روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 2 من 2

الموضوع: مشكلتي عاطفيـه ..

  1. #1
    عروس جديدة
    تاريخ التسجيل
    19/10/2008
    الدولة
    قطـر
    المشاركات
    3

    مشكلتي عاطفيـه ..

    السلام عليكم ...

    اختي او امي الاخصائية الاجتماعيــه ..

    انا ابي حل لمشكلتي ..

    انا احب لي شخص احبـه حبه كبيــر .. هو يبادلني نفس الشعور ..

    بس انا خربت الثقه اللي كانت من بينـا .. و فقد هالانســان الابـد ..

    وانا من بعد ضايعه مب عارفه شلون اقدر .. ارجعه لي ..

    تقولين مراهقــه بس هذا هو اللي صايــر ...

    تعبت اشرح حالي للغيــري ... كل يقولي اذا يحبج بيرجع لج ..

    بس الثقــه انكسرت بننا شلون يرجعي لي ..

    والله يا اختي انا تعبت واجد ابي حل للمشكله لانها وايد اثرت في نفسيتي

    ما صرت اعرف شاسوي غيــر اني ابكي طول يومي و ليلي

    ما اقدر اقعد اهلي ولا اروح مع صديقاتي مثل ما تععودت ...

    احب اقعد بروحي منعزله عن العالم ..

    والله انني اعترف بغلطي .. المشكله انا مخنته بس من خوفي عليــه اتصلت على

    بيته ما فكرت شنو المشكله اللي انا حطيتها فيــه ..

    قالي انت انسانه ما فكرتي الا في نفســج .. انتي خنتي الثقه اللي عطيتج ايها ..

    انا الحين شولن اقابل اهلي .. اخوي العود و لاا بوي .. شاقولهم

    يقولي تعلب على بنات الناس .. ليه

    اهلي ما يعوفن شنو انتي بالنسبه لي .. انتي خربتي كل شي

    انتي ذبحتيني

    انتي حطيتي في موقف صعب .. ما توقعت انج تسوي فني جذيه ..

    انا والله اني ندمانه ..

    محد فيهم حاس فيني ولا فاهم مشاعري حاطني العب ..

    والله انا قبلت اكون علاقه عاطفيه مع احد من البشر ..

    الا اني فعلا حسيت بانه انســان فاهم وعارف الصح من الغلط

    انا ابي حل ...

    والله اني احبــه ولا بي غيــره .. لانه هو الانســان الوحيد اللي اثق فيــه ..

    انا كتب لج المشكله ودموعي على خدي

    وهذا حالي و الله من قرر انه يفارقني


    كل الود
    مهــا قطــر

  2. #2
    أخصائية اجتماعية
    تاريخ التسجيل
    13/05/2008
    الدولة
    البحرين
    المشاركات
    636
    شوفي حبوبه

    انتي تقولين انج خنتي الثقة اي ثقة اللي تتكلمين عنها بس عشان انك اتصلتي على البيت والله العالم من اللي رد عليك

    هو وايد انسان جبان ولو فعلا ً يحبك ما يقول انك خنتي الثقة بالعكس كان المفروض يقول لاخوه ولا ابوه انه هذي البنت اللي انا اتمنى اني ارتبط فيها ويواجهم لما يرتبط فيج

    اسمحيلي اني اقولج انتي حبيتي سراب وثقتج فيه مو بمحلها

    انسيه وخليه يولي عنج وان شاء الله الله بيرزقج احسن منه وبالحلال بعد

    هذا انشان يبي يلعب ما يبي يرتبط والدليل انه مخلي علاقتكم بالخش وفي الظلام هو لو نيته صافيه كان تقدم واخطبج مو اول ما عرف انك اتصلتي على البيت فضها سيرة وقال خلاص

المواضيع المتشابهه

  1. مشكلتي هي أختي !!!
    بواسطة كويتيه از دل في المنتدى قضايا وحلول
    مشاركات: 16
    آخر مشاركة: 27/05/2006, 05:23 PM
  2. مشكلتي فخصري..........
    بواسطة الاميييره في المنتدى ركن العناية بالبشرة والجسم
    مشاركات: 7
    آخر مشاركة: 24/03/2006, 04:29 PM
  3. مشكلتي""""""مع ظهري الحقوني""""""
    بواسطة امورااا في المنتدى استفسارات العناية بالبشرة والجسم
    مشاركات: 4
    آخر مشاركة: 02/06/2005, 01:35 AM
  4. مشكلتي .... مشكلتي انا اهئ اهئ
    بواسطة غرووووووووب في المنتدى ركن العناية بالبشرة والجسم
    مشاركات: 18
    آخر مشاركة: 28/08/2002, 09:38 PM