الرضاعة الطبيعية تفشلّني !! -- مووضووع ساخن للنقاش !

أنا من يوم ان بنت تعتريني مشاعر حنان وأنوثة مو طبيعية إذا شفت أم ترضع طفلها

أحب أشوف صدرالأمهات والحليب ينزل في فم أطفالهم

من وأنا صغيرة إذا في مرة ترضع ولدها وكاشفة عن صدرها ألازمها لين تخلص

اتفجر أنوثة وهي تطلع صدرها بحنان ورفق وتحطه في فم ولدها

بعد مااشوف هالمنظر أروح غرفتي وآخذ عروستي واقلدهم

حتى قبل لا ابلغ ويصير عندي صدر كنت أحشي جسمي بأي قماش وأوقف قدام المرايا وأقلد على الأمهات:21_207:مثل أني أمسك صدري وأقول (صدري محتقن)

والله شعور فظييييييييييع من قبل الزواج وأنا اتحلم فيه (حتى شكيت أني مو طبيعية)

انقهر اتقطع إذا سمعت البنات يتدلعون ويقولون مابقى صدري أول يومين وخلاص بسرعه تتنازل عن الطبيعي .

الحين أنا حامل

وانتظر اللحظة اللي المس فيها صدري وهو مليان حليب والقمة ولدي وانظر في عيون ولدي وهو يمص

من الآن أنا جالسة أدرب نفسي على أوضاع رضاعة مختلفة مثل أرضعة وأنا منسدحة بالسرير,أنا منسدحة على بطني وهو تحتي .

أموت في الرضااااااااااااعة تفجر أمومتي

بالنسبة للحياء

أنا اتخيل نفسي أني أخجل أرضع ولدي قدام أهلي لأني متغربة عنهم وبنزل لهم وولدي بيكون عمرة 9شهور يعني توهم بيشوفوني أرضعه:21_207:استحي

فأختار أني أروح لغرفة فاضية وأرضع ولدي براحتي

بالنسبة للمجمعات والدوام في شفاطات تسمح لك أنك تحفظين الحليب في زجاجة وتعطينه ولدك في الوقت اللي يكون من الصعب عليك الارضاع

انا مع المؤيدين للرضاعة الطبيعيه ..والحمد لله ارضع بنتي طبيعي..
وهي رافضه الصناعي بالمررررة ما تتقبله..كنت احاول معاها ترضع صناعي
بس عشان يزيد وزنها ..مع نصايح الطبيب,,بس بعدين انا رفضت اعطيها صناعي
احس بوجع في قلبي اذا مسكت المرضعه وانا اعطيها وياها :cry:
اتم تطالعني وكان في عيونها عتب..فقطعت عنها الصناعي وما شربت غير نصف العلبه بس
الحين ارضعها طبيعي..وما علي من شكل الصدر يعتدل بالرياضه ويرجع احسن عن قبل
وثواب الام مع كل رضعه اجر من عند الله..:yes:
والبركة في الماما وعمتي وتشجيعهم وخواتي بعد مع انه لاقيت صعوبات
واااااجد باول الايام وكنت ابكي واتوسل واصللي لين حققت هدفي
والحمـــــــــــــــــــ:up:ـــــــــــــد لله ..
وانا ما احب أرضع بالاماكن العامة أنا اصلا اذا بطلع بتسوووق اخليها مع أمي وأخواتي
ما يرضون يخلوني أروح بيها..يمسكونها لين ارد ..وفي بيت الاهل ..كلهم عندهم اطفال
رضع يعني تقريبا نفس الحاله ..خخخخخ وكأن تجمع للامهات المرضعات بيكون:2_106: ههههههه

موضو مهم ويهمن كل ام خصوصا اللي لها اول تجربة لامومة

انا في البداية كنت استحي ارضع حتى جدام اقرب الناس

بس مع الايام خلاص تعودت

بس نبي نعرف كل وحده متى فطمت ولدها ..؟

انا افكر لين 8- 10 اشهر خلاااص يمكن افطمه وطبعا يعتمد على رده فعله اذا كان يعض ويرفض الرضاعه بوقف قبل

