تجمع بنات مصر فى ركن العناية بالشعر الجزء (3)

aseel 22;7483573:
بناااااااااات انا اشتريت بديل الزيت بتاع بانتين ممكن حد يقولى استعمله ازاى يعنى احطه على شعرى عادى بعد ما اغسله ولا زيه زى الزيت يتعمل بيه حمام زيت وخلاص وحد جربه وكان كويس معاه ولالا

ارجوكوا فيدونى لانى عملت تجربه انتحاريه اول امبارح وصبغت شعرى لان حماتى المصون كانت جايالناامبارح لوحدها وعاوزه تشوفنى بشعرى وشعرى بقاله فتره مش متحنى وطقطق ابيض :ss:

بجد حصلت يومها حاجه غريبه مالقتش لون احمر خااااااااااالص اللى عاوزاه ولاقيت الراجل بيقولى عندى صبغه لون احمر تيتانى واحمر خريفى قلت اجازف واخلط الاتنين المهم قلت للراجل هاتهم واخدتهم حطيتهم على بعض وقلت انا وحظى:confused::ss:










بجد طلع لون تحفففففففففففففففه بنى محمر كده روعه :D

بس المهم ان بعد الصبغه يتعمل للشعر حمام كريم وتانى يوم حمام زيت محترم

ما اقلكوش شعرى كان طرى ازاى والكل انبهر بيه

المهم رغيت كتير قولولى بقى استخدم بديل الزيت ازاى لانى بحاول اغذى شعرى واعوض اجهاد الصبغه ليه
صحيح انا استعملت نوع صبغه كوليستون 2000 وتقريبا دى انظف حاجه موجوده فى السوق ووالدتى متعدوه عليها وتحففففه

بالله عليكي ياللي صبغتي شعرك انا زيك شعري حلو وجميل وصغيره بس عندي شعر ابيض ولما اصبغه مش بيتغطى الابيض كويس وبيبان اساسا من قبل ماا غسله بيدي لون كدخ ممممممم شفاف عارفاه ده مع اني جربت جرنيه نتريس وريفلون وكام صبغه نضيفه بس الابيض مش بيتغطي حلو اخبار كليستون في التغطيه ايه؟ زي الشعر الطبيعي وشديده وليها ريحه جامد ولا ايه اصلي عندي حساسيه جامده اوي وعيني بتنفخ وتحمر وجلد راسي يفقفق ويتجررح من الصبغات الرخيصه وبتسبيها على شعرك اد ايه عشان يتغطى الابيض صح وطرقتك ازاي في الصبغ؟؟؟؟؟؟؟ولاكتيويل

roro cat;7522033:
بالله عليكي ياللي صبغتي شعرك انا زيك شعري حلو وجميل وصغيره بس عندي شعر ابيض ولما اصبغه مش بيتغطى الابيض كويس وبيبان اساسا من قبل ماا غسله بيدي لون كدخ ممممممم شفاف عارفاه ده مع اني جربت جرنيه نتريس وريفلون وكام صبغه نضيفه بس الابيض مش بيتغطي حلو اخبار كليستون في التغطيه ايه؟ زي الشعر الطبيعي وشديده وليها ريحه جامد ولا ايه اصلي عندي حساسيه جامده اوي وعيني بتنفخ وتحمر وجلد راسي يفقفق ويتجررح من الصبغات الرخيصه وبتسبيها على شعرك اد ايه عشان يتغطى الابيض صح وطرقتك ازاي في الصبغ؟؟؟؟؟؟؟ولاكتيويل

طيب متجربى حنه جلورى هى شبه الحنه بس حاسه ان فيها صبغه بس حلوه مامتى بتعملها عشان الشعر الابيض ده بتستخدم اللون البنى منها

ممكن اعرف التونيك بتاع فازلين للشعر ده حلو ولا وحش واستخدمه زى سيرم ولا ايه؟؟
وهل ينفع استخدم زيت الصبار من العطار كبديل للسيون وادلك بيه شعرى يوميا

Stacy;7488620:




حبيبة قلبى

بصى يا قمرة عايزة تطولى شعرك

1- خدى بنتوجار يفضل المستورد لو مش موجود يبقى المصرى

2- اعملى حنة كل اسبوع مرة

3- اعملى مساج يومى للفروة بليسيون كويس اوى بس بلاش هير باك دى خالص

4- و استعملى خلطة تطويل الشعر اختارى واحدة من الى 2 و استعمليها يوم اه و يوم لا يوميا بليل و اغسليها الصبح

