ما رأيكم في الرجل اللي يساعد زوجته او اهله في ترتيب وتنظيف البيت؟

موضوع حلو لكن هذا يعتمد على الرجل نفسه
وعلى نظرته لمساعدة زوجته والبعض يعتبرها عيب
والبعض يعتبرها من مسؤليات المرأه لوحدها حتى وان كانت مريضه
ولكن في بعض الرجال يساعدون زوجاتهم يعني حسب كل رجل وتفكيره
مشكوره عزيزتي على الموضوع

موضوع حلو لكن هذا يعتمد على الرجل نفسه
وعلى نظرته لمساعدة زوجته والبعض يعتبرها عيب
والبعض يعتبرها من مسؤليات المرأه لوحدها حتى وان كانت مريضه
ولكن في بعض الرجال يساعدون زوجاتهم يعني حسب كل رجل وتفكيره
مشكوره عزيزتي على الموضوع

والله انا احسن انه الرجل ما عنده وقت يرجع البيت تعبان ترى هو بعد عليه مسؤوليات
والحين الحمد لله اغلبية الناس عندها خدم في البيت لانه الوحد اذا كانت تشتغل وله تدرس مستحيل تقدر تعمل كل شيء بروحها ونفس الشيء الرجل مو معقوله يشتغل برع البيت وداخل البيت
اوكي مساعدة على اشياء خفيفة مثل تنشيف الملابس اذا كانت الحرمة تعبانه وله غسل الصحون او عمل وجبه خفيفة اي شيء خفيفة اما الاشياء الثانية الي تبيلها شغل ما اعتقد الرجل يقدر يضبطها مثل الحرمة كل واحد له طبيعة والتزامات عليه
مثلا اذا انا اشتغل وارجع البيت و بعد اشتغل في البيت ما ينفع هذا جهد اضافي عليه ما اعتقد اني بقدر اشتغل ليل نهار متى برتاح واليهال ما شاء الله عليهم يبالهم روحهم مجابل يعني اهتمام نصف يوم والبيت نصف يوم يعني متى اروح الشغل او المدرسة واذا رحت يوم برجع هل بقدر اشتغل واهتم في اليهال باجي اليوم
هي مسال نسبية بين الناس وطبعا ما فيها شيء اذا ساعد الرجل المراة في بعض الاشياء الخفيفة الي يقدر عليها ترى هذا بيته وهذيلا عياله لازم كل شيء شراكه بين الرجل والمراة
والحين الحمد لله اشوف انه وايد ازواج ما شاء الله عليهم فاهمين متعلمين ايعرفون كل شيء عن الحرمه والبيت واليهال حتى يوم يمرضون اليهال هم يهتمون فيهم ويتعلمون كيف يهتمون فيهم طبعا بجانب المراة وايساعدون في البيت
لانه سابقا ايام اجدادنا وابهاتنا الصراحة ما كانوا يدخلون في اي شيء بس الحين غير قبل بس عليهم بالشغل وبس ما لهم دخل لا بالعيال ولا بالام يعني الحين في فرق واضح الرجل متعلم فاهم ايراعي ويتفهم كيف المراة تعاني وحتى المراة قامت تتفهم الرجل لانها اصبحت اتشاركه في العمل فتحس كيف الواحد يوم اتكون عليه مسؤولية وكيف الواحد يتعب ويرجع البيت ما له نفس في شيء
والسموحة طولت بس حبيت اوضح وجهة نظري

هو يعتمد على طريقة تفكير الرجال في منهم الي يعتبره نقصان من رجولته

ومنهم الكسلان الي ماله خلق بعضهم معذورين لانهم يتعبون برا البيت

واحس الي يساعد مرته بالبيت يكبر في عينها مرة

السلام عليكم


انا احس ان موحلوه من الريال انه يقوم بتنظيف البيت و غسل الملابس وغيره من هالامور

بس الحلو منه ان يساعد مرته بشراء اغراض البيت وتربية اولاده وتدريسهم وطلعنهم هذا الشي

بيخلي الريال يحس برجولته و كيانه ويحس ان زوجته محتاجه له ومعتمده عكس اذا اشتغل بشغل

البيت بيحس ان شخصيته ضعيفه

اذا اهوه اشتغل بشغل البيت عيل المره شنو تسوي؟؟؟!!!!!!

مافيها شيء وحلوووو لو انه يساعد

وحلوو لو انه الاهل يربون اعيالهم على الترتيب والاعتماد على انفسهم حتى في عمل سندويشه لهم وقت الجوع

لانه البعض خلاص يربون اولادهم انه لازم الام او الخدامه او الاخوات هم اللي ينفذون طلباته حتى لو طلب قلاص ماي

Nice discussion
I agree that the man has to help his wife in house chores, which helps strengthen their love.
My husband used to help me i cooking when we first got married 3 years ago at the time we were both studying. He was only helping in cooking and he hats cleaning. After 5 months of our marriage his mother decided to live with us. He stopped helping me. He wants everything ready.
BUT the thing I really hate is that whenever I cook something he starts saying its not nice and his sisters cook better than me. It really hurts me when he says this. I hope he never comes to the kitchen so that he doesnt comment on cooking.