أنا مع الرضاعة الطبيعية و بقووووووووة بعد ... أنا لما ولدت بنتي بالمستشفى بالصبح جابوها لي عشان أرضعها و طبعا كنت قارية عن الرضاعة الطبيعية و فوائدها أول شيء ضميتها لصدري و بعدين حاولت أرضعها و ما عرفت لأن حلمتي داخلة على داخلة و ما عرفت تشرب و صارت تبكي و أنا أبكي معها لأني أبغى أرضعها طبيعي قامت أمي مسكت صدري و ضغطت و خلينها تشرب ظهرت الحلمة شوي و صارت تشرب يادوب هذا أول يوم و طبعا ما كان يطلع من صدري حليب كانت تطلع المادة اللي قبل الحليب بس و طبعا هذي المادة فائدتها مو طبيعية مررره مفيدة و باليوم الثاني جابوها لي و هم الحلمة داخلة على داخل و لا عرفت أرضع قامت الممرضة جابت لي أبرة و قمت أستخدمها عشان تبرز الحلمة و يمديها تشرب و شربت مع إن ما كان يطلع الا بس المادة لسا مطلع حليب بس كان أحساسي و أنا أرضع مررره حلو مبسوطة و حسيت بحنان رهيب بأتجاه بنتي و طبعا ما طلع عندي حليب الا بعد 5 أيام و قليل بعد بس ما أستسلمت أصريت أكثر أرضعها طبيعي و رجعت البيت و صرت أستخدم الأبرة و الحلمة الصناعية لين تعودت بنتي و برزت الحلمة صح و صارت تشرب و طبعا صرت أكل رهش كثير لأنه يذر الحليب و صار يجيني حليب و ستمتعت بالرضاعة الطبيعية و طبعا شاء الله إن حملت و بنتي عمرها 11 شهر و بكيت كثير لأنها صغيرة و ما راح أقدر أرضعها لأن كان ودي أرضعها من صدري و عمري ما فكرت بسالفة ترهل الصدر و لا خطرت على بالي كل همي أن بنتي ما تنحرم من حق من حقوقها و إن شاء الله راح أرضع اللي في بطني بس يجي بالسلامة رضاعة طبيعية

انا مع الرضاعه الطبيعيه صحيح تلولتي مارضعتها بس والله حاولت بس ماكانت تمسك الصدر وتعبتني وصرت اسحب لها وبعد كذا طفشت وصرت ارضعها صناعي..
وكنت مااعرف امسكها وحالتي حاله وامي انا وياها طقاق تصحيني لو كنت نايمه اني ارضعه بس ماكنت تمسكه بس تجلس تصيح...... وبعد ماطلعت من النفاس مارضعتها..

وفعلا كنت اتفشل لمى كنت ارضع بالنفاس كنت اخجل حتى من امي.. بس اعتبر الرضاعه الطبيعيه كلها حنان والمفروض ماينخجل منها..

مرحبا ....اشحالكم جميعا ...
ما فــــــــــــــــــــــــــي اى اختلاف ع اهميه الرضاعه الطبيعه ..حتى الام اللى تعطي ولدها صناعي دايما ايكون عندها احساس بتانيب الضمير .. بس لو كان الشي لظروف صحيه ..مافي اليد حيله ..مجبوره اتكون ...

انا الحمدالله ما زالت مستمره انى ارضع ولدى ... بالعكس انا قبل ما كنت متخيله انى اتم ارضعه اكثر من شهرين ...لانى والده بقيصريه وكنت جد تعبانه ويابولى ارضعه ثالث يوم ... والحمدالله اتفاهمنا انا وياه عالرضاعه وطريقتها :)
ولدى بعد كمن يوم بيكمل ال7 شهور .. واحس ان الرضاعه قوت العلاقه بينى وبين ولدى ... كم يسوى لما احضنه وارضعه ويطالعنى ...
بخصوص الفشله ..امممم .. انا اصلا اتفشل ايلس ارضع جدام حد .. وعلشان جذه لما اكون فبيت اهلي ادش اى غرفه وارضع ولدى ع راحتى احسن لى وله ....
بخصوص ترهل الصدر وما ترهل ... صحيح شكل الصدر يتغير ويكون ثجيل ... بس مب لحد الترهل ...ومن تفرغ الوحده صدرها من الحليب يكون الوضع عادى ...ومع شوى تمارين للصدر يرجع شرات ما كان ....