اول خلطة

زيت الخروع+زيت لوز او سمسم بنسب متساوية

الخلطة الثانية

زيت عافية + فلفل احمر حار قطعى و نضفى من جوة و حطى فى لزيت لمدة اسبوع فى حاجة ازاز و بعد كدة صفى و ابتدى استخدمى

بس كدة حبيبى و لو عايزة ا حاجة اسئلى يا قمرة انا فى الخدمة

انا من زمان مش مؤمنة اوى بموضوع الجرجير على الشعر دى و حتى لما خدت الكورس مع خبيرة التجميل دينا الجارم لقتها بتقول نفس الكلام يعنى هو احسن حطى فى ال salad بتاعتك و كلى احسن و استخدمى احسن منة الف مرة زيت الخروع و النخاع و واظبى على استخدام ليسيون و اعملى حنة كل اسبوع بجد الحاجات دى اجمد بكتير من الجرجير

بصوا يا بنات انا مش مع اللي بيعارض الفرد وكده طب مهي واحده شعرها وحش هتعمل ايه؟ اعراض سقوط الشعر وانه يخف ويبوز ده بيحصل عشان احنا مش بنهتم بيه كويس بعد الفرد والصبغ البنت بتفرح شعري اتفرد وخلاص مش محتاج حاجه تانيه وده اكبر غلط شايفاه شكله حلو وخلاص وهو بيبقى محتاج عنايه مضاعفه واهتمام خاص عشان يفضل برونقه وجماله بمعنى شامبو كويس للشعر المفرود والمصبوغ حقن عشان سقوط الشعر حمامات كريم وزيت على طول ودهان كويس غير الفيتامينات الللي بتتاخد عن طريق الفم طبعا اكيد مفيش حد فيكم بيعمل كده لو كل واحد اهتمت بالحاجات دي بعد الفرد باءذن الله شعرها هيفضل زي ما هو ومش هيجراله حاجه وهتنبسط بشعرها المفرود

pharm4;7500731:
ياجماعة حد يعرف اى بنات مندوبات لاوريفلام وايفون فى المنصورة انا كنت عاوزة اشترى حاجات منها ةاشوف العروض بتاعتهم ياريت لو حد يعرف يبعتلى عالخاص رقمه
وكمان هل ينفع حد يبعتلى كتالوج اوريفلام وافون لشهر 11 عالخاص بلييييييييييييز ردوا علية

[GRADE="00008B FF6347 008000 4B0082"]
عندي طريقه حلوه وسريعه بتخلي الشعر طريييييييييييي وممكن تكون سمعتم عنها
مايونيز وشويه زيت زيتون ادهني شعرك واربطيه بكيس لمده ساعه وبعدها اغسليه بلشامبو ماحدش يستغرب لان المايونيز هوه عباره عن بيض وزيت وليمون او خل
انا جربته حلو جدا بس اعتقد ما ينفعش صاحبات الشعر الدهني
[/GRADE]:21_148:

pippo;7448800:
ستاسى.. بصى انا عايزة اسألك على حاجة غريبة شوية سمعتها من الكوافيرة بتاعتى وحاسة انى بدأت أتعرض لعملة نصب.. ماعلينا

انا سألتها انى عايزة اعمل حاجة تفرد شعرى من الكسرات اللى فيه وطبعا مش هستعمل كريم فرد.. وانا امكانياتى ماتسمحش اعمل علاج الكيراتين..

المهم لقيتها بتقولى انى اعمل حمام كريم عندها تحت السشوار.. وبعد كده هى تعمله بالسشوار بتاعها لأن هى أكيد هتفرد بالسشوار أكتر من انى افرده لنفسى. وبعد كده اسيب شعرى من غير ماغسله لمدة اسبوع او 10 أيام بحيث ان الزيوت الطبيعية اللى بتفرزها الراس تطلع على شعرى وهو مفرود فردة السشوار.. ومرة مع مرة شعرى هيتفرد فعلا.. وبالنسبة لطبيعة شعرى هو ناعم الحمد لله هى بس مشكلته الهيشان (وده انا بقيت بقص الاطراف المقصفة اول بأول وادهن سيروم) والكسرات.. قالتلى ان تقريبا شعرى هياخد بالطريقة دى 6 شهور ويتفرد..
انا طبعا عارفة ان السشوار الكتير بيبوظ الشعر.. بس طبعا انا كل مرة كنت هعمل بحمام كريم..

