ما رأيكم في الرجل اللي يساعد زوجته او اهله في ترتيب وتنظيف البيت؟

شكرا للاخت " شوق قلبي " على طرحك لهذا الموضوع

والحقيقه ان الرجل عندما يكون مع اسرته قبل الزواج يعيش حالة الاعزب ولولا وجود والدته واخواته معه لكان حاله يرثى له

ويعيش ايضا هذه الحاله وهو يدرس في الخارج او يعمل في الخارج ويكون مقيما وحده

بعد الزواج تكون هناك استمراريه .. لان بعض الرجال لم يتعودوا على ان يصنعوا شيئا بأيديهم .. يمكن الرجل يفهم قليلا في الطبخ ولكن المسائل الاخرى تكون صعب عليه ... ربنا يخليكم لنا دائما ويخفف عنكم تعبكم في قيامكم بالاعمل المتعلقه بحسن تنظيم المنزل وشؤونه

وعدم مساعدة الزوج لزوجته ليس معناها انه لايحبها او انه يريد ان يظلمها .. ولكن لان هذه هي قدراته وامكانياته الذهنيه الطبيعيه التي تربى عليها

ولو ان اي امرأة لديها ابناء ذكور وحاولوا ان يساعدوها في شغل البيت نجدها في احيان كثيره لاتتقبل هذا الامر واذا اتى لها وهو متزوج وقال لها انه يساعد زوجته في الغسيل والتنظيف .. ستحتقره امه وتنهره وتقول له واين زوجتك ؟ هي اللي المفروض تقوم بهذه الاعمال .. انت الرجل ولك قوامه وما تقوم بفعله هذا شغل نساء .. ولاتجعل زوجتك تستغلك في شغل المنزل لكي تتفرغ هي لشعرها واناقتها

المهم لكي لاأطيل .. فإن الزمن سلف ودين .. انتي تفرحين الان بمساعدة زوجك لك في اعمال المنزل .. وغدا ستنهرين ابنك اذا قال لك انه يساعد زوجته

ولاتزعلون مني

ودمتم

[CELL="filter:;"][ALIGN=center]أنا زوجي كان نادر يساعدني في شغل البيت بالعكس أنا أرجع من الدوام..

وعلى طول أطبخ وهو منبطح على الكنبه في الصاله ويشاهد تلفزيون..

وأنا أطبخ وأغسل وأنظف ولا شعره تهتز من راسه عشان يقوم يساعدني..

وفي يوم من الأيام رحت بيت أهل زوجي وجبت السالفه هذي..

قالت لي أم زوجي الله يطول بعمرها.. إنها بتكلمه.. وكلمته وأشوفه الحين يقوم يساعدني.. مرتين أو 3 مرات في الأسبوع في أشياء خفيفه..

يعني أحسن من لاشيء..

بس إستغربت من شيء ثاني..

رحت في يوم من الأيام بيت أهل زوجي وكانوا يتكلموا عن كوي الملابس قلت لهم إني ما أكوي ملابس زوجي..

يوديهم المغسله ويكويهم هناك..

نطت لي عمتي وقالت لي: إحنا عطيناش ولدنا أمانه عشان تسوين له كل شيء مو تخليه يخسر نفس ويوديهم المغسله.. أو تخليه يكويهم.. وإذا حسيتي إنش مو قد الأمانه.. خليه يجيب لي ملابسه وأنا أكويهم عنك.. وقامت تقول لي شوفي فلانه من بناتي وشوفي علانه يكوون ملابس رجالهم وقايمين ببييوتهم أحسن قومه..

حسيت إن الدنيا تدور بي وقت إللي سمعت كلامها...

قلت لها يا عمه أول شيء ما فيه وجه مقارنه بيني وبين بناتك أنا موظفه أصحى الصبح الساعه 5 ونص عشان أتجهز أروح الدوام.. وأرجع الساعه 4 ونص وبعض الأحيان خمسه

أطبخ الغذاء حق ولدك وأغسل المواعين وأنظف وأغسل ملابسه يعني قايمه بالواجب وزود عشان كوي ملابسه وداهم المغسله قامت الدنيا وقعدت..

مع إحترامي لش بس بناتش أول شيء عندهم خدامات وبيتهم صغير شقه يعني صغيره وثاني شيء مو موظفات ولا يصحون الصبح ولا غيره..

وقت صحوتهم بيكون على الساعه 2 الظهر..

أكيد بيكونوا شبعانين نوم ومرتاحين.. يعني مو مثلي أجي متكسره من الشغل وأستلم شفتي الثاني..

سكتت عني بس أنا حطيت في خاطري لأنها كانت تقول الكلام بأسلوب حاد + هادئ في نفس الوقت..[/CELL]

دمعه بريئه:
اعتبره انسان متحظر ومنفتح وغير كذا هيبة الرجل موفي انك تقدمين كل شي وهو بس جالس يأمر حلاته لما يساعد

مشكوره اختي عالموضوع

مشكوره عالمداخله ^_^ :ok:

Pure Heart:
الصراحه ما اتخيل اتزوج واحد اتكّالي في كل شي...ما فيها شي لو كان الريّال يساعد حرمته وما يكلّف عليها وايد
الله يرزقني بزوج حنون ومتعاون :)

امييين يارب

مشكوره عالرد

₪₪تنثر الكون عطرا₪₪

مشكووره عالمداخله ونعم بالرسول صلى الله عليه وسلم
وكل من يقتدي به

معاك اخي الكريم

في ان الرجل غير متعود

وانا ماقلت ان لازم يقوم بالاعمال بدل زوجته

بس التعاون مطلوووب بين الاثنين

وبالعكس بحترم الريال اللي جيه

وانا اللي بقول لولدي يساعد حرمته ^_^


ماعتقد ان مساعدته لمرته

بتنزل من كرامته والا من رجولته


مشككووور عالمداخله الطيبه

بنت قمر راكبه همر

الله يعينج على عمتج

المشكله ان الحريم يقارنون

بدون وجه مقارنه!!

ولو المسأله انحسبت صح

كل وحده بتشوف اللي الها واللي عليها

وماعتقد ان في انسانه مهمله زوجها

بس مثل ماقلت التعاون مطلوب

اونتي بروحج شفتي الفرق

والله يكون بعونج

شاكره لج مداخلتج


وتحياتيـ للجميعـ

شـــوقـ قـلـبـيـ

مافيها شي اذا ساعد الرجل زوجته خصوصا اذا كانت تبعانة وبحاجته
الحياة تعاون
:)

دمتم سالمين
اختكم شريفة

مثل هالرياييل ناااااااااااادر في الوجود

ويمكن موجودين بكثرة بس في بيئتنا ما اشوف

معظم الرياييل عنا يعتمدون على الجنس الناعم في معظم احتياجاتهم

والريال اللي يساعد اهله ويقوم بشي من شغل البيت يستاهل كل احترام وتقدير

والشغل مب عيب

[CELL="filter:;"][ALIGN=center]موضوع حلو وسبق ان تكلمنا فيه ...

اذا الزوج ساعد زوجته في شغل البيت حتى لو بشي بسيط اكيدهي بتقدر له هالمساعدة خاصة ان الحياة صارت صعبة ... سواء كانت الزوجة موظفة او غير موظفة
صعبة تتخيل نفسها متزوجة بس عشان تخدم في البيت وتشوف طلبات زوجها
والاصعب اذا كانت الوحدة عندها طفلين او اكثر وشغل البيت كله عليها وفوق هذا كله زوجها يبيها على قولة اخوانا المصريين ( على سنجة عشرة ) طول الوقت وكاشخة والمكياج واللبس والحركات .. طيب صارت هذي روبوت مو بني آدم
من اللي عنده طاقة يسوي هذا كله
يعني هل يتوقع منها انها تربي الاطفال وتقابلهم وتشوف طلباتهم وتطبخ وتنظف وترتب وبعدين يرجع من الدوام يشوفها كاشخة وكل يوم يبي هالشي !!

انا ما اطلب من زوجي انه يسوي كل شي في البيت .. لكن على الاقل وقت اللي يشوفني تعبانة يساعدني شوي
او اقل شي يقدر يسويه انه ما يزيد مشاغلي مثلا ويراكم الملابس او الصحون في المغسلة
مافيها شي لو غسل صحن غداه ولا بينتقص من رجولته .. بالعكس بيكبر في نظري

تعودت على الدلال والعز في بيت اهلي .. وحتى لو ما انتظرت من زوجي انه يخليني ما المس شي مثل حالتي في بيت اهلي ..بس على الاقل ما يضغط علي او يعايرني لاني ما طبخت الغدا في يوم
او اذا شاف الصالة مو مرتبة

اذا يضايقه قلة الترتيب المفروض انه يساعدني
وانا مع اخت بنت قمر .. موظفات ونصحى من الفجر صعبة نرجع عشان نكنس ونغسل ونرتب
يعني بتصير حياتنا شغل في الدوام وبعدين شغل في البيت
حلو التغيير .. وحلوة المساعدة
المساعدة مهما كانت بسيطة اكيد بتفرق مع الزوجة في النهاية

زوجي العزيز مااطلب منك تشيل البيت على راسك .. بس حلو لو تسوي عني شي بسيط ان شاء الله مرة كل كم يوم

طبعا ما انكر ان زوجي انسان مرتب والحمدلله مايتعبني .. واحيانا يصير اشطر مني
بس الرجال يظل رجال .. يحب كل شي على الجاهز [/CELL]

شوق قلبي:
عذب القوافي

مشكووره عالمداخله

لكن حلو ان الانسان يساعد لو بشويه

وكرامته تراها محفوظه

بس على الاقل يحسس الحرمه ان وياها فكل شي

يعني ليش مثلا هو ما يعصرلج الليمونه ؟؟!

ما بتستانسين اذا سوا هالشي؟!

والله يسعدكم ^_^

انا ما شكيت لأحد انا قلت راي يخصني انا وحدي ومبسوطة آخر انبساط وانا سعيدة بأن الرجل رجل والحرمة حرمة

ما احب وانا ارد واكرر اتكلم عن نفسي ولا لي خص بأحد

ما احب الرجال لابس مريلة وداخل المطبخ يحمس ويطبخ ولا احب الرجال يغسل الصحون كانه (( قحطة علي المفيدي في درب الزلق ))

احب الرجال قاعد ونافش ريشة والحرمة إلي هي انا اخدمة وهو الحمد لله مدللني ويحترمني ويبوس ايدي بعد

انتي تحبين رجلك يساعد براحتك

اما عاد انبسط لما يعصر لي ليمونه<<<< ضحكتيني انا ااكون مبسوطة في امور آخرى مش في عصرة ليمون

شكراً أختى على طرحك هذا الموضوع...

بالنسبة لي ماشوف أن مساعدة الزوج لزوجته فيه أي تقليل من قيمته بالعكس هالشي يزيد المحبة بينهم..
يعني الزوجة تشتغل طول اليوم بالعمل وبعدها تكمل الهم في البيت،، أكيد بتتعب ومافيها حيل..
بالنسبة لي زوجي أول ماتزوجنا كان يساعدني ويشيل الملابس من الغسالة وينشرهم، لأن مافي وقت إذا رجعت أغسلهم وأكويهم وغيره، فكان لازم نستغل الوقت،، يوم كنت حامل كان يساعد شوي..
طبعا لما جبت الشغالة بعد الولادة قام مايسوي شي،، بس للأمانة متحمل ولده ويساعدني في تربيته...

&#8362;&#8362;SHREEFA &#8362;&#8362;

مشكووره عالمرور

&#8362;&#8362; فراشة بوظبي &#8362;&#8362;

يسلموو عالمداخله الطيبه

&#8362;&#8362;&#8362; RoOoOmy_M &#8362;&#8362;&#8362;

كلامج 100% مشكووره عالمداخله

((زوجي العزيز مااطلب منك تشيل البيت على راسك .. بس حلو لو تسوي عني شي بسيط ان شاء الله مرة كل كم يوم ))

&#8362;&#8362; عذب القوافي &#8362;&#8362;

الموضوع ما يستاهل كل هالعصبيه

كل وحده الها وجهة نظر

مشكوره عالمداخله

ولاتفهمين ردي غلط

وان كنتي ضحكتي

الله يجعل ايامج كلها ضحك وسعاده

تحياتي

شــوقـ قـلـبـيـ

رانيا البحرينية:
شكراً أختى على طرحك هذا الموضوع...

بالنسبة لي ماشوف أن مساعدة الزوج لزوجته فيه أي تقليل من قيمته بالعكس هالشي يزيد المحبة بينهم..
يعني الزوجة تشتغل طول اليوم بالعمل وبعدها تكمل الهم في البيت،، أكيد بتتعب ومافيها حيل..
بالنسبة لي زوجي أول ماتزوجنا كان يساعدني ويشيل الملابس من الغسالة وينشرهم، لأن مافي وقت إذا رجعت أغسلهم وأكويهم وغيره، فكان لازم نستغل الوقت،، يوم كنت حامل كان يساعد شوي..
طبعا لما جبت الشغالة بعد الولادة قام مايسوي شي،، بس للأمانة متحمل ولده ويساعدني في تربيته...

مشكووره عالرد

وفعلا مساعدة الزوج لزوجته

وايد تساعد

ووايد ترتاح نفسيه الحرمه

اذا شافت زوجها وياها

الله يسعدكم

ام البراء

يعطيج الف عافيه

عالمداخله الطيبه

فعلا مهم نسمع رايي الازواج

بهالخصوص

ومثل ماقلتي الواحد يساعد

مرته بس بعيد عن عيون

الاهل!!


وصعب تغيير عقلية الواحد

مهما علت شهادته ^_^


الله يسعد جميع المتزوجات

مشكوره