السلام عليكم و رحمة الله و بركاته
شلونكم يا أحلى عرايس ... شخباركم؟
من زماااااان ما نزلت موضوع بهالركن الرائعو الحين قلت اذا بنزل لازم أنزل شي حلو و راقي بعد هالغيبة
المهم ... موضوعي عن موضة الشتاء - الخريف 2009
Fall / Winter 08-09
الصور تشرح نفسها ... و لاحظوا الموديلات الموديلات كلها أغلبها بسييييطة و ناعمة
هذه اهي الموضة الحين
و الموديلات الشائعة خلال هالموسم:
الـ mini dresses اللي تصير فساتين صغيرة الحجم و قصيرة
و أيضَا الـ maxi dresses هالفساتين الطويلة اللي ترجعنا لموضة السبعينات
جاكيتات الـ cardigan الجاكيتات الناعمة اللي يسمونها البنات (جاكيت توينز)
و مثل هالجاكيت لكن طويل و يوصل الي منتصف الفخذ
و الجاكيتات هذه بأنواعها تنلبس فوق الـ mini dress ^^ او الـ maxi dresses
أما الالوان كلها طبيعية و قوية نوعًا ما
مثل الأصفر و الأزرق و الفوشي و البنفسجي .. اللي اهو صاير ملك الالوان في هالموسم
الاكسسوارات
الاحذيه:
عادية مسطحة او بكعب .. لكن البوتات تكون بكعب عريض (سميك) متوسط الارتفاع
مقدمة البوت / الحذاء تكون دائرية
الحقائب:
جلدية بألوان قوية .. و مسكة الحقيبة تكون طويلة و جلدية
الحقائب .. تكون كبيرة او صغيرة (clutch)
أتمنى تكون هالملاحظات الخفيفة وضحت لكم اخر خطوط الموضة الاساسية خلال هالموسم
ملاحظة:
الموديلات الموجودة ما تناسب الجميع سواء من شكل الجسم او من ناحية الذوق .. لكن ممكن تاخذين الفكرة و تركبينها على طريقة لبسج المعتادة
و الفساتين اللي مع ليغينز .. ممكن تركبينها مع بنطلون اذا حسيتي انه فاضح
الليغينز يعجبني لكن مو للطلعة .. في بنات الله يهديهم يلبسونه للطلعة و شكلهم يصير غير حضاري!!
و هذه الصور
و هذه نهاية الصور اللي عندي و اذا تبون بعد ترى موجوووودين
و لا تنسوني من الردوووووود الحلوه
تحياتي للجميع
:9_28:
رد مع اقتباس