انا عايزة اعرف الكلام ده مظبوط ولا لأأأأأأأأأأأأأ؟؟؟؟؟؟؟؟؟؟؟؟

بصي حبيبتي معلش يمكن ردي جيه متاخر كتير بس يارب تقريهبالنسبه لسؤالك بما اني مجربه حاجه زي كداهو يعتبر حمام كريم عادي وبعد ما بتعملي حمام كريم بتقعدك تحت السيشوار او الموزامبليهلحد ما الشعر يستفيد قوي بالكريموبعد ما تغسبي شعرك بيتلف علي بكر وتعدي برده تحت السيشوار العمليهدي طبيعي بتفرد الشعر لانه سيشوار يعتبر وهيتنيه كدا لحد ما تغسلي شعرك ويرجع تاني بس يمكن هي قصدها ان لما تعدي فتره تعمي العمليه دي الشعر هيتحسن طبيعي لانها فتره هتهتمي فيها بشعرك..انا ان شاء الله ناويه اعمل كدا قبل الجواز بكام شهر

الله يخليكو يا بنات عندي سؤال ويارب الاقي الاجايه
انا شعري بقي بيتساقط جداااااااا
عاوزه اروح لدكتور..بس عاوزه الاول اعمل تحاليل اخدها معايا
وهما 3 تحاليل كدا بيتعملو هيموجلوبيين وحاجتين كمان
ياريت اللي عندها فكره تقولي بسرعه

تفاحه اسكندريه;7531478:
[grade="00008B FF6347 008000 4B0082"]
عندي طريقه حلوه وسريعه بتخلي الشعر طريييييييييييي وممكن تكون سمعتم عنها
مايونيز وشويه زيت زيتون ادهني شعرك واربطيه بكيس لمده ساعه وبعدها اغسليه بلشامبو ماحدش يستغرب لان المايونيز هوه عباره عن بيض وزيت وليمون او خل
انا جربته حلو جدا بس اعتقد ما ينفعش صاحبات الشعر الدهني
[/grade]:21_148:

انا قريت كذا وصفة عن المايونيز والشعر بس في مرة قريت ان المايونيز خطر اوي ع الشعر عشان في مواد كده بتضر الشعر بعد مدة بس مش فاكرة بصراحة تفاصيل - والله اعلم

roro cat;7522033:
بالله عليكي ياللي صبغتي شعرك انا زيك شعري حلو وجميل وصغيره بس عندي شعر ابيض ولما اصبغه مش بيتغطى الابيض كويس وبيبان اساسا من قبل ماا غسله بيدي لون كدخ ممممممم شفاف عارفاه ده مع اني جربت جرنيه نتريس وريفلون وكام صبغه نضيفه بس الابيض مش بيتغطي حلو اخبار كليستون في التغطيه ايه؟ زي الشعر الطبيعي وشديده وليها ريحه جامد ولا ايه اصلي عندي حساسيه جامده اوي وعيني بتنفخ وتحمر وجلد راسي يفقفق ويتجررح من الصبغات الرخيصه وبتسبيها على شعرك اد ايه عشان يتغطى الابيض صح وطرقتك ازاي في الصبغ؟؟؟؟؟؟؟ولاكتيويل

بصى غطت بطريقه بشعه والله ما عارفه اطلع الشعرايه البيضا وحماتى ما لاحظتش حاجه الحمد لله :wink:

بصى يا قمر طالما جلد راسك حساس كده للصبغه بلاش تجيبى الصبغه اللى هى عامله زى الشامبو هاتى اللى انبوبه وبتعجنيها باكسوجين هو اصلا بيجى معاها

تعملى ازاى بقى بفرشه اسنان قديمه عندك وتعملى بيها الجدور كويس قوى والشعيرات البيضا كويس قوى يعنى دول اكتر حاجه تركزى تعمليهم وانتى بتعملى الصبغه تخلى بالك ان الصبغه ما تلمسش فروه راسك خااااااااااااااالص يعنى الجدور والشعر بس وممكن حد يعملهالك لو مش مالكه وممنوع انك بعد ما تخلصى تدلكى بيها راسك كانك حاطه كريم اوعى تعملى الحركه دى لانه بتلهب فروه الراس مهما كان نوع الصبغه غالى وهموما هى سعر الواحده 28 ونص

وماما بتستعملها من زماااااااااااااااااااااااان قوى اول ما طلعت وسعات بتجيب اللى هى عامله زى الشامبو دى وسعات بتجيب دى بس الانبوبه افضل فى التغطيه وبتتحكمى فى كميه الصبغه على الشعره
بتسيبيها بقى اول مره 40 دقيقه

وعموما حتلاقى طريقتها موجوده معاها فى العلبه

وبصى التغطيه بتفرق فى طريقه الصبغ ونصيحه ايعدى عن درجه الاشقر الفاتح لو بتغطى الشعر الابيض لان فعلا ساعتها بتدى لون فاتح ولازم قبلها تعملى شعرك ببودره كده مش عارفاها الكوافيره اللى بتعملها عشان الابيض يتصبغ