تسلمين جمــــــــانه ع الموضوع ويعطيج الف عافيه

رانيا البحرينية
ثلج ونار
الدمشقية
أم إلياس
بنت النواعم
همس الحروف
-%-سحابة حب-%-
رقم
ام حبيبي وسام
! أنــثــى !
مناار
bj3a
SHREEFA
أحلى شهد
حصه السويدى
فستان العروس
مرموم
صمت الامل
classic2004
جلنار99
ريحانتي
فراشة بوظبي
عروسنا
((ام تالا))
زوجة راشد


اشكر لكم اخواتي مروركم وردودكم الطيبة

والحمدلله حسيت اان الدنيا للحين بخييييييييير
للاسف كنت بديت افقد الثقة بنفسي لما ارضع بنتي واشوف نظرات كأني مسوية شيء متخلف..والله..
:(
وحتى وحدة قالت لي.. وييييييييه .. عطيها مرضاعة .. اريح !

جذي وبكل بساطة!

بصراحة انا جربت بحسووون خلطت له بين الطبيعي والصناعي..
وزينب الحين طبيعي خاااااااااالص..
واللي اشوفه ان صحة بنتي وااااااااايد وايد احسن من صحةاخوها يوم كان بعمرها... الحمدلله ..
وهذا اكيد من الرضاعة الطبيعية اللي تزيد مناعة الاطفال ضد الامراض...

الرضاعة الطبيعية كانت باختياري ولله الحمد..
لأني لما كنت حامل حصلت لي كذا وحدة تنصحني وتنورني باهمية الرضاعة الطبيعية وقريت عنها الكفاية حتى اقتنعت..
عشان جذي صرت احس انه واجب على كل ام ومرضع انها من تشوف اي وحدة حامل توصيها بضرورة الرضاعة الطبيعية..
ما تدرون ... يمكن كلمتكم لها تخليها تفكر في الموضوع وتغير رايها عن الصناعي الى الطبيعي


اخواتي الي ما قدروا يرضعون اطفالهم لاسباب خارجة عن ايدهم..
لا تقعدون تتلومون في نفسكم.. وان شاء الله في حملكم الياي تتجنبون الاخطاء اللي سويتوها في الحمل الاول وترضعون الطفل طبيعي ان شاء الله..

واجركم على الله.. اهم شيء النية

هل تعدين الرضاعة الطبيعية امراً محرجاً، او غير متحضر؟

أبد والله لا فيها إحراج ولا شي واللي بيعتبر هالشي تخلف وبعيد عن الحضارة
هذا رايه ولا يهمني بشي ويمكن لأني محرومة من هالشي بالرغم عني
وهالشي محطم نفسيتي بس يالله الحمد لله على كل حال ربي لك الحمد والشكر

هل تخجلين من ارضاع طفلك بالاماكن العامة ؟ ( مجتمعات النساء المغلقة فقط وتحت غطاء ) ؟

لو كنت أقدر برضعه وما علي من أحد بس أكيد بيكون تحت الغطا لأنها مو حلوة
ترضعين والعالم تطالع

هل تعتقدين ان الرضاعة تسبب ترهل الصدر واعطائه مظهراً غير جميل؟

نعم الرضاعة الطبيعية تسبب ترهلات بالصدر ومحد ينكر هالشي
بس هالشي ما يمنع كفاية التصاق الطفل بأمه وقت الرضاعة
فهي قبل لا تعطيه الحليب تحسسه بحنانها دام هو جنبها
وبين ذرعانها يعني هالشي يسوى الدنيا ومافيها وربي

ومشكورة جمانة على الموضوع الحلو والهادف ولو انه قلب المواجع

بس معليش الحمد لله على كل حال

دعواتي

هلا أختي جمانة ..

الرضاعة الطبيعية تجنن .. تهووس .. تفكرين في قدرة الله تعالى ..

أحساس غير طبيعي لمن ولدك قريب منك ومن صدرك .. يسمع دقات قلبك ويستأنس بها ..