Everyday he goes to work and I go to university, when we come back at 6 pm I start cooking and he watches TV or stays with his mum chatting, when we eat he still has comments on the food. I hat my life for this.

Sorry, I know its long, but I hope u can understand it. because I cant type in arabic.

thanx

:clap:

موضوع حلو وااااااااجد

:angry: :angry: :angry:

وانا من المعارضات ان الزوج يطبخ او يكنس ، لان الزوج عنده مسؤليات ثانية

والزوجة هي المفروض اللي تقوم بواجباتها لانها مملكتها الخاصه واذا دخل الزوج بكل صغيرة وكبيرة عز الله اللي دمرت هالمملكه ،،،،،،،،،،،

انا اتضايق اذا ادا رايه في شي انا مرتاحه علية ، احس انه دخل في خصوصياتي:sad: :sad: :sad:


هذا مكانه غلط ، الا هذا المفروووووووض هناك ؟؟؟؟؟؟؟؟؟؟؟؟


علشان كذا انا من اشد المعارضااااااااااااااااااااااااااااات

ودمتـــــــــــــــــــــــــــــــــــــــــــم بــــــــــــــــــــــــــــــــــــــود:flower: :flower: :flower:

انا الحمد لله

زوجي يساعدني كثير في البيت وحتى الطبخ نطبخ مع بعض ....

لما يكون عندي دراسة واكون غارقة في الكتب بيقوم ويعملي شاي ويريح لي الجو ..

انا دائما اشكر ربي على هي النعمة ... لاني اعرف ازواج اذا وقعت ورقة من جيبه ما ينزل ويشيلها ....

كل انسان وشكل .... سبحان الله

أنا مع الاخت نووووسه
مافيها شيء وحلوووو لو انه يساعد

وحلوو لو انه الاهل يربون اعيالهم على الترتيب والاعتماد على انفسهم حتى في عمل سندويشه لهم وقت الجوع

لانه البعض خلاص يربون اولادهم انه لازم الام او الخدامه او الاخوات هم اللي ينفذون طلباته حتى لو طلب قلاص ماي.....

أنا ريلى فى البلاد نادر ما يساعد... يمكن لانه عايشين مع أهله... بس الله حق لما نسافر مايقصر يساعد ما يقصر... الله يحفظه,,,

والسموحه

بصراحه انا اعتقد ان مافيها شي ابدا انا تربيت في بيت الرجل له كيانة الخاص وله هيبته
والله رزقني بزوج تربى على نفس هذا فانا مثلا زوجي كان غريب عن بلده وجالس لوحده وتعلم كيف يعمل كل شي لوحده حتى الاكل والله له طعم تاني فعندما كنا نعيش بالدوحه قبل ان ناتي ابوظبي كنت بايام حملي الاول تعبانه جدا والله كان بيعمل اكل رائع يساعدني في تنظيف المنزل والغيار لابني وعمره الان سنه وفي غسيل الصحون احيانا وفي نشر الغسيل واحيانا يغسل الحمام ويحضر العشاء بصراحه انا اعشق زوجي واعمل اي شي يطلبه مني لانه لا يبخل علي بمساعدته لي فهو كريم وطيب جدا واعشقه بروحي يارب لا تحرمن منه ولا من ابني واهلي دايما وادعوا لي يزيد حبي له ويزيد حبه لي


[/url" alt="" loading="lazy">

في رايي ان مساعدة الزوج لزوجته تقوي علاقتهم وتوطدها
وهالشيء ما ينقص من رجولته ابدا .. هو مب قاعد يشتغل في بيت
ناس غرب هذا بيته مملكته هو زوجته فعادي ما اشوف فيها
شيء لو ساعد الحرمة .. ولكنه معذور بالطبع اذا كان يشتغل برع
ويرجع تعبان ومنهد حيله هني لازم الزوجه تراعي شعوره وتعبه وتخليه
يرتاح يعني ما تقعد تزن فوق راسه .. ويااااااااااا حلوووو المساعده اذا يت
من الريال نفسه صدق صدق يكبر بعين زوجته وهذا من باب الرفق بالزوجة وتكريمها
وحبه لها ..:shy: الله يرزقني بزوج يساعدني في شغل البيت لأني اكره ادخل خدامة
في بيتي .. :gum:

هـــــــــــــــــــــــاى جميعــــــــــــــــــــا

عزيزاتي العضوات عندي لكم سؤال وحابة اعرف رايكم فية

السؤال : ( هل انت من مؤيدي مساعدة الزوج لزوجتة في اعمال المنزل ؟ واقصد في اعمال المنزل الطبخ ، الغسيل ، التنظيف ، كوي الملابس واهم شي غسيل الحمامات )

انتى مع هذا الراي ولا تشوفين ان هذا مو شغل رياييل ؟ وحتى لو حب يشتغل ويساعد ما راح يعرف لان مو متعود على هذي الاعمال ؟

أحب أعرف رايكم ........