ولو الصبغه بتتعبك فعلا يبقى نصيحه اعملى الحنه

واهم حاجه بعد الصبغه انك تهتمى يشعرك يعنى تستخدمى شامبو للشعر المصبوغ وكريم للشعر المصبوغ وتحملى حمام زيت مره فى الاسبوع وتستعملى اى نوع حمام كريم بعد كل غسله ليه عشان تعوضى اجهاد الصبغه ليه

lighte111;7529705:

انا بأه شعرى جاف اوى اوى وكنت بستعمل ليسيون تيتان بقالى 10 تيام وبلاقى شعرى بيقع برضه وبيقع اكتر كمان بعد كل ما ادلكه بالليسيون ده عادى ولا ايه يا بنات انا بجد محتاره حاسه انى قربت ابقى قرعه بجد

حد يقولى انهو احسن ليسيون تيتان ولا ليسيون هيلثى ايفا بالصبار

ردوا عليا ارجوكوا

بصى يا قمر اولا كده انزلى الصيدليه هاتى كبسولات اوكتا زنك وامشى عليها لمده شهرين وبعدين بطليها

تانى حاجه روحى الصيدليه وهاتى كريم روتاج ودلكى بيه فروه راسك مره الصبح ومره بليل تدليك بحركات دائريه هو مش غالى خالص اعتقد بحاجه وعشرين او حاجه وتلاتين


هاتى بقى زيت خروع وزيت الثوم زيت التوم ده ياتجيبه من العطار يااما تجيبى زيت كازانوفا بالثوم اى واحد فيهم وتخلطيهم على بعض وتعملى حمام زيت بمعدل يوم ويوم


اخر حاجه بقى بلاش تلفى شعرك طقيه خالص بلاش تعمليه كحكه وتشديه تعمليه ضفريه فقط لاغير

اقسمى شعرك تلت وتلتيت التلتين ورا هلى طولهم والتلت القدمانى قصيه قصه طولها لحد اخر وشك عشان تريحى شعرك وما تشدهوش جنبى الشد واللف الطاقيه وكمان التوزك الاستك ما عدا طبعا فى اخر الضفيره استعملى الكلبس واهه الشتا جاى افرديه فى البيت على قد ما تقدرى اكبر وقت

اه بلاش تسرحى شعرك وتحطى عليه زيت استخدمى اى كريم تسريح عندك كريم كازانوفا لو مش لاقتيه هاتى برت بلس بالعسل او بالبيض الاتنين حلوين وممكن تجيبى كابسولات فيتامين E وتحطيها على كريم التسريح ل جبتى برت بلس كازانوفا فيه طبيعى وكمان ممكن تحطيها على حمام الزيت وحمام الكريم

وان شاء الله تلاقى نتيجه ترضيكى

مساء الخير يا بنات
بختصار كده كنت مره في السوبر ماركت بشتري حاجات وكنت عايزه شامبو وحمام كريم بصراحه لفت نظري ان بونا ويل نزل شامبو مكنتش شوفته قبل كده وجمبيه حمام الكريم بتاعه وزيت كده كمان كانوا جمب بعض ولقيت حمام الكريم نوع منه بالمشمش ونوع كمان بالقمح المهم
انا كنت جربت حمام كريم بونا ويل زمااااااااااااااااااااااااااااااان وكان اوكي
قولت لما اجرب الانواع الجديده دي وفعلا اخدت الشامبو وحمام الكريم النوعين
وروحت وقولت اهو اجرب مدام سعرهم رخيص مش هيخسروا
والله يا بنات مش بكدب انا كنت شاريه شامبو قبلها بيوم ماركه و غالي وتاني يوم استعملت الشامبو من غير حمام كريم ولا زيت ما شاء الله حسيت اساسا بملمسه وهو لسه على شعري بغسله ناعم ومفرود ومش متشابك(اصل الشامبو بيتعرف كويس ولا لاء وهو لسه بيتغسل على شعرك هههههههه)
جيت تاني يم جربت حمام الكريم ما شاء الله لقيته تحفه واحسن من ماركات كتير غاليه عجبني جدا وتحسه فعلا بيغذي الشعر وخلاه ناعم اوووووووووووووووووووي
وكل ده لشامبو تمنه 6.5 جنيه مصري
وكمان حمام الكريم دي تجربتي مع الماركه دي وعشان كده حبيت افيدكم بحاجه سعرها رخيص اما مفعولها؟؟؟؟؟؟؟؟؟ هتشوفه بنفسكم جربه واحكموا ووفروا فلوس الشامبو وحمام الكريم الغالي استفيدوا بيه في حاجه تانيه
متنسوووووووووش ادعوووووووووووووووووووووووووووووووووولي ربنا يشفيني ويفك كربي