ويذكر أن هذا الصوت يعرفه وسامعه من قبل لمدة 9 شهور وهو داخل بطنك .. يهدأ وينام ..

سبحانك يا ربي..

وبالنسبة للإحراج .. أنا طول فترة رضاعتي لولدي ما ارضعه بره دائماً اروح غرفة منفصلة .. حتى في بيتنا .. عشان آخذ راحتي والبيبي بعد ..

خصوصاً مع جونا الحار الحارق .. البيبي يعرق وما يسوى عليه يشرب هل الحليب..

فادخل غرفة بروحي وما اغطيه..

وبالنسبة للرضاعة في المجتمعات النسائية بعض الأحيان أضطر اني ارضعه بس مرات قلائل..

ولمن أطلع احمل معاي حليب صناعي مع مرضعة للضرورة..

بالتوفيق خواتي ترى الرضاعة نعمه من عند الله

للرفع الموضوع عجيب

بنات امهات مرضعات شاركو الموضوع انا من زمان ادور عليه و اخيرا لقيته
اهم شي جوابكم شلون الرضاعة عند المجتمع النسائي الحين ما اشوف احد يرضع هل اهو من الفشلة و لا من النظرات

جمااااااااانه يعطيك الف عافيه عالموضوع القمه ولو انها مشاركة متأخره لكن كل الشكر white-mocha اللي رفعت لنا الموضوع القيم بصراحه في معناه ومحتواه اول شي اقول لاختي رقم الله يعطيك الصحه والعافيه ويعطيك على قد نيتك وانا اقرى ردك قلبي عورني ولكن انبسطت كثير انه شفت انه فيه امهات مثللك وبنظري انه منهم بمثلك هم الامهات اللي نطلق عليهم امهات بمعنى الكلمه .

انا الحمدلله من مؤيدي الرضاعه الطبيعيه الحمدلله ارضع طبيعي وبالرغم من اني مثلك جمانه اسمع كثير كلمة ليش ترضعين اللحين كل الناس تعطي صناعي ووووووو وكلام مايخلص ومشكلتي يمكن تكون في القراب مني اللي ينصحوني بالصناعي اولهم أمي دايم تقولي ولدج شنو يشرب مايشبع منج حرام عليج عطيه صناعي ولو رضعتين اول مايصحى واول مايبي ينام بالليل امي تقول هالكلام لانه تشوف صدري صغير لكن انا الحمدلله معطتهم اذن صمخه بهالموضوع واكل رهش دايم بالرغم اني مااحبه بس اجبر نفسي بالنسبه لي اذا كنت بزياره اخذ مكان منعزل واتغطى وارضع ولما نروح مكان اقعد بالسيت الوراني واتغطى وارضع طبعا كل ماكبر الطفل يسهل الموضوع خاصه بعد تدخيل الاكل يعني ارضعه قبل لااطلع وبعدين اذا جاع اعطيه اي شي ياكله وبالنسبه لشكل الصدر اكيد بيتغير ويترهل لكن هاي ضربية الامومه وكله بأجره .

أكيد مافي احسن من الرضاعه الطبيعيه .. بس تعب شويه .. وبالذات للي متعوده تطلع وايد مثلي:( بس الله يعينا ونقدر نكمل الرضاعه ويستفيد البيبي .. عن تجربه بنتي الكبيره الله يحفظها الحينه2ونص رضعة بس 4شهور بس مناعتها ضعيفه وان شاءاالله ربي يقدرني ويقدر كل الأمهات على الرضاعه الطبيعيه...

موضوع جدا جميل وحساس للغاية

انا طبعا من مؤيدي الرضاعة الطبيعية وماادري شلون اني بترك الرضاعة بعد السنتين يوم ولدت عطوني بنوتاتي يوم ثاني عطيتهم من صدري فطوم شربت وكنت احس اني اعرف ارضع بس زنوب مناحسة مارضت لين طلعت من المستشفى وانا كل يوم احاول مرتين وثلاث مرات اخليها تذبح نفسها من الصريخ وهي ماتبي وكان اوزانهم قليلة بس تميت احاول كانت زنوب باليومين ماترضع وانا انقهر واعصب اللكل يقول لي مادام فطوم ترضع خلاص قلت لهم لا ولين كبرت بنتي اتذكر اني مارضعتها لا والف لا اتم اغافص مرضعة صوبي واعطيها صدري مرة مرضعة ومرة صدري لين الحمد لله ماكملت الشهر الا هي ترضع مني وحتى اذا يقل الحليب اخليهم على صدري ويزيد بالرضاعة الحليب ولله الحمد

