الرضاعة الطبيعية تفشلّني !! -- مووضووع ساخن للنقاش !

جمـــانة;4334581:
السلام عليكم ورحمة الله وبركاته،


جاية اليوم وعندي موضوع ساااااخن للنقاش .. اتوقع ..

هل تعدين الرضاعة الطبيعية امراً محرجاً، او غير متحضر؟
لا طبعا الرضاعه الطبيعيه مدعاة للفخر و ليس الخجل و لا اجمل من احساس الأم بحنان طفلها و العكس و لافوائد في حليب الأم لا يمكن الطفل يحصلها في اي تركيبه - طبعا انا ما اريد اللي ما قدرت ترضع طفلها طبيعي لظروف قاهره تزعل مني -
هل تخجلين من ارضاع طفلك بالاماكن العامة ؟ ( مجتمعات النساء المغلقة فقط وتحت غطاء ) ؟
في البدايه كنت ما اعرف ارضع بس ما اخجل ابدا كنت ارضع كنت ارضع بالسياره و في المسجد و في كل مكان

هذا حق للطفل و بعدين الحمد لله بلادنا كلها فيها حمامات نظيفه في المولات المحترمه و غرف رضاعه و مسجد نظيف و سياراتنا مظلله او مخفيه ممكن ترضعي في اي مكان

هل تعتقدين ان الرضاعة تسبب ترهل الصدر واعطائه مظهراً غير جميل؟

يختي كل شي اخترب فينا تشققات و كرشه و ووزن زايد جت على الصدر
كله يهون على خاطر النونو و باذن الله كله بيتعدل بالرياضه

..

:9_28:

[GRADE="00008B FF6347 008000 4B0082"]موضوع يستحق النقااش مشكوره جمانه على فتح هالموضووع
وانا يوم كنت حامل ما كنت افكر في شي غير ان ارضع بنتي طبيعي لانه هذا حق من حقوقها مدام مافي سبب يخليني اقطعه عنها
وبصراحه ما اخجل ارضع بنتي صوب جماعه كلهم بناات يعني شي عاادي ما اخجل منه وانا لين اطلع كله ارضع بنتي فسياره وكون متغطيه عدل وقعدتي طبيعيه ولا كأني قاعده ارضع وانا من النوع اللي ما احب اطلع واايد يعني ولا مره طلعت وتوهقت على الرضاعه
وعلى ترهل الصدر فعلا الصدر يتغير واايد ويصير مترهل بس شسوي هذا شي طبيعي وانا اتحمل علشان بنتي هو في اشياء في الجسم بعد تتغير بعد الولاده واعتقد كل الامهات جربوا هذا الشي بس بعديين رجع كلشي طبيعي فيهم
والحمدلله انا للحين ارضع بنتي طبيعي وانشاء الله اقدر ارضعها سنتيين[/GRADE]

انا في ولدي الاول ارضعة بس يوم اشوفه مايرضى يشرب وخاصة ان عندي الحلمات متشققة ويظل يبكي على طول المرضعة وبعدين رفض صدري بتاتا لكن في ولدي الثاني الحين قلت مافيه لازم ارضعة طبيعي والحمد لله الله وفق لكن ملاقية صعوبة اذا باروح مجمع لاني مااعرف ارضعة وخاصة اذا بكى وغرفة الصلاة بعيدة احتاس معاه لكن مع نصايح الخوات ان شاء الله راح اتلافه هالشي وعن الاحراج لا مايسبب لي احراج ابدا وعن الترهل الصدر بيترهل سواء رضعت او مارضعت لانو يكبر في الحمل

مشكورة حبيبتي جمونه على الموضوع

مشكووووووووووووره جمانه عالموضوع وانا اول الايام كنت استحي ارضع بنتي قدام احد حتى قدام زوجي:o بس مع الايام صار شي عادي بس قدام الناس ما اعرف ارضع بنتي تعفسني بالصياح وصرت اعطيها صناعي مع طبيعي بعد ما قل الطبيعي بسبب تغديتي السيئه:( وناويه اكمل معاها الطبيعي سنتين والله كريم

جمانه

عورتي قلبي

الحليب عندي قليل جدا جربت كل شيء وقبل ما أحمل قلت للدكتوره قالت طبيعة جسمك

وهرموناتك كذا

مثل ما قالو الأخوات بعد الحمل ظليت أدعو أني أقدر أرضع طفلي والحمد لله في اليوم الثاني

