلوروكس الوان يجنن فى الحاجات دى

Princess_miro;10705629:
بنات البورسلين الاسود لما بمسحه بيبقى نظيف و اول ما ينشف تبدى تظهر عليه اثار الموب أو الممسحة كأنه ملطش اعمل اييييييييييه
بستعمل كلور و جنرال و ديتول كل حاجة :(

بصى يا ميرو بعد ما تخلصى مسح نهاااااائى هاتى مساحه كدا مفيهاش صابون او اى حاجه ويفضل تعملى ممسحه للحاجات دى انك بعد ما تخلصى تمشى بيها تنشفى البلاط عشان تضمنى انه ميلطش انا اصلى كان عندى نفس المشكله وعملت كدا

بنات لو سمحتوا انا السجاد بتاعى من النساجون وامه تونز هو محفور وبارز كدة ولما بنمشى عليه رجلينا بتغوص جواه عارفينه ؟ يارب اكون عرفت اوصفه المهم السجادة الى فى دخلة الشقة هبطت خالص متعرفوش ازاى يرجع زى الاول بالله عليكو ضرورى

katkooota_7aboooba;11048734:
بنات لو سمحتوا انا السجاد بتاعى من النساجون وامه تونز هو محفور وبارز كدة ولما بنمشى عليه رجلينا بتغوص جواه عارفينه ؟ يارب اكون عرفت اوصفه المهم السجادة الى فى دخلة الشقة هبطت خالص متعرفوش ازاى يرجع زى الاول بالله عليكو ضرورى

وديها الدراى كلين عشان هما بعد ما بينضفوها بيعملوها بالبخار زى السيشوار فا بيرفع النسيج تانى

انما انتى مش هتعرفى تعمليه فى البيت

طب انا عندى سلوبيت لبنتى فيه حتة كدة فيها نقط سودة
كانها عفنت كدة
اعمنل ايه؟؟؟

كوباية مايه;11298385:
وديها الدراى كلين عشان هما بعد ما بينضفوها بيعملوها بالبخار زى السيشوار فا بيرفع النسيج تانى

انما انتى مش هتعرفى تعمليه فى البيت

ازيك يابسبس ياقمر معلش ازود توديها لدراي متخصص سجاد مش هدوم بس لان انا السجاده بتعت ابني ادمرت وديت رجعت زي الفل وبتلمع بس من ورا قشررت والخيوط طلعت

ساره افندي;11301871:
ازيك يابسبس ياقمر معلش ازود توديها لدراي متخصص سجاد مش هدوم بس لان انا السجاده بتعت ابني ادمرت وديت رجعت زي الفل وبتلمع بس من ورا قشررت والخيوط طلعت

اه دراى كلين للسجاد
هو فى للسجاد والهدوم مع بعض؟؟
انا اللى بشوفه سجاد لوحده وهدوم لوحده :025:

lifedrop;11298794:
طب انا عندى سلوبيت لبنتى فيه حتة كدة فيها نقط سودة
كانها عفنت كدة
اعمنل ايه؟؟؟

حطى عليه كلوروكس الوان وسيبيه هيعملك رغوه كدا ارجعى حطى تانى كلوروكس وادعكيه بايدك وبعدين حطيه فى الغساله وان شاء الله تطلع :025:

يابنات نضفوا لوحه المفاتيح
والتلاجه من بره والابواب
والازاز وغيرهم
بالويبس بيطلع اسهل واسره وبلاش صابون وزروته
جيبوا الوايبس اللى ب250 بيكون فيها 80 منديل ورحتها حلوه
والحابس السيفون والحنفيه وكده بويبس ديتول

dew.dew;11316697:
يابنات نضفوا لوحه المفاتيح
والتلاجه من بره والابواب
والازاز وغيرهم
بالويبس بيطلع اسهل واسره وبلاش صابون وزروته
جيبوا الوايبس اللى ب250 بيكون فيها 80 منديل ورحتها حلوه
والحابس السيفون والحنفيه وكده بويبس ديتول

فكره حلوه حجربها فعلا
بنات انا بره حد مغترب بره يقول لي اجيب الجاز منين
وشفاط المطبخ انظفه ازاي لانه مليان دهون

medowawa;11326377:
فكره حلوه حجربها فعلا
بنات انا بره حد مغترب بره يقول لي اجيب الجاز منين
وشفاط المطبخ انظفه ازاي لانه مليان دهون

لو انتى بره مصر هتلاقى مذيبات للدهون فى السوبر ماركت هاتيها احسن للشفاط

بس انا الست اللى كانت بتجيلى زمان تنضفلى الشقه كانت بتحط الشفاط فى مايه سخنه وتدعكه بسلكه وصابون

كوباية مايه;11328569:
لو انتى بره مصر هتلاقى مذيبات للدهون فى السوبر ماركت هاتيها احسن للشفاط

بس انا الست اللى كانت بتجيلى زمان تنضفلى الشقه كانت بتحط الشفاط فى مايه سخنه وتدعكه بسلكه وصابون

ميرسي يا قمر انا على فكره بتابع مواضيعك علطول في الاكل ومصروف البيت
انت شطوره ربنا يوفقك

medowawa;11328885:
ميرسي يا قمر انا على فكره بتابع مواضيعك علطول في الاكل ومصروف البيت
انت شطوره ربنا يوفقك

ربنا يخليكى يا حبيبة قلبى تسلميلى والله ودا شرف ليا انك بتابعينى والله :025::025::025::025:

يابنات انا بعاني مع الصدا مش عارفه ليه كدى يمكن عشان انا في مدينه فيها رطوبه
بس عندي السكاكين وسكينة الكيتشن المشكله انه مش بقعه واضحه لا في طرف السكينه وحته صغيره بس بتنرفزني وسكينة الكيتشن بقى الصدى جوه في الزاويه جامد
انا حشيلها بفرشاة سنان قديمه بس استعمل ايه وازاي انظف الصدى
السلك بيشيله بس لما بيبقى لجوه مش بطوله
افيدوني