انا بره مااحب ارضع لانه بنوتاتي من النوع العروق ومتعودين اني مااغطيهم هي اول الاشهر بس الحين اكبروا وصار عندهم عادي اني اغطيهم بالعكس احسهم يستانسون لانه نلعب مع بعض لما يرضعون حتى لو يشدون شعري بالقوة هم استانس ما عندي مانع بكرة يكبرون ونتحسر انهم يقعدون في حضنا

السلام عليكم ورحمة الله وبركاته..
في بداية حملي كنت مقرره ما ارضع طبيعي قلت شغله واستحي لكن زوجي وقف لي بالمرصاد وقال لا.. لما رحت لدكتورة للمراجعه وقريت الكتيب اقتنعت شوي وبعد الولادة مباشرة رضعت بنتي وتقبلت الموضوع والحين لما ارضعها بالليل وهي على ايدي احمد الله الف مرة على نعمه لعيال والرضاعة واحس نفسي تافه يوم فكرت ما ارضعها.. تحسين الطفل يكتسب حنان وتكون علاقة بينه وبين امه.. والي زاد تمسكي بالموضوع لما شفت زوجه اخوي و اصرارها في ارضاع طفلها برغم قلة الحليب.. فحمدت ربي وشكرته.. وصديقتي نفس الوضع منعت ولدها من الرضاعة الطبيعة وكل والدها مريض فاخذت العبرة..

اما عن سالفة استحي من الرضاعة نعم استحي وخصوصا جدام الناس احسهم الكل يطالع فيني بس الحمد الله اجتزت هالفترة بسلام باني اخذ احتياطاتي وارضعها بالسيارة او اكلها قبل المشوار فتكون شبعانه ولا تحتاج ترضع او اجهز حليب مشفوط في رضاعة واحمله معاي.. والف الحمد الله على الرضاعة والله يدر الحليب عند كل الامهات

السلام عيكم

الموضوع هذا كثيييير مهم

أنا مثلا قبل الزواج وبعده كنت أحلم رب العالمين يرزقني

بأولاد وأرضعهم لمدة عامين

والحين ربي رزقني ببنت سبحان الخالق

بمنتهى الجمال

وحبووووووووووووووووبه الحمدلله

كلما أشوفها اتمنى اني ارضعها

ما أقدر أوصف لكم شعوري وهي ترضع

شعور غريب ما أقدر أوصفه

فكيف أفكر اني أحرم نفسي وبنتي من هذا الشعور

وإللي يتولد به ارتباط عطفي قوي بينا

ماممكن أفكر اني أو أتخيل اني اسيب الرضاعة لمجرد اني انحرج

أو أفكر بمظهري

وبعدين من يقول انه الرضاعة ممكن يأثر على مظهر المرآة

بالعكس

بالرضاعة الطبيعة يرجع الرحم في مكانه

ويخف كثيييييير اتفاخ البطن

والكرش بيختفي تدريجيا

وشكل الصدر يرجع لطبيعته بعد فترة

فعلا هذا صار معي

أما خروجي للمراكز ومجمعات نسائية أخرت خروجي بسبب بنتي ورضاعتها

أو اني اتجه لأماكن متخصص للأم والطفل في هذه المجمعات وأرضع بنتي هناك

ولكم مني أجمل تحية

ولا تحرموا نفسك من الشعور الجميل بينكم ورضيعكم أثناء الرضاعة

وبارك الله فيكم

:888345::1_3::1_3::1_3::1_3::1_3::1_3::87457:

ام حسين موضوعج واااااااااايد حلووووووووو الله يعطيج العافيه

بالنسبة لي مارضعت نمور ولا رضعة من صدري اول يومين في المستشفى كنت استحي اطلع صدري وخاصة اني بكرية