ولادتي قيصريه حاولت أرضعه والحمد لله تقبل وعرف يمسك الحلمه مع أنها صغيره وورعته أول شهر

وأنا كنت تعبانه طول فترة النفاس دخلت المستشفى وأصرت الدكتوره أني أجيبه معي عشان

الرضاعه بس الوالده رفضت قالت روحي تعالجي وأرتاحي وأجيبه لك وقت الرضاعه ظليت 5أيام

أرضعه لما يجون الزياره بعدها مليت من المستشفى وتحسنت حالتي شوي وطلبت الخروج

ظليت أسبوع في البيت وبعدها تعبت أكثر ورجعت تنومت في المستشفى وأعطوني أدويه

ومضادات حيويه ما تصلح للرضاعه وللأسف توقفت:confused:

بعدما طلعت من المستشفى ظليت أسبوع ما رضعته خفت أضره من الأدويه ولما سألت الدكتوره

قالت خلاص رضعيه لما جيت أرضعه خلاص رفض صدري ولايرضى يمسكه من قبل كان يصيح لأنه

مايشبع وألحين تعود على الصناعي وحاولت ألين صار عمره أربع شهور وبدون فايده وأنا أتعذب

وأقول لكل أم الرضاعه الطبيعيه مافيها أحراج هذي نعمه من الله وأسأل ألي محروم منها ليش الأم

ماتنحرج من العلاقه الخاصه مع زوجها بل تفتخر أن زوجها ما يستغني عنها ليش ماتنحرج لما

يقبلها أويمسك يدها أو يأكلها قدام أحد آسفه على الجرأه بس هذا شيء واقعي ونشوفه بعيونا

ولما ترضع طفلها تنحرج أيش هالتفكير

وعن ترهل الصدر طبيعة الجسم لهادور حريم يرضعون عدة أطفال وصدورهم ما شاء الله وبنات مل

تزوجوا صدورهم مترهله وكل تفكر أنها بتتقدم في السن وما في شيء يضل على حاله

فلا تبخل على طفلها حتى لو بتخسر أثمن شيء

صدقوني من أول ما رضعته صار عني تشقق الحلمه وصبرت وتحملت والحمد لله كتبت لي الدكتوره

مرهم حطيت منه كم مره ما شاء االه ولا كأنه مر الألتهاب

آسفه على الأطاله والجرأه

انا شخصيا ارى ان على المرأة ان ترضع طفلها لوحدها بعيد عن كل الاعين ، اعتبر هذا الشيء خاص جدا ، وكمان لازم تخاف من العين ياما مرضعات اصيبوا بالعين اثناء الارضاع .

تفشلني
طبعا الرضاعة الطبيعية نفشلني
لييييييييييييييييييييييش؟؟
لاني ما رضعت بنتي
ولليوم وبكرة ندمانة ع هالشي
وانصح كل ام اذا مافي اسباب تمنع فلا تتركي الرضاعة الطبيعية ابد
شعووور جميل ومفيد و مافي اجمل من ان يكون
ولدج بين ذراعيج ومضموم الى صدرج ويشرب من ثدييج

الله يحفظ اعيالكم يارب

ام صلوح لا يضيق صدرك

هذا امر الله

يعني الأم مو لازم تحمل نفسها اكثر من طاقتها

انتي ظرفك قاهره شو تسوي بعد !!!

سويتي اللي عليكي و زياده

الحمد لله على كل حال

في سؤال هل في احراج لما ترضعين بوجود محارمج مثل الأخ او الأب او والد الزوج؟ وهل تغطين و لا لأ ؟ شاركونا

في سؤال هل في احراج لما ترضعين بوجود محارمج مثل الأخ او الأب او والد الزوج؟ وهل تغطين و لا لأ ؟ شاركونا

white-mocha;5289348:
في سؤال هل في احراج لما ترضعين بوجود محارمج مثل الأخ او الأب او والد الزوج؟ وهل تغطين و لا لأ ؟ شاركونا

اكيد بخطي صدري لانه مو منظر نهائي يكون صدري ظاهر ، وكمان بخطي بشرف خفيف والف ظهري شوي واخذ زاويه على جنب

