" سيد جنيد للعطور " - موضوع متجدد

تسلمين اختي على الموضوع ان شاء الله البنات يستفيدون منه

الله يعطيج العافيه

هنوف الحلوه;8362985:

اختى الغاليه سرور ريحتها ما لها علاقه بالعود كلش

هي تقليد حق عطر فرنسي اسمه بلاك اكس اس
اما اذا تبين عود اسئلي عن لاهج هو تقريبا جديد
وارائك هم عود بخاخ وسحر عود مئه بالمئه وبائنه عود سعره 10 دنانير
وفي عود بخاخ بخمسه وعشرين دينار لون الغرشه اسود فيه فضي روعه بصراحه

وشمي بعد شغف عود سعره شوي غالي بس روعه وشمي رؤى هم عود وايد حلوه الريحه سعرها مثل شغف 50 دينار رتاج روعه بخمسه وثلاثين دينار وانا في الخدمه دوم في وايد انواع ترى

خذت من عدهم هياو دالياو مشموم رحان او ريحا مشموم حبيته بصراحه وحجر وفنن وغروب وفي عطورات ثانيه ماتذكرها

يعطيكم العافيه استفدت من الموضوع ومن المواضيع المشابهه اللي عرضت عن جنيد

رحت جربت كم نوع من عطورهم الفرنسيه اللي بدون عود
احبها اكثر من العربيه

واخذت
نواعم .... حلو خفيف زي ريحة وردة الفل الابيض , علبته الورديه يجي القلب اللي على شكل كريستال وداخلها العطر على شكل دهن بالتوله 10 ملم
ومافي منه عطر بخاخ
وسعره اظن 60 ريال

واخذت
نواه ........ على نفس طريقة نواعم يجي بالتوله داخل علبة شكل الكريستال بس هذا اغلى شوي 5 ملم ب 45
وريحته برضه خفيفه على نظافه ليمون على سبايسي ماادري اظن البياع قال فيه مسك واشياء ثانيه بس مااذكر ان كان لنفس هذا النوع
عجبني برضه


وعندهم بعض العطور روايحها متقاربه زي كريم اللمسه الذهبيه الوردي الذهبيه ولمسة ضياء الاسود الفضبي وكريم الذهب ريحتهم جايه على فانيلا وسويت هذا اذا ماغلطت ونسيت
بس فيه فروق بسيطه فيهم
عجبني اكثر واحد منهم كريم معطر ذهب ريحته زي الكيكة فانيلا على حلاوة سكر بس ماجربته ككريم ولمعته ذهبيه حلوه
بس اظن انهم كريمات كتعطير ولمعه وليس ترطيب


وبعد فيه عطر وردي موجود منه كريم نسيت اسمه اذكر انه عجبني بس ماجبته وناسيه اسمه

وجربت فنن الوردي اللي عليه ورد فضي ميزته انه عطر بلمعه
بس ماجبته اختلطت علي العطور وماقدرت اميز ريحته اظن ب 120


وجربت طيوب كان قوي كبدايه وماعجبني بس بعد اختلطت علي الروايح ولاعرفت اميز ان كان يعجبني او لا

وجربت مرايم او مريم اللي بعلبه معدن ريحته من روايح النظافه هو وواحد بعلبه مستطيله شفافه نسيت اسمه روايحهم نظافه بس الثاني احلى من مرايم
بس برضه اختلطت علي الروايح وماعرفت اميز

وبنفسج وسرور كان ودي اجربهم كانوا مخلصين


وادري انه بعض اللي عجبني ماعجب غيري وبعض اللي عجب غيري ماعجبني
الناس اذواق كل واحد يعجبه شي بس قلت افيدكم بتجربتي لاني استفدت منكم كثير جزاكم الله خير

واللي يسال عن فرع الرياض فيه فرع في خريص بلازا الدور الاول عند كاشيرات جيان عاليسار

عطورهم يابنات كلها شرقيه
انا جربت مزيه وغروب روووووووووعه بس رجاليه
وزهر البنفسج حلو بس بعد غتره يتغير ريحته في الملابس يصير كأنه حمضيات

عندهم عطورات تناسب اطفال رضع؟

شكرااااااا

فعلا سيد جنيد رووعه وانا دايم اخذ حتى لزوجي

بنات عنده مخمريه للشعر ؟ مادري اذا الكلمه صح !

المهم اقصد عطر للشعر او شي يجي طقم للجسم وللشعر ومعاه عطر

وبعد ماحد تكلم عن البخور ؟

الي مجربه بخور تخبرني

وبالشرقيه اي بوابه في الحياه بلازا ؟ وكذلك مجمع الظهران اي بوابه ؟

رووووووووعة تسلم ايدك ياقمرايا الله يعطيكي الف عافية

بنات ماحد رد علي
عندهم بخور حلو ومخمريه للشعر ؟

اذا رحنا نسألهم لك :)

بسالكم بنات سيد جنيد يبيع لوشن اولا واذا كان يبيع شنو احلى شي مجربينه
وبعد بسالكم عن مخمريه لشعر احلى شي شنو عنده
انتظر ردودكم

حــلا;8648388:
بنات ماحد رد علي
عندهم بخور حلو ومخمريه للشعر ؟

اي عندهم مخمرية و حلووه اخذ منها مو وايد ثقيله وخاصه اذا حطيتها وسويتي اشتشوار يتم ريحة شعرج كانه امبخر

سيد جنيد معروف بعطوراته الحلوة وأسعاره الأحلى
تسلمي حبيبتي

love q;8650742:
بسالكم بنات سيد جنيد يبيع لوشن اولا واذا كان يبيع شنو احلى شي مجربينه
وبعد بسالكم عن مخمريه لشعر احلى شي شنو عنده
انتظر ردودكم

هلا خواتي ارجو الاجابه علي انا اريد اعرف
عطر سروروطيوب والبنفسج وغروب وفنن
هل هم رش او دهن واريد اعرف اسعارهم با الدرهم
والسموحه منكن خواتي الحلوات

غروب فديتج اخذته من قبل يومين

ب 140 درهم

بنفسج 100 درهم

فنن 120 درهم

وهاذلين رشوش

سرور وطيوب افتكر دهن

ماعرف اسعارهم بس سرور افتكر سعره قليل كلش

عندهم عطر ريتاج دهن عود هندي مره حلو وقوي يصلح رجالي
وعندهم الطوفريات ررررروعه شريت منها لزواجي

شريت منه لوشن حق العرايس ريحة جنان

اسمه(اللمسة الذهبية)