بعد مارخصوني احط ولدي على صدري يموووووت من الصياح يصير ازررررق مايبي صدري حاولت معاه ماقدرت

اول سبوعين كنت اشفط له وحليبي مايوصل 1 سم شربت حلبه الحمدالله بعدها در الحليب وصل ل2 سم

وقبل الاربعين بطلت اشفط لان الحبيب مطنش بس انشالله البيبي الثاني اكيد برضعه

السلام عيكم

الموضوع هذا كثيييير مهم

أنا مثلا قبل الزواج وبعده كنت أحلم رب العالمين يرزقني

بأولاد وأرضعهم لمدة عامين

والحين ربي رزقني ببنت سبحان الخالق

بمنتهى الجمال

وحبووووووووووووووووبه الحمدلله

كلما أشوفها اتمنى اني ارضعها

ما أقدر أوصف لكم شعوري وهي ترضع

شعور غريب ما أقدر أوصفه

فكيف أفكر اني أحرم نفسي وبنتي من هذا الشعور

وإللي يتولد به ارتباط عطفي قوي بينا

ماممكن أفكر اني أو أتخيل اني اسيب الرضاعة لمجرد اني انحرج

أو أفكر بمظهري

وبعدين من يقول انه الرضاعة ممكن يأثر على مظهر المرآة

بالعكس

بالرضاعة الطبيعة يرجع الرحم في مكانه

ويخف كثيييييير اتفاخ البطن

والكرش بيختفي تدريجيا

وشكل الصدر يرجع لطبيعته بعد فترة

فعلا هذا صار معي

أما خروجي للمراكز ومجمعات نسائية أخرت خروجي بسبب بنتي ورضاعتها

أو اني اتجه لأماكن متخصص للأم والطفل في هذه المجمعات وأرضع بنتي هناك

ولكم مني أجمل تحية

ولا تحرموا نفسك من الشعور الجميل بينكم ورضيعكم أثناء الرضاعة

وبارك الله فيكم

:888345::1_3::1_3::1_3::1_3::1_3::1_3::87457:

انا مع الرضاعة الطبيعية لانها شي جميل جدص و من احلى اللحظات بحياتي وقت ما ارضع بنتي والحمدلله
بس ما احب ارضع جدام احد الى بالضرورة القصوى لان احب اني وقت الرضاعة يكون وقت فيه هدوء و وقت مخصص حقي و حق بنتي بروحنا
بس وايد مرات رضعت جدام امي و اختي و اخواني و و ام زوجي و ابو زوجي بس من تحت غطا طبعاص و اكون لافه لهم ظهري بس لاني اكون مضطرة


و من ناحية الجسم و ترهل الصدر والله انا لو بخاف على جسمي جان ماحملت اصلاً!!!!!
لان حتى الحمل يسبب ترهل البطن و غيره

بس انا الحمدلله ماصارفيني ترهلات ولاشي لاني محافظة على نفسي و مهتمة بجسمي من ايام الحمل فا ما عندي مشاكل و البس ستيان الرضاعة و اشده لي فوق



و اهم شي زوجي مساندني 100% بالرضاعة و مشجعي ارضع سنتيييين كاملين لان اهو مسكين مارضع من امه الا شهرين و يقول ان حاس بنقص سبحان الله


و بعدين انا احس بفخر لمن اقول حق احد اني ارضع طبيعي 100% مادري شلون اييني احساس بالفخر مادري ليش؟ يمكن لاني تحملت صعوبات اول الايام؟ او يمكن لاني محافظة على شكلي و جسمي؟
بس وايد نصحوني اني ما ارضع جدام احد عشان الحسد...مادري والله

انا بنتي عمرها سته شهور وارضعها طبيعي فقط
حتى اروح المجمعات وانقع فيهم بالساعات

قبل لا اروح المجمع ارضعها في السياره

واذا طولنا رحت فيها اماكن الصلاه ورضعتها

واذا ما بنتأخر ارضعها في الرجعه

والحمد لله كل شي عال العال

اهي لو ترضى تاكل بس انا اكون في نعمه

نحيسه في الاكل كل تسكر فمها


والله يدوم علينا هالنعمه