روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 20

الموضوع: نصيحة قبل التجهيز

  1. #1
    عروس نشيطة
    تاريخ التسجيل
    06/10/2006
    الدولة
    البحرين
    المشاركات
    126

    نصيحة قبل التجهيز

    السلام عليكم ورحمة الله

    اخواتي من كثر ما شفت مواضيع موجودة هني ومن كثر شغفنا بالمولود اللي نبغي نشتري له كل شيء

    حبيت الفت انتباهكم لشغلة مهمة

    لاحظت ان اغلب المواضيع اللي حق التجهيز ماشاء الله على الامهات الغاليات مشترين ثياب شكثر على مواليدهم من 0-3 او من 3-6 وانا بعد مثلكم اشتريت واشتريت لين ماقلت بس ولو على خاطري شريت كل اللي بمحلات الاطفال حق مولودي الجاي

    هالنقطة كان المفروض انتبه لها من البداية قبل لا اشتري الثياب لانها اكثر شيء راح تستخدمينه لفترة محدودة والجاهل كل اسبوع اسبوعين الا واهو كبر وتغير حجمه فحرام تضيع الثياب على لبسة او لبستين

    اخذت هالتجربة من زوجة اخوي اللي توها والد من 3 اشهر وماشاء الله نص الثياب اللي اخذتها للبنوتة مالبستهم اياها وفيه بدلات لبستهم على مرة او مرتين

    وكل فترة واهي ناطة السوق و المجمعات تشتري ثياب جديدة تناسب حجم البنوتة

    والله كل يوم انشر ثياب مولودي الجاي ( ادعولي بالتسهيل ) واتأسف اني اخذتهم كلهم مقاس 0-3 او 3-6 ويمكن البسه اياهم ويمكن لا

    فحبيت افيدكم قبل لا تسحركم اشكال والوان الثياب بالمجمعات وخذوا لمواليدكم الجدد مقاسات كبيرة عشان ماتطيح بجبدكم

    وربنا يسهل علي وعليكم

    ادعوا لي ان ربي يرزقني جنين معافى ويسهل لي بولادتي قريب

  2. #2
    عروس جديدة الصورة الرمزية war2009dah
    تاريخ التسجيل
    07/10/2008
    الدولة
    البحرين
    المشاركات
    12
    الله يسهّل عليش أختي وتقومين بالسلامة

    اني اشاركش الراي في كل اللي قلتيه , واني جهّزت لمولودي ثياب

    وأطقم قبل لا أولد , لكن كمية بسيطة تكفيه هالثلاث شهور بس

    بس ماكثرت منهم لأني عارفه هالسالفه بتصيدني بالذات إن عندي اولاد قبل

    ومربيه وشايفه شلون الملابس تبقى وتتكدس خساره

    أضم صوتي معاج بالراي

  3. #3
    عروس مبدعة
    تاريخ التسجيل
    03/10/2006
    الدولة
    الامارات
    المشاركات
    622
    الله يسهل عليج وعلينا الولادة ان شاء الله

    وكلامج صح 100 %

  4. #4
    عروس ماسية الصورة الرمزية ملاذ الطير 79
    تاريخ التسجيل
    11/01/2005
    الدولة
    ღبقلب أغلى إنسان بالدنياღ
    المشاركات
    4,366






    كلامج صحيح اختي بس شوفي حسب كل ياهل وجسمه
    انا مرت حميي بنتها الحين سنة و3 شهور بس والله للحين تلبسها بجامات بيبي شوب مقاس من 0-6
    من كثر ما هي ضئيلة وقزومة وفساتينها مال 6 شهور مع انها هي ما تعتبر ضعيفة بس قصيرونة
    الما كانت 6 شهور تلبس افرولات المسكرة مقاس اصغر عنها هذا يعتمد كل وحدة وجسمها
    يعني انا اختي كثرت لها لانه اصلا بنتها ضعيفة والثياب راح اطول وياها ان شاءالله فيعتمد على صحة الطفل






  5. #5
    عروس رائعة الصورة الرمزية هامة العز
    تاريخ التسجيل
    05/07/2004
    الدولة
    السعوديه. الدمام
    المشاركات
    1,321
    كلامك سليم وزي ماقالت لي الماما

    انا ماكثرت بس اخذت حق الاربعين اشياء بسيطه

    الله يهون على الجميع

    مشكوره

  6. #6
    عروس نشيطة
    تاريخ التسجيل
    25/05/2008
    الدولة
    قطر
    المشاركات
    180
    مشكوره حبيبتي على النصيحه الحلوه بس أنا راح أشتري أوردي شويه عشااان أنا يااتني هداايه شكثرحق البيبي من خلاته و عماااته خخخخخخ

  7. #7
    عروس نشيطة الصورة الرمزية ملكةالاحاسيس
    تاريخ التسجيل
    22/05/2008
    الدولة
    uae
    المشاركات
    101
    كلامج صح وربي يسهل علينا وعليج

  8. #8
    عروس مشرقة
    تاريخ التسجيل
    25/01/2007
    الدولة
    دبي.. دار الحي :)
    المشاركات
    340
    مشكوره
    و الله يسهل على كل الحوامل...