بصراحة اذا جات المساعدة منه
لا تقولين لا.......................
ومش مشكلة اذا كان الشغل زين والا مب زين...
علشان يتعود لما يجونك عيال وطلبتي منه
ما يقول شي....وتتوهقين بروحج
وبعدين الرسول (ص) أفضل الخلق كان يقوم بمهنة أهله
يصلح ثيابه وغيرها...من الأعمال
مدام الريال جات منه ....لا تخربينه...
وتخلينه مثل بعضهم كوب الماي ما يحركه
مثل أي طفل صغير عندج....
والله يسعدج...

شكرا عزيزتي أم نونية على مشاركتج

وانا رايي من رايج

انا اؤيد الصراحة مساعده الريال لزوجته في بعض الأعمال ما فيها شي

والزوجه تحتاج مساعدة اذا ما عندها في البيت خدامه و لا حد غير زوجها

وخاصه فترة الحمل لازم يساعدها و يخفف عنها بعض الأمور


وان شاء الله يريلي يساعدني في شغل البيت

وفي عائلتنا في رياييل يساعدون حريمهم الصراحة وانا احترم الريال الي يساعد زوجته

في بعض الأمور مثل الكوي والتنظيف والله يكثر من امثال هالرياييل ههههههههه

ومشكورة على طرحج للموضوع الصراحة موضوع محتاج للنقاش

هدوية
نسخت لك ردي على موضوع سابق بنفس موضوعك

موضوع حلو وسبق ان تكلمنا فيه ...

اذا الزوج ساعد زوجته في شغل البيت حتى لو بشي بسيط اكيدهي بتقدر له هالمساعدة خاصة ان الحياة صارت صعبة ... سواء كانت الزوجة موظفة او غير موظفة
صعبة تتخيل نفسها متزوجة بس عشان تخدم في البيت وتشوف طلبات زوجها
والاصعب اذا كانت الوحدة عندها طفلين او اكثر وشغل البيت كله عليها وفوق هذا كله زوجها يبيها على قولة اخوانا المصريين ( على سنجة عشرة ) طول الوقت وكاشخة والمكياج واللبس والحركات .. طيب صارت هذي روبوت مو بني آدم
من اللي عنده طاقة يسوي هذا كله
يعني هل يتوقع منها انها تربي الاطفال وتقابلهم وتشوف طلباتهم وتطبخ وتنظف وترتب وبعدين يرجع من الدوام يشوفها كاشخة وكل يوم يبي هالشي !!

انا ما اطلب من زوجي انه يسوي كل شي في البيت .. لكن على الاقل وقت اللي يشوفني تعبانة يساعدني شوي
او اقل شي يقدر يسويه انه ما يزيد مشاغلي مثلا ويراكم الملابس او الصحون في المغسلة
مافيها شي لو غسل صحن غداه ولا بينتقص من رجولته .. بالعكس بيكبر في نظري

تعودت على الدلال والعز في بيت اهلي .. وحتى لو ما انتظرت من زوجي انه يخليني ما المس شي مثل حالتي في بيت اهلي ..بس على الاقل ما يضغط علي او يعايرني لاني ما طبخت الغدا في يوم
او اذا شاف الصالة مو مرتبة

اذا يضايقه قلة الترتيب المفروض انه يساعدني
وانا مع اخت بنت قمر .. موظفات ونصحى من الفجر صعبة نرجع عشان نكنس ونغسل ونرتب
يعني بتصير حياتنا شغل في الدوام وبعدين شغل في البيت
حلو التغيير .. وحلوة المساعدة
المساعدة مهما كانت بسيطة اكيد بتفرق مع الزوجة في النهاية

زوجي العزيز مااطلب منك تشيل البيت على راسك .. بس حلو لو تسوي عني شي بسيط ان شاء الله مرة كل كم يوم

طبعا ما انكر ان زوجي انسان مرتب والحمدلله مايتعبني .. واحيانا يصير اشطر مني
بس الرجال يظل رجال .. يحب كل شي على الجاهز

يعطيك العافية

شكرا يا al 3zezh على مشاركت الحلوة مثلج

عزيزتي RoOoOmy

اتمنى انى اكون كتبت اسمج المستعار صح :shy: هذا اول شي

وثاني شي انا وااااايد شاكرة مشاركتج وبصراحه راييج وايد عجبني وما شاللة يدل على نضوجج الفكري

وانا شاكرة مشاركتج مرة ثانية ، واتمنى انى اعرف رايج في الموضوع اللى طرحتة في زاوية قضايا وحلول