روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 2 من 2

الموضوع: مقهوره من زوجي

  1. #1
    عروس جديدة
    تاريخ التسجيل
    24/02/2007
    الدولة
    في قلبه
    المشاركات
    11

    مقهوره من زوجي

    السلام عليكم


    تزعجني من زوجي صفات كثيره من اكبرها
    انه حاس بالنقص بيني وبينه لاني من عائله غنيه وهو من عائله فقيره
    وانا من النوع المتواضع يعني عمري ماجبت طاري الفلوس ولا اجيب له شيء يكسر خاطره
    ويثير مشاعره من هالناحيه وعمري مابينت له
    وعايشه على قد حالته
    بس هو حاسس بالنقص وكل يوم يقهرني اذا شاف عندنا شيء قال بسويه لاهلي
    مثلا شاف عندنا سايق قال بروح احط لاهلي سايق
    رغم اني متنازله عن الشغاله رأفه به ولا انا متعودة على الخدم عند اهلي كل عمري
    المشكلة تكمن في احساسه بالنقص مني يزعجني بهالاحساس
    وانه بس يفكر شلون يساوي اهله واخواته فيني
    مثلا مره شرولي اهلي لاب توب راح قال بشتري لاخواتي احسن منه واغلى منه

    مشكلة ثانيه
    اخوه توو متزوج وحده نفس حالتهم الماديه ومتكبره عليهم وماتسلم عليهم
    ومع كذا يحترمونها اكثر مني ويعملوا لها الف حساب
    وانا بس يعايروني وينتقدوني ويحطون من قدري
    ويبون يحسسوني هم وزوجي اني ما اسوى شيء
    غير كذا اني افكر ازورها واعطيها هديه بعد الزواج وهي ماتبيني اجيها
    واستحي لما الناس يسألوني اديتي الواجب مع حماتك؟
    هي وزوجها يحرضون زوجي يتزوج علي:confused:


    مشكله ثالثه
    زوجي ثرثار بس يقول لاهله اسراري


    مشكلة رابعة
    امه تغار مني بالمره استخدمت معها شتى الطرق ومانفع
    والله اجيب لها هدايا بالهبل ماجبتها لامي ولا هي راضيه عني
    وبس تحرض زوجي علي بكل صغيره وكبيره
    وهي معتبره زوجي زي زوجها ماتناديه الا حبيبي وتغااااار حتى بالشيء البسيط

    مشكله خامسه
    دايم اجيب له هدايا وهو مايجيب لي واذا جاب لي اكتشف انه مهدي نفس الهديه لاخته او امه قبلها بشهرين او مده طويله
    مثلا مره اهدى لي ساعه اكتشف بالصدفه انه اهدى نفسها لاخته قبل شهرين تخيلي!!


    مشكله سادسه
    انا من تزوجت صار لي سنه وشهرين وماجبت عيال والشهر هذا وعالجت قالت لي الدكتورة
    الشهر هذا فيه احتمال كبير اني احمل
    مدري ارجع له ولا اجلس عند اهلي احسن قبل لا ارتبط بعيال من هالزوج!!
    تكفين ساعديني بالحال

  2. #2
    عروس جديدة
    تاريخ التسجيل
    24/02/2007
    الدولة
    في قلبه
    المشاركات
    11
    لو سمحتم اريد حذف هذه المشاركه!!

المواضيع المتشابهه

  1. صقره مقهوره
    بواسطة صقره في المنتدى قضايا وحلول
    مشاركات: 16
    آخر مشاركة: 28/06/2008, 10:20 PM
  2. مقهوره...............؟؟؟؟؟؟؟
    بواسطة حرمه قلبها اماراتى في المنتدى قضايا وحلول
    مشاركات: 11
    آخر مشاركة: 12/12/2007, 01:11 AM
  3. كاكاو .. مقهوره
    بواسطة كاكاوبالحليب في المنتدى الهواتف النقالة
    مشاركات: 3
    آخر مشاركة: 30/09/2007, 10:27 PM
  4. انا مقهوره وايد
    بواسطة شهادة في المنتدى استفسارات أفكار و خبرات
    مشاركات: 6
    آخر مشاركة: 09/04/2006, 05:49 AM
  5. هالمره مقهوره من حاجه غير :(
    بواسطة مقهوره في المنتدى قضايا وحلول
    مشاركات: 26
    آخر مشاركة: 01/10/2003, 09:29 AM