مشكره اوى اوى على ردك وربنا يجازيكى كل خير بإذن الله طيب ايه رايك بليسيون تيتان وايفا بالصبار انا اسمع انه الصبار بيجفف الشعر وانا شعر جاف اصلا ايه رايك يا ترا

roro cat;7561916:
مساء الخير يا بنات
بختصار كده كنت مره في السوبر ماركت بشتري حاجات وكنت عايزه شامبو وحمام كريم بصراحه لفت نظري ان بونا ويل نزل شامبو مكنتش شوفته قبل كده وجمبيه حمام الكريم بتاعه وزيت كده كمان كانوا جمب بعض ولقيت حمام الكريم نوع منه بالمشمش ونوع كمان بالقمح المهم
انا كنت جربت حمام كريم بونا ويل زمااااااااااااااااااااااااااااااان وكان اوكي
قولت لما اجرب الانواع الجديده دي وفعلا اخدت الشامبو وحمام الكريم النوعين
وروحت وقولت اهو اجرب مدام سعرهم رخيص مش هيخسروا
والله يا بنات مش بكدب انا كنت شاريه شامبو قبلها بيوم ماركه و غالي وتاني يوم استعملت الشامبو من غير حمام كريم ولا زيت ما شاء الله حسيت اساسا بملمسه وهو لسه على شعري بغسله ناعم ومفرود ومش متشابك(اصل الشامبو بيتعرف كويس ولا لاء وهو لسه بيتغسل على شعرك هههههههه)
جيت تاني يم جربت حمام الكريم ما شاء الله لقيته تحفه واحسن من ماركات كتير غاليه عجبني جدا وتحسه فعلا بيغذي الشعر وخلاه ناعم اوووووووووووووووووووي
وكل ده لشامبو تمنه 6.5 جنيه مصري
وكمان حمام الكريم دي تجربتي مع الماركه دي وعشان كده حبيت افيدكم بحاجه سعرها رخيص اما مفعولها؟؟؟؟؟؟؟؟؟ هتشوفه بنفسكم جربه واحكموا ووفروا فلوس الشامبو وحمام الكريم الغالي استفيدوا بيه في حاجه تانيه
متنسوووووووووش ادعوووووووووووووووووووووووووووووووووولي ربنا يشفيني ويفك كربي

ربنا يشفيكى ويفك كربك
على فكره انا كنت استخدمت الشامبو مره من سنتين وكان حلو اوى معايا
ومن ساعتها ملقيتهوش تانى خالص فى اى مكان لحد مازهقت بقى
وطبعا حمام الكريم لا يعلى عليه

جبتي شامبو بوناويل منين يا قمر

بنات ممكن اللى استعمل زيت جدايل من عبدالصمد يقلى بيستعمله اذى يعنى حمام زيت وله دهان على الشعر

ومنين شامبو بوناويل الاقيه

بيتهياءلي في اي صيدليه تلاقيه او ممكن تقولي للصيدلي يجيبهولك انا جبته من اولاد رجب

دلوقتى أنا عايزة أشتى بيبى ليس بس مش عارفة أحسن موديل فيها إيه علشان هما كتير ممكن حد يساعدنى أختارها إزاى ( أى موديل) ؟

وانا عايزه اشتري سيشوار بفرشه عشان مبعرفش استخدم اللي فرشته لوحدها بيتعبني ويزهقني ناس شكرتلي في براون انا شعري ناعم ومش تقيل ولا خفيف ماشاء الله بس انا عايزاه للطواريء تنصحوني باءيه؟ هل براون كويس فعلا وسعره كام واجيبه منين واللي يعرف انواع تانيه يقول وفي بيبقى فرشته دواره وفي بيبقى عاديه انه الاحسن فيدوني بخبرتكم ياللي عندكم سيشوار انا ععندي واحد عادي وفرشته لوحدها بس مش بستعمله عشان بيزهقني

يا جماعه عايزه رد على استفسارى عشان اشتريه ولا لا "تونيك فازلين للشعر "حلو ولا لا ويحل محل السيرم ولا يحل محل لوسيون ايفا بالصبار

maro;7576053:
يا جماعه عايزه رد على استفسارى عشان اشتريه ولا لا "تونيك فازلين للشعر "حلو ولا لا ويحل محل السيرم ولا يحل محل لوسيون ايفا بالصبار