  9. #9
    عروس ماسية
    تاريخ التسجيل
    18/03/2008
    الدولة
    الخـــبـــــــــــــر
    المشاركات
    3,708
    كلامك صح ... أنا يوم بديت أجهز سألت الوالده الله يخليهاااا لي ان شاءالله

    وقالت لي مثلاً من بداية ولادة البيبي إلى ان يطيح سره ماراح تلبسينه إلا الأثواااب الفضفاضه عشان مايعوره السر وبعدهااا بيلبس الافرولات والبيجامات القطعتين .. وانهم يصغرووون بسرعه فماكثرت خذت على خفيف وان إحتجت الأسواااق موجوده ..

  10. #10
    عروس نشيطة
    تاريخ التسجيل
    06/10/2006
    الدولة
    البحرين
    المشاركات
    126
    [quote=war2009dah;7413731]الله يسهّل عليش أختي وتقومين بالسلامة

    الله يسهل على الجميع ان شاء الله اخت وردة يعني زين عندش خبرة من قبل بس احنا متخرعين ونبغي نشتري كل شيء علشان جدي شفت اني انبه على هالموضوع قبل لا يطيح الفاس بالراس

  11. #11
    عروس مشرقة
    تاريخ التسجيل
    27/05/2008
    الدولة
    في قلــــــــــ بوشادن ــــب
    المشاركات
    416
    صادقة انا ببنتي شدووون من فرحتي فيها اول مولود لي ماتم شي ماشريت ...

    اول لابستها ثالث اسوع صكوا ....يكبر الطفل بسرعه ...

    هالمرة ماراح اشتري ...كثير ,,,

  12. #12
    عروس مشرقة الصورة الرمزية الموناليزا
    تاريخ التسجيل
    11/06/2002
    الدولة
    قــــطــر
    المشاركات
    424
    الله يسهل علينا جميعا يارب بالنسبه لكلامج صح 100 بالميه وهذا اللي طبقته لحملي الثاني

    الله يقومنا بالسلامه .

  13. #13
    عروس برونزية الصورة الرمزية نبعه الريحان
    تاريخ التسجيل
    27/04/2003
    الدولة
    الشرقيه
    المشاركات
    1,806
    كلامج صح...


    وهدي غلطتي شريت واااااااااااااااايد وفي اشياء مالبستهم ولا مررررررره....

  14. #14
    عروس نشيطة الصورة الرمزية أريـــن
    تاريخ التسجيل
    13/08/2008
    الدولة
    في الممر سائرة نحو المقر
    المشاركات
    102
    أنا معاك بكل كلمة قلتيها أختي
    أنا اشتريت ملابس صحيح بس مقاسات مختلفة
    0 _ 3 أخذت منه قليل وبأسعار معقولة مو غالية لأن الطفل راح يكبر ان شاء الله بسرعة
    وحرام على قولتك أكثر منها يعني راح تنلبس القطعة تقريبا 4 الى 5 مرات وهذا مناسب
    هذي نقطة
    النقطة الثانية انك اذا كثرتي وطلعتي من الأربعين أتحداك ماتشترين أشياء ثانية
    لازم بتروحين السوق وبتشترين ليه الخسارة والشراء مرتين على أشياء مو ملبوسة
    صح لسانك أختي

  15. #15
    عروس متألقة
    تاريخ التسجيل
    18/04/2004
    الدولة
    َQatar
    المشاركات
    216
    اي والله اختي عدل كلامج بولادتي الاولى شكثر خذت ثياب وما خليت شي بخاطري ماخذته واخرتها بعدين وزعتهم

    وان شاء الله بالولاده الثانيه ماراح اكثر باخذ الاشياء المهم بس ولاراح اكثر

    والله يسهل علينا يارب ويرزق كل وحده يارب

صفحة 1 من 2 12 الأخيرةالأخيرة

المواضيع المتشابهه

  1. نصيحة لأختكم .. جديدة في المنتدى و أبي نصيحة الخبيرات
    بواسطة ihf في المنتدى النساء و الحمل و الولادة
    مشاركات: 5
    آخر مشاركة: 19/03/2007, 11:42 AM
  2. نصيحة نصيحة من اختكم قبل لايفوت الفوت؟؟؟؟؟؟؟؟؟؟؟؟؟؟؟؟؟؟
    بواسطة دلوعة قمر في المنتدى ركن العناية بالبشرة والجسم
    مشاركات: 15
    آخر مشاركة: 09/10/2006, 06:46 PM
  3. نصيحة نصيحة نصيحة لكل غاليه
    بواسطة بنت ديره في المنتدى مجلس بنات عروس الثقافي
    مشاركات: 1
    آخر مشاركة: 28/08/2003, 11:50 AM