ديجا8888;4686223:
ازيك ياقمر
معلهش هتعبك معايا
انا لقيت بذرة القطونة
بس فى حبة مشاكل كدة
انتى قاتى دقوها فى الهون علشان تتكسر
المهم انا دق فيها مش بيحصلها حاجة خالص ولا بتتكسر ولا تتغير خالص
وكمان لما بحط عليها الميه الدافيه زى ما قلتى برضة مش راضية تمسك على وشى
مع انى كنت بحط المية بسيط وواحدة واحدة زى ماقلتى بالظبط
طبعا لما حطيتة على وشى مكنش شدة جامد وكنت حاسة انه مش ماسك اوى وكمان حطيتة وفضيلت نايمة على ظهرى علشان مش يقع
مش عارفة اعمل ايه
انه اسفة حبيبتى هتعبك معايا
كمان انا عايزة اشكرك على اهتمامك بالرد على كل الردود اللى بتيجى فى موضوعاتك
جزاكى الله كل خير ان شاء الله
يا جميلة انتى تعب ايه بس ولو مليون سؤال انا جاهزة ولا يهمك !!!! بصي اول حاجة بالنسبة للدق انا قلت انه موش مطلوب انها تتدق اوى لأنه موش مطلوب اصلا انها تنطحن او تبقي ناعمة :schmoll: بس الغرض من الدق هو انك لما تدقى فوق البذور هتفرز المواد الفعالة الى فيها وموش مهم خاااااااالص انها تبقي ناعمة او تطحن شوية دة موش مهم لكن المطلوب بس هو الدق شوية وخلاص عشان نستفاد من المواد الفعالة الى جوة البذرة لكن الدق الجامد اوى عشان تنطحن او تتكسر مالوش لازمة ولا هيساعد فى تثبيت الماسك وانا كمان اما بدقها موش بيجرالها حاجة
الحاجة التانية انه مثبتش دى بقي يمكن سببها انه البذور مخلوطة ودى كتبت عنها العضوة الجميلة أزميرالد وهتلاقي ردها تقريبا فى صفحة رقم 4 أو 5 أو 6 ومعلش حبيبي هتعبك فى التدوير شوية بس انا غصب عنى مستعجلة شوية وموش عندى لسة وقت احدد الصفحة بالظبط بس ان شاء الله هتلاقي التعليق دة فى صفحة من دول ماشي يا بيبي ؟!!
والسبب التانى انك يمكن اما ضيفتيى الميه مقلبتيش كويس والتقليب مطلوب عشان افراز الجيل وممكن كمان تضيفي ميه سخنة احسن ومتخفيش هتبرد علطول اول ما تحطيها عالبذور وموش هتأذى وشك
وعلى فكرة انا الى بشكرك لأنى ملاحظة انك بتقري الموضوع كله وصفحات التعليق والردود من العضوات ودة مهم عشان فيه تعليقات وردود بتبقي مفيدة فعلا وانا عن نفسي اما بقرأ اى موضوع بعمل كدة برده
يلا خلاص مستنياكي تطمنيني فى أى وقت :flower: