روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 3 من 3

الموضوع: مرحبا

  1. #1
    عروس ماسية
    تاريخ التسجيل
    18/10/2008
    الدولة
    اللهم إنا نسألك.... زيادة في الدين...وبركة في العمر...وصحة في الجسد...وسعة في الرزق....وتوبة قبل الموت....وشهادة عند الموت....ومغفرة بعد الموت...وعفوا عند الحساب..ونصيبا من الجنة...وارزقنا النظر إلى وجهك الكريم...
    المشاركات
    9,554

    مرحبا

    السلام عليكم ورحمة الله وبركاته

    عزيزتي الدكتوره ساعة غروب

    راح ابدالك مشكلتي على طووول

    انا متزوجه وعمري 24 سنه حاصله على الثانويه العامه ودخلت الجامعه انتساب سنه اولى واعتذرت الترم الثاني بسبب الولاده وعندي ولد عمره سنتين وستة شهور وبنت عمرها خمس شهور وزوجي مدرس وعمره تقريبا 36سنه
    انا ساكنه مع اهل زوجي في نفس البيت تحت انا وعيالي وزوجي وامه وابوه والشغاله وفوق شقتين شقه اخوه اللي اصغر منه متزوج وعنده طفلين وزوجته على وجه ولاده
    الشقه الثانيه ناس مستاجرين عندنا وله اخت واحده الكبيره متزوجه وبمنطقه بعيده عنا ماتجي الا بالمناسباات

    مشكلتي يادكتوره
    انا وزوجي زوجي من النوع الهاااااااااااااااااااااا ااااااااااادي شوفي نضامه كيف
    ينام الساعه 11 بالليل ويصحى الفجر يفطر ويروح الدوام يجي الضهر يتغدى وينام العصر رجال وبعد المغرب رجال بعد العشى يروح يجيب اغراض للبيت تجي 11 نوم
    اذا ماجانا رجال راح وجلس مع امه وابوه بالمقلط المهم دااايم 80 بالميه هذا روتينه
    انا مليت يادكتوره ان جلسنا سوى انا بس اللي اتكلم وهو ساكت اسولف له عن وش صار وش ماصار لاتعليق مايحب يقول راايه مثلا لو تصير مشكله مع اهلي اواي احد صديقااتي اين كااان لا تعليق

    مايحب يطلع مع انه اذا قلتله خلنا نطلع نتمشى والا نروح لسوق يوديني بس من غير نفس هو مايقول مابي اوديك بس تعرفين الواحد اذا كان مو مشتهي يروووح
    احسن زوجي ماله شخصيه يادكتوره لدرجة ان بعض الرجال لا مو بعضهم اغلبهم اذا بغو يجون يتقهوون عند الشايب اللي هو ابو زوجي يدقون على اخوه اللي اصغر منه مايكلمون زوجي !!
    تحسين ان زوجي هو الصغير واخوه هو الكبير
    يادكتوره تفكيري يمين وهو تفكيره يساار
    مثلا اقوله خلنا نغير نعدل بالبيت لا وشوله مهو لازم بيتنا كذا زين
    خلنا نطلع لمنتزه نلعب ولدنا شوي لا ماحب الحديقه
    طيب خلنا نطلع نتمشى بالسوق
    لا ماحب السوق
    طيب ودني لاهلي لا اجلس عندي اوديك الخميس علما ان اهلي يبعدون عنا ربع ساعه بس مو بنفس منطقتنا
    كل شي لا لا وازعل ويروح يوديني وهااذي حالتنا
    ثانيا انا يعطيني مصروف الف ريال
    تخيلي يادكتوررره ان بغيت اوااني انا اجيب لبس انا هدايا اذا وحده ولدت انا حلى بيجوني زميلاتي انا احيانا لبس عياله انا
    ليش يادكتوره ؟
    صاير بخيل مادري ليش ؟دايم يقولي وفري اقتصدي انتي تشرين حاجات ماالها داعي
    مع ان اكثر زميلاتي هم حريم اخوياااه وتعالي شوفي الكشخه عندهم مع ان الحريم مو مدرسات مثلي
    ولا تقولين ماعليهم اقصاد كلهم عليهم اقااد ونفس الحاااله بس عايشين حياتهم صح
    الا زوجي ؟

    مو هو الرجال ؟؟؟ مو هو اللي لازم يجيب ابي اعيش مثل الناس
    يادكتوره انا مابي يجيبلي المستحيل لا والله شي معقول
    لا على كيفه اي شي هو حطه بالبيت مايتغير الا بعد عشرين سنه او لحد ماينهري
    مع العلم ان البيت هو اللي بانيه هو واخوه بس التاثيث اقل اقل من عاادي انا اللي غيرت كل شي يوم تزوجته لان اختهم الوحيده بعيده عنهم وامهم حرمه كبيره



    والله يادكتوره اني اشوف الناس وشلون عايشه انقهر وانا زوجي يعني مدرس تقريبا مرتبه 11 الف 3500 اقساط البنك والباقي لنا ؟
    خلنا نروح نتمشى بمنطقه ثانيه خميس وجمعه لا سيارتي ماتساعد او يتعذر بالمصاريف ؟
    لدرجة ان سافرنا ابيع من ذهبي واروح اشتري اللي نفسي فيه ؟
    ودايما ابيع من ذهبي

    عشان ماضلمه يادكتوووره هو كل مصاريف البيت تحت عليه بس مهما كان انا زوجته وام عياله

    ثانيا يادكتوره
    زوجي يجيني جنسيا فترااات بعيدده بتقولين العمل والتعب والله يادكتوره حتى خميس وجمعه يعني مو عذر ؟
    والله اني البس واكشخ بس ماااش يموت بشي اسمه نوووم
    مع انه اذا اشتغل جنسيا ماعليه كلام بس مادري وش فيه ؟
    اقوله حبيبي فيني شي مو عاجبك يقولي لا بس عيالنا يزعجونا ينامون متاخرين والا علي دوااام مافي وقت والا تاخرت مانمت
    واحيانا يتصدق علي
    حتى ايام العطل كنت انا اللي ابااادر بالاول
    مع انه ماكان كذا بس يقولي احيانا بمزحه كبرنا والله دايما اجيبله هدايا وهو لا مره وحده جابلي هديه الي هي دهن عود تى مكتوب سعره ريحته تجيب الهم !!!!!


    ثالثا
    انا حماتي الي فوق اذا جت بتنزل عشان الشيبان لازم انا الي افتحلها الباب لانه عند غرفة النوم وغرفة التلفزيون
    يعني لو براسي نومه العصر لازم اتكد اروح افتحلها الباب عشان تدخل
    هو فيه باب ثاي بس لازم تلف من ورى العماره وتجي من عند باب الحريم الداخلي بس هذا اقصر طريق

    ويادكتوره هي عنده ولد عمره الان اربع سنين اكبر من ولدي بسنه جني جني جني بمعنى الكلمه كل شي يتكسر وماحد يقووله شي يخرب يقوم الدنيا فوق تحت وهي عاااادي يافلان اقعد يافلان ليش تسوي كذا وهي بمكانها ماتقوم تمسك ولدها ولدي والله يادكتوره كان هاادي بس اللحين اخذ طبااااااااااايعه صار جني والله يادكتوره بحياتي ماشفتها تطق ولدها اما انا اقسم بالله احس اني بسبب لوليدي عقده من كثر الطق
    اي حركه يسويها ولدها ولدي على طوووووووووووووووووووووول يسوي مثله
    والله يادكتوره انه لا نام ولدي اقعد ابكي اقول ليش انا طقيته ليش هاوشته ليش سويت فيه كذا وهي ولدها يقوم الدنيا ويقعدها ولا تقولله شي
    بس انا ماحب البيت ينحااس والا اشوف ولدي يسوي غلط واسكت
    كذا مره احلف اني ماضربه واجيه بالهدوء بس مامسك نفسي واروح اضربه
    وهو والله لما نكون كلنا جالسين عند الشيباااان تعالي شوفي الازعااج من ولدها وولدي يقلد تحسبينهم يمسكونه اقعد عيب لا مخلينه على راااحته بس يافلان اقعد يافلان اقعد
    بتقولين لا تخلينها تجيكم صعبه هي لازم تمر على الشيباان وتقعد عندهم يوميا تجي

    بتقولين امسكي ولدك لا يختلط مع ولدها اولا انها تمر من عند قسمي يعني ولدي شايف شايف ولدها يعني متواجهين متواجهين

    وهي باي وقت تبغى تنزل تجي وانا اللي علي لازم افتح الباب لانه صعبه اخليه مفتوح فيه مستاجرين فوقنا ولازم اقفل الباب
    يعني مافي حريه
    قلتله خلنا نطلع المستاجرين ونصير بشقتهم قال ماني مخلي امي وابوي تحت وانا فوق لو يحتاجون شي ماعندهم احد ؟ مع انه فيه شغاله يقول وش تبين الناس تقول عني
    رافضها تماااااااااااااما الفكره هاااذي
    والله حتى اهلي قليل يجون عندي لانه مانخذ راحتنا ياتجي حمااتي وتجلس والا ام زوجي
    وااخواني الشايب يجي ويجلس والا اخووه
    يعني اذا جو اهلي انا وخواتي عندنا امه وحماتي
    واخواني عندهم الشايب واخو زوجي

    بتقولين عطيها نسخه للمفتااح صعبه تدخل علي فجاه وانا مثلا بقميص او لبس ثاني لان الباب اللي تدخل من عنده مقابل على طووول لغرفة التلفزيون وغرفة نومي بتقولين غيري مكان الباب مافيه مجال ياننشيله ونسده بجدار والا يبقى كما هو
    قلت لزوجي خلها تجي مع الباب الثاني قال مستحي اقول لاخوي خل زوجتك تجي مع الباب الثاني مع انه والله ماهو بعيد قلت خلاص انا اقولها قالي لا يزعلون
    الباب هذا تدخل على طوول وهذااك لا من خلف البيت بس هذا مختصر
    ولدها خرب ولدي يدكتوره صرت عصبييييه والله اطق ولدي طققق الله لا يوريك

    لمحتلها اني متضايقه من ولدها بس مافيه فايده
    اذا ماجاء معاها جاء مع ابوووه اللي طبعا دااايما موجوود تحت

    والله يادكتوره فقدت السيطره على ولدي صار مايطعيني من هاللحين وهو عمره صغير اجل وشلون اذا كبر احسن ولدي صار يكهرني :confused:
    والله اكتبلك وانا ابكي قهررررررررررررررررررررررر رررررررر قهررررررررررررررررررر :confused:

    شوفيلي حل يادكتوره اهم شي ولدي ولدي يادكتوره جننننته بالضرب :confused::confused:

    انتضر ردك يادكتوره انا مالي الا الله ثم انتي الله يسعدك دنيا واخره يارب

  2. #2
    أخصائية اجتماعية
    تاريخ التسجيل
    13/05/2008
    الدولة
    البحرين
    المشاركات
    636
    شوفي الحل انك تصيري عضو في العصابة

    العصابة اقصد ابنك وانبها

    صيري صديقتهم يعني يوم تقرين لهم قصة ويوم تلعبين معاهم

    يعني تنزلين لعمرهم وتسوين حركاتهم ومع اللعب تعلمينهم الخطأ من الصح

    ودايما ً اقعدي مع ولدك وفهميه انه اللي يسوييه ولدها غلط والمفروض ما يسويه ولدك

    لا تقولين لي انه صغير وما يفهم لا ولدك يفهم ويستوعب وذكي جدا ً لا تخلينه هو اللي يربيك انتي ربيه

  3. #3
    عروس ماسية
    تاريخ التسجيل
    18/10/2008
    الدولة
    اللهم إنا نسألك.... زيادة في الدين...وبركة في العمر...وصحة في الجسد...وسعة في الرزق....وتوبة قبل الموت....وشهادة عند الموت....ومغفرة بعد الموت...وعفوا عند الحساب..ونصيبا من الجنة...وارزقنا النظر إلى وجهك الكريم...
    المشاركات
    9,554
    طيب وشلون اقعد معااااه اذا هو ينزل مع ابوه وامه ؟ انا يالله اجاري ولدي تبيني اجاااري ولدهم

    وحل باقي المشكله ؟ وين ؟

    جزاك الله الف خير

المواضيع المتشابهه

  1. مرحبا مرحبا انا جيت فهل من مرحب؟؟
    بواسطة noor 3ene في المنتدى الاستقبال
    مشاركات: 17
    آخر مشاركة: 16/02/2007, 11:42 AM
  2. ممكن ترحيب
    بواسطة red rose82 في المنتدى الاستقبال
    مشاركات: 15
    آخر مشاركة: 05/01/2007, 10:32 PM
  3. مشاركات: 11
    آخر مشاركة: 15/10/2005, 09:36 PM