حتى ابني الاخير لما كنت ارضعه كنت امام ابنائي الكبار كنت اغطي صدري (f)

للرفع

تسلم ايدك جمانة على الموضوع الخطير
و فعلا انا مع الرضاعة الطبيعية 100%بس للاسف لما نور جتلها الصفرا الدكتور قاللي لازم اكمل لها بحليب صناعي و طبعا اتعودت عليه و حسيت ان الرضاعة الطبيعية قلت بعدها و نور رفضتني و لما بقيت اصمم على الطبيعي و امنع الصناعي نزل وزنها و هي شهرين و نص بقى 2900 جرام فالدكتور قاللي لازم ترجعي للصناعي و مع الوقت بقت تاخد الطبيعي مرة واحدة بس في اليوم
و لما كنت بارضعها طبيعي كنتباتكسف جدا ارضعها قدام حد و مهما اتغطى احس اني باينة برضه
وبالنسبة للترهل اكيد البيبي اهم من اي حاجة

انا مع الرضااعه الطبيعيه وبقووه بعد
وبالعكس ما انحررج واذا ابي ارضعه ما ارضعه في اي مكان اروح اي غرفه فاضيه وارضعه فيها شالمشكله واذا في مجمع تجاري او شي ما اودي البيبي معاي اخليه عند الوالده هذا طبعا بعد مايكمل 6 شهور ويبدأ يأكل لان قبل هالفتره انا ما اطلع من البيت ههه
والله الرضاااعه شعوور غررريب
انا الحين فطمت ولدي من الرضااعه لاني حامل والله انا تعذبت اكثر منه احس شي ناقصني اتذكر لما كان يجيني بسررعه يبي يررضع ولما يرضع العب معاه واسولف معاه يضحك يطلع طرف لسانه هههه والله شعوور حلو ويقوي العلاقه بين الام وولدها
استغرب من اللي مايرضعون عيالهم برغبه منهم صراحه حارمين نفسهم من هالاحساس الحلو

وتسلمين يالغلا ع الموضوع

غلا قطر

متى كانت الرضاعة الطبيعية أمر محرج أو غير متحضر ........أقول لكل وحدة ما تحب ترضع ولدها ليش أصلا فكرتي تحملين فية هي الأمومة حمل و ولادة بس ,ولا ماكان الرسول صلى الله عليه وسلم يضع المرضعه أي طفل بمثابة ألام للولد ...وعلى فكرة ِشفت شريط أمريكي أسمة دايت أف أمريكا على النت أشيا مريعة عن حقيقة الاطعمة المصنعة ومن بينها مصنع حليب أطفال البقر قاعدة تشرب من ميت الصرف الصحي كاما هي من المجاري مباشرة مقرفة .....فياأختى ألام ضعى جنينك على صدرك وأدعي الله وأكثري من الاستغفار.........وأستغفر الله...شكرا على الموضوع

والله انا كنت ارضع بنتي بس اذا رحت لاحد استحي اني اطلع النهد قدامهم وارضع حتى من خواتي استحي هذا السبب اللي خلاني استمر على الصناعي بس الثاني ناويه باذن الله ارضعه

انا مع الرضاعه الطبيعيه لان ربنا ماخلق لكل انثى ثدي الا عشان الغايه هذي

صح هي في البدايه متعبه جدا وعلى قولتهم الرضاعه الطبيعيه جهاد بس الوحده تحتسب الاجر عند الله عز وجل

وبالنسبه للمجتمع النسائي مافي اي خجل اني ارضع طبيعي بالعكسسس كلهم رضعووو من امهاتهم

عااااااااااااااااااااااااااااااااااااااااااشو البنات المرضعات جك جك جك
نبي بعد مشاركات حياكم تفضلو
خل نسمع اكثر و اكثر :wink:

آآآآآآآآآآخ لاتذكروني بالهموضوع

أني خاطري عدل أرضع ولدي من صدري

بس اني ولدت في الشهر السابع وصار ولدي في الشيشه شهرين وكنت أروح أشفط ليه وكان يطلع كلش قليل

والحين نشف كامل .. ويوم عطوني اياه حاولت معاه عشان يشرب من صدري .. مايرضى ويقعد يصيح .. لان تعود على المرضعه خلاص